BIMBINGAN PA MAMRE Tanggal 18 OKTOBER - 24 OKTOBER 2026

Mereksa Ras Nguji Diri

Ogen : 2 Korinti 13 : 1-10

1 Enda me petelu kaliken ateku reh ndahi kam. I bas Pustaka Si Badia lit tersurat, "Tep-tep pengadun maka banci esah arus lit dua tah telu kalak saksina."

2 Lit si man katankenku man bandu, kam si nggo erbahan dosa i bas paksa si nggo lewat, bage pe man kerina kalak si deban. Sanga kerehenku si pedua kaliken nggo kukataken e man bandu, janah genduari pe tupung aku la ras kam, kupersingeti ka maka adi reh ka aku, kerina kalak si erbahan dosa i bas paksa si nggo lepas la banci pulah i bas ukumen nari.

3 Tupung si e pagi idatndu nge bukti si ipindondu e, maka Kristus ngerana kap arah aku. Adi Kristus erbahan tindaken man bandu, labo Ia la megegeh, tapi IcidahkenNa GegehNa i tengah-tengahndu.

4 Tuhu asum Ia ipakuken ku kayu persilang seh mate, Ia la kap ergegeh, tapi Ia nggeluh erdandanken gegeh Dibata. I bas persadan ras Ia, kami pe la kap ergegeh; tapi i bas dahin kami guna kam, kami pe nggeluh ras Kristus erdandanken kuasa Dibata.

5 Pereksalah man bandu: tuhu-tuhu kin kam erkiniteken? Ujilah man bandu! Ntah la kin ietehndu maka Jesus Kristus ringan i tengah-tengahndu? -- Pala la kin kam menang i bas ujian e.

6 Kuarap ietehndu maka kami jine labo talu i bas ujian e.

7 Ertoto kami man Dibata gelah ula ibahanndu si salah -- labo gelah teridah maka kami nggo menang i bas pengujin e, tapi gelah banci idalankenndu si mehuli, aminna pe tempa teridah kami talu i bas ujian e.

8 Sabap la kami ngasup ngelawan kebenaren, tapi ngikutkenca ngenca maka kami ngasup.

9 Senang nge ukur kami bicara la gia kami ergegeh, asal kam megegeh. Erkiteken si e ertoto kami man Dibata maka kam mehuli ka mulihken.

10 Perbahan si eme maka kubahan surat enda man bandu asum ndauh denga kita sirang; gelah pagi kenca aku reh, la pedah kasar perbahanenku i bas makeken kuasa si nggo ibereken Tuhan man bangku, kuasa si gunana mbangun kam, labo ngeruntuhken kam.

2 Korintus 13 : 1-10

1 Ini adalah untuk ketiga kalinya aku datang kepada kamu: Baru dengan keterangan dua atau tiga orang saksi suatu perkara sah.

2 Kepada mereka, yang di masa yang lampau berbuat dosa, dan kepada semua orang lain, telah kukatakan terlebih dahulu dan aku akan mengatakannya sekali lagi--sekarang pada waktu aku berjauhan dengan kamu tepat seperti pada waktu kedatanganku kedua kalinya--bahwa aku tidak akan menyayangkan mereka pada waktu aku datang lagi.

3 Karena kamu ingin suatu bukti, bahwa Kristus berkata-kata dengan perantaraan aku, dan Ia tidak lemah terhadap kamu, melainkan berkuasa di tengah-tengah kamu.

4 Karena sekalipun Ia telah disalibkan oleh karena kelemahan, namun Ia hidup karena kuasa Allah. Memang kami adalah lemah di dalam Dia, tetapi kami akan hidup bersama-sama dengan Dia untuk kamu karena kuasa Allah.

5 Ujilah dirimu sendiri, apakah kamu tetap tegak di dalam iman. Selidikilah dirimu! Apakah kamu tidak yakin akan dirimu, bahwa Kristus Yesus ada di dalam diri kamu? Sebab jika tidak demikian, kamu tidak tahan uji.

6 Tetapi aku harap, bahwa kamu tahu, bahwa bukan kami yang tidak tahan uji.

7 Kami berdoa kepada Allah, agar kamu jangan berbuat jahat bukan supaya kami ternyata tahan uji, melainkan supaya kamu ini boleh berbuat apa yang baik, sekalipun kami sendiri tampaknya tidak tahan uji.

8 Karena kami tidak dapat berbuat apa-apa melawan kebenaran; yang dapat kami perbuat ialah untuk kebenaran.

9 Sebab kami bersukacita, apabila kami lemah dan kamu kuat. Dan inilah yang kami doakan, yaitu supaya kamu menjadi sempurna.

10 Itulah sebabnya sekali ini aku menulis kepada kamu ketika aku berjauhan dengan kamu, supaya bila aku berada di tengah-tengah kamu, aku tidak terpaksa bertindak keras menurut kuasa yang dianugerahkan Tuhan kepadaku untuk membangun dan bukan untuk meruntuhkan.

Tujun : Gelah Mamre :

1. Meteh maka Paulus mpersingeti Perpulungen Korinti ibas mereksa dirina man Tuhan
2. Mengevaluasi perdalanen Mamre bagepe erbahan tekad gelah rehulina persadan Mamre

Metode : Diskusi

I. KATA PENARUH

Googgle Maps merupaken sada aplikasi si ibutuhken ibas jamanta enda. Alu aplikasi enda maka tiap kalak lanai mesera nari ndarami sada ingan, aminna gia ia langa pernah reh ku ingan e, dijamin la papak. Kata kunci ibas sie situhuna eme maps (=peta). Jadi adi nggo lit peta maka e pasti memudahkan perdalanenta menuju ku ingan tujunta e.

Bage me bahan oratenta sendah, bas perpulungen Korinti mbue kal persoalen si terjadi. Janah Paulus labo sekali ntah dua kali reh guna ndungi persoalen si lit e. Ibas rencana kerejhenna sipeteluken, Paulus mereken peta si jadi petunjuk guna pesikap dingen ndungi persoalen e. Tandailah bandu, perlu pereksa ras nguji diri si kedungenna mabai kerina perpulungen menuju tujuan akhir nggeluh erkiniteken eme ersda ras Tuhan. Guna mpebagesi pengankanta, mari si siksiki bahan renungenta.

II. URAIAN TEKS

Bahan oratenta rencana Paulus reh petelukaliken ku Korinti, hal enda berhubungan kerna pengadun-pengadun piga-piga anggota perpulungen man bana (ay 1). Tentuna hal enda sehubungan kerna persoalen-persoalen si turah ibas perpulungen e. Ibas kerehenna si peteluken enda Paulus alu tegas mereken persinget si bernada ancamen man kalak Korinti. Ate Paulus gelah perpulungen e nggeluh bagi siisuraken Tuhan bagepe ngaloken kuasaNa. Secara garis besar bahan oratenta banci ibagi kubas 3 (telu) pokok pikiren eme :

1. Kalak si erban dosa la pulah bas ukumen nari (ay 2-4).

Ijenda Paulus ningetken kerna paksa si nggo lewat, maka kerina kalak si erbahan dosa i bas masa si nggo lepas la banci pulah ibas ukumen nari. Alu kata sideban tandailah ise kam ibas adepen Tuhan. Hal enda berhubungan ibas teks sebelumna eme : la nggit jera, erlagu la mehuli, erlua lua, dingen ndalanken perbahanen si la meteh mela (2 Kor.12:21). Alu mulihi ngataken hal enda maka Paulus tuhu tuhu mereken perhatin khusus man kalak Korinti. Ntah pe sebagai pengurus/pemimpin maka Paulus tuhu tuhu 'sangat prihatin' nandangi kegeluhen perpulungen e. Sebab ibas pendungina pagi lit ukumenna (konsekwensi) ibas kai siilakokenna paksa si lepas bagepe gundari. Bagepe ibas kegeluhen si teptep wari hal enda sangat menentukan ernanam ntah la ernanam persadanta ras Tuhan.

2. Pereksalah bandu, gelah idalankenndu si mehuli (ay 5-7)

Guna nandai ras meteh kerna dirinta maka Paulus nuruh man peprulungen e gelah 'pereksalah bandu'. Alu kata enda Paulus menegasken gelah tep tep kalak si erkiniteken mulihi mereksa dirina, labo mereksa diri kalak. Pesikap diri sendiri guna meteha ntah lit si kurang, si man pekenan. Paulus ngataken maka hal enda tujunna gelah la talu bas ujin, labo sekedar menang tapi pe idalankenndu si mehuli. Alu 'pereksalah bandu', ate Paulus gelah perpulungen e semakin dewasa ibas mpekena diri, fokus ibas kegeluhenna si dem alu kiniteken man Tuhan

3. KuasaNa guna mbangun labo ngeruntuhken (ay 8-10)

Ibas bagin akhir enda, Paulus nuiken kerna pengarapenna man perpulungen maka jera perpulung enda ras mulih man Dibata. Bagepe ibas perjumpaan anatara Paulus ras perpulungen terjadi si mehuli. La pedah kasar perbahanenku ibas makeken kuasa Tuhan man bangku, kuasa si gunana mbangun kam, labo ngeruntuhken kam. Kata Paulus enda bernada 'ancaman' man kalak Korinti adi la patuh ras setia man Dibata. Tapi Paulus pe ningetken maka labo e maksudna, sebaliknya gelah Paulus nuriken gelah Kuasa Tuhan e tuhu tuhu mbangun perpulungen e.

III. PENGKENAINA

Ibas ndalani kegeluhen si teptep wari, mbue kal persoalen-persoalen si reh nderpa kegeluhenta. Terlebih selaku Mamre sebage 'Kepala Keluarga' ras Imam bas jabu, perlu kal tetap si jaga persadanta ras Tuhan, gelah banci ngalaken kerina persoalen-persoalen si reh e. Arah bahan oratenta, Paulus ningetken pentingna nggeluh ersada ras Tuhan. Erkawiten ras sienda, bagepe sue ras temanta : Mereksa ras Nguji Diri maka lit piga piga pokok renungen man banta :

1. Jeralah gelah pulah bas ukumen

Jera merupaken 'pintu masuk' kubas persadaan ras Tuhan. Bagi siisingetken Paulus man perpulungen Korinti. Jera labo sekedar pengakuan bas biber saja, tapi arus iikuti alu perbahanenta sebage kalak si tek man Tuhan. Alu la sisedari maka ibas perdalanen waktu nai seh gundari erkiteken buena perbeben-perbeben si nderpa erbahanca kita nggo papak. Paulus ningetken gelah jera, mulih kempak Tuhan. Sebab kalak si erdosa la pulah bas ukumen nari. Jadi kerna hal si nai seh gundari arus ipesikap gelah bas waktu si pagi pulah bas ukumen. Enda hal si mendasar arus jadi bas geluhta.

2. Pereksalah ras ujilah bandu (evaluasi diri)

Bagi siisehken Paulus man perpulungen Korinti, mereksa ras nguji diri merupaken hal penting ibas meteh kerna situasi ras keadaan kinitekenta. Nggo nge payo si lakoken kita ntah lang? Tuhu enggo pas kesimpulen si kuban? Ras sidebanna. Bas bagin enda lit 2 hal silakoken eme : mereksa ras menguji.

1. Adi mereksa maka pereksa dingen bandingken ras si tersurat/siipedahken nggo payo ntah lit denga kurangna. Adi kurang pesikap alu nambahi kurangna, ntah adi melebesa maka kurangi uga payona.
2. Adi nguji berarti kai si nggo jadi kesimpulen(si nggo ipereksa, peraten Tuhan) maka lakoken bas geluhta janah tetap pertahanken ibas kerina dampar situasi. Fokusna eme tetap kubas peraten Dibata,labo peraten manusia.

3. Gegeh Tuhan mpesikap kekurangenta

Bagin enda merupaken kelanjuten ibas uji diri. Ibas teks Paulus nuriken kerna hal-hal si ialamina : la kami ngasup, la kami ergegeh. Tapi ibas persadanna ras Tuhan maka kerina kekurangan/kelemahen e dungna ipesikapNa. Lalit si la metahat, kerina banci ibentasi. Bage me kepe adi kita pe tetap mengandalken Tuhan, gegehNa mpesikap kekurangenta.

4. Pake kuasa Tuhan mbangun perpulungen labo meruntuhken (bangun tekad)

Bas bagin akhir, aplikasi gegeh Tuhan si jadi bas geluhta merupaken bukti kuasa Tuhan bas dirinta. Kerina enda jadiken guna mbangun perpulungen alu tekad ntah spirit si gurlah (menyala), labo jadi kesombongen rohani. Pengalamen-pengalamen rohani sangat erguna ibas mpetetap ikur sapih sapih Mamre, gelah tetap tergejap man banta maka kuasa Tuhan lit bas kita ras radu ras kerina banci ndatken kuasa Tuhan e.

IV. DISKUSI

1. Oge ayat 5, kai maksud Paulus ngataken hal enda man perpulungen Korinti?
2. Sue ras bahan oratenta, selaku Mamre kai dage tekadndu ibas bangun perpulungen bas inganndu tading? Turiken masing-masing dingen saksikenlah maka tekad enda pasti ilakokenndu.

USULEN ENDE-ENDEN :

1. KEE GBKP No. 62 : 1,2
2. KEE GBKP No. 307 : 1,2
3. KEE GBKP No. 54 : 1-3
4. KEE GBKP No. 249 : 1 (Persembahen)

Pdt Darius R. Sembiring MTh