Damai: Mediator/benang penjarumi

BIMBINGAN PA SAITUN GBKP TAHUN 2025

TANGGAL, 02-08 NOVEMBER 2025

Ogen : Pilemon 1:8-22

Pemindon kerna Onesimus ntah pe si Erguna

Indonesia:

1:8 Karena itu, sekalipun di dalam Kristus aku mempunyai kebebasan penuh untuk memerintahkan kepadamu apa yang harus engkau lakukan,

1:9 tetapi mengingat kasihmu itu, lebih baik aku memintanya dari padamu. Aku, Paulus, yang sudah menjadi tua, lagipula sekarang dipenjarakan karena Kristus Yesus,   

1:10 mengajukan permintaan kepadamu mengenai anakku yang kudapat selagi aku dalam penjara, yakni Onesimus

1:11 - dahulu memang dia tidak berguna bagimu, tetapi sekarang sangat berguna baik bagimu maupun bagiku.

1:12 Dia kusuruh kembali kepadamu – dia, yaitu buah hatiku –.

1:13 Sebenarnya aku mau menahan dia di sini sebagai gantimu untuk melayani aku selama aku dipenjarakan karena Injil,

1:14 tetapi tanpa persetujuanmu, aku tidak mau berbuat sesuatu, supaya yang baik itu jangan engkau lakukan seolah-olah dengan paksa, melainkan dengan sukarela.  

1:15 Sebab mungkin karena itulah dia dipisahkan sejenak dari padamu, supaya engkau dapat menerimanya untuk selama-lamanya

1:16 bukan lagi sebagai hamba, melainkan lebih dari pada hamba, yaitu sebagai saudara yang kekasih, bagiku sudah demikian, apalagi bagimu, baik secara manusia maupun di dalam Tuhan.

1:17 Kalau engkau menganggap aku temanmu seiman, terimalah dia seperti aku sendiri.

1:18 Dan kalau dia sudah merugikan engkau ataupun berhutang padamu, tanggungkanlah semuanya itu kepadaku –

1:19 aku, Paulus, menjaminnya dengan tulisan tanganku sendiri: Aku akan membayarnya – agar jangan kukatakan: ”Tanggungkanlah semuanya itu kepadamu!” – karena engkau berhutang padaku, yaitu dirimu sendiri.

1:20 Ya saudaraku, semoga engkau berguna bagiku di dalam Tuhan: Hiburkanlah hatiku di dalam Kristus  

1:21 Dengan percaya kepada ketaatanmu, kutuliskan ini kepadamu. Aku tahu, lebih dari pada permintaanku ini akan kaulakukan

1:22 Dalam pada itu bersedialah juga memberi tumpangan kepadaku, karena aku harap oleh doamu aku akan dikembalikan kepadamu.

Karo:

1:8 Erkiteken si e pang kal aku seninandu i bas Kristus merentahken kam erbahan kai si arus ilakokenndu.

1:9 Tapi erkiteken keleng ateku kam, ulin kuakap aku mindo saja man bandu. Si enda kubahan aminna gia aku, Paulus, enggo metua, janah sangana ipenjaraken erkiteken Kristus Jesus.  

1:10 E maka mindo aku man bandu kerna si Erguna, si enggo jadi anakku erkiteken kiniteken tupung aku sangana i bas penjara.

1:11 Nai la ia erguna man bandu, tapi genduari erguna ia labo saja man bandu tapi man bangku pe.

1:12 Buah ateku si kukelengi enda, genduari kusuruh mulihken man bandu.

1:13 Si tuhuna ateku min i jenda nge ia ras aku, kidekah aku i bas penjara erkiteken Berita Si Meriah, gelah banci ia jadi gancihndu nampati aku.

1:14 Tapi la ateku kupaksaken kam nampati aku; ateku min si e ibahanndu alu ukur meriah. Alu bage la aku nggit erbahan kai pe adi la leben isetujuindu.  

1:15 Banci jadi si Erguna sirang ras kam kentisik gelah banci ia ras kam rasa lalap.

1:16 Genduari lanai bo ia budak ngenca, tapi ndauh ganjangen asangken sekalak budak. Ia me seninandu si meherga i bas Kristus. Keleng ateku ia, tentu lebihen ka pe kekelengenndu man bana, subuk selaku manusia bage pe i bas Tuhan.

1:17 E maka adi temanndu kin iakapndu aku, alokenlah ia mulihi bagi pengalokenndu aku.

1:18 Adi lit nai salahna man bandu, ntah lit utangna, jadi utangku bahan.

1:19 Aku jine nuratkenca bagin si enda, “Aku, Paulus, nggalarisa pagi kerina man bandu.” (Tentu labo perlu kupersingeti man bandu maka kam jine pe rutang man bangku, e me dirindu jine.)

1:20 O seninangku, sampatindu min aku erkiteken Tuhan; pesenang min ukurku sabap kita ersenina i bas Kristus  

1:21 Asum aku erbahan surat enda, tek aku maka ialokenndu pemindonku enda. Si tuhuna kueteh maka lebih asang si e pe nggit nge kam.

1:22 Tambah si e sikapkenlah sada kamar man bangku, sabap ngarap aku maka pertotonndu kerina ibegiken Dibata, janah ibahanNa aku mulihken ndahi kam.

Thema : BAGI BENANG PENJARUMI

Tujunna:

Gelah Saitun:

1. Makeken palas si tepat eme Jesus Kristus guna erbahan mediasi.

2. Meteh piga-piga hal tehnis guna jadi benang penjarumi /mediator

Metode : Studi Kasus - (dengan Prinsip-prinsip mediator).

I. BENA KATA

Salah sada dahin si cukup mberat eme jadi "mediator, tah pe benang penjarumi. Lit pe benang, adi la lit jarumna, si merigat ndai la banci ipersada, bagepe sebalikna. Ibas wari enda, Saitun erlajar jadi benang penjarumi.

II. LATAR BELAKANG

Turi-turin kerna perubaten Pilemon ras budakna Erguna (Onesimus) enggo seh man Paulus. Erguna kiam ibas Pilemon nari, lit kemungkinen ia nangko, gelah ula iukum Pilemon. Sebab nai, sekalak budak adi ersalah biasana iukum tuanna alu mberat. Ibas ia kiam eme ia jumpa ras Paulus. lajari Paulus ia seh maka kedungenna Erguna jadi kalak Kristen. Kenca si e ikirim Paulus surat man Pilemon gelah alokenna mulihi si Erguna jadi si erdahinna, terlebih jadi senina i bas Kristus. Pilemon eme teman Paulus erdahin i Kolose, rumahna jadi ingan pulung perpulungen (2).

Paulus jadi benang penjarumi / mediator

Paulus enggo berperan selaku benang penjarumi / mediator antara Erguna ras Pilemon. Labo ihakimina si Erguna janah la ka bo ipekitikna Pilemon selaku temanna sada pendahin. Piga-piga hal sinilakoken Paulus guna jadi benang penjarumi (mediator) eme:

Nggio itandai Paulus ia duana, subuk Pilemon bagepe Erguna, ietehna kai permasalehna, sura-surana ndameken ia duana.

Emaka ikirimna surat man Pilemon, ipetangkasna maka si Erguna e lanai nari budak tapi enggo jadi anakna erkiteken kiniteken man Kristus (10), enggo jadi buah atena (12), janah erguna kal ia man Paulus kidekah i penjara (11).

Isehken Paulus pe maka si Erguna genduari enggo jadi senina Pilemon si meherga kal i bas Kristus (16).

Erkiteken si e me ipindo Paulus gelah nggit Pilemon ngaloken mulihi si Erguna, erkiteken Kristus tapi pe erkiteken Paulus teman Pilemon (17), adi lit utang si Erguna, gelah ibahan jadi utang Paulus, Paulus nggalarisa kerina man Pilemon (19)

Pemindon Paulus e labo ipaksakenna, tapi erkiteken Tuhan (14), labo iperentahkenna, amin pe banci saja nge iperentahkenna (8, 20).

Tek kal Paulus maka ialoken Pilemon pemindonna e, lebih asa si e pe nggit nge Pilemon ngelakokenca.

Tek kal Paulus maka ibegiken Dibata pertoton Pilemon, janah adi masu-masu Dibata, mulihken ate Paulus ndahi Pilemon, emaka ipindona nikapken sada kamar man bana.

Paulus enggo ndalanken peranna selaku pendamping man Erguna. Banci jadi Erguna nggo nuriken kerina kelepakenna, janah robah ia, terlebih ialokenna Yesus Kristus jadi juruselamatna. Tek Paulus maka Erguna pe nggit ngakuken salahna man Pilemon.

Kerina pemindon Paulus man Pilemon, isehken Paulus arah suratna alu meteruk ukur, la ipaksaken. Hasilna tetap i bas Pilemon. Labo banci Paulus memaksaken pendapatna. Ibas ogenta memang la ituriken kuga sikap Pilemon, tapi lit keyakinen Paulus maka Pilemon nggit ngaloken Erguna mulihken erkiteken Dibata (21,22).

III. PENGKEΝΑΙΝΑ

I bas paksa enda, pe melala kal terjadi permasalahen i sekelewetta. Ibas Dibata lit pengampunan. Emaka Saitun la banci jadi penonton saja adi lit temanta la siangkaan. Saitun banci maba dame. Peran Saitun eme jadi benang penjarumi bagi Paulus ndai. Guna si e, lit piga-piga hal si perlu siperdiateken gelah banci kita jadi benang penjarumi (mediator) nandangi dua pihak si paksana ersoal :

1. Ingetlah: Palas Saitun jadi benang penjarumi (mediator) eme Tuhanta Yesus Kristus, si reh ku doni labo guna ielai tapi ngelai, dem keleng ate (Joh 3:16, Mat 22:37-40). Tuhu-tuhu alu pusuh si ersuruh guna pedameken.

2. Tujun Saitun jadi mediator, gelah si dua pihak e banci erdame, emaka Mediator la banci erpihak-pihak, Saitun harus netral ras ngasup menyimpan rahasiana.

3. Emaka, kenca ibegindu kai kin masalahna arah masing-masing pihak nari, emaka pindo persetujun kedua belah pihak, atendu mperdameken ia duana, desken benang penjarumi (mediator) saja. Adi ue nina, enggo banci laturkenndu jadwal perjumpan. Pejumpaken ia duana, bahan percakapen. Ibenaken ras idungi alu pertoton.

4. Bereken kesempaten man dua pihakna nuriken permasalahenna alu tenang, la emosi, tugas mediator megiken kerina siiturikenna e alu serius, asa bancina bahandu catatan-catatan penting. Sekali-sekali banci isungkuninndu kerna hal si la jelas. Pindo pendapatna ntah lit usulna tah pe solusi kerna masalahna e. Jenari isehkenndu ka man pihak si deban kerna usul / solusina e. Adi lenga lit jalan keluar, banci itunda ka perjumpan. Bahan ka perjumpan terpisah.

5. Mediator perlu kal memiliki kemampuan (skill) berkomunikasi, ngasup megi-megi, janah ngasup mereken penungkunen si erbahansa duana ia nggit nuri-nuri. Ula kita berperan sebagai guru tah pengkhotbah. Begiken ras analisa saja.

6. Bas percakapen e, kita ngasup ber-empati, ngasup kita nggejapken penggejapen masing-masing pihak, kinisuinna, ketersinggungenna rsd, tapi labo perlu kita ngandung adi temanta e seh ngandung nuriken ukurna. Rasa Empati enda erbahansa temanta e pe la segan nuriken perbebenna bagepe persoalenna.

Ula latih-latih ras ula bosan i bas ndungi masalah temanta. Bagi Paulus si enggo metua (9) ipake Dibata guna ndameken Pilemon ras Erguna, kita Saitun pe, ipercayaken Dibata ka i bas dahin pedameken. Sipindo kepentaren i bas Dibata nari. Ula kal sempat situriken man kalak si deban masalah temanta e. Kita arus terteki.

IV. STUDI KASUS

Keluarga A enggo dua kalak pupusna, dilaki ras diberu. Hubungen perbulangen ras ndehara sikap. Pencarinna pe sikap. Tutus ka pe ku Gereja ras perpulungen. Tapi rempet ibegi berita maka sirang ate perbulangen ras ndehara.

Kepeken campur tangan orangtua si dilaki ku jabu si A enggo lanai pas. Simetuana lalap ncampuri urusan keluarga A. lajarina anakna gelah erbual man ndeharana i bas masalah keuangen. Harus lit setoren tiap bulan man simetuana, tapi ula ieteh permainna. Kai pe siilakoken anakna harus betehen nandena. Ibas mata nandena, anakna e lenga dewasa, lenga beluh ngaturken duit bagepe rumahtangga.

Sementara permenna e seh kal ulina, hidup hemat, menabung, tukur kai siperlu saja, la perlu jile-jile. Pembukuan terbuka i bas ia duana.

Kondisi enda erbahansa latih kal ukurna, la ia ngasup nimbak nandena, sebab nina simetuana e man perbulangenna maka enggo melala kal jasa nandena e man anakna, mulai kin kitik-kitik nari. Kedungenna, anakna ndai mengalami depressi berat, sakit. Sabab lalap ia erbual man ndeharana, janah terlalu campur tangan akapna nandena ku jabuna. Janah alasen si e me maka ibaba nandena ia ku rumahna, ia ngerawatsa. Terakhir, ulin akapna sirang ras ndeharana, asangken lalap ia erbual, sebab la kal ia pang ngelawan nandena. Ipindona sirang ras ndeharana, la ia tega ngidahsa. Praktekkenlah bas PA Saitun enda, kuga kita jadi benang penjarumi bas keluarga enda.

V. ERTOTO

Bujur ikataken kami man banNdu Tuhan, sebab mbue kami erlajar arah kataNdu bas wari enda, bujur man banNdu pe, sebab ibas umur simetua enda, ipeatankenndu kami jadi alatNdu guna maba perdamen man kalak sipaksana la siangkan. Pasu-pasu ras bereken kami pemeteh ras kengasupen. Ibas gelar Yesus Kristus reh kami man banNdu. Amin.

VI. ENDE-ENDEN

1. KEE No.: 222 : 1,2

2. KEE No.: 14: 2,3

3. KEE No.: 62: 1,3

Pdt. Rosmalia Barus S.Th