Makna Elohim

SI MAN OGEN        : Jesaya 41:8-13

Israel hamba TUHAN

41:8 Tetapi engkau, hai Israel, hamba-Ku, hai Yakub, yang telah Kupilih, keturunan Abraham, yang Kukasihi; 41:9 engkau yang telah Kuambil dari ujung-ujung bumi dan yang telah Kupanggil dari penjuru-penjurunya, Aku berkata kepadamu: "Engkau hamba-Ku, Aku telah memilih engkau dan tidak menolak engkau"; 41:10 janganlah takut, sebab Aku menyertai engkau, janganlah bimbang, sebab Aku ini Allahmu; Aku akan meneguhkan, bahkan akan menolong engkau; Aku akan memegang engkau dengan tangan kanan-Ku yang membawa kemenangan. 41:11 Sesungguhnya, semua orang yang bangkit amarahnya terhadap engkau akan mendapat malu dan kena noda; orang-orang yang membantah engkau akan seperti tidak ada dan akan binasa; 41:12 engkau akan mencari orang-orang yang berkelahi dengan engkau, tetapi tidak akan menemui mereka; orang-orang yang berperang melawan engkau akan seperti tidak ada dan hampa. 41:13 Sebab Aku ini, TUHAN, Allahmu, memegang tangan kananmu dan berkata kepadamu: "Janganlah takut, Akulah yang menolong engkau."

41:8 Tapi kam o Israel, suruh-suruhenKu, kam kap bangsa pilihenKu, kesusuren Abraham temanKu. 41:9 Kubaba kam i bas ujung doni nari; Kudilo kam i bas tepi si ndauhna nari. Kukataken man bandu, 'Kam kap suruh-suruhenKu; nggo Kupilih kam, janah labo kam Kutulak. 41:10 'Ula mbiar, sabap Aku kap ras kam! Aku kap Dibatandu, emaka ula atendu aru. Kusampati kam, janah Aku mahanca kam megegeh. Kukawali kam, janah Kukelini pe. 41:11 Kalak si merawa man bandu, mela me akapna perban talu. Kalak si erbebe ngelawan kam, kernep me janah masap pe. 41:12 Idaramindu me musuh-musuhndu, tapi la kam jumpa, sabap nggo lesap kerina. 41:13 Aku kap TUHAN Dibatandu, si ncikep tanndu si kemuhun. Janah Kukataken man bandu, 'Ula kam mbiar, Aku nampati kam.'"

TEMA                     : Dibata Penampat

TUJUN                    : Gelah Moria:

·       Nandai Dibata arah perbahanenNa man bangsaNa

·       Erbagi pengalamen nggeluh kerna perbahanen-perbahanen Dibata i bas geluhna.

METODE PA           : Sharing

Kata Penaruh.

Kitab Jesaya enda isuratken Nabi Jesaya sekitar abad pe-8-ken (tahun 740-680 ope masehi). Jesaya nggeluh sangana pemerintahen Raja Usia, Jotam, Ahas ras Hiskia i Kerajan Juda.Asum si e bangsa Israel terancam kuasa bangsa Babil ras Asur si megegeh. Jesaya meteh bangsa Israel e ibahan Dibata talu sabap kegeluhenna enggo lanai setia erkiniteken kempak Dibata, enggo erdua ukur. Bangsa e enggo nadingken Tuhan dingen ngikutken dibata-dibata si deban janah perbahanenna pe sapih-sapih ia enggo lanai sikap, lanai mehuli. Amin bage gia, Dibata tetap ncidahken perkuah ateNa janah ngajuk bangsa e guna mulihken kempak Tuhan alu nadingken dalan geluh si la mehuli.

Jesaya 41 e me bagin arah deutero Jesaya entah pe Jesaya bagin sipeduaken. Situasina bangsa e enggo ibaba dingen itaban i Babil dingen pengarapenna pe enggo bene. Nabi Jesaya nuriken dingen ngingetken maka Dibata e tetap erkeleng ate man bangsaNa. Lit nge masana pagin ibaba Dibata mulihken bangsaNa e ku Jerusalem. Sada tema si penting i bas bindu enda e me kap: Dibata e me Dibata si engkuasai sejarah, janah IA ersura-sura gelah bangsa Israel jadi persuruhenNa ku kerina bangsa-bangsa si pagin ndatken pasu-pasu arah bangsa e.

Mpebagesi Pengangkan Kerna Ogen

Oratenta sendah enda ngingetken kerna inisiatif Dibata mpetetap ukur bangsa Israel, gelah ola nari nggeluh i bas kebiaren doni enda. Respon bangsa Israel e me: iakukenna maka Dibata e me Dibata si tuhu-tuhu. I idah Dibata ketutusen bangsa e, e maka iberekenNa tole padan penemaniNa janah kemenangen pe, sadap labo erkerin keleng ate dingen kesetian Dibata.

Ayat 8-9:

Pengakun Dibata kempak bangsa Israel e me bangsa pilihen Dibata (bak. Ul. 7:6). Isuratken kata 'suruh-suruhenKu, mereken makna e me: litna pemilihen ras pengakun, tanggung jabap bage pe tugas maka adi persuruhen Dibata tentu kegeluhenna ikawali dingen ipekena-kena Dibata. Tole isingetken Dibata kerna Abraham, ngingeti kerna nini-ninina bangsa Israel nari i ja Dibata milih Abraham e tangtangna guna jadi bangsa si mbelin. Abraham e pe ikatakenNa temanNa, em penginget maka tuhu-tuhu Dibata rembak ras bangsaNa.

Kubaba kam i bas jung doni nari, Kudilo i bas tepi si ndauhna nari.Kai ertina kata-kata Dibata enda? Kuasa Dibata e teridah arah milih dingen garak-ngarak bangsaNa i ja pe dingen katawari pe.

Ayat 10, 13:

Kata "ola mbiar" lit dua kali isuratken, enda me si mahanca tetap ukur bangsa Israel e. Janah lanai er-aru ate pe. Kai alasenna maka la mbiar bangsa e?

·       Dibata si mahanca bangsa e megegeh.

·       Dibata si ngkawali dingen ngkelini bangsa e.

·       Dibata ncikep tanna si kemuhen.

Adina bage kal pengarak-ngarak Dibata bangsa Israel e, kai denga si jadi kearun atena? Situhuna lanai bo lit.

Ayat 11-12:

Dibata si mahanca bangsa Israel menang naluken imbang-imbangna. Kalak si merawa dingen si ngelawan enda jadi gambaren imbang. Mela dingen kernep kerina imbang bangsa Israel e ibahan kuasa Tuhan. Lanai lit i ja pe imbangna ndai, kerina rimbangken kuasa Tuhan.

Pengkenaina

1.    Penandaita kempak Dibata alu gelar ELOHIM secara spesifik teologisna e me: Dibata si mada kuasa, si ncidahken gegeh ras kuasaNa si la erbatas. IA me Dibata si nepa doni dingen ngarak-ngarak kegeluhen tinepaNa janah IA me Dibata si sada si man sembahen, la lit dibata-dibata si deban. I bas konteks Jesaya ndai enggo tangkas maka Dibata erkuasa si ergegeh ngarak-ngarak kegeluhen bangsaNa Israel bage pe man banta kerina kalak si setia erkiniteken man baNa.

2.    Kegeluhenta lit i bas erbage situasi. Ipegegehi Dibata kita salu Kata Dibata enda: ola mbiar, ola er-aru ate, sabap Dibata kap si nampati kita. Janah i bas tahun-tahun kegeluhenta enggo me rusur sigejapken, sinanami penampat Dibata e. E maka i bas rungga, persoalen geluh teklah isampatiNa nge kita pe.

3.    Jatuh bangun dalam iman situasi si bagenda pe jadi i bas kegeluhenta, tapi la itadingken Dibata kita ibahanNa dalan sierbahanca tetap siinget keleng ate dingen kesetianNa. E maka ula lupa tetap rembakken diri kempakSa.

Sharing

Dua kalak i bas sada kelompok. Kundul alu petala-tala. E maka alu pegancihen nuriken kerna pengalamen si inanamina kerna perbahanen-perbahanen Dibata i bas geluhna. Subuk i bas kesusahen bage pe keriahen, gelah tangkas teridah pengarak-ngarak Dibata i bas kegeluhenna. Si enda ilakoken alu tujun gelah reh paguhna kiniteken kempak Dibata. E maka i bas kelompok si kitik enda ka me itutup alu pertoton (turiken tole kai si man totonken temanta).

Pdt. Kristiani F. Br. Tarigan