Bahan PJJ 26 April – 2 Mei 2026

DIBATA KAP SIPERLEBE RAS SI PENDUNGINA

Ketangkasen1:4-8
(KonfesiAllah‘AllahAlphaOmega)
MODEL PJJ: KESAKSIN

4 Dari Yohanes kepada ketujuh jemaat yang di Asia Kecil: Kasih karunia dan damai sejahtera menyertai kamu, dari Dia, yang ada dan yang sudah ada dan yang akan datang, dan dari ketujuh roh yang ada di hadapan takhta-Nya, 5 dan dari Yesus Kristus, Saksi yang setia, yang pertama bangkit dari antara orang mati dan yang berkuasa atas raja-raja bumi ini.

Bagi Dia, yang mengasihi kita dan yang telah melepaskan kita dari dosa kita oleh darah-Nya – 6 dan yang telah membuat kita menjadi suatu kerajaan, menjadi imam-imam bagi Allah, Bapa-Nya, – bagi Dialah kemuliaan dan kuasa sampai selama-lamanya. Amin.

7 Lihatlah, Ia datang dengan awan-awan dan setiap mata akan melihat Dia, juga mereka yang telah menikam Dia. Dan semua bangsa di bumi akan meratapi Dia. Ya, amin.

8 ”Aku adalah Alfa dan Omega, firman Tuhan Allah, yang ada dan yang sudah ada dan yang akan datang, Yang Mahakuasa.”

4I bas Johanes nari, man perpulungen si pitu i Propinsi Asia. Simparlah man bandu keleng ate ras dame si rehna i bas Dibata nari, e me Dibata si nai nari lit seh asa genduari dingen si lit seh rasa lalap, bage pe si rehna i bas Kesah si pitu nari si ringan i lebe-lebe kursi kinirajan Dibata.  5Bage pe alokenlah perkuah ate ras dame si rehna i bas Jesus Kristus nari, saksi si tutus, Anak sintua si enggo ipekeke Dibata i bas si mate nari, si erkuasa nandangi kerina raja-raja i doni enda.

Keleng ate Jesus kita, janah arah kematenNa ipulahiNa kita i bas dosa-dosanta nari.  6IA me si erbahanca kita jadi kinirajanNa, e me jadi imam-imam guna ndahiken dahin Dibata, BapaNa. Iakuilah kemulian ras kuasaNa seh rasa lalap. Amin. 

7Nehenlah, ia reh ras embun! Kerina kalak ngidah IA pagi, subuk kalak si enggo nebak ia pe. Kerina suku-suku bangsa i doni enda nangisi IA. Payo, bage me jadina. Amin. 

8“Aku kap si perlebe ras si pendungina,” nina Tuhan, Dibata si Mada Kuasa, nai nari, genduari, seh rasa lalap. 

KATA PERLEBE
Isekin Dibata, dingen kuga kin Dibata siisembah kalak sierkiniteken? Teptep agama si lit idoni enda lit pengakunna kerna Dibata siisembahna. Biak rikut kuasana ieteh dingen iakuina i bas kegeluhen. Alu bage tetap ukurna ngikutkenca sabab igejabna Dibatana eme si paling erkuasa i bas geluhna. Alu bage i bas kecibal sikugapa pe tetap iikutken ras ipatuhina pedah Dibata e. Pengakun, kesetian rikut ras ketetapen ukur jadi dikune itandaina alu payo Dibata siisembahna i bas kegeluhenna. Bagenda me i bas ogenta enda, ituriken ras ipetandaken Johanes man perpulungen-perpulungen e kerna Dibata siisembahna gelah tetap paguh perpulungen e i bas kinitekenna aminna pe i bas paksana ngalaken perbeben geluh.

ISI
’Suka duka dipakaiNya untuk kebaikanku’ enda sada syair lagu Kidung Jemaat no 408 sinuriken kai pe sijadi i bas kegeluhen enda jadi guna kiniulin man dirinta bage pe man kalak si deban. Kerina si jadi i bas kegeluhen enda banci jadi dalanta ras kesempatennta tole guna nandai Dibata. Penandaita kerna Dibata e tentu erpalasken pengalamen kegeluhenta selaku kalak sitek. Kuga ia ’ngelibatken’ Dibata i bas kerina dampar geluhna dingen tek ia kerna kuasaNa nandangi paksa-paksa si lit.

Bagenda me Johanes si ibuang ku pulau Patmos erkiteken ia sekalak ajar-ajar Jesus Kristus. Amin bage pe kecibal geluhna i ambengken ku pulau Patmos e, tapi i bas pulau epe ijadiken Johanes kesempaten guna tole mbangun hubungen ras Dibata, janah ije me man bana ipetangkas erbage-bage kecibal i bas masa sireh kerna Dibata.

Arah pengalamen sibage rupana ipetetapna kiniteken perpulungen si nggeluh i bas kiniseran erkiteken kinitekenna. Perbeben e rehna i bas pemerentah nari gelah kerina nembah kaisar dingen maba persembahen man bana termasuk pe kaisar si enggo mate sabab iakapna kaisar/raja e dewa. Sinulak perentah enda, iukum erkiteken iangkap pemberontak ras penghianat. Selain pengalamenna singenanami kiniseran jine rikut ras erbage kecibal siinanami perpulungen ipetandakenna ise Dibata siisembah perpulungen. Kitab Ketangkasen eme si isuratken Johanes, kerina pengalamen kiniteken siidahna iturikenna rikutken pengenehenen si ialokenna. Sijadi ogenta enda eme kata perlebe i bas bagin kitab Ketangkasen, mpetandaken ise kin Dibata e, si arus ipertahanekenna i bas kinitekenna. Lit pitu perpulungen si jadi tujun surat enda eme Efesus, Semirna, Pergamon, Tiatira, Sardes, Piladelfia ras Laodekia (Ket. 1:11) si ringan i Propinsi Asia, daerah Timur kekaisaren Roma.

Kiniseran perpulungen enda gambaren kegeluhen ras perjuangen kiniteken perpulungen Kristen paksa e. Piga-piga pedah ras kata siisehken Johanes eme:
• Keleng ate Dibata simpar man kalak sitek. Dibata sierkuasa nai nari seh genduari bage pe rasa lalap. Ertina Dibata sierkuasa i bas kerina paksa, waktu ras sejarah: nai nari si lenga sieteh, lenga siidah, lenga sinanami; ras siinanami perpulungen paksa e bage pe sibentasi kita genduari ras paksa sireh ras si langa reh, langa ieteh tapi tek kita lit i bas rancangen Dibata. Kuasa Dibata la seri ras kuasa raja-raja si terbatas kuasana ras paksana.
• Jesus eme anak Dibata sintua, si enggo keke i bas si mate nari, eme sierkuasa nandangi kerina sinasa lit idoni enda. Ia erkuasa ras si erdaulat nandangi kerina raja-raja si lit idoni enda. E maka labo lit dalanna manusia nembah raja-raja si merentah paksa e. Sabab Jesus ngenca mesias, si erdaulat dingen singasup mulahi manusia i bas kuasa dosa. La saja kegeluhen idoni enda tapi pe kemulianNa seh i Surga ia sierkuasa. I bas IA nari ngenca manusia ngaloken perkuah ate ras dame i bas kegeluhenna
• ’Aku kap si perlebe ras siperpudi’, Alfa ras Omega (Ket. 1:8, 17; 21:6) enda jadi simbol kerna Dibata, hurup pertama ras terakhir i bas abjad Junani. Jesaya pe pernah make kata si seri sebage gambaren ’kesempurnan ras totalitas’ Dibata (oge Jesaya. 44:6; 48:12). La lit Dibata si deban seakatan IA, e maka ula sembah isepe subuk raja-raja ntah pe dibata-dibata si deban.

PENGKENAINA
Konfesi GBKP BAB II Allah, Kami percaya, bahwa:
• Allah adalah yang awal dan yang akhir, yang ada dan yang sudah ada dan yang akan datang, Yang Maha Kuasa (Wahyu 1:8). Dialah yang berdaulat: kebenaranNya yang mutlak dan keputusanNya yang adil dalam menghukum dosa dan mengasihi orang berdosa (Yohanes 3:17-18).
• Allah Tritunggal: Allah Bapa, Allah Anak dan Allah Roh Kudus (I Yohanes 5:7; Yohanes 10:30; II Korintus 13:14; Matius 3:16-17).
• Allah Bapa adalah Allah yang menciptakan langit dan bumi dan segala isinya yang memelihara sampai akhir jaman (Kejadian 1:1-31).
• Allah Anak adalah Jesus Kristus; Anak Allah yang tunggal (Yohanes 1:14) yang menyatakan pekerjaan dan kehendak Allah di dalam dunia (Yohanes 4:34). Dialah Penebus dosa kita (Matius 1:21) melalui kelahiran, kematian, kebangkitan, kenaikanNya ke Sorga serta kedatanganNya kembali.
• Allah Roh Kudus adalah pribadi Allah; Roh Allah dan Roh Kristus (Roma 8 : 15 – 17). Dialah Penolong dan Penghibur yang dikaruniakan untuk mengajar, mengingatkan orang percaya akan kehendak Allah dan ajaran Jesus Kristus, dan menanamkan serta memelihara iman sampai kedatangan Jesus Kristus kembali (Yoh 14:26; II Korintus 3:17).

Enda me Pengakuan Iman (konfesi) GBKP kerna Dibata. Alu pengakun enda tentuna kerina perpulungen GBKP tuhu-tuhu ngakui maka Dibata me si ber’otoritas’, erkuasa i bas kerina si lit idoni enda. E maka IA ngenca Dibata sipatut isembah, la lit si deban. Dibata si lit, simenaken dingen sinjadiken doni ras isina dingen si mpekena-kena kerina tinepa rikut kegeluhen enda seh paksa si reh, si ise pe la meteh kerna wari pendungi (akhir jaman) seakaten Dibata. Sinebusi kerina tinepa i bas Anakna Jesus Kristus dingen simpekena-kenasa i bas pengajaren seh wari pendungi. Enda me siidah dingen ipetangkas Johanes man perpulungen si pitu bage pe man banta gereja i bas jaman genduari enda. Geluhta lit i bas masa nimai wari pendungi si lit i bas kuasa Dibata, nggeluhlah alu naksiken Dibata si mereken keleng ate ras dame man banta.

DISKUSI:
1. Turiken penggejapen dingen pengangkanndu kerna Dibata rikutken ogen ras tema PJJ ta.
2. Saksikenlah kerna Dibata si tandai ras siakuken kita arah ende-enden, puisi ntah pe yel-yel.

USULENENDE-ENDEN:
1.Jesus Itulah Satu-satunya
2.KEE GBKP No.196:1-3
3.KEE GBKP No.185:1-3
4.KEE GBKP No. 366:1-2

DAFTAR BACAAN:
1. Alkitab, Edisi Studi
2. Konfesi GBKP