Purpur Sage

BIMBINGAN PA SAITUN GBKP TAHUN 2026

TANGGAL, 01-07 Nopember 2026

Ogen : Kejadin 50:15-21

Indonesia:

“[15] Ketika saudara-saudara Yusuf melihat, bahwa ayah mereka telah mati, berkatalah mereka: ”Boleh jadi Yusuf akan mendendam kita dan membalaskan sepenuhnya kepada kita segala kejahatan yang telah kita lakukan kepadanya.”

[16] Sebab itu mereka menyuruh menyampaikan pesan ini kepada Yusuf: ”Sebelum ayahmu mati, ia telah berpesan:

[17] Beginilah harus kamu katakan kepada Yusuf: Ampunilah kiranya kesalahan saudara-saudaramu dan dosa mereka, sebab mereka telah berbuat jahat kepadamu. Maka sekarang, ampunilah kiranya kesalahan yang dibuat hamba-hamba Allah ayahmu.” Lalu menangislah Yusuf, ketika orang berkata demikian kepadanya.

[18] Juga saudara-saudaranya datang sendiri dan sujud di depannya serta berkata: ”Kami datang untuk menjadi budakmu.”

[19] Tetapi Yusuf berkata kepada mereka: ”Janganlah takut, sebab aku inikah pengganti Allah?

[20] Memang kamu telah mereka-rekakan yang jahat terhadap aku, tetapi Allah telah mereka-rekakannya untuk kebaikan, dengan maksud melakukan seperti yang terjadi sekarang ini, yakni memelihara hidup suatu bangsa yang besar.

[21] Jadi janganlah takut, aku akan menanggung makanmu dan makan anak-anakmu juga.” Demikianlah ia menghiburkan mereka dan menenangkan hati mereka dengan perkataannya.”

Karo:

“[15] Kenca bapana enggo mate nina senina-senina Jusup sapih-sapih ia, “Uga pagi jadina adi segat denga ate Jusup man banta, jenari erbalas ia man banta erkiteken kerina kejahaten si ibahan kita man bana?”

[16] E maka ipesehna sada tenah man Jusup nina, “Ope denga bapanta mate,

[17] isuruhna kami mindo man bandu bagenda, ‘Alemilah salah senina-seninandu asum ibahanna nai si la mehuli man bandu.’ erkiteken si e, mindo kami gelah ialemindu salah si enggo ibahan kami man bandu. Kami enda kap suruh-suruhen Dibata si isembah bapandu.” Tangis Jusup tupung ialokenna tenah enda.

[18] Dungna senina-seninana e jine reh, erjimpuh i adep-adepen Jusup nina, “Kami enda reh jadi budakndu.”

[19] Tapi nina Jusup man kalak enda, “Ola mbiar labo banci aku jadi gancih Dibata ngukum kalak.

[20] Jahat sura-surandu man bangku, tapi enggo isalihken Dibata e jadi si mehuli, gelah arah e banci iselamatken Dibata kesah nterem kalak si nggeluh denga genduari.

[21] E maka ola pada sitik pe kam mbiar. Aku pekena-kena kam ras anak-anakndu.” Dage alu kata si melias e, ipetetap Jusup mulihi ukur senina-seninana seh maka malem atena kerina.”

Tema: Erdame Maka Malem Pusuhta

Tujunna:

Gelah Saitun:

·       Ngasup makeken Kata Dibata alu nggit ngalemi kelepakenna. ras ngakuken

·       Ngasup peciho pusuhna maka dat kemalemen ate

Metode: Diskusi ras Aksi

I. BENA KATA

Kata Purpur Sage eme konsep ras upacara adat ibas suku Karo siertina mbagun upaya rekonsiliasi / perdamaian guna hubungen si lebih mehuli, ija ndai lit konflik enda enggo mehuli. Ija tujunna e me guna ndamaiken kalak si rubati dungna ngasup sialem-alemen salah. Penelitin nuriken maka i bas pupursage lit unsur pengakun kesalahen, permohonen maaf, penerimaan pengampunen, ras kengasupen nanggung kerugin guna erdame. Pupur sage enda melibatken elemen kekerabaten (sangkep nggeluh) gelahna perdamen e la terjeng individu tapi pe pulih ibas 'tatanen sosial'. Lit piga-piga kegiaten ritual ibas purpur sage enda e me

·       Nunggahken lau simalem-malem / nunggahken lau erpagi-pagi (pemberian air sejuk antar pihak yang berkonflik sebagai simbol pembersihan dan kedamaian)

·       Persada man tanda kiniersadan (makan bersama di satu wadah sebagai symbol persatuan kembal).

II. MPEGESI OGEN

Judul perikop ibas ogenta eme i petetap Jusup ukur senina-seninana. Ija kenca Bapana Jakub enggo mate, lit kebiaren ibas diri senina-seninana "uga pagi jadina adi segat denga ate Jusup man banta, jenari erbalas ia man banta erkiteken kerina kejahaten si ibahan kita man bana ? Emaka lit tenah asum ibahanna nai si la mehuli man bandu. Erkiteken sie, man Jusup si isina gelah alemilah salah senina-seninandu mindo kami gelah ialemindu salah si enggo ibahan kami man bandu. Kami enda kap suruh-suruhen Dibata si isembah bapandu. Tangis Jusup tupung ialokenna tenah enda. Kedungenna reh senina-seninana erjimpuh iadepen Jusup janah nina, kami enda reh jadi budakndu. Ibas ayat 19-21 luar biasa kata-kata Jusup si mpetetap ukur senina-seninana "Ola mbiar labo banci aku jadi gancih Dibata ngukum kalak. Jahat sura-surandu man bangku, tapi enggo isalihken Dibata e jadi mehuli, gelah arah e banci iselamatken Dibata kesah enterem kalak si nggeluh denga genduari. Emaka ola pada sitik kam mbiar. Aku pekena-kena kam ras anak-anakndu." Ertina Jusup la mbalas kejahaten alu kejahaten, tapi justru sebalikna Jusup ngakui maka ibas kiniseran pe ngasup Dibata -ngubahkenca jadi simehuli. Nggit Jusup ngalemi senina-seninana.

Bagi Pertoton Tuhan " Alemi min salah kami bagi nialemi kami salah kalak kempak kami" ertina Tuhan Jesus enggo ngalemi salah dosa manusia dingen e kesangapen man kalak si erbahan perdamen, iakui Dibata anakNa (bdk.Mat. 5:9).

Labo menukah ngalemi salah kalak sideban tapi arus flusahaken sabab enda perentah ibas Tuhan guna ngkelengi ras notokenca imbang-imbang amin ia simpeturah kiniseran (Mat. 5:43-47). Adi ngasup kita ngelakokenca kita i gelari anak-anak Dibata.

III. PENGKENAINA

Tema-ta ngajuk Saitun ngasup erdame ras Dibata, kalak sideban, terutama ras dirinta jine, gelah igejapken orang tua Saitun uga Dibata tetap erkeleng ate man dirina ras se-isi jabu. Bagi tersurat ibas Masmur 37:37 "Nehenlah kalak bujur, perdiatekenlah kalak benar, kalak si ngena atena perdamen nterem kesusurenna". Ertina kita nggeluh i doni enda palasna arah Kata Dibata ija ibabaiNa kita arah dalan si mehuli bagi singena ate-Na. Janah nggit kita ngalemi salah kalak sideban ras ngakuken kelepakennta pe i lebe-lebe Tuhan ras sapih-sapih temanta manusia. 

Sope si dungi bahan ogenta enda, marilah ergandengan tan kita janahta rende "Mengasihi, Mengampuni, Melayani"

Mengasihi, mengasihi lebih sungguh Mengasihi, mengasihi lebih sungguh Tuhan lebih dulu mengasihi kepadaku Mengasihi, mengasihi lebih sungguh Mengampuni, mengampuni lebih sungguh Mengampuni, mengampuni lebih sungguh Tuhan lebih dulu mengampuni kepadaku Mengampuni, mengampuni lebih sungguh Melayani, melayani lebih sungguh Melayani, melayani lebih sungguh Tuhan lebih dulu melayani kepadaku Melayani, melayani lebih sungguh.

IV. DISKUSI

1. Rikutken pengalamenta sekalak-sekalak, kai-kai saja nge si erbahanca maka megati kita la ngasup ngalemi salah kalak sideban? Turikenlah!

2. Kai banci ilakoken Saitun subuk ibas jabu, gereja ras pe masyarakat ingandu tading gelah ngasup kam jadi pasu-pasu terutama ibas ngalemi salah kalak sideban?

Pdt. Rosmery br Pinem