Bahan PJJ 03 – 09 Mei 2026

SIRANGI PERBAHANEN SI JAHAT

Kejadian 19: 1 – 7

Sodom dan Gomora dimusnahkan Lot diselamatkan

19:1 Kedua malaikat itu tiba di Sodom pada waktu petang. Lot sedang duduk di pintu gerbang Sodom dan ketika melihat mereka, bangunlah ia menyongsong mereka, lalu sujud dengan mukanya sampai ke tanah, 19:2 serta berkata: “Tuan-tuan, silakanlah singgah ke rumah hambamu ini, bermalamlah di sini dan basuhlah kakimu, maka besok pagi tuan-tuan boleh melanjutkan perjalanannya.” Jawab mereka: “Tidak, kami akan bermalam di tanah lapang.” 19:3 Tetapi karena ia sangat mendesak mereka, singgahlah mereka dan masuk ke dalam rumahnya, kemudian ia menyediakan hidangan bagi mereka, ia membakar roti yang tidak beragi, lalu mereka makan. 19:4 Tetapi sebelum mereka tidur, orang-orang lelaki dari kota Sodom itu, dari yang muda sampai yang tua, bahkan seluruh kota, tidak ada yang terkecuali, datang mengepung rumah itu. 19:5 Mereka berseru kepada Lot: “Di manakah orang-orang yang datang kepadamu malam ini? Bawalah mereka keluar kepada kami, supaya kami pakai mereka.” 19:6 Lalu keluarlah Lot menemui mereka, ke depan pintu, tetapi pintu ditutupnya di belakangnya, 19:7 dan ia berkata: “Saudara-saudaraku, janganlah kiranya berbuat jahat.

Kejadin 19: 1 – 7

Dosa kuta Sodom

19:1 Kenca ben wari seh me malekat si dua ndai i Sodom. Paksa e si Lut sangana kundul i pintu gerbang kuta. Kenca idahna ia duana minter keke Lut ngalo-ngalosa. Nembah ia i lebe-lebe kalak ndai janah nina,
19:2 “O Tuan, mari ku rumahku kita lebe. Bere maka banci kam kulayani. Banci iburihindu nahendu janah i jenda kita erberngi. Pagi lampas erpagi-pagi banci kam medak jenari nerusken perdalanenndu.”

Tapi nina kalak ndai njabapsa, “Bujur, i kesain enda me kami erberngi.”

19:3 Erkiteken lalap meseksek pemindon Lut man bana, dungna ras ia ku rumah. Isuruh Lut suruh-suruhenna nasakken roti janah isikapkenna pangan si entabeh man temuena e. Kenca enggo sikap kerina, man me kalak enda.

19:4 Ope denga temue ndai lawes medem, dilaki anak kuta Sodom reh ngkeleweti rumah e. Kerina dilaki si lit i bas kuta e subuk nguda tah metua reh ku je.
19:5 Ilebuhken jelma si nterem ndai Lut nina, “I ja kalak si reh erberngi ku rumahndu enda ndai? Baba ndarat man kami!” Ilakoken dilaki anak kuta Sodom atena man kalak ndai bali ras man diberu. 

19:6 Ndarat Lut, tapi minter i pintukenna pintun arah pudina.
19:7 Nina, “O teman, mindo kal aku man bandu, ola ibahanndu perbahanen si jahat e.

(Konfesi Ciptaan = Memahami LGBTQ Paham GBKP)

MODEL PJJ: PARTISIPATIF

 KATA PERLEBE

Kejahaten uga pe bentuk ras rupana arus isirangi bas kegeluhennta. Kejahaten la lit si kitik ntah si mbelin, si mberat ras si menahang kerinana arus isirangi sabab e mpeturah erbage-bage silamehuli. Aminna gia lit ombangna si mbelin si itawarkenna, rikut ras erbage-bage keuntungen si banci sialoken i bas si jahat e, tapi arus kita metenget, sedar kita maka kerina si ialoken arah kejahaten labo maba kejuah-juahen sabab labo ipasu-pasu Dibata. Janah ulih kejahaten e banci mabai kita ikuasai kebiaren ras ke arun ate sabab tep-tep perbahanen si ilakoken kita e desken benih si isuan lampas lawenna si perani me ulihna. Secara hukum pe la ngena ate negara enda kerna kejahaten, perbahanen si ngelawan hukum, janah lit ukumen nandangi perbahanen si jahat. Amin bage gia melala denga nge kalak ngelakoken si jahat bahkan ngajuk kalak ngelakoken kejahaten, sabab kejahaten e ianggap banci nampati ia ndatken sura-surana. Janah lit I bas ia kuasa si ngkelini ia i bas perbahanenna si jahat e nari. Lupa ia maka lit Dibata si mperdiatekenca janah nikapken ukumen man bana adi la ia robah. I bas Padan si Ndekah lit rumus kegeluhen nina: kalak bujur I pasu-pasu Dibata janah kalak Jahat dat ukumen (kutuk), tapi kalak si ngelakoken kejahaten banci denga selamat adi nggit ia nirangi kejahaten e, si e sendalanen ras Padan Si Mbaru, bagi nina Tuhan Jesus maka kalak banci selamat labo terjeng ia tek man baNa saja, tapi arus i ikuti alu pertobaten.

ISI

Kejadin 19: 1-7 eme lanjuten kerna kerehen Dibata ndahi Abraham (Kej. 18) I Mamre arah telu kalak si jadi temuena. Kerehen Dibata eme mpetetap ukur Abraham kerna kesusuren si nggo ipadanken Dibata man bana. Tapi kunjungen e kepeken labo terjeng meritaken kerna penggenapen kesusuren Abraham arah ndeharana Sara tapi pe kerna rencana nehken ukumen man anak kuta Sodom ras Gomora, sabab nina Tuhan: “lit pengadun si mberat kerna perbahanen si melket i Sodom ras Gomora; dosana nggo seh kal belinna.” Erkiteken si e reh me ate Tuhan ku Sodom guna mpepayo pengadun si seh man baNa (18: 21). Labo jelas situhuna kai perbahanen si melket anak kuta Sodom ras Gomora, tapi lit dugaan maka kejahaten siilakokenna erkawitan ras dosa seksualitas. Hal si e patut iperhitungken ngidah tindaken bakal ilakoken anak kuta Sodom man temue Lot i bas bahan ogenta. Arah si e teridah kesemalen si meluat (kebobrokan moral) i ja praktek homoseksualitas ntah pe tindaken pemerkosaan berkelompok rusur terjadi.

Pustaka si Badia mereken melala cataten kerna kejahaten kuta Sodom si situhuna labo terjeng kejahaten seksual ngenca, tapi pe erbage perbahanen si jahat si ngelawan Dibata. Meluat i bas keadilen (Yes. 1: 10; 3:9). I bas Kitab Jesaya 1: 10 enda pemimpin Yehuda ras Israel i gelari sebage “Manusia Sodom Ras Manusia Gomora, manusia si jahat si nindih kalak musil janah makeken ulih kejahatenna jadi persembahen man Tuhan. E maka ciga kal ate Dibata man kalak sibage. I bas Yehezkiel 16:49 ikataken maka anak kuta Sodom bayak, nggeluh riba-iba i bas pangan janah nggeluh ersenang-senang tapi la diatena kalak musil janah megombang ia. Jadi kuh kal kejahaten si jadi bas kuta e.

Kejadian 19: 1-7 encidahken uga Tuhan si reh ku kuta Sodom, janah teridah lit i je dua sikap si petembil. Si pemena eme Lut. Sanga Lut kundul i pintu gerbang kuta idahna kalak ndai e maka minter ialo-alona janah i tenahkenna kalak ndai gelah kesilang ku rumahna maka banci ielaina. Si enda mirip kal bagi pengalo-ngalo Abraham kalak si telu e. Sikap si bage i bas padan si ndekah eme sue ras pedah Dibata maka arus ngkelengi kalak pertandang. Em tandana Abraham ras Lut seri Dibatana, e teridah arah seri pengkebetna. Sikap peduaken eme anak kuta Sodom. Kerina dilaki bas kuta e subuk nguda ntah metua pulung ngekeleweti rumah Lut. I kepungna rumah e janah ipaksana gelah ipedarat kalak ndai (dilaki) i bas rumah e nari gelah banci i bahanna man kalak ndai bali ras man diberu. Ipersingeti Lut kalak si nterem e gelah ula erbahan perbahanen sibage sabab e perbahanen si jahat si la ngena ate Dibata. Kai si jadi e ncidahken maka bujurnge kuta Sodom ras Gomora i kernepken sabab meriah iakapna erbahan dosa, lanai lit kemelanna, janah ersada kepe arihna kerina erbahan dosa. Janah lanai lit tempa si ngolangisa perbahanen sibage bas kota e.

PENGKENAINA

Salah sada tantangen kegeluhen kalak Kristen i bas erbage- bage jaman eme kerna penyimpangan seksual si i gelari LGBTQ+ (L=Lesbian, G=Gay, B=Biseksual, T=Trangender, Q= queer/questioning).1 Engkai maka si e kerina ikataken penyimpangan seksual erkiteken erpalasken kitab Kejadin maka salah sada tugas manusia tupung ijadiken Dibata eme gelah ertuah jadi nterem (Kej. 1:28). Memang ertuah labo terjeng kuantitas (jumlah) tapi pe kualitas, nerusken kesegambaren Dibata si itanemken Dibata i bas dirita ras guna mpertahanken erbage-bage kiniulin si lit bas doni enda. Tapi la ka banci sipersoken maka ertuah (beranak cucu, bertambah banyak, dan penuhilah bumi) memang erkawiten ras aspek pelipatgandaan jumlah gelah kiniulin demi doni enda.

¹ Lesbian: perempuan yang memiliki ketertarikan seksual dengan perempuan. Gay: laki-laki yang memiliki ketertarikan sesual terhadap laki-laki, Biseksual: laki- laki atau perempuan yang memiliki ketertarikan seksual dengan laki-laki dan perempuan. Transgender: seseorang yang identitas Gendernya berbeda dengan jenis kelaminnya. Misalnya orang yang lahir berjenis kelamin laki-laki menganggap dirinya sebagai perempuan dan bahkan ada yang mengubah jenis kelaminnya. Queer: orang-orang yang tidak mengidentifikasi diri sebagai heteroseksual atau cisgender, atau yang menolak label identitas seksual atau gender tertentu. Questioning: Seseorang yang sedang mengeksplorasi atau mempertanyakan identitas seksual dan/atau gender mereka. Tanda + : Menunjukkan inklusi berbagai identitas seksual dan gender lainnya yang tidak tercakup dalam empat huruf pertama, seperti interseks, aseksual, dan lain-lain.

I bas konfesi GBKP (BAB IV: Manusia) ikataken: “kami percaya bahwa manusia adalah ciptaan Allah yang segambar dengan Allah, laki-laki dan perempuan dengan martabat yang sama (Kej. 1 : 26-27). Si enda nuriken maka GBKP ngidah maka si igelari manusia eme dilaki ras diberu janah duana seri ergana. Aminna gia lit perbedaan tapi duana ndatken kemulian, kinihagan ras kuasa arah rupa Dibata si lit i bas ia. Dilaki ras diberu i bas Kej. 1:27, isebut alu jenis kelaminna. Dilaki eme zakar, sidiberu eme neqebah. Si e labo nuduhken jenis kelaminna saja tapi pe kerna orientasi seksualna, erkiteken ikawitken ras perentah ertuahlah jadi nterem ras ndemi doni enda. Jadi siipersada Dibata eme sidilaki alu orintasi seksual sebage dilaki ras diberu alu orientasi seksual sebage Diberu. Duana ia ersada maka banci tersehi sura-sura Dibata. Orientasi seksual idarat sie ianggap menyimpang sabab la bage sura-sura Dibata seh maka adi ilakoken tentu manusia la ndahiken tugasna guna mpermuliaken Dibata. I bas padan si mbaru pe isingetken maka kalak si erlagu la mehuli, si nembah berhala, perlua-lua, entah erlagu la mehuli sapih-sapih dilaki….. la dat bagin I bas kinirajan Dibata (bnd. 1 Kor. 6: 9; 1 Tim. 1;10).

Memang la sipungkiri litna fenomena LGBTQ+ ras erbage bage orientasi seksual si la bagi i tetapken Dibata, ketertarikan dengan sesama Jenis, lit ia si ibabana arah pertubuhna nari, faktor genetic, ras erbage-bage dampar, luka batin/akar pahit si la terkendaliken sekalak jelma ntah si la terhindarisa maka turah orientasi seksual si menyimpang e. Tapi lit ka si bengket arah lingkungen si la mehuli ras pergaulen si melket. Tapi bicara ja nari gia rehna, biak-biak sibage perlu nge si sadari maka e la ngena ate Tuhan. Perlu si jaga dirinta ngelakoken perbahanen si jahat. Bagi siikataken Rasul Paulus: Kai pe banci ilakoken tapi la kerina erguna, kai pe banci ilakoken tapi labo kerina pehuliken (bnd. 1 Kor. 10: 23). Aminna gia lit dorongen i bas kita ngelakoken erbage-bage hal, tapi sura-sura e banci nge si lawan, si persoken (menyangkal diri) adi la maba kiniulin ras simpereh rawa Dibata.

Tapi amin bage gia keleng kal ate Dibata kerina anak-anakNa, amin pe la ngena ate Dibata perbahanen-perbahanen si lepak si ibahan kita. E maka selaku persadan kalak si tek, perlu sijaga isi jabunta khususna anak-anakta arah pergaulen si la mehuli, gelah ola sempat ndabuh ku bas hal-hal si la ngena ate Tuhan, khususna orientasi seksual si menyimpang enda. Janah tetap si kelengi turang seninanta si mungkin nggo ndabuh ku bas hal sibage, gelah i tadingkenna si la ngena ate Tuhan. Sabab alu nehken kekelengen e ngenca dalanna jelma banci robah. Si labenar eme perbahanenna labo dirina.

DISKUSI :

1. Rikutken bahan ogenta bage pe pengakapndu, kai nge penyebab maka melala prilaku menyimpang (termasuk LGBTQ+) jadi i tengah tengah kegeluhen, bandingken ras situasi kuta Sodom ras Gomora.
2. Kai nge si banci silakoken dikune anakta, kade-kadenta ntah temannta sada perpulungen ndabuh ku bas orientasi seksual si menyimpang?

USULEN ENDE-ENDEN:

1. KEE 306: 1, 4 O kam tinepa Dibata
2. KEE 233: 1 – 2 Si Bas Dosa Kin Ercebah
3. KEE 429: 1 – 2 Tuhanta Yesus ndilo kita
4. KEE 402: 1 – 2 Perban kekelengenNdu

DAFTAR BACAAN :

Moderamen GBKP; Buku Saku: Pokok-Pokok Pengakuan Iman GBKP

Walter brueggman, Genesis: A Bible commentary for Teaching And Preaching Interpretation, Wesminster Jhon knox Press Media online:

Tirto.id, Apa Itu LGBTQ+ dan Penjelasan Macam-macamnya, diakses pada selasa 8 juli 2025