Bahan PJJ 01 – 07 November 2026

MELUMBAR RAS DEM KERIAHEN UKUR

Ulangan 15: 7–11

15:7 Jika sekiranya ada di antaramu seorang miskin, salah seorang saudaramu di dalam salah satu tempatmu, di negeri yang diberikan kepadamu oleh TUHAN, Allahmu, maka janganlah engkau menegarkan hati ataupun menggenggam tangan terhadap saudaramu yang miskin itu,
15:8 tetapi engkau harus membuka tangan lebar-lebar baginya dan memberi pinjaman kepadanya dengan limpahnya, cukup untuk keperluannya, seberapa ia perlukan.
15:9Hati-hatilah, supaya jangan timbul di dalam hatimu pikiran dursila, demikian: Sudah dekat tahun ketujuh, tahun penghapusan hutang, dan engkau menjadi kesal terhadap saudaramu yang miskin itu dan engkau tidak memberikan apa-apa kepadanya, maka ia berseru kepada TUHAN tentang engkau, dan hal itu menjadi dosa bagimu.
15:10 Engkau harus memberi kepadanya dengan limpahnya dan janganlah hatimu berdukacita, apabila engkau memberi kepadanya, sebab oleh karena hal itulah TUHAN, Allahmu, akan memberkati engkau dalam segala pekerjaanmu dan dalam segala usahamu.
15:11 Sebab orang-orang miskin tidak hentinya akan ada di dalam negeri itu; itulah sebabnya aku memberi perintah kepadamu, demikian: Haruslah engkau membuka tangan lebar-lebar bagi saudaramu, yang tertindas dan yang miskin di negerimu.”

Ulangen 15: 7-11

15:7 I bas kuta-kuta si ibereken TUHAN Dibatandu man bandu, adi lit i je sapih-sapih kam kalak Israel si kekurangen, ola kam nggeluh erbana-bana, tapi sampatilah ia.
15:8 Tapi melumbar lah, dingen berelah ia minjam asa si iperlukenna.
15:9 Ola tulak adi atena minjam man bandu, aminna pe tahun nasapken utang enggo ndeher. Ola kal pelepas perukuren si jahat e turah i bas ukurndu. Adi la kam nggit mereken pinjamen man bana, erlebuh ia ku TUHAN ngelawan kam e maka ipersalahken TUHAN kam.
15:10 Bereken man bana alu melumbar ras dem keriahen ukur, gelah ipasu-pasu TUHAN kam i bas kerina si idahikenndu.
15:11 Lit nge rusur kalak Israel si musil dingen si kekurangen, e maka kuperentahken man bandu maka melumbar kam man bana.” 

MODEL PJJ: KESAKSIAN

KATA PERLEBE

Lit kalak sierpengakap maka ngelakoken kata Dibata khususna melumbar, ianggap jadi beban si mberat ras la masuk di akal. Lit ka sierpengakap ngelakokenca erkiteken terpaksa, labo erkiteken keriahen ukur. Tentuna pendapat-pendapat si bagenda labo sue ras erti kekelengen si iajarken i bas Pustaka Si Badia. “Ujian ketulusan hati adalah ketika kita rela menolong orang tak berdaya yang tidak akan pernah mampu membalas pertolongan kita.” Ertina, bahwa kekelengen si tuhu-tuhu e teruji tuhu-tuhu tupung kalak sisampati kita e la ngasup ngulihken kiniulin-kiniulin si enggo alokenna bas kita nari. Isekelewetta seh kal teremna kalak si la berdaya, nimai penampatta (uluran tangan kita) ras mungkin asa ndigan pe labo ngasup mbalas ntah pe ersemulih i bas penampatta man bana. Nggit nge kita melumbar ras dem keriahen ukur nampatisa i bas la ia ngasup pagi ngulihkenca? Mari erlajar kita kempak kata Dibata terdauhen kerna nggeluh sisampat-sampaten dingen jadi pasu – pasu man sekelewetta.

ISI

Kitab Ulangen itulis Musa, si merupaken kitab si pelimaken i bas Taurat Musa (Pentateukh). Kitab enda itulis Musa man generasi Israel si mbaru, si bengket ku taneh Kanaan ija bangsa enda lanai sebagai bangsa pengembara tapi sebage bangsa si menetap tading i bas taneh perpadanen. Kitab enda ipersiapken Musa jadi sada kesaksin guna generasi selanjutna. LAI (Lembaga Alkitab Indonesia) mereken judul man Ulangen 15:1-11 e me Tahun Pepituken, sedang i bas Bahasa Indonesia e me “Tahun Penghapusan Hutang”. Latar belakang Ul. 15:1-11 enda eme:

• 23:10-11; enem tahun banci isuanindu jumandu janah perani kai si iasilkenna. Tapi i bas tahun si pepituken pelepas jumandu e ngadi, janah ola perani kaipe si turah ije. Kai si turah ije ipan kalak musil, janah rubia-rubia si meliar banci mangani kai si tading.
• Imamat 25:1-7. Tuhan merentahken man Musa i deleng Sinai eme: adi enggo kam seh ku taneh si ibereken Tuhan enem tahun dekahna banci suanindu tapi tep-tep tahun pepituken olanai suani taneh e guna mereken kehagan man Tuhan, i bas tahun pepituken e ola perani si turah-turah bana dingen ola perani buah anggur si la iranggasi erkiteken e tahun pengadi-ngadin man taneh Aminna gia taneh e la iusahai i bas tahun e, icukupken Tuhan nge nakan jabuna, budakna, kalak upahenna, kalak si tading ras ia, asuh-asuhenna, bage pe rubia si meliar si tading i jumana.

Khusus i bas Kel. 15:7-11 lit piga-piga poin penekanen eme:

• I bas kuta si ibereken Tuhan man bandu adi lit i je sapih- sapih kam si kekurangen ola kam nggeluh erbana-bana tapi sampatilah
• Melumbarlah dingen bereken ia minjam asa si perlukenna aminpe tahun nasapken utang enggo ndeher
• Nandangi kalak si la isampati (la ibereken minjam), erlebuh ia ku Tuhan maka ipersalahken Tuhan kam.
• Merelah alu melumbar ras dem keriahen ukur gelah ipasu-pasu Tuhan kam i bas kerina si idahikenndu.
• Isekelewet bangsa enda pasti lit rusur kalak si musil dingen si kekurangen e maka melumbarlah bana.

Arah ogenta enda teridah maka sura-sura Tuhan kehadiren bangsa Israel jadi pasu-pasulah man sekelewetna.

PENGKENAINA

Pustaka Si Badia mereken perentah man banta gelah kalak Kristen bancimin jadi pasu-pasu ijapape kita tading alu nehken kekelengen (berdiakonia). Salah sadana eme alu nggitna kita nampati kalak si deban alu melumbar ras dem keriahen ukur (tema pjj). Tupung kita nampati kalak si deban banci jadi labo ise pe meteh dingen ngidahsa. Tapi teklah maka Tuhan ngidah kai si enggo silakoken. I bas kita mere alu melumbar ras dem keriahen ukur kita la saja ncukupi keperlun kalak si deban, tapi kitape ndatken kesangapen (mengalami sukacita). Pasu-pasu si ibereken Tuhan man banta ulamin hanya erguna man banta, jabuta, kelompokta saja, tapi tergejap ras ernanamlah man sekelewetta. Harus si sadari bahwa i bas kinilitenta epe lit sekerajangen kalak si deban si harus nggit kita berbagi berkat/jadi pasu-pasu. Arah penampatta la terjeng kita itandai kalak, tapi Tuhanta pe terberita, gerejaNa pe terberita. Kalak si melumbar mere alu keriahen ukur eme kalak si enggo leben nggejapken maka kerina si lit i bas ia labo ban gegehna tapi erkiteken pemere Dibata man bana. La ngadi i bas kita sabab lit bas pusuhta engkelengi kalak si deban. Sisampati kalak si deban salah sadana alu mereken kalak si deban minjam (ngeraih) man banta. Sibere alu meriah ukur. Seh paksana sitimai si minjamsa ndai ngulihkenca alu saber. Tapi di kune lenga tergalarisape tetap kita saber nimaisa, bahkan amin pe la tergalarisa utangna erkiteken situasi ekonomina tek kita maka labo erkiteken si e kita jadi kekurangen ras jadi musil. Tek lah kita maka kalak si nggit minjam tapi la ngulihkenca, nggit erbual, penebu-nebu, maka kalak sibagenda pe labo banci bayak sabab Dibata labo berpihak man kalak sibagenda.

I bas GBKP lit unit-unit bidang diakonia e me: YKPD Alpha Omega, PPOS Suka Makmur, PAK Gelora Kasih Suka Makmur, Komisi HIV/AIDS, Credit Union Modifikasi (CUM), Yayasen Ate Keleng (YAK), Komisi Penanggulangan Bencana (KPB). Banci si sosialisasiken man ngawan perpulungenta maka arah unit-unit enda pe banci kita nampati ras nehken kekelengen. Banci si bahan program runggunta, program kategorialta, program Pjj ta lako berdiakonia, jadi pancur pasu-pasu man kalak si memerluken perhatin ras penampatta. Si baba pe anak jabuta, perpulungenta guna ndahisa ras mereken aksita, sekaligus ije kita ngangkai ras ngukuri kiniseran si inanamina. Kita la terjeng megi kata Dibata, tapi jadi “Pelaku” kata Dibata i bas doni enda. Sangapen kap kalak si mere asangken kalak si ngalo. ”Berbagi Adalah bentuk terbaik dari mensyukuri apa yang kita miliki”

DISKUSI :

1. Lit denga nge si idah kalak si tuhu-tuhu melumbar mere alu meriah ukur i bas jaman genduari enda? Kai nge alasen si erbahanca lenga kita ngasup melumbar mere dingen langa meriah ukurta nampati kalak si deban?
2. Bahanlah aksi natalta guna mendukung unit-unit bidang diakoni GBKP.

USULEN ENDE-ENDEN:

1. KEE GBKP No 320 : 1, 2 Susah entah senang gia
2. KEE GBKP No 424 : 1, 3 Ipuji kami Kam Dibata si mbelin
3. KEE GBKP No 254 : 1-3 Isuruh Dibata
4. KEE GBKP No 175 : 1-3 Bage Pedah Dibata