JAHWE

SI MAN OGEN        : Keluaran 3:14-17

3:14 Firman Allah kepada Musa: "AKU ADALAH AKU." Lagi firman-Nya: "Beginilah kaukatakan kepada orang Israel itu: AKULAH AKU telah mengutus aku kepadamu." 3:15 Selanjutnya berfirmanlah Allah kepada Musa: "Beginilah kaukatakan kepada orang Israel: TUHAN, Allah nenek moyangmu, Allah Abraham, Allah Ishak dan Allah Yakub, telah mengutus aku kepadamu: itulah nama-Ku untuk selama-lamanya dan itulah sebutan-Ku turun-temurun. 3:16 Pergilah, kumpulkanlah para tua-tua Israel dan katakanlah kepada mereka: TUHAN, Allah nenek moyangmu, Allah Abraham, Ishak dan Yakub, telah menampakkan diri kepadaku, serta berfirman: Aku sudah mengindahkan kamu, juga apa yang dilakukan kepadamu di Mesir. 3:17 Jadi Aku telah berfirman: Aku akan menuntun kamu keluar dari kesengsaraan di Mesir menuju ke negeri orang Kanaan, orang Het, orang Amori, orang Feris, orang Hewi dan orang Yebus, ke suatu negeri yang berlimpah-limpah susu dan madunya.

3:14 Nina Dibata man Musa, "Enda me si arus ikatakenndu man bana, 'Si tergelar AKU TETAP AKU nggo nuruh aku njumpai kam.' 3:15 Kataken man bangsa Israel maka Aku, TUHAN, Dibata nini-ninina, Dibata Abraham, Isak, ras Jakup nggo nuruh kam njumpai ia kerina. Enda me gelarKu seh rasa lalap; bagenda me la banci lang Aku igelari i bas sundut ku sundut. 3:16 Berkatlah kam, dilo peminpin-peminpin bangsa Israel pulung janah turiken man bana kerina maka Aku, TUHAN, Dibata nini-ninina, Dibata Abraham, Isak, ras Jakup, nggo ncidahken bana man bandu. Turiken man bana kerina maka Aku nggo reh ndahi ia, janah nggo ngidah kai si ibahan bangsa Mesir man bana. 3:17 Nggo Kutetapken maka la banci lang Kutaruhken ia ndarat i i bas kimiseranna nari i Mesir, janah Kubabai ia ku taneh si mehuli ras mehumur, taneh bangsa Kanaan, Heti, Amori, Peris, Hewi, ras Jebusi.

TEMA                     : AKU TETAP AKU

TUJUN                    : Gelah Moria:

·       Nandai Jahwe alu payo (mengenal secara utuh).

·       Nuriken penandaina kerna Jahwe.

METODE PA           : Menginventarisir

Kata Penaruh.

Teptep moria rukur kentisik kerna penandaina TUHAN sedekah enda, isekin TUHAN e man bana secara pribadi. E maka isi kolom si enggo isikapken.

Megati kal kita erlajar kerna kata Dibata, kai pedahNa, kai sura-suraNa, kai sila ngena ateNa ras sidebanna. I bas wari enda kita ngerana kerna ise kin TUHAN (YAHWE). Adi isungkun kita, banci jadi mbue kal jababta: si mada kuasa, sinepa langit ras doni, siengkelengi kita, sinemani kita, sinjadiken kita, ras sidebanna. Kerina enda labo lit si salah, tapi arah bahan PA-nta enda tole ipetandaken kerna ise kin Tuhan e.

Mpebagesi Pengangkan Kerna Ogen

Bahanta enda nuriken kerna cara Tuhan mpetandakendiriNa man Musa. Enda ilakokenNa erkiteken Musa nungkun i bas ay 13." Adi kujumpai pagi bangsa Isarel janah ningku man bana, 'Dibata nini ninindu nuruh aku njumpai kam' tentu isungkunna, 'ise gelarna?' Jadi kuga pagi ningku njababsa?' Penungkununen sienda me jabab Dibata nandangi Musa. Ipetandaken Dibata gelarna e me AKU TETAP AKU (Ibr: ehyeh asher ehyeh). I bas tradisi Jahudi Dibata e igelari YAHWE si akar kata Ibranina e me "hayah" si ertina "ada, menjadi entah pe eksis." Gelar enda nuriken kerna keberadaan Tuhan si "kekal", "la tergantung man kai pe," dingen "maha hadir." Gelar siipetandankenNa AKU TETAP AKU secara teologis encidahken kecibal Tuhan si "mutlak," "kekal" dingen "la pernah mobah." Alu bage banci siertiken maka gelar YHWH encidahken gelarNa si Badia, janah IA mutlak ras kekal; janah Aku kap Aku encidahken maka IA me ulu kerina sinasa lit, la IA tergantung man ise pe, dingen la mobah.

Musa nungkun kerna ise kin Tuhan e, erkiteken tupung si e bangsa Israel enggo ndekah tading i bas perbudaken Mesir si ngidah kuga bangsa enda nembah man dewa-dewa si ibahan i bas patung nari entah pe ku benda-benda tinepa sideban. Ngidah situasi enda me maka Musa nungkun Tuhan, ise kin Kam? Penungkununen enda labo terjeng gelar tapi kerna "identitas" ras "otoritas." Dibata labo ngataken gelarNa bagi dewa-dewa sideban tapi siikatakenNa e me AKU TETAP AKU ertina IA la banci ipeseri ras dewa apai pe.

Sura-sura nuriken gelarNa gelah Musa nuriken sura-sura ras rencana Dibata nandangi bangsaNa, e me mulahi bangsa enda i bas perbudaken Mesir nari. IbenakenNa alu encidahken uga ndube deherna hubungen Dibata ras nini kalak enda e me Abraham, Isak ras Jakub. Teluna kalak enda igelari nini tudung (nenek moyang/ bapa leluhur). Tokoh enda tuhu-tuhu jadi sentral man bangsa Israel, janah arah tokoh enda me Tuhan reh mpetandaken diriNa. Tuhan ngataken man Musa maka IA me Tuhan nini tudung kalak Isarel, e maka adi iakui kalak enda Abraham, Isak ras Jakub nini bulangna, maka bangsa Isarel pe Dibata ka nge Tuhanna. Nina Tuhan man Musa maka Dibata nini ninindu enda me si enggo encidahken diri man bandu. Jenari isuruhNa Musa nurikenca man bangsa Israel maka Tuhan e enggo reh njumpai bangsana.

Pengkenaina

Seh asa genduari, banci jadi kita labo pernah jumpa ras TUHAN pedempak ayo i bas doni enda desken 2 kalak jelma petala-tala. Erkiteken TUHAN e tuhu-tuhu badia, dingen kita manusia kalak perdosa seh maka labo kita ngasup ngidah IA alu pedempak. Uga dage caranta nandai TUHAN e? Penandainta kerna TUHAN arah bahan PA-nta wari enda lebih ku bas nandai IA secara biak entah pe karakter bage pe keadaanNa, labo ku bas ciri-ciriNa secara fisik. Banci sitandai piga-piga biak TUHAN e me: Tuhan e lit (ada), ertina labo IA ijadiken entah pe itepa, IA me pemenana ras pendungina (Alpa dan Omega). Tuhan la tergantung man kai pe; kai pe ateNa ibahanNa banci jadi. Tuhan e mutlak; IA la banci ipeseri ras kai pe (dewa kai pe). Kekal; IA lit rasa lalap, la ipengaruhi waktu. La pernah mobah; IA konsisten seri nderbih, sendah ras pagi.

Menginventarisir

Penandaita kerna TUHAN: kenca er PA bage pe pengalamen ras TUHAN.

Pdt. Liza Selvina br Tarigan