Kekelengen Si La Ersarat

BIMBINGAN PA SAITUN GBKP TAHUN 2026

Evaluasi 1

TANGGAL, 01-07 Februari 2026

Ogen : Lukas 10:25-37

Perumpamaan kerna kalak Samaria si erkuah ate

Indonesia:

[25]  Pada suatu kali berdirilah seorang ahli Taurat untuk mencobai Yesus, katanya: ”Guru, apa yang harus kuperbuat untuk memperoleh hidup yang kekal?”

[26] Jawab Yesus kepadanya: ”Apa yang tertulis dalam hukum Taurat? Apa yang kaubaca di sana?”

[27]  Jawab orang itu: ”Kasihilah Tuhan, Allahmu, dengan segenap hatimu dan dengan segenap jiwamu dan dengan segenap kekuatanmu dan dengan segenap akal budimu, dan kasihilah sesamamu manusia seperti dirimu sendiri.”

[28]  Kata Yesus kepadanya: ”Jawabmu itu benar; perbuatlah demikian, maka engkau akan hidup.”

[29] Tetapi untuk membenarkan dirinya orang itu berkata kepada Yesus: ”Dan siapakah sesamaku manusia?”

[30] Jawab Yesus: ”Adalah seorang yang turun dari Yerusalem ke Yerikho; ia jatuh ke tangan penyamun-penyamun yang bukan saja merampoknya habis-habisan, tetapi yang juga memukulnya dan yang sesudah itu pergi meninggalkannya setengah mati.

[31] Kebetulan ada seorang imam turun melalui jalan itu; ia melihat orang itu, tetapi ia melewatinya dari seberang jalan.

[32] Demikian juga seorang Lewi datang ke tempat itu; ketika ia melihat orang itu, ia melewatinya dari seberang jalan.

[33] Lalu datang seorang Samaria, yang sedang dalam perjalanan, ke tempat itu; dan ketika ia melihat orang itu, tergeraklah hatinya oleh belas kasihan.

[34] Ia pergi kepadanya lalu membalut luka-lukanya, sesudah ia menyiraminya dengan minyak dan anggur. Kemudian ia menaikkan orang itu ke atas keledai tunggangannya sendiri lalu membawanya ke tempat penginapan dan merawatnya.

[35] Keesokan harinya ia menyerahkan dua dinar kepada pemilik penginapan itu, katanya: Rawatlah dia dan jika kaubelanjakan lebih dari ini, aku akan menggantinya, waktu aku kembali.

[36] Siapakah di antara ketiga orang ini, menurut pendapatmu, adalah sesama manusia dari orang yang jatuh ke tangan penyamun itu?”

[37] Jawab orang itu: ”Orang yang telah menunjukkan belas kasihan kepadanya.” Kata Yesus kepadanya: ”Pergilah, dan perbuatlah demikian!”

Karo:

[25] Sekali jadi reh sekalak guru agama Jahudi ncubai Jesus. Isungkunna Jesus nina, “O Guru, kai arus kubahan gelah kualoken kegeluhen si rasa lalap?”

[26] Erjabap Jesus nina, “Kai kin si tersurat i bas Pustaka Si Badia? Kai si iogendu i je?”

[27] Erjabap guru Undang-undang e, “Kelengilah Tuhan Dibatandu asa ukurndu, asa tendindu dingen asa gegeh ras kepentarenndu lit; bage pe kelengilah temanndu manusia bagi kam ngkelengi badanndu.”

[28] Ngaloi Jesus, “Payo jabapndu e. Bahanlah bage gelah ialokenndu kegeluhen si rasa lalap.”

[29] Tapi ate guru agama e pebujur-bujurken bana, e maka nungkun ia man Jesus nina, “Ise kin temanku manusia?”

[30] Erjabap Jesus alu perumpaman nina, “Lit sekalak ngincuah i Jerusalem nari ku Jeriho. I tengah dalan jumpa ia ras pengerampuk. La saja barang-barang irampukna, tapi igudamina pe ia seh menam mate, jenari itadingkenna.

[31] Rembang mentas sekalak imam arah dalan e; kenca idahna kalak si enggo ampar e, isilahkenna, jenari iteruskenna perdalanenna.

[32] Bage pe mentas ka sekalak Lewi; kenca idahna, ia pe nilah jenari iteruskenna perdalanenna.

[33] Tapi sekalak Samaria si mentas ka arah dalan e mekuah atena asum idahna kalak si ampar e.

[34] E maka ideherina jenari itamakenna minak ras anggur ku luka-lukana dingen ibalutina pe. Kenca bage iangkatna ku datas kaldena, ibabana ku ingan penginapen guna itambari.

[35] Pepagina iberekenna dua duit pirak man si empu penginapen e janah nina, ‘Tambari ia janah adi la bias enda kutambahi pagi asum aku reh mulihken.’ ”

[36] E maka nungkun Jesus man guru agama e nina, “Si apai nge iakapndu i bas si telu e jadi teman manusia kalak si irampok e?”

[37] Erjabap guru Undang-undang e, “Kalak si enggo nampati ia.” Ngaloi Jesus, “Kam pe laweslah, janah bahanlah bage.”

Thema : Kekelengen Si La Ersarat

Tujunna:

Gelah Saitun:

·       Meteh maka Jesus ngergaken kalak Samaria sierkeleng ate nandangi kalak si langa itandaina, sipaksana ngenanami kiniseran.

·       Ermeriah ukur nehken kiniulin man ise pe, katawari pe ras ija pa pe.

Metode : Milih Ayat ras Aksi.

I. BENA KATA

Erkekelengen e me biak kalak sierkiniteken man Dibata, sabab biak si bage me siicidahken ras ibereken Dibata i bas Jesus Kristus man manusia. Keleng ateNa e me sijadi asamta nggeluh i bas doni enda. Erdandanken si e me maka pantas kal kita nggeluh erkekelengen dingen ermeriah ukur nehkenca. Mari dage kita erlajar arah perbahanen kalak Samaria si erkuah ate.

II. MPEGESI OGEN

Lukas 10:25-37 enda ibenai alu penungkunen sekalak guru agama Jahudi siersura-sura ncubai Jesus alu penungkunen kerna kai siarus ibahan gelah banci ngaloken kegeluhern si rasa lalap. I bas percakapen enda teridah maka guru agama Jahudi e meteh kerna isi undang-undang eme kap "erkekelengen man Tuhan ras man teman manusia". Guna pebujur-bujur bana, iteruskenna nungkun; Ise kin temanku manusia", Ijabab Jesus me penungkunen e alu perumpaman e me kerna sekalak singincuah i Jerusalem nari ku Jerikho janah iperdalanen ia irampok kalak. Barangna irampok janah ia igudami seh menam mate. I bas keadan sibage mentas me sekalak imam bage pe sekalak Lewi, duana ia nilah ras iteruskenna perdalanna. La lit i bas ia pusuh si kepate, la lit kai pe tindakenna. Tapi kalak Samaria, kenca idahna mekuah atena, lanai ia erdua ukur minter itambarina alu minak ras anggur dingen ibalutina lukana, jenari ibabana ku penginapen igalarina. Tindaken kalak Samaria e tuhu-tuhu ncidahken (klinik) guna itambari janah kerina biaya pertambarna contoh manusia si erkekelengen tanpa syarat, labo ia sada suku, labo itandaina, labo ia ersimulih janah pelin-pelin kal pengorbanen, la itanggungina nehken kekelengen.

Kedungenna nungkun Jesus mulihi, 'siapai nge si jadi teman manusia i bas si telu kalak e man kalak si irampok e', 'Kalak si enggo nampati ia' nina guru e njababsa. E maka nina Jesus" Kam pe laweslah, janah bahanlah bage". Ijenda teridah maka jadi teman labo erkiteken kiniliten, pangkat, sada suku, sada gereja, sada kuta ras sidebanna. I bas perbedaan pe arus teridah kekelengen si la ngarapken balasen. Kekelengen e isehken erdandanken Dibata enggo leben ngkelengi kita, e maka bage kin arus biakta.

III. PENGKEΝΑΙΝΑ

Megati sibegi kata nina "adi cakap saja labo lako, kalimat enda mereken pesan, maka tindaken ras perbahanen ulin asangken cakap. E maka ibahan Dibata sada ngenca babahta, tapi mata, nahe, cuping ras tan dua. Kerina enda itepa tentu lit ertina, e me gelah matanta ngasup ngidah kiniseran temanta, tanta ergegeh nampati kalak, nahenta lawes erdalan guna ndahi kalak si musil ras sidebanna.

Kinata si idah kita maka reh teremna kalak singenanami kiniseran subuk i bas masalah ekonomi, erbage-bage pinakit, kejahaten si lit isekelewetta ras sidebanna. I bas situasi enda me Saitun idilo ikut muat bagin guna nehken kekelengen alu meriah ukur man ise pe, katawari pe ras ija pa pe rikut ras kengasupen siibereken Dibata. Bagi Dibata ngkelengi kita la ersarat, bage ka me pe kita nehken kekelengen la ersarat man kalak sideban bagi nina i bas sasaren pelayanen GBKP tahun 2025 "Dewasa Menerima perbedaan". Mari i sehken kekelengenta alu dewasa aminna pe kita la bali ras Ia. Bagi nina Jesus man guru agama Jahudi e, "Kam pe laweslah, janah bahanlah bage", kata enda pe seh man banta guna silakoken.

IV. PERTOTON

Bapa kami sini surga, ajari kami guna mpegeluh kekelengen ibas pusuh dingen ngelakokenca ibas kegeluhen kami si tep tep wari man kerina kalak si merlukenca alu Ia erndobahen Ibas Jesus kami ertoto. Amin.

V. DISKUSI

1. Turiken ayat siapai akapndu berkesan ibas ogenta!

2. Erpalasken ayat siberkesan ndai, la terligen ibas matanta lit temanta manusia si la mampu, erdahin sebage tukang napui dalan, pemulung, pengamen, anak putus sekolah, ras sidebanna, kai sibanci ibahanndu, turiken dingen lakokenlah!

VI. ENDE-ENDEN

1. KEE No 177:1-2

2. KEE No. 381:1-3

3. KEE No. 175:1-4

4. KEE No. 303:1-3

Pdt. Jennie E. Keliat