Penggunaan Media Sosial
SI MAN OGEN : Epesus 4:25-32
4:25 Karena itu buanglah dusta dan berkatalah
benar seorang kepada yang lain, karena kita adalah sesama anggota. 4:26 Apabila
kamu menjadi marah, janganlah kamu berbuat dosa: janganlah matahari terbenam,
sebelum padam amarahmu 4:27 dan janganlah beri kesempatan kepada Iblis. 4:28
Orang yang mencuri, janganlah ia mencuri lagi, tetapi baiklah ia bekerja keras
dan melakukan pekerjaan yang baik dengan tangannya sendiri, supaya ia dapat
membagikan sesuatu kepada orang yang berkekurangan. 4:29 Janganlah ada perkataan
kotor keluar dari mulutmu, tetapi pakailah perkataan yang baik untuk membangun,
di mana perlu, supaya mereka yang mendengarnya, beroleh kasih karunia. 4:30 Dan
janganlah kamu mendukakan Roh Kudus Allah, yang telah memeteraikan kamu
menjelang hari penyelamatan. 4:31 Segala kepahitan, kegeraman, kemarahan,
pertikaian dan fitnah hendaklah dibuang dari antara kamu, demikian pula segala
kejahatan. 4:32 Tetapi hendaklah kamu ramah seorang terhadap yang lain, penuh
kasih mesra dan saling mengampuni, sebagaimana Allah di dalam Kristus telah
mengampuni kamu.
4:25 Ulanai erbual! Kerina arus nuriken si
tuhu-tuhu man seninana, sabap kerina kita ringring i bas sada kula. 4:26 Adi
merawa kam, ula seh erdosa. Janah ula simpan rawandu seh ben wari. 4:27 Ula
bere kesempaten man si iblis. 4:28 Kalak si nangko gelgel nari, ulanai ia
nangko. Erdahinlah ia alu mehuli guna ncariken keperlunna, janah gelah lit i
bas ia guna nampati kalak si i bas kepiceten. 4:29 Adi kam ngerana ula sitik pe
belasken cakap si la erturi-turin. Tapi kata-kata si ergunalah belasken, si
banci nampati kalak si deban rikutken perluna, gelah kata-katandu e maba
kiniulin man si megisa. 4:30 Ula ceda ate Kesah Dibata ibahanndu, sabap Kesah e
kap capna maka kam sikerajangen Dibata. Kesah e jaminen maka reh me warina
Dibata ndungi DahinNa mulahi kam. 4:31 Tadingken cian ate, perampus ras
pernembeh. Ulanai kam si isak-isaken ntah si cekurak-cekuraken. Ulanai sitik pe
erelem-elem. 4:32 Tapi melias dingen mesayanglah sapih-sapih kam. Si
alem-alemenlah bagi Dibata nggo ngalemi kam i bas Kristus.
TEMA : Nuriken Si Tuhu-Tuhu
TUJUN : Gelah Moria:
· Meteh biak-biak kegeluhen si mbaru.
· Pentar make media sosial alu ngirimken postingen
si erguna.
METODE PA : Aksi erbahan konten positip.
Kata Penaruh
Kitab Epesus
itulis Paulus sekitar tahun 62 Masehi. Alu tutus ertoto dingen tedeh kal atena
segelah kerina si ngoge suratna banci reh gegehna i bas kiniteken, keleng ate,
kepentaren ras penandaina kerna Dibata si mulia. Mbelin kal sura-sura Paulus
segelah geluhna kerinana metunggung iadep-adepen Tuhan Jesus Kristus. Erdandanken
si e, Paulus rusaha mpegegehi kiniteken ras palas kiniteken perpulungen.
Rikutken isina
maka kitab Epesus ibagi i bas dua (2) bagin e me:
1. Pasal 1-3 nuriken kerna perpulungen itebus
arah perkuh ate Dibata.
2. Pasal 4-6 nuriken kerna orat geluh kalak si
enggo ndatken penebusen dosa idur Dibata nari. I bas pasal enda Paulus nehken
arahen-arahen praktis kempak perpulungen kerna tuntuten penebusen i bas
Kristus. Enda me si jadi oraten bahan PA ta.
Mpebagesi Pengangkan Kerna Ogen
I bas Epesus
4:25-32, Paulus nuriken kerna orat geluh kalak si enggo itebus Kristus. I ja
nggeluh badia e me nadingken kegeluhen si male dingen nggeluh i bas kegeluhen
si mbaru, nggeluh i bas tempas Dibata, nggeluh badia. Kegeluhen si bagenda
banci jadi di kune perpulungen Tuhan nggeluh i bas kuasa si ertina pusuh
peraten dingen perukurenna enggo ipelimbarui. Guna si e iperluken kuasa Kristus
gelah perpulungen olanai erbahan dosa. Badia ertina nggelh sirang ras dosa,
nggeluh rikutken tempas Dibata.
Paulus nuriken
kerna biak ras perbahanen si perlu itadingken ras piga-piga dampar si perlu
idalanken si jadi tanda perpulungen nggeluh badia, nggeluh i bas kegeluhen si
mbaru.
- Olanai erbual (ay. 25). Pengadilah perbahanen
si lit i bas pekulah-kulah. Lit istilah bual mbentar (kebohongan putih) e me
tempa tuhu, kepe bual, perbahanen si bage arus itadingken.
- Kelola merawa (ay. 26-27). Merawa labo pasti
salah. Lit merawa si payo bagi si ilakoken Tuhan Jesus i Rumah Pertoton (Mat.
21:12-17). Amin gia merawa labo pasti lepak, tapi merawa tetap nge bahaya. E
maka Paulus ngutip Masmur 4 lako mpersingeti perpulungen "ula erbahan dosa
i bas merawa." Carana e me ola simpan rawa seh ben wari. Dungilah rawa e
ope medem.
- Peturah orat si payo nandangi materi ras duit
(ay. 28). Paulus melasken gelah si nangko olanai nangko tapi arus erdahin alu
mehuli encariken keperlunna segelah ia pe banci nampati. Lit perjuangen diri
segelah cukup i bas kegeluhen.
- Disiplin make dilah alu mehuli (ay. 29).
Belasken cakap si mehuli ola si la erturi-turin. Arus ia njaga dirina.
- Ola ibahan ceda ate Kesah Dibata (ay. 30).
Lakokenlah si ngena ate Dibata, si erbahan meriah ukur Dibata ngidahsa.
- Robah arah cian ate, perampus, pernembeh,
nggit si isak-isaken ntah si cekurak-cekuraken ras erelem-elem jadi pendame
(ay. 31-32). Lit perubahen diri si jadi erkiteken perpulungen enggo ialemi
Dibata erbahanca perpulungen pe oratna enggo ngasup ngalemi.
Pengkenaina
Tema PA - nta
Moria GBKP paksa enda e me: NURIKEN SI TUHU-TUHU. Enda ngajuk Moria lako
disiplin make dilah ras jari-jari alu mehuli. Belasken cakap si mehuli ola si
la erturi-turin. E maka perlu kal Moria njaga diri, metenget, ola kai pe
itamaken ku media sosial. Ola min erkiteken postingen i bas media sosial turah
perubaten janah kena undang-undang IT.
Rikutken Kamus
Besar Bahasa Indonesia (KBBI), media sosial e me alat ntah sarana si ipakeken
guna mpasilitasi interaksi sosial dingen erbagi informasi secara online.
Dampak Positif:
Media sosial
banci erbahanca kalak terhubung alu murah. Informasi banci isehken alu pedas/
instan. Media sosial nikapken platform kempak pribadi guna mengekspresiken
diri, erbagi pemikiren, ras ide, bage pe ikut muat bagin i bas diskusi online.
Media sosial jadi alat pemasaren si efektif, target audiens reh teremna dingen
mbangun hubungen ras pelanggan. Media sosial nawarken erbage konten hiburen,
mulai video lucu seh ku berita terkini, bage pe platform guna erlajar ras
ndatken informasi baru.
Dampak Negatif:
Penggunan
erlebihen banci erbahanca ketagihen, ngganggu pendahin dingen ngkurangi
interaksi sosial nyata. Media sosial banci jadi wadah guna cyberbullying,
pelecehen, ras mpebelang kata-kata nembeh ate, si banci peturah ulih si la
mehuli kempak kesehaten mental. Data pribadi pengguna banci isalahgunaken,
umpamana nangko data, nipun, ras sidebanna. Informasi palsu ntah erbahan papak
alu pedas banci mbelang si erbahanca mamang ate kalak seh pe banci peturah
konflik. La erngandi-ngadi ngehenen postingen kalak sideban banci peturah
perbandingen sosial, peturah nembeh ate, aru ate, ras masalah kesehatan mental.
Ketergantungen kempak interaksi online banci ngkurangi kualitas interaksi tatap
muka (perjumpan) ras dunia nyata.
Aksi Erbahan Konten Positif
Moria erbahan
konten positif (Bahasa Indonesia) umpamana ngajuk kerina pernanden ngasup
ngkelengi jabu (perbulangen rasa anak-anak). Konten enda ula gedangsa (sekitar
1 menit). Isusun kata-katana e maka ipelajari dingen ihafal. Kenca si e irekam.
Kenca dung iedit dingen iposting ku media sosial arah fb Moria Runggun, Sektor
ras pribadi Moria. Inget gelah itandai fb Moria GBKP ras Moderamen GBKP.
Pdt. Christopher Sinulingga
