BIMBINGAN PA MAMRE TANGGAL, 12 APRIL - 18 APRIL 2026

Ngkelengi Tuhan Ras Mehamat Man Bapa Nande

Ogen : Keluaren 20:1-12

1 Ngerana Dibata, janah enda me KataNa,

2"Aku kap TUHAN Dibatandu, si maba kam ndarat i Mesir nari, inganndu iperbudak.

3 Ula isembahndu dibata-dibata si deban, tapi sembah lah Aku.

4 Ula ibahanndu gana-gana tah gambar-gambaren kerna kai pe si lit i datas langit, i doni, ntah pe si i bas lau i teruh doni.

5 Ula kam erjimpuh man gana-gana ntah pe ersembah ku je, sabap Aku kap TUHAN Dibatandu si percemburu. Asa kai kalak si ernembeh ate man bangKu Kuukum ia, ras anak-anakna, seh ku kesusurenna si peteluken ras si peempatken.

6Tapi tetap Kukelengi kalak si engkelengi Aku ras si ngikutken undang-undangKu, seh kempak meribu-ribu kesusuren.

7 Ula ipakendu gelarKu guna tujun si jahat, sabap Aku TUHAN Dibatandu, la banci la ngukum asa kai kalak si nalah gunaken gelarKu.

8 Inget wari Sabat janah pebadiaken lah wari e.

9 Enem wari arus kam erdahin guna ndahiken dahinndu;

10 tapi wari si pepituken eme sada wari pengadi-ngadin si man persembahenken man bangKu saja. I bas wari e, ise pe la banci erdahin: kam, anak-anakndu, budak-budakndu, asuh-asuhenndu, bage pe kalak pertandang si ringan i bas negerindu.

11 Sabap i bas enem wari Aku TUHAN nggo njadiken doni, langit, lawit, ras kerina isina, tapi i bas wari si pepituken ngadi Aku. Em sabapna maka Kupasu-pasu wari Sabat janah Kupebadiaken wari e.

12 Mehamatlah man bapandu ras nandendu, gelah banci kam ndekah nggeluh i bas negeri si Kubereken man bandu pagi.

 Keluaran 20:1-12

1 Lalu Allah mengucapkan segala firman ini

2 "Akulah TUHAN, Allahmu, yang membawa engkau keluar dari tanah Mesir, dari tempat perbudakan.

3 Jangan ada padamu allah lain di hadapan-Ku.

4 Jangan membuat bagimu patung yang menyerupai apapun yang ada di langit di atas, atau yang ada di bumi di bawah, atau yang ada di dalam air di bawah bumi.

5 Jangan sujud menyembah kepadanya atau beribadah kepadanya, sebab Aku, TUHAN, Allahmu, adalah Allah yang cemburu, yang membalaskan kesalahan bapa kepada anak-anaknya, kepada keturunan yang ketiga dan keempat dari orang-orang yang membenci Aku,

6 tetapi Aku menunjukkan kasih setia kepada beribu-ribu orang, yaitu mereka yang mengasihi Aku dan yang berpegang pada perintah-perintah-Ku. 

7 Jangan menyebut nama TUHAN, Allahmu, dengan sembarangan, sebab TUHAN akan memandang bersalah orang yang menyebut nama-Nya dengan sembarangan. 

8 Ingatlah dan kuduskanlah hari Sabat: 

9 enam hari lamanya engkau akan bekerja dan melakukan segala pekerjaanmu,

10 tetapi hari ketujuh adalah hari Sabat TUHAN, Allahmu; maka jangan melakukan sesuatu pekerjaan, engkau atau anakmu laki-laki, atau anakmu perempuan, atau hambamu laki-laki, atau hambamu perempuan, atau hewanmu atau orang asing yang di tempat kediamanmu.

11 Sebab enam hari lamanya TUHAN menjadikan langit dan bumi, laut dan segala isinya, dan Ia berhenti pada hari ketujuh; itulah sebabnya TUHAN memberkati hari Sabat dan menguduskannya.

12 Hormatilah ayahmu dan ibumu, supaya lanjut umurmu di tanah yang diberikan TUHAN, Allahmu, kepadamu.

Tujun : Gelah Mamre

1. Meteh uga cara ngkelengi Tuhan ras mehamat man bapa nande rikutken teks
2. Ngelakoken Paskah arah erbahan aksi man Saitun

Metode : Diskusi ras Aksi

I. KATA PENARUH

Saitun eme salah sada kategorial ibas Gereja GBKP. Ibas tanggal 15 April 2015, enggo itetapken Saitun jadi kategorial nandangi perpulungen si enggo lanjut usia. Sehubungan ras rangkaian acara Paskah GBKP, iajuk me Mamre lako ngidah lias dingen keleng ate Tuhan man manusia janah merespon keleng ate Tuhan alu nggeluh sikeleng-kelengen ibas Tuhan. Salah sada carana eme alu encidahken kinihamaten man orangtua. Guna empengasup Mamre ibas encidahken kehamaten man orangtua, ibabai me Mamre arah bahan PA alu tema, Ngkelengi Tuhan Ras Mehamat Man Bapa Nande, erpalasken Keluaren 20:1-12.

II. URAIAN TEKS

Kitab Keluaren 20:1-12 eme bagin ibas sepuluh pedah Dibata nandangi bangsa Israel tupung bangsa Israel ibas perdalinen i gurun pasir ku Taneh Kanaan (bnd. Kel. 20:1-17). Dibata mereken sepuluh Pedah Dibata man Musa i deleng Sinai, alu tujun guna ngaturken kegeluhen bangsa Israel segelahna tetap ngasup nggeluh bagi si ngena ate Tuhan. Rikutken sepuluh pedah Dibata enda, pedah Dibata si pemena seh asa sipeempatken eme pedah Dibata si ngaturken hubungen bangsa Israel ras Dibata. Segelah bangsa Israel encidahken kehamaten man Dibata. Janah pedah Dibata sipelimaken seh asa pesepuluhken ngatur hubungen antara sesama manusia. Enem-na pedah enda tujunna eme gunanegakken kebenaren ibas geluh manusia. Ibas menaken pedah sienem e, sipemenana ipeseh eme pedah guna encidahken kehamaten man orangtua. Ibas Padan Si Mbaru, sepuluh Pedah enda irakut jadi dua, eme guna engkelengi Tuhan Dibata bagepe teman Manusia (Mat. 22:37-39) Rikutken Keluaren 20:1-12 enda lit 2 poin penting si itekanken, eme:

1. Engkelengi Tuhan Dibata Selaku anak-anak Dibata tentu kita harus encidahken kinihamatenta man Dibata. Ibas kita encidahken kinihamatenta man Dibata lit 4 hal si harus ilakoken, eme nembah Dibata alu bulat ukur, ula nembah gana-gana, ula pake gelar Dibata guna erbahan jahat ras pebadiakenlah wari Sabat. Sie kerina idalanken labo guna ndatken keselamaten idur Dibata nari, tapi guna ngerespon karya keselamaten si enggo ibereken Dibata man banta.
2. Engkelengi Teman Manusia (Bapa ras Nande) Salah sada cara engkelengi teman manusia eme alu engkelengi bapa ras nande. Eme pedah simendasar ibas nehken keleng ate man teman manusia. Erkiteken bapa ras nande eme wakil Dibata ibas doni enda. Alu tangkas pe ituriken ibas ayat 12, "Mehamatlah man bapandu ras nandendu, gelah banci kam ndekah nggeluh i bas negeri si Kubereken man bandu pagi." Kinihamaten man orangtua jadi palas guna ndatken kesangapen ibas geluh.

III. PENGKENAINA

Dibata enggo encidahken keleng atena man banta alu mereken AnakNa Si Tonggal guna nebus dosa-dosa dosa-dosanta. Kita si arusna iukum erkiteken dosanta enggo iperdameken ras Dibata. Ibas Dibata enggo encidahken keleng ateNa man banta, marilah sicidahken ka keleng ateta nandangi bapa ras nandeta. Ibas umurna si enggo lanjut bahanlah kehadirenta jadi penampat man bana. Ingetlah maka orangtuata pe enggo leben engkelengi ras nampati kita anak-anakna. Kinihamaten man orangtua eme buah kinitekenta man Dibata. Arah caranta encidahken kinihamatenta man orangtua, teridah buah kinitekenta. Ipasu-pasu Dibata geluh anak si mehamat man

orangtuana. Erdandanken sie, cidahkenlah kinihamatenta man orangtuanta. Arah HUT Saitun si pe-11 tahunken enda, marilah sikelengi ka kerina orangtua si lit ibas jabu, gereja bagepe isekelewetta. Jadilah anak-anak Dibata si ipakeken Dibata lako nehken keleng ateNa man orangtuata Saitun. Ingetlah maka usia yang muda pasti akan menua. Kita si gundari nguda pe kedungenna metua. Nggeluhlah kita siergan ras sikeleng-kelengen ibas Tuhan.

IV. DISKUSI

1. Rikutken teks PA enda engkai makana kita harus mehamat man Bapa ras Nande?
2. Turiken uga cara nuduhken kehamaten man bapa ras nande?

Aksi Bahanlah perayan ulangtahun Saitun i tengah-tengah Gerejata.

USULEN ENDE-ENDEN :

1. KEE GBKP No. 399:1-2
2. KEE GBKP No. 307:1-2
3. KEE GBKP No. 345:1-2
4. KEE GBKP No. 315:1 (Persembahen)

Pdt. Berandes Ginting, S.Th., M.Psi.