Konfesi GBKP

Ogen : I Korinti 15:1-8 

1 Tole pe, o senina-senina, arus kuakap kupersingeti man bandu kerna Berita Si Mehuli si nggo kuberitaken nai man bandu. Nggo nai ialokenndu, janah kinitekenndu si genduari enda pe erpalasken si e nge.

2 Arah Berita Si Mehuli eme kam iselamatken adi tetap icikepndu isi Berita Si Mehuli si nggo kuberitaken man bandu e, pala asum kam tek nai la kin mbages iukurindu.

3 Si pentingna kal nggo kupeseh man bandu, eme kai si nggo kualoken: maka Kristus nggo mate erkite-kiteken dosanta, bagi si tersurat i bas Pustaka Si Badia.

4 Maka Ia nggo ikuburken, jenari i bas wari si peteluken ipekeke Dibata Ia i bas si mate nari, sue ras kesaksin Pustaka Si Badia.

5 Maka Ia nggo encidahken DiriNa man Petrus, jenari man rasul si sepulu dua kalak.

6 Kenca si e IcidahkenNa DiriNa man ajar-AjarNa, teremna lebih lima ratus kalak si sangana radu pulung kerinana. Ajar-ajar e teremen denga nggeluh seh asa genduari, janah piga-piga kalak denga ngenca si nggo mate.

7 Jenari IcidahkenNa DiriNa man Jakup, bage pe man kerina rasul-rasul.

8 Si perpudina kal, IcidahkenNa DiriNa man bangku pe -- aku si desken sekalak anak si pertubuhna la bagi kalak.

I Korintus 15:1-8

1 Dan sekarang, saudara-saudara, aku mau mengingatkan kamu kepada Injil yang aku beritakan kepadamu dan yang kamu terima, dan yang di dalamnya kamu teguh berdiri.

2 Oleh Injil itu kamu diselamatkan, asal kamu teguh berpegang padanya, seperti yang telah kuberitakan kepadamu--kecuali kalau kamu telah sia-sia saja menjadi percaya. 

3 Sebab yang sangat penting telah kusampaikan kepadamu, yaitu apa yang telah kuterima sendiri, ialah bahwa Kristus telah mati karena dosa-dosa kita, sesuai dengan Kitab Suci, 

4 bahwa Ia telah dikuburkan, dan bahwa Ia telah dibangkitkan, pada hari yang ketiga, sesuai dengan Kitab Suci; 

5 bahwa Ia telah menampakkan diri kepada Kefas dan kemudian kepada kedua belas murid-Nya. 

6 Sesudah itu Ia menampakkan diri kepada lebih dari lima ratus saudara sekaligus; kebanyakan dari mereka masih hidup sampai sekarang, tetapi beberapa di antaranya telah meninggal. 

7 Selanjutnya Ia menampakkan diri kepada Yakobus, kemudian kepada semua rasul. 15:8 Dan yang paling akhir dari semuanya Ia menampakkan diri juga kepadaku, sama seperti kepada anak yang lahir sebelum waktunya.

Tujun : Gelah mamre:

1. Meteh kai kin ertina konfesi si jadi rumusen keyakinen dasar ras pedoman perdalanen gereja.

2. Pang nehken kinitekenna ibas perbahanen

I. KATA PENARUH

Konfesi banci iertiken sebagai sada rumusen kiniteken si ibahan Gereja ibas sada masa tertentu sebagai bentuk kesaksin, pengajaren dingen jadi cara gereja encidahken identitasna ibas situasi-situasi si lit. Karl Barth ibas buku churh Dogmatics ngataken maka Konfesi eme sada pendahin Gereja si ngerana kerna Kata Dibata ibas situasi tertentu. Erkiteken si e maka kerina gereja tentu erbahan konfesi ras enda me si megati si jadi pembeda ajaren tiap gereja. Ibas Gerejanta GBKP Konfesi nggo mulai ilitken ibas tahun 1977. Ibas pedalanenna rikutken erbage situasi si man jababen gerejanta maka jumlah konfesi pe lit perubahenna. Si terakhir ibas Sidang Sinode 2015, GBKP asa gundari ngelem 16 poin Konfesi.

II. URAIAN TEKS 

Surat Paulus man perpulungen Korinti isuratken ibas antara tahun 50-55 M. Kota Korinti eme kota si meriah, maju ras melala kiniteken si berkembang ibas kuta e paksa si e. Salah sada masalah si jadi penjemba Paulus nuratken surat enda eme litna perpulungen si lanai tek nandangi kekeken Jesus. Situasi enda jadi i pengaruhi cara rukur Filsafat Junani si membedaken antara kula ras tendi. Emaka menurut pemahamen enda kula e biakna rendah seh maka labo mungkin banci keke. Padahal teologi si gelem perpulungen paksa si e kekeken Jesus eme kekeken kula ras tendi. Emaka surat enda ikirimken Paulus guna mempertegas ise kin Jesus e situhuna man kalak Kristen. Piga-piga penafsir Alkitab ngataken maka enda termasuk pengakun iman si pemena ibas kekristenan. Ras arah teks enda si idah maka Konfesi e lit guna jabab sada persoalen si sangana lit bas perpulungen. Ibas ayat 1 si idah maka Paulus nggo pernah jumpa ras kalak Korinti, emaka reh nina nggo nai pernah ku beritaken man bandu. Ibas perjumpaan si pemena ndube Paulus nggo meritaken berita si mehuli man perpulungen i Korinti. Berita si mehuli enda me si jadi palas kiniteken. Man Paulus palas enda labo lit berubah, ia tetap seri bagi si nai asum Paulus ngajari perpulungen enda. terdauhen ibas ayat 2 Paulus ngambarken konsep keselamaten si ituriken bas berita si mehuli e. Maka situhuna manusia leben i selamatken ras keselamaten e jadi adi berita keselamaten e icikip. Kata encikep lit bas bahasa Junani katecho si ertina emekap memegang dengan kuat, mempertahankan. Encikep berita keselamaten enda banci iertiken sebagai bentuk kiniteken. Persoalenna man Paulus berita si mehuli enda la kin mbages iukuri perpulungen Korinti, seh maka asum reh pengajaren si deban mis ka perpulungen e tek man kiniteken si deban e. Enda me si jadi palas bahanta wari enda. la kepeken mbages perpulungen e ngangkaisa kerna berita si mehuli, seh maka adi reh kenca pengajaren si deban mis ka ia papak dingen tek. Emaka ibas ayat 3-8 Paulus ngulihi ngingetken inti berita si mehuli e man perpulungen Korinti. Maka Kristus nggo mate, ikuburken dingen ipekeke Dibata ibas si mate nari. Kerina pelayanen Jesus menurut Paulus jadi dasar kiniteken man kalak si tek. Jesus me jadi pusat berita si mehuli si ituriken Paulus man perpulungen. Kerina pelayanen Jesus e tersurat ibas Pustaka si Badia. Pustaka si badia si maksudken Paulus bas teks enda tentu merujuk ku bas padan si ndekah. Sabab kitab Korinti termasuk kitab si pemena isuratken ibas padan si mbaru. Ibas kai si ilakoken Jesus nggo leben i nubuatken bagi misalna bas Jesaya 53. Man Paulus isi Jesaya 53 nggo sue ras kerina siinanami Jesus bas perdalanen kegeluhenna. Emaka Pustaka si Badia jadi palas maka kerina si saksiken kerna Jesus e tuhu-tuhu jadi. La terjeng isaksiken bas Pustaka tapi kerina si jadi enda pe isaksiken kerina perpulungen. Baik e ibas perpulungen (rasul - rasul si sepuluh dua kalak, ajar-ajar si lima ratus kalak) ras secara pribadi man Paulus pe icidahkenna. Ertina kesaksin

kerna kekeken Jesus lanai man ragunken sabab enda jadi kesaksin si enterem, kerina kalak ngidahsa. Maka adi bas Pustaka pe sue ras kalak si enterem pe nggo ngidahca, man Paulus enda nggo banci jadi sada kebenaren si harusna i ikutken kerina kalak Korinti. Konfesi tentu pe turah arah kiniersadan pengidah ntahpe pengalamen kerna Dibata. Tentu pengalamen si e kerina i persada kenca si e me maka jadi sada pemahamen (konfesi).

III. PENGKENAINA

Adi si nen ulihi bahanta PA nta wari enda si idah uga Paulus alu mehuli ngajarken kerna kiniteken man perpulungen Korinti. Man Paulus konfesi labo terjeng hapalen tapi e kin jadi inti kegeluhen baik secara pribadi kalak si erkiniteken bagepe ibas persadan gereja. Arah litna konfesi kita banci encidahken jati dirinta selaku gereja si tetap hadir i tengah doni ras berupaya encidahken jati dirinta selaku gereja si nggeluh. Arah kengasupenta ngangkai konfesi alu payo maka banci kita nandai jati diri gerejanta si megati bas perdalanenna berbeda pengajarenna, aturen (tata gereja), model ibadah (liturgi). Maka adi megati kita nungkun engkai maka bagenda model ibadah gerejanta tentu si harus si nen eme kai konfesi GBKP kerna ibadah. Adi si sungkun ka engkai maka bagenda aturen gerejanta tentu harus ka si idah kai makna gereja rikutken konfesinta. Emaka adi nen bas baganna kenca Alkitab maka i teruhna me konfesi si encidahken cara berteologi sada gereja. Menurut Calvin konfesi harus kristosentris, ertina pusatna eme bas Jesus. GBKP pe nggeluhi enda ibas kerina konfesi si nggo i sepakati. GBKP ibas poin konfesi lit 16 eme Alkitab, Allah, Ciptaan, manusia, Masyarakat, budaya, pemerintah, politik, gereja, ibadah, perkawinan, etika, kematian, keselamatan, kebangkitan, kedatangan Yesus Kristus Kembali. Man Gerejanta Alkitab me ibahan jadi bagin si pemena, sebab enda me si jadi dasar kiniteken dingen pengajaren. Ras bas konfesinta si mpersada kerina berita Alkitab eme Jesus. Ras ibas penutup konfesi Gerejanta pe si idah maka kerehen Jesus si pedua kaliken ibahan si terakhir. Enda encidahken maka Jesus me jadi pusat kerina pengajarenta.

IV. DISKUSI

1. Adi rikutken bahan PA nta maka salah sada si erbahan perpulungen Korinti monce erkiteken la mbages iukurina (ayat 2). Kai ngge pengertinna man banta ayat enda adi ikawitken ras konfesi?

2. Uga ngge sedekah enda pegangkanta kerna konfesi? Enggo ngge pernah si begi? Adi lenga kai kira-kira si banci si bahan ku lebe wari enda.

USULEN ENDE-ENDEN :

1. KEE GBKP NO 217:1-2

2. KEE GBKP NO 201:1-2

3. KEE GBKP NO 227:1-3

4. KEE GBKP NO 272:1 (Persembahen)

Pdt. Jefri Alexander Keliat