Erberita

BIMBINGAN PA SAITUN GBKP TAHUN 2026

TANGGAL, 18-24 Oktober 2026

Ogen : Matius 5:13-16

Indonesia:

[13] ”Kamu adalah garam dunia. Jika garam itu menjadi tawar, dengan apakah ia diasinkan? Tidak ada lagi gunanya selain dibuang dan diinjak orang.

[14] Kamu adalah terang dunia. Kota yang terletak di atas gunung tidak mungkin tersembunyi.  

[15] Lagipula orang tidak menyalakan pelita lalu meletakkannya di bawah gantang, melainkan di atas kaki dian sehingga menerangi semua orang di dalam rumah itu.  

[16] Demikianlah hendaknya terangmu bercahaya di depan orang, supaya mereka melihat perbuatanmu yang baik dan memuliakan Bapamu yang di sorga.”

Karo:

[13] “Bagi sira si seh kal perluna guna pangan, bage pe kam nandangi kerina manusia. Tapi adi sira e lanai masin, lanai banci ibahan masin mulihi. Sira e lanai erguna, e maka iambekken jenari idedehi kalak.  

[14] Bagi terang si seh kal perluna i bas gelap, bage pe kam nandangi doni enda. Kuta si lit i das uruk la banci lang teridah.

[15] Labo isagani kalak lampu kenca bage itutupina alu tumba; tapi itamakenna ku datas nahe pertendangen, gelah terang iakap kalak kerina si lit i bas rumah e.  

[16] Dage, ersinalsal lah min terangndu i lebe-lebe kalak si nterem gelah adi idahna perbahanenndu si mehuli, ipujina Dibata, Bapandu si i Surga.”

Tema: Erguna Man Kalak Sinterem

Tujunna:

Gelah Saitun:

·       Meteh maka arah Kristus ia enggo jadi sira ras terang

·       Erlumba jadi sira ras terang bas jabu, Gereja ras masyarakat

Metode: Kesaksin

I. BENA KATA

Reh tuana kita eme bagin proses kegeluhen manusia. Adi enggo seh umur Saitun, eme sada pemere Dibata seh ngasup kita ngataken bujur gia melala tantangen si ihadapi kita.

Umpamana i bas kesehatan kula, lanai megegeh erdalan, ntah arus itegu/pake ciken, si erbanca terbatas beraktivitas. Banci saja pe kelungunen, erkiteken nggo kurang interaksi ras teman bagepe keluarga.

Amin bage gia, Saitun tetap banci erguna man kalak si nterem rikutken tema PAnta sendah. Kerina tinepa Dibata pasti lit gunana. Saitun harus tetap semangat sabab melala denga si banci silakoken. Saitun erguna denga man kalak si deban e me jadi sira ras terang doni.

II. MPEGESI OGEN

"Bagi sira si seh kel perluna guna pangan, bage pe kam nandangi kerina manusia". Sira melala gunana, gulen (pangan) si itasakken tapi la tama sira la ernanam. Ibas kalak Jahudi, sira salah sada unsur si ipake ibas kebaktin, kususna ibas nikapken persembahen man Tuhan, ija kerina persembahen e arus itama sira idatasna (ditabur), gelah metunggung man Tuhan. Sira labo terjeng mere nanam masin, tapi gelah atan ras metunggung iadepen Tuhan. Ertina kalak si enggo tek, si enggo ngaloken Kata Dibata, arus nggeluh rikutken sura-sura Tuhan. Adi kalak si tek la sideban. E maka jadilah murid Kristus si encidahken biakna gelah jadi usihen man teman sapih-sapih

"Bagi terang si seh kal perluna i bas gelap, bage pe manusia. kam nandangi doni enda."

Jesus kap Terang doni, janah kalak si tek man Jesus ia pe kegelapen. Terang e inganna labo terbuni tapi i bas ingan si enggo jadi terang i doni enda. Janah terang e pasti naluken teridah, gelah banci terangina ingan e. Ersinalsal lah min terang e gelah italukenna kegelapen doni. Enda banci ipakeken ku Kata Dibata. Kata Dibata eme terang. Terang kata Dibata e arus ipeseh man kalak sideban, la bias ngadi ibas geluh ajar-ajar. Sabab terang la ersinalsal man dirina jine, tapi man kalak sideban. Prinsip terang: labo gelah ia teridah tapi gelah sekelewetna e siidahen. Ia erguna man kalak sideban. Bage me Kata Dibata si enggo sialoken la banci isimpan saja tapi arus ipembarken, gelah lit gunana.

Labo bentuk perintah guna jadi sira ras terang, tapi bage kin identitas ras jati diri kalak si tek. Gelah inget kalak si tek ia labo gelah enggo nggeluh ibas doni enda. Lit jati diri si harus ipertahanken ras idalanken fungsina, maka tergejap dingen teridah kuasa ras keleng ate Tuhan e arah kegeluhenta.

III. PENGKENAINA

-       Saitun selaku kalak si tek jadi sira ras terang labo enda perintah tapi begekin identitas ntah jati diri kalak si tek. Jadi sirang ras terang banci icidahken arah bentuk pengajaren man anak ras kerina kesusurenna, alu notoken ia ras ngajarken pengajaren si benar kerna Dibata. Bagepe tep-tep lit kesempaten tetap turiken kesaksin ibas nggeluh ernalem man Tuhan, gelah banci ka iusih kalak sideban.

-       Jadi sira ras terang si erguna man ise pe, si e la ibatasi i bas usia lanjut bagi nggo ituriken ibas bena kata. Terbatas gia gegeh ras kengasupen, tetap banci ernanam ras teridah. Sebab jadi teladan labo harus lawes ndauh-ndauh, tapi ibenaken ibas keluarga. Teruskenlah nuriken pengalamen-pengalamen geluh, tapi ula pebelin dirindu, pebelin lah Tuhan si ngarak-ngarak kam. Saksikenlah perbahanen Tuhan bas geluhndu ras uga malemna nggeluh rembak ras Tuhan. Adi mbue pengalamen rohani tapi la ituriken, seri kap e ras nagani lampu tapi itutupi alu tumba. Arus ersinalsal terangndu i lebe kalak sinterem, labo guna kam, tapi gelah Tuhan saja terpuji arah perbahanen mehuli si teridah e.

IV. PERTOTON

O Tuhan, ikataken kami bujur sabab enggo dat persinget kerna ise kami, e me sira ras terang, si arus ernanam man sekelewet kami, janah terang si lit ibas kami erbahanca kalak ngidah kiniulinNdu. Sampati min kami gelah banci jadi usihen man keluarga, gereja, ras masyarakat.

V. DISKUSI

1. Turikenlah kai kin ertina jadi sira ras terang i bas kegeluhenta ?

2. Kai-kai saja sierbahanca maka megati kita la ngasup nuduhken tandana kita eme sira ras terang doni enda ?

3. Bahanlah aksi saling mpegegehi arah pertoton sesama Saitun, gelah tetap semangat ersaksi jadi sira ras terang, lakoken ibas penutup PA enda.

VI . USULEN LAGU

1. KEE No. 303: 1-3

2. KEE No. 95: 1,3

3. KEE No: 183: 1-3

Pdt. Yohana br Ginting