Reh Me la
BIMBINGAN PA SAITUN GBKP TAHUN 2025
TANGGAL, 16-22 NOVEMBER 2025
Ogen : Johanes 3:31-36
IA si reh i Surga nari
Indonesia:
3:32 Ia memberi kesaksian
tentang apa yang dilihat-Nya dan yang didengar-Nya, tetapi tak seorang pun yang
menerima kesaksian-Nya itu.
3:33 iapa yang menerima
kesaksian-Nya itu, ia mengaku, bahwa Allah adalah benar.
3:34 Sebab siapa yang
diutus Allah, Dialah yang menyampaikan firman Allah, karena Allah mengaruniakan
Roh-Nya dengan tidak terbatas.
3:35 Bapa mengasihi Anak
dan telah menyerahkan segala sesuatu kepada-Nya.
3:36 Barangsiapa percaya kepada
Anak, ia beroleh hidup yang kekal, tetapi barangsiapa tidak taat kepada Anak,
ia tidak akan melihat hidup, melainkan murka Allah tetap ada di atasnya.”
Karo:
3:31 IA si reh i Surga nari belinen asa ise pe. Si reh i doni nari, doni
empuna. Ia ngerana kerna si lit i doni. Tapi IA, si reh i Surga nari i babo
kerina si nasa lit.
3:32 IturikenNa kerna kai si enggo idahNa ras kai si enggo ibegiNa tapi
ise pe la tek nandangi si ikatakenNa.
3:33 Ise tek nandangi si ikatakenNa e, iakukenna maka Dibata benar kap.
3:34 Sabap persuruhen Dibata nge si nehken kata Dibata, erkiteken ia dem
Kesah Dibata.
3:35 apa ngkelengi AnakNa, janah kerina iendesken Bapa i teruh kuasa
Anak e.
3:36 Ise tek man Anak e ialokenna me kegeluhen si tuhu-tuhu si la
erkeri-kerin. Tapi si ngelawan Anak e asa ndigan pe la ngaloken kegeluhen si
rasa lalap e, janah ia lalap i teruh ukumen Dibata.
Thema : REH ME IA
Gelah Saitun:
1. Saitun meteh alu payo kerna kerehen Tuhan Yesus i surga nari, em
sebabna Saitun arus ersikap ibas ngalo-ngalo kerehenNa
Metode : Erbahan kegiaten Kreatif (untuk adven)
I. BENA KATA
Adven eme sada masa sope Natal, biasana 4 kali (4 Minggu) sope ketubuhen
Jesus igelari Minggu Adven. Kata Adven eme ibas bahasa Latin nari si iertiken
"kedatangan/kerehen". Alu bage banci sibuat pengertin maka masa Adven
eme masa kalak Kristen nikapken dirina guna ngalo-ngalo pesta Natal eme
mperingeti wari ketubuhen Jesus sekaligus kerehenNa pedua kaliken ibas wari
pendungi. Adi kataken persikapen ibas ngalo-ngalo Yesus tentu sura-suranta
maksimal min persikapenta, gelah la kecewa Jesus siialo-alo kita e. Adi mekarus
kita ngalo-ngalosa tentu "Si Reh" e pe lanai akapna meriah banci jadi
kecewa. Erkiteken sie mari ersikap kita asa kengasupenta lit guna ngalo-ngalo
Yesus subuk ibas Natal enda bagepe guna kerehenNa peduakaliken. Bagi syair
Kitab ende-endenta no 53: Pesikap kam krajangndu e ban Tuhan Yesus Reh.
II. MPEGESI OGEN
Kitab Johanes eme salah sada kitab Injil si nuriken Kebenaren kerna
ke-Tuhan-nen Jesus, sabab ibas masana melala kal simeraguken kerna diri Jesus.
salah sada aliren si megegeh tupung sie mpengaruhi kalak si tek eme aliren
gnostik si menekanken maka kerina pengajaren si la masuk akal labo banci
ialoken. Salah sada pengajaren si la masuk akal ibas kalak Kristen nari eme
Dibata jadi manusia ibas diri Jesus. Erkiteken sie, pengajaren enda nulak
pengajaren kalak Kristen si ngataken Jesus e Tuhan kap. Guna njabab pengajaren
si papak enda me Johanes nulisken pengajarenna kerna Jesus. Ikataken Johanes
maka Jesus e reh i surga nari kap emaka doni enda labo nandai
la. Igambarken Johanes maka la si reh i surga nari e: belinen asa ise pe, ibabo
kerina sinasa lit, la nuriken kerna kai siidahNa ras kai si enggo begiNa, la
nuriken kata Dibata erkiteken la dem Kesah Dibata. Arah keterangen Johanes enda
banci simaknai maka la si reh e eme Tuhan nandangi kerinana, labo manusia. Tole
ituriken Johanes kerna kuasa si reh i surga nari e: kerinana iteruh kuasa Anak
e, ise tek nandangi Anak e ialokenna kegeluhen situhu-tuhu tapi si la tek tetap
iteruh ukumen Dibata.
Ertina arah kiniteken man Anak e nge ngenca ndatken keselamaten, Anak e
me jadi penentu keselamaten man manusia. Arah keterangen Johanes enda banci
sidatken pengajaren maka Jesus e tuhu-tuhu Tuhan kap si rehna i surga nari. la
igelari anak Dibata janah ngena kal ate Dibata nandangi la. Erkiteken sie
kerina kuasa iendesken ku Anak e. Janah Jesus eme si reh ku doni enda emaka
mesera kal nge iakap doni enda nandai ia, tuhu tuhu kal beda ras doni enda
sabab biakna surga kap.
III. PENGKEΝΑΙΝΑ
Arah
pengajaren Johanes enda enggo sieteh uga gambaren si reh e: la me Tuhan si
itimai kita i surga nari. Tema-nta eme: Reh Me la, arah enda ngajuk kita gelah
pedas ersikap janah ula mekarus/menggo. Kita arus tetap ersikap katawari paksa
pe gelah ula ketunduken, janah ibas kerehen Jesus epe meriah ukurNa ngidah
persikapenta. Adi Tuhan si mada kuasa kin si reh e: persikapen si uga dage si
arus silakoken gelah metunggung kita ngalo ngalosa? Ibas kitab Ketangkasen 21:2
ituriken maka persikapenta eme desken persiapen sekalak penganten ngalo-ngalo
perbulangenna. Sieteh maka persikapen "penganten" tuhu-tuhu maksimal,
ipetik asa simejile-mejilena lanai lit cungikna, bageme arusna persiapenta.
Persikapen pusuh, ukur, tendi, bagepe materi kerina arus silakoken, subuk
ngalo-ngalo perayan Natal bagepe ibas ngalo-ngalo kerehen Jesus peduakaliken.
Selaku Saitun kai dage sibanci silakoken? Seharusna adi enggo orangtua, kita
arus beluh rukur sebab enggo mbue pengalamen nggeluh si jadi gurunta, mehuli
kita ibas kata ras perbahanen gelah erguna geluhta, jadi penggurun man anak
kempunta, ikut muat bagin ibas dahin si mehuli, ras sidebanna. Alu bage banci
denga kita "berkarya ras berguna" ibas geluhta sue ras sasaren
pelayanenta tahun si lepas.
IV. PERTOTON
O... Tuhan ajari dingen persingetilah kami gelah tetap ersikap ibas
kegeluhen kami; subuk ngalo-ngalo perayan Natal bagepe ibas ngalo-ngalo kerehen
Jesus peduakaliken. Janah metunggung min kami ibas persikapen kami, ajari
dingen persingeti kami rusur. Ibas gelar jesus Kristus kami ertoto, amin.
V. KEGIATEN
Arihken ibas PA-nta wari enda kai dage sibanci silakoken sijadi aksi
nyatanta tandana kita ikut muat bagin ibas ngalo-ngalo kerehen Jesus ku doni
enda. Asa bancina aksinta eme si erguna nandangi kalak sideban.
VI. ENDE-ENDEN
1. KEE No. 375:1
2. KEE No. 386:1-2
3. KEE No. 444:1-2
Pdt. Lisa Selfia br Tarigan
