Jadi Metua E Pasti, Meriahlah 

BIMBINGAN PA SAITUN GBKP TAHUN 2025

TANGGAL, 26-01 NOVEMBER 2025

Ogen : Pengerana 12:1-5

Ajar man kalak si nguda

Indonesia:

12:1 Ingatlah akan Penciptamu pada masa mudamu, sebelum tiba hari-hari yang malang dan mendekat tahun-tahun yang kaukatakan: ”Tak ada kesenangan bagiku di dalamnya!”,

12:2 sebelum matahari dan terang, bulan dan bintang-bintang menjadi gelap, dan awan-awan datang kembali sesudah hujan   

12:3 pada waktu penjaga-penjaga rumah gemetar, dan orang-orang kuat membungkuk, dan perempuan-perempuan penggiling berhenti karena berkurang jumlahnya, dan yang melihat dari jendela semuanya menjadi kabur

12:4 dan pintu-pintu di tepi jalan tertutup, dan bunyi penggilingan menjadi lemah, dan suara menjadi seperti kicauan burung, dan semua penyanyi perempuan tunduk

12:5 juga orang menjadi takut tinggi, dan ketakutan ada di jalan, pohon badam berbunga, belalang menyeret dirinya dengan susah payah dan nafsu makan tak dapat dibangkitkan lagi – karena manusia pergi ke rumahnya yang kekal dan peratap-peratap berkeliaran di jalan,

Karo:

12:1 Tupung paksa ngudandu, ingetlah si Nepa kam, ope denga seh tahun-tahun si dem alu kiniseran. Tupung si e pagi bagenda nge nindu, “La kal meriah nggeluh enda.”

12:2 Adi enggo pagi seh paksa si e matandu pe enggo seleng, seh maka magem iakapndu sinalsal terang matawari, bulan dingen bintang-bintang. Embun si gelap lalap ngikut-ngikut kam.  

12:3 Tanndu nggirgir lanai ngasup nampar. Nahendu si paguh kote me lanai ergegeh. Ipenndu enggo naktak lanai ngasup cingatngat. Matandu seleng erbahanca meriben pengenenndu.

12:4 Sora meriah idalan-dalan lanai megang ibegindu. Sora gendang dingen penggilingen page lanai terbegi. Lanai entabeh pertunduhndu. Sora perik-perik pe erbahanca kam medak.

12:5 Ingan si meganjang mbiar kam, e maka terpaksa manjar-anjar perdalanndu. Takalndu ubanen janah nahendu isaren-saren tupung erdalan. Dingen kerina kerincuhen lanai lit. Perlawesta e me kempak pengadi-ngadin si rasa lalap, gedang-gedang dalan kalak erceda ate janah ngandung-ngandung.

Thema : JADI METUA E PASTI, MERIAHLAH

Tujunna:

Gelah Saitun:

1. Banci erbahan persikapen diri guna megermet kerna perubahen fisik

2. Tetap lit ibas keadaan meriah ukur aminna tanda-tanda kinituanna enggo reh man bana (tiwen lanai megegeh, cuping lanai erpemegi, rsd)

Metode : Diskusi

I. BENA KATA

I bas kegeluhen manusia lit paksa-paksa (fase-fase) kegeluhen si ibentasi; mulai paksa tubuh, anak-anak, dewasa, emaka paksa akhir e me metua. I bas paksa akhir e banci jadi labo kerina kalak mentasisa. Tapi man kalak si bengket ku bas paksa metua e la banci la mengalami perubahan keadaan (subuk fisik/bandanna bagepe psikis/perukurenna). Lit kalak ngatakenca adi pinakit lit tambarna tapi adi metua la lit tambarna. Terlebih adi si kawitken kerna perubahan sinimaksudken ndai. Kerna perubahen enda lit ka kalak si enggo metua la teralokenca, latih akapna ngukuri kerna kecibal kegeluhenna la bagi si gel-gel (tupung nguda denga).

Bagi lit sada artikel nuliskenca maka kinituaan e identik dengan kata yang berujung "ur": Nina: "Kalau sudah tua otot yang kencang berubah jadi kendur. Gigi yang tertata rapi satu persatu mulai gugur. Rambut hitam di kepala berubah abu-abu dan putih karena uban telah bertabur. Penglihatan mata tadinya jelas menjadi kabur. Berjalan karena tidak kuat lagi, tekadang maju dan terkadang mundur. Dulu kalau tidur nyenyak sekali, sekarang susah untuk tidur. Dulu kalau berbicara bahasanya jelas dan sekarang suka ngelantur. Pikiran jernih berubah ngaur. Makan terbatas cuma bubur".

II. MPEBAGESI OGEN

Arah pengogenta enda banci si idah uga penulis kitab Pengerana (Salomo) enda ningetken si ngogesa (kalak Israel) gelah tupung nguda denga i ingetnalah si Nepa (Dibata). Sebab lit nge paksana maka kalak singuda e bengket kubas sada paksa si erbahanca kegeluhenna berubah. Ibas ay. 3-5, tangkas i gambarken penulis kitab pengerana enda perubahen kai saja sinialami sekalak singuda tupung paksa perubahen e seh/jadi. Umur si gedang e me salah sada sura-sura kalak si nggeluh janah man kalak Israel pe umur si gedang e me salah sada tanda kegeluhen si ipasu-pasu Dibata. Tapi tangkas kal arah pengogenta, penulis kitab pengerana enda ningetken kerna pentingna tupung nguda denga kegeluhen sekalak jelma e i ingetna ise si Nepa ia. Perubahen daging kula si igambarken penulis kitab enda tempa-tempa jadi sada kiniseran ibas erbahan kai pe apaika bengket ku kematen, kai pe lanai banci sibahan. Emaka pengarapen penulis kitab pengerana enda (Salomo) banci min kalak singuda pentar ndalani kegeluhenna tupung nguda nggeluh rembak ras Dibata.

III. PENGKEΝΑΙΝΑ

Temata: Jadi metua e pasti, meriahlah!. Adi ngerana kita kerna gambaren perubahen daging kula bagi si igambarken penulis kitab pengerana ibas ogenta ndai labo ka sitik kalak si la teralokenca. Sebab gel-gel si ngasup kita erdalan reh tuana kita lit ka si lanai megegeh erdalan, si gel-gel kita ngasup ngerana ertorosen erkiteken ertuana sambar sinibelasken, si gel-gel ngasup kita megi alu tangkas tapi ertuana reh sambarna sibegi rsd. Kecibal sib agenda mawen erbahanca rukur kita 'uganarilah e'. perubahen e pasti man bentasen apai pe kita si metua saja ula suhsahi dirinta aiu junguti kerna kecibalta sibagenda rupa. Meriahlah ukurta sebab seh ka kita itaruhken Tuhan guna ngaloken pasu-pasu umur sigedang. Tambah-tambah keriahenta kune kita nguda denga pe enggo kita nandai Dibata, reh Buena kesaksin si man turinken kita man teman bage pe kesusurenta kerna Dibata. Janah penandai kita kerna Dibata turikenlah man anak kemputa segelah kesusurenta pe nggeluh nginget Dibata tupung ia ibas kengudaanna.

IV. PERTOTON

Bujur Tuhan i bas Kam enggo mereken umur si gedang man kami, amin gia daging ras perukuren kami enggo urak gegehna tapi ngasup kami ngalokenca. Pengarapen kami, Kam tetap si ngajari kami segelah asa gegeh, kengasupen kami lit tetap kami jadi anakNdu si ngelakoken simehuli, singena ateNdu saja. Amin

V. DISKUSI

1. Ibas umurta si enggo lanjut enda, banci jadi pernah turah bas ukurta ntah pe terbelas, "La kal meriah nggeluh enda" (ay.12)? Mari sidiskusiken.

2. Uga dage sikapta ku lebe wari enda segelah teraloken kita perubahen-perubahen sinialami kita erkiteken kinituanta enda?

VI. ENDE-ENDEN

1. KEE No. 3:1-2

2. KEE No. 201:1-2

3. KEE No. 181:1-2

Pdt. Larena br. Sinuhadji