Nandai Dibata Anak

BIMBINGAN PA SAITUN GBKP TAHUN 2026

TANGGAL, 03-09 Mei 2026

Ogen : Kolose 1:15-20

Kerna Kristus ras pedahinNa

Indonesia:

[15] Ia adalah gambar Allah yang tidak kelihatan, yang sulung, lebih utama dari segala yang diciptakan,

[16] karena di dalam Dialah telah diciptakan segala sesuatu, yang ada di sorga dan yang ada di bumi, yang kelihatan dan yang tidak kelihatan, baik singgasana, maupun kerajaan, baik pemerintah, maupun penguasa; segala sesuatu diciptakan oleh Dia dan untuk Dia.

[17] Ia ada terlebih dahulu dari segala sesuatu dan segala sesuatu ada di dalam Dia.

[18]  Ialah kepala tubuh, yaitu jemaat. Ialah yang sulung, yang pertama bangkit dari antara orang mati, sehingga Ia yang lebih utama dalam segala sesuatu.

[19] Karena seluruh kepenuhan Allah berkenan diam di dalam Dia,

[20]  dan oleh Dialah Ia memperdamaikan segala sesuatu dengan diri-Nya, baik yang ada di bumi, maupun yang ada di sorga, sesudah Ia mengadakan pendamaian oleh darah salib Kristus.

Karo:

[15] Dibata la teridah, Kristus nge rupa Dibata si teridah. IA lit ope denga ijadiken kerina si nasa lit.

[16] Sabap arah IA Dibata njadiken kerina si nasa lit subuk i Surga bage pe i doni, barang si teridah bage pe barang si la teridah, ikut pe kerina kesah si erkuasa ras merentah. Kerina si nasa lit ijadiken Dibata arah Kristus guna Kristus.

[17] Leben nge Kristus lit asangken kerinana, janah i bas persadan ras IA kerina si nasa lit e ndatken inganna si payo.

[18] IA me takal kulaNa, e me kepala Gereja. IA me ulu kegeluhen kulaNa. IA me si tangtangna ipekeke Dibata i bas si mate nari gelah IA ngenca banci ngaloken ingan si mehergana i bas kai pe.

[19] Arah peraten Dibata i bas diri AnakNa ringan alu serta si lit i bas diri Dibata.

[20] Arah IA me pe itetapken Dibata ndameken kerina si nasa lit ras DiriNa. Dibata mereken perdamen arah kematen AnakNa i kayu persilang, gelah kerina si nasa lit, subuk i doni bage pe i Surga mulihken man baNa.

Tema: Kristus Rupa Dibata Si Teridah

Tujunna:

Gelah Saitun:

1. Nandai ras nggejapken ise kin Jesus e situhuna

2. Naksiken pengalaman geluh ras Jesus

Metode : Diskusi

I. BENA KATA

Lit pepatah si ngataken" Tak kenal maka tak sayang". Pepatah enda ningetken uga pentingan penandainta nandangi sada sada hal gelah banci kita erban penilaian ras nentuken uga pengerganta i bas si e. Arah bahan PA Saitun sekali enda Tarapken alu penandainta sipayo kerna Kristus maka kinitekennta nandangi Ia reh paguhna lanai monce once ras reh tetapna ukurta ngikutken kai si iajarken Kristus sipakeken arah kerina dampar kegeluhennta.

II. MPEGESI OGEN

Paulus erban surat man perpulungen Kolose erkiteken tupung paksa si e lit pengajaren sipapak si berkembang i tengah-tengah perpulungen si ragu kerna ise kin Jesus Kristus e situhuna. Arah surat enda iarapken gelah pengangkan ras kiniteken perpulungen reh tangkasna ras reh teguhna. Arah surat enda ipetangkas Paulus kerna Jesus Kristus situhuna. Maka arah Jesus Kristus Dibata njadiken doni enda ras kerina sinasa lit, arah Jesus Kristus ngenca manusia ndatken keselamaten emaka manusia enggo arusna nggeluh erpengarapen man Kristus saja.

Kerna ise kin situhuna Jesus Kristus enda ijabab Paulus alu ngataken maka Jesus Kristus eme rupa Dibata si teridah. Kerehen Kristus ku doni enda eme kerehen Dibata alu nuruh anakNa si Tonggal lako nelamatken doni enda. Arah Jesus Kristus pendahin Dibata teridah man manusia. Emaka alu tegas Paulus ningetken maka kerina sinasa lit i surga bage pe i doni si enda kerina Dibata sinjadikena arah Jesus Kristus. Paulus nuriken kerna " Ketuhanen" Jesus Kristus maka la kap ngenca Tuhan e. Selain "Ketuhanen" Jesus maka Paulus pe ningetken kerna" Keutamaan" Jesus alu ngataken leben nge Kristus lit asangken kerinana. Jesus me takal gereja, IA me ulu kegeluhen ras IA me sitatangna ipekeke Dibata.

Pendahin Jesus Kristus reh ku doni enda eme jadi " Juru Damai" maka arah kematenna iperdamekenNa Dibata ras manusia sienggo ndabuh ku bas dosa. Manusia si enggo dabuh ku bas dosa labo ngasup ras banci rembak ras Dibata kecuali Dibata sendiri si berinisiatif reh ndahi manusia, ras iperdamekenNa diriNa ras manusia. Jesus Kristus sebage Juru Dame eme Dibata sendiri nge si reh mperdamekenca manusia gelah banci mulihken rembak ras Dibata..

III. PENGKEΝΑΙΝΑ

1. Pendahin Dibata Si Mada Kuasa ras sidem alu keleng ate icidahkenNa arah kerehen Jesus Kristus. Jesus Kristus eme Dibata si teridah si reh ku doni enda guna nelamatken manusia si enggo ndabuh ku bas dosa. Kerina si ipeseh Kristus man manusia eme Undang-Undang Dibata. Bagepe kerina siilakoken Kristus eme wujud keleng ate Dibata nandangi kita.

2. Uga kita banci tek man Dibata si la teridah adi man Jesus eme Dibata si teridah e pe la kita tek? Ise sitek man Jesus Kristus em tandana ia tek ras patuh man Dibata. Ngaloken Kristus sebage Tuhan ras Jerusalamata teridah arah kepatuhennta nandangi perentah ras undang-undang Tuhan.

IV. PERTOTON

Tuhan enggo ertangkasna man kami kerna kuasa ras keleng ateNdu sinelamatken kami arah anakNdu Jesus Kristus sienggo reh ku doni enda, ngenanami kiniseran, seh mate gelah kami banci terkelin. Bujur Jesus sebab arah kerehenNdu enggo idah kami kerna Dibata si isembah kami.

V. Diskusi

1. Turiken man temanndu ise kin Jesus si itandaindu kidekah enda!

2. Lit nge pengalamandu si menarik kerna kam nggeluh tek ras ngikutken Jesus Kristus?

VI. ENDE-ENDEN

1. KEE 281:1,2

2. ΚΕΕ 374:1,3

3. KEE 184:1,2

4. KEE 80:1,4

Pdt.Rehpelita Ginting