Dibata Nalihken Kiniseran jadi Keriahen

BIMBINGAN PA SAITUN GBKP TAHUN 2025

TANGGAL, 09-15 NOVEMBER 2025

Ogen : Kejadin 45:1-9

Ituriken Jusup man senina-seninana ise ia si tuhuna

Indonesia:

45:1 Ketika itu Yusuf tidak dapat menahan hatinya lagi di depan semua orang yang berdiri di dekatnya, lalu berserulah ia: ”Suruhlah keluar semua orang dari sini.” Maka tidak ada seorang pun yang tinggal di situ bersama-sama Yusuf, ketika ia memperkenalkan dirinya kepada saudara-saudaranya.

45:2 Setelah itu menangislah ia keras-keras, sehingga kedengaran kepada orang Mesir dan kepada seisi istana Firaun.   

45:3 Dan Yusuf berkata kepada saudara-saudaranya: ”Akulah Yusuf! Masih hidupkah bapa?” Tetapi saudara-saudaranya tidak dapat menjawabnya, sebab mereka takut dan gemetar menghadapi dia.

45:4 Lalu kata Yusuf kepada saudara-saudaranya itu: ”Marilah dekat-dekat.” Maka mendekatlah mereka. Katanya lagi: ”Akulah Yusuf, saudaramu, yang kamu jual ke Mesir.

45:5 Tetapi sekarang, janganlah bersusah hati dan janganlah menyesali diri, karena kamu menjual aku ke sini, sebab untuk memelihara kehidupanlah Allah menyuruh aku mendahului kamu.

45:6  Karena telah dua tahun ada kelaparan dalam negeri ini dan selama lima tahun lagi orang tidak akan membajak atau menuai

45:7  Maka Allah telah menyuruh aku mendahului kamu untuk menjamin kelanjutan keturunanmu di bumi ini dan untuk memelihara hidupmu, sehingga sebagian besar dari padamu tertolong.  

45:8 Jadi bukanlah kamu yang menyuruh aku ke sini, tetapi Allah; Dialah yang telah menempatkan aku sebagai bapa bagi Firaun dan tuan atas seluruh istananya dan sebagai kuasa atas seluruh tanah Mesir.

45:9 Segeralah kamu kembali kepada bapa dan katakanlah kepadanya: Beginilah kata Yusuf, anakmu: Allah telah menempatkan aku sebagai tuan atas seluruh Mesir; datanglah mendapatkan aku, janganlah tunggu-tunggu.

Karo:

45:1 Lanai tertahan Jusup ukurna i lebe-lebe suruh-suruhenna kerina, e maka isuruhna kalak nadingken ingan e. La lit ise pe si deban ras Jusup sanga iturikenna man senina-seninana ise kin ia si tuhuna

45:2 Perban gangna sorana tangis kalak Mesir pe nterem megisa, janah berita e ipeseh ku istana raja.  

45:3 Nina Jusup kempak senina-seninana, “Aku kap si Jusup. Nggeluh denga nge bapangku?” Tapi perban biarna senina-seninana e megi si e lanai ia ngasup njabapsa.

45:4 E maka nina Jusup man kalak enda, “Mari terdeheren ku jenda.” Ideheri kalak enda ia, e maka nina Jusup, “Aku kap seninandu si Jusup si dayakenndu ku Mesir

45:5 Genduari ola aru atendu, ola isalahkenndu bandu erkiteken idayakenndu aku ku jenda. Si tuhuna Dibata nge si erbahan maka aku leben seh asang kam ku jenda guna nelamatken kalak si nterem

45:6 Enda pedua tahunken denga nge kelihen i negeri enda. Lima tahun nari dekahna la lit kalak si nenggala tah pe rani.

45:7 Dibata si erbahanca maka aku leben seh asang kam, guna nelamatken kam alu cara si luar biasa enda, gelah alu bage kam ras kesusurenndu selamat

45:8  Erkiteken si e si tuhuna labo kam si erbahanca maka aku seh i jenda tapi Dibata nge. IbahanNa aku jadi penungkunen raja. IberekenNa man bangku kuasa nandangi kerina negeri enda; aku me si merentah kerina negeri Mesir.      

45:9 Genduari pedaslah mulih ku bapangku; kataken man bana, maka bagenda nina anakna Jusup, ‘Enggo ijadiken Dibata aku jadi si merentah belang-belang negeri Mesir; minterlah kam reh.

Thema : DIBATA NALIHKEN KINISERAN JADI KERIAHEN

Tujunna:

Gelah Saitun:

1. Ngantusi perubahen siterjadi man Jusuf mulai ia idayaken seninana seh keriahen Jusuf jadi akepercayaan raja Firaun.

2. Mperdiateken kengasupen Jusuf ibas ngalemi senina-seninana ras encidahken keleng ate si tulus.

3. Nginget maka banci terjadi perdamen bas geluh adi lit kinigenggengen ngaloken salah ras nggit ngalemi.

Metode : Diskusi

I. BENA KATA

Secara umum labo kita tahan ndekah ngenanami kiniseran, minter nge kita mengeluh dingen jungut-jungut; "katawarilah lah keri kiniseran e kubentasi" bage ateta rusur. Kimaun lupa kita maka kiniseran e lalap nge lit, la erkeri kerin maun langa dung sada enggo ka reh tole nari. Erkiteken sie perlu kal kita beluh rukur kerna kiniseran gelah ula kita talu. Amin gia mbue reh nderpa kiniseran banci denga sinanami keriahen ukur. Adi ngasup kita rukur maka ibas kiniseran epe lit kap Tuhan si engkelengi kita tentu kiniseran epe ngasup kita ndalanisa alu la jungut-jungut. Medalit gia dalin si man dalinenta adi itegu Tuhan nge sigejapken kita tentu lanai bo kita kelsehen amin pe reh kiniseran.

II. MPEGESI OGEN

Bahan PA nta wari enda nuriken kerna Jusuf mpetandaken mulihi dirina man seninana kenca ia jadi wakil raja i Mesir. Ndube umur 457 tahun Jusuf idayaken seninana ja ku Mesir, ije me ibenaken kiniseran Jusuf jadi budak Potifar. Ije ia erdahin alu tutus janah keleng kal ate Potifar man bana. Tapi ije ifitnah ndehara Potifar ka Jusuf, ikatakenna maka ibahanna si lang-lang man bana. Erkiteken si itamaken ka Jusuf ku tutupen (penjara). Tapi teridah maka Dibata lalap nemani Jusuf, emaka ibas penjara pe ia ka kesayangen kepala penjara e. bage pe tupung juru minem raja si ras ia ipenjara ernipi, iterangken Jusuf ka nipina e janah payo jadi bage. Erkiteken sie, tupung ernipi raja Firaun dingen enggo latih akapna ngertiken nipina, linget juru minunna e Jusuf ibas penjara. Ikatakenna maka lit kalak si ibas penjara ngasup ngertiken nipi raja e, emaka isuruh raja gelah idilo Jusuf. Iterangken Jusuf erti nipi raja e janah enda me dalanna Jusuf iangkat raja jadi wakilna i Mesir. Janah sanga jadi kai siinipiken raja eme kelaparen 7 tahun, reh me senina Jusup nukur gandum ku Mesir, sabab i Mesir nari ngenca lit pangan. Ije jumpa Jusuf ras seninana tapi la itandai seninana e ia sebab enggo 453 tahun la jumpa. Jusuf pe enggo erjabu janah enggo tuhu tuhu parang mbelin, ndube sanga dayakenna sangana denga remaja.

Lanai tanggung sedakna akap Jusuf ngidah seninana e, emaka nderkuh nari nge ia megangkal sorana tangis. Janah nina "Aku kap si Jusup". Banci sibayangken uga senggetna seninana e, ugapa pe mbiar kal ia sebab ndube enggo bunuhna atena si Jusuf. Janah gundari enggo jadi wakil raja i Mesir.

Adi manusia biasa ndai Jusuf pasti ia balas dendam nandangi perbahanen seninana e. Tapi Jusuf beda carana rukur; teridah maka kerina perbahanen seninana e iakapna atas seijin Tuhan, janah enggo ipakeken Tuhan e jadi dalan keselamaten man bana ras keluargana, emaka lanai ia merawa man seninana e. Jusuf erpengakap maka kesalahen siibahan seninana e iambil alih Tuhan jadi dalan man bana guna leben ku Mesir gelah la kelihen keluargana. Ibahan Tuhan Jusuf jadi wakil raja i Mesir, si meteh matah mesengna perdalinen kerajaan. Alu bage banci iselamatken Jusuf keluargana. Alu bage banci ka sibayangken maka kenca ieteh Jusuf maka bapana pe nggeluh denga janah seninana enggo erdame ras ia tentu lanai lit si rongketna bas pusuhna. Kerina kiniseranna si ndube enggo ampar dingen salih jadi keriahen si tuhu-tuhu.

III. PENGKEΝΑΙΝΑ

Kiniseran e mekatep jadi erkiteken perbahanen kalak sideban nandangi kita; banci jadi arah pengerana ras perbahanenna. Ibas sienda perlu kal kita ngumban Jusuf, ija ikatakenna maka kerina siilakoken seninana man bana eme rancangen Tuhan, kita pe yakin adi lit si payo ibahan kalak man banta tentu erbahan kita semakin gigih erjuang guna kegeluhen. Adi lit pengerana kalak man banta la sikap tentu erjuang ka nge kita gelah ngasup ngalokenca alu bage tentu kita reh dewasana (reh beluhna rukur). Alu bage banci siurak-uraki ibas pusuhta ernembeh ate man kalak si la mehuli man banta e. Ije banci salih ateta nembeh jadi ate mekuah, sabab la iangkana si ban na e jadi pasu-pasu man banta, janah man bana jadi ukuren tahpe kebiaren. Alu kata sideban, adi ngasup kita rukur mehuli (positif thinking) ibas kerina kiniseranta e pasti salih ia jadi keriahen. Sabab sieteh maka la lit si la erguna jadi ibas geluhta subuk si bagi ukur bagepe si la bagi ukur. Janah bagi syair lagu Karo nina: "kiniseran nge ndube kite kite dalan ku si jore", si Imani enda me sijadi man banta kerina. Khususna Saitun, entah melala kal gia pengerana ras perbahanen anak kempunta si la bagi ukurta ula tama ku pusuh gejah jore tetap kiniersadanta ras ia.

IV. PERTOTON

O Tuhan Dibata Bapa kami si ni surga, mekatep kal kami enda ndalani kiniseran subuk erkiteken kalak sideban bagepe erkiteken pengkebet kami jine. Sampati kal kami gelah ngasup ndalanisa alu tetap ngalokenca alu ukur meciho. Totoken kami gelah kiniseran kami salih jadi keriahen. Amin.

V. DISKUSI

1. Turiken pengalamenta ndalani kiniseran, uga sikapta sedekah enda adi reh kiniseran e?

2. Kai si man usihen ibas Jusuf enda gelah ngasup kita nalihken kiniseran e jadi keriahen?

VI. ENDE-ENDEN

1. KEE NO 4577: 45, 2

2. KEE NO 59: 45, 2

3. KEE NO 77: 45, 4, 6

Pdt. Lisa Selfia br Tarigan