BIMBINGAN PA MAMRE TANGGAL, 01 NOPEMBER - 07 NOPEMBER 2026

Sentudu ras Tempas Dibata

Ogen : Kejadian 1 : 26 – 28

26 Nina Dibata, "Genduari Sijadikenlah manusia si sentudu ras tempasTa, si menam seri ras Kita, gelah ikuasaina kerina nurung, perik-perik, bage pe kerina asuh-asuhen ras rubia-rubia si meliar, bali si galang ras si kitik."

27 Emaka ijadiken Dibata manusia, si menam seri ras Ia; dilaki ras diberu IjadikenNa.

28 Ipasu-PasuNa nina, "Ertuahlah jadi nterem, demi dingen taluken doni enda, kuasai kerina nurung, perik-perik i awang-awang, kerina rubia-rubia i daraten.

Kejadian 1 : 26 - 28

26 Berfirmanlah Allah: "Baiklah Kita menjadikan manusia menurut gambar dan rupa Kita, supaya mereka berkuasa atas ikan-ikan di laut dan burung-burung di udara dan atas ternak dan atas seluruh bumi dan atas segala binatang melata yang merayap di bumi."

27 Maka Allah menciptakan manusia itu menurut gambar-Nya, menurut gambar Allah diciptakan-Nya dia; laki-laki dan perempuan diciptakan-Nya mereka.

28 Allah memberkati mereka, lalu Allah berfirman kepada mereka: "Beranakcuculah dan bertambah banyak; penuhilah bumi dan taklukkanlah itu, berkuasalah atas ikan-ikan di laut dan burung-burung di udara dan atas segala binatang yang merayap di bumi.

Tujun : Gelah Mamre :

1. Meteh dirina eme tempas Dibata
2. Meteh kerna fokus pelayanan 2027

I. KATA PENARUH

Nandangi sidungi me tahun 2026 enda, bengket ka me kita kubas Pekan Keluarga, Minggu Adven ras Natal bagepe ku tahun si mbaru tahun 2027. Tahun enda erlajar kita nandai Dibata, pengharapenta reh bagesna min kita nandai Dibata seh maka banci sitandai Dirinta alu mehuli seh maka kuh kel kita sebagai tinepa Dibata. Nggo ndeher ras sibengketi ka ku tahun 2027. Sasaren pelayanenta tahun 2027 eme “relasi dengan diri sendiri” ntah pe Nandai Diri. Harapanenta ras totonta arah penandita Dibata sinepa kita, erbahanca kita ngasup nandai diri terbagesen, seh maka banci kita jadi pasu-pasu man jelma sinterem. Ibas bahanta enda erlajar kita nikapken dirinta gelah fokus kita nandai dirinta. Arah kai simenjadi pergumulenta maka megati kel siidah i tengah-tengah Masyarakat lit jelma la bagi arusna, erkiteken pendahin ras pengkebetna buen la mehuli. Lalap ia ndabuh ku kesemalen si la payo, erjudi, narkoba, erlua-lua, rubat, mekisat, pengeranana ras pe peruisna la kel bagi arusna ras la lit sitik pe tanggungjawabna i bas jabu, Masyarakat bagepe ibas gereja. Nungkun-nungkun pusuhta, jelma si uga nge kalak ah ateta. La tempa keleng atena kulana, dirina bagepe la tempa itandaina ise ia. Ibas bahanta enda, iajuk kita uga nandai diri, memaknai erti geluh, ise kin kita. Arah penungkunen enda erbahanca kita banci nandai diri kita alu payo seh maka ermakna kita man jabu, sima-simanta, Masyarakat, gereja bagepe bernegara.

II. URAIAN TEKS

Kitab Kejadin eme bagin si pemena ibas kitab Perjanjin Si Ndekah. Ibas bahasa aslina eme bereshith, kata si pemena siertina bena-benana ntah mula-mulana. Kitab Kejadin nuriken kerna uga Dibata nepa doni enda : langit, daraten, laut, pering-perik, ikan, tumbhen ras rubia-rubia bagepe manusia si perlebe, peristiwa manusia si pemena ndabuh kubas dosa, bagepe nuriken keselamatan idur Dibata nari.

Ayat 26 teridah inisiatif Dibata Si Telu Sada ersada arihNa guna njadiken jelma si pemena, kenca itepaNa kerina langit ras doni arah kataNa (1 – 25) Dibata Si Telu Sada e nepa manusia si pemena alu tanNa ibas wari si pe enemken. Enda ncidahken maka Dibata nge sinepa kerina tinepaNa, labo lit ije andil manusia nampati Dibata ibas nepa kerinana. Arah e nuduhken maka manusia e harus tetap meturuk ukurna, maka tinepa kap ngenca ia. Kenca sie iembusken Dibata kesahNa man manusia e arah igungna (Kej.2 : 7) Manusia si pemena e, tuhu-tuhu ‘istimewa’ kel itepa Dibata, ia itepa ibas abu nari, ijadikenna bali ras tempasna. Kata sentudu, enda ibas bahasa Ibrani eme tselem siertina eme mirip ras sinepasa. Bagepe kata si menam seri enda ibas bahasa Ibrani eme demuth siertina eme gambaren, bentuk ntah pe hampir seri. Arah kata menam seri enda maka manusia ndai lit biak Dibata ibas dirina eme : kemampun berpikir ras berakal (Kej.1:26-27), kemampun guna muat keputusen ras kehendak bebas (Kej. 2: 16-17), kemampun emosi, memiliki guna berinteraksi ras kalak si deban (Kej. 2:18-25), kemampun guna erbahan inovasi dingen pe kemampun guna ertanggungjawab nandangi kerina tinepa Dibata (Kej. 1:28). Kata menam seri labo berarti manusia seri ras Dibata. Para teolog St. Agustinus, Thomas Aquinas ras Karl Barth pe ngataken maka manusia menam seri tapi labo seri ras Dibata. Dibata mereken kuasa man manusia si pemena guna nguasai. Bahasa Ibrani eme radah siertina ngaturken, nguasai secara penuh. Siman aturen eme kerina tinepa si lit ibas lau, tinepa si lit ibas udara ras kerina tinepa si lit ibas dareten. Mbelin kel tanggungjawab manusia ndai guna banci ngaturken kerina tinepa sienggo ibereken Dibata guna ipelihara, iaturken, ras ikuasai.

Ibas ayat 27, kata menam seri (Ibr. Tselem) ipakeke guna ncidahken uga Dibata nepa manusia si pemena ndai si menam seri (Eng. Resemblance, representative figure) dua kali kata menam seri iulang-ulang, siertina menekanken maka manusia si pemena tuhu-tuhu menam seri ras sinepasa, manusia ndai labo menam seri ras tinepa si deban, tapi itekanken maka manusia ndai menam seri ras Dibata. Selanjutnya ikataken maka manusia e itepa dilaki ras niberu (Ibr. Zakar ras neqebah) e pe nuduhken maka Dibata nepa dua jenis kelamin, labo lit jenis kelamin si deban, hanya dilaki ras diberu. Ibas ayat 27 enda lit siidah pengulangen kalimat seh dua kali, enda ncidahken pentingna kalimat enda eme menam seri ras pe kalimat itepa Dibata. Kalimat itepa Dibata (Ibr. bara Elohim) pe iulang dua kali, enda nuduhken maka Dibata nge sinepa manusia si pemena ndai, labo lit sinepa si deban, ntah pe lit ije unsur keterlibaten manusia ibas proses penciptaan, manusia hanya tinepa.

Ibas ayat 28, kenca Dibata nepa manusia ndai, iberekenNa man manusia ndai keistimewan eme salu pasu-pasu (Ibr. Barak) ,kalimat ipasu-pasuNa, labo saja ibereken Dibata man manusia, tapi pe man kerina tinepaNa (Kej. 1 : 22), Dibata merentahken gelah manusia ndai eranak kempu dingen pe ertambah mbue. Adi ibas terjemahen bahasa Karo iterjemahken ertuahlah jadi nterem, tapi ibas terjemahen bahasa Indonesia eme beranak cuculah dan bertambah banyak. Terjemahen bahasa Inggris eme be fruitful and multiply. Ibas terjemahen aslina parah ras rabah. Teridah ibas terjemahen aslina, Indonesia ras Inggris seri terjemahenna. Enda nuduhken maka Dibata mperentahken man banta guna eranak kempu bagepe mperentahken kita gelah reh buena guna ndemi doni enda. Perentah Dibata selanjutnya man manusia ndai eme guna naluken (Ind. Taklukkanlah, KJV. Subdue (menundukkan), Ibr. Kabash (membawa ke dalam perbudakan, menundukkan, tetap di bawah) Dibata mereken otoritas penuh man manusia guna naluken kerina isi doni enda baik nurung, perik-perik i awang-awang, ras kerina rubia-rubia i daraten. Menarik ibas kata naluken e labo berarti makeken alu ate-ateta ntah pe la njaga keseimbangan. Karl. Baarth ras Dietrich Bonhoeffer pe ngataken maka kata ‘menguasai harus ipahami ibas hubungen Dibata ras manusia iidilo guna jadi perwakilen Dibata guna mengelola kerina isi doni enda salu kekelengen ras kebijaksananan. Kata barak ibas awal ayat 28 enda jadi kata kunci maka lit ije pengertin to kneel; by implication to bless God (as an act of adoration) siertina eme sebagai tindaken mpermuliaken Dibata. Jadi anum pe ibereken Dibata kuasa man banta guna naluken doni enda ras isina kerina, tapi lit ije tindaken gelah termulia Dibata, alu bage labo kepeken ate-ateta ibas kuasa siberekenNa e, tapi lit ije pemeliharaan, kesinambungen alam siberekenNa man banta guna ikuasai ras ipelihara.

III. Pengkenainaa

Adi siperdiateken arah penjelasan i datas, teridah maka kita manusia eme ciptaan sibereken keistimewan erkiteken kita menam seri ras Ia, man manusia pe ibereken kuasa guna ertubah dingen ndemi doni enda bagepe nguasai ras memelihara kerina tinepa Dibata. Iajuk kita sebagai tinepa khususna Mamre guna ngergaken sinepa kita eme Dibataa ras mpekena-kena dirinta, nandai dirinta alu payo, Dibata mereken Kesah Si Badia guna ngerajai pusuh kegeluhenta, seh maka kita sehat jasmani bagepe sehat Rohani. Kerapuhen ibas dirinta, luka batin, aceng cian sikurat, rubat, keterlibaten ibas penyakit masyarakat salih jadi ‘selesai diri’ erkiteken sipahami maka kita enda anak – anak Dibata sienggo itukur alu lunas ibas dareh Jesus i kayu persilang, harus sijaga kebadian kegeluhenta, sebab Dibata sinepa kita Dibata Si Badia. Min arusna kita enggo jadi ‘role model’ man jelma siterem, bali Jusuf ibas kitab Kejadian, Daniel i pembuangen. Arah nandai Dibata dingen pe uga ka kita ersikap nandai diri, mpengasup kita dewasa ibas kai-kai pe. Arah kedewasaan mpengasup kita guna jadi berkat man jelma sinterem.

IV. DISKUSI

1. Uga nge pemahamendu maka kita enda menem seri ras Dibata?
2. Daftarken piga-piga hal sijadi indikor makai bas kita lit biak Dibata?

USULEN ENDE-ENDEN :

1. KEE GBKP No 193 : 1, 2
2. KEE GBKP No 396 : 1, 2
3. KEE GBKP No 372 : 1,2
4. KEE GBKP No 343 : 1 (Persembahen)

Pdt. Tenangukur Barus, S.Pd.