BIMBINGAN PA MAMRE TANGGAL 26 APRIL - 02 MEI 2026

Bapa si notoken anak

Ogen : Kejadin 48:1-7

1 Lanai ndekahsa nari kenca si e, iberitaken man Jusup maka sakit bapana. Erkiteken si e lawes ia ras duana anakna, Manase ras Eperaim ndahi Jakup.

2 Kenca nggo ibegi Jakup maka anakna Jusup reh ngenen ia, ipala-palaina kundul i das ingan medemna.

3 Nina Jakup man Jusup, "Dibata si Mada Kuasa nggo ncidahken BaNa man bangku i Lus i taneh Kanaan, janah ipasu-PasuNa aku.

4 Nina man bangku, 'Aku merekenca bandu nterem anak, gelah alu bage kesusurenndu jadi melala bangsa; Aku mereken taneh enda man kesusurenndu jadi sikerajangenna seh rasa lalap.'"

5 Tole nina Jakup, "Jusup, duana anakndu si tubuh i Mesir enda ope denga aku reh ku jenda, eme Eperaim ras Manase aku nge empuna. Duana ia bali ras anakku Ruben ras Simeon.

6 Adi lit denga pe nterem anakndu, e lanai bo ia ikira sikerajangenku. Emaka tading-tadingen si ialokenna pagi rehna arah si Eperaim ras Manase nari.

7 Si enda kulakoken erkiteken nandendu Rahel. Ceda kal ateku erkiteken kematenna i Kanaan, la ndauh i Eprata nari, sanga aku mulih i Mesopotami nari. Kukuburken ia i dalan ku Eprata." (Eprata eme Betlehem si genduari.)

Kejadian 48 : 1-7

1 Sesudah itu ada orang mengatakan kepada Yusuf: "Ayahmu sakit!" Lalu dibawanyalah kedua anaknya, Manasye dan Efraim.

2 Ketika diberitahukan kepada Yakub: "Telah datang anakmu Yusuf kepadamu," maka Israel mengumpulkan segenap kekuatannya dan duduklah ia di tempat tidurnya.

3 Berkatalah Yakub kepada Yusuf: "Allah, Yang Mahakuasa telah menampakkan diri kepadaku di Lus di tanah Kanaan dan memberkati aku

4 serta berfirman kepadaku: Akulah yang membuat engkau beranak cucu, dan Aku akan membuat engkau bertambah banyak dan menjadi sekumpulan bangsa-bangsa; Aku akan memberikan negeri ini kepada keturunanmu untuk menjadi miliknya sampai selama-lamanya.

5 Maka sekarang kedua anakmu yang lahir bagimu di tanah Mesir, sebelum aku datang kepadamu ke Mesir, akulah yang empunya mereka; akulah yang akan empunya Efraim dan Manasye sama seperti Ruben dan Simeon.

6 Dan keturunanmu yang kauperoleh sesudah mereka, engkaulah yang empunya, tetapi dalam pembagian warisan nama mereka akan disebutkan berdasarkan nama kedua saudaranya itu.

7 Kalau aku, pada waktu perjalananku dari Padan, aku kematian Rahel di tanah Kanaan di jalan, ketika kami tidak berapa jauh lagi dari Efrata, dan aku menguburkannya di sana, di sisi jalan ke Efrata" --yaitu Betlehem.

Tujun : Gelah Mamre :

1. Meteh maka tradisi notoken anak semal bas Pustaka Si Badia.
2. Nggit notoken anak-anakna guna kiniulin kegeluhenna.

I. KATA PENARUH

Bas era digital enda, nterem anak mengalami gangguan pertumbuhan secara mental, moral bahkan spiritual bas penggunaan internet bagepe media sosial berupa cyberbullying, game online, judi online, pinjaman online, rsd. La sitik mungkin anak-anak bas perpulungenta si kecanduan gadget si cukup mbelin menyebabken gangguan kesehaten mental bas anak-anak, di samping penyebab sideban misalna: kekerasen bas jabu (kekerasen dalam rumah tangga/kdrt) baik anak sebage korban bagepe sebage pelaku. I jah i je pe megati denga siidah penyimpangen perilaku umpana tawuren si melibatkan anak sekolah/anak kuliah, genk motor, pergaulen seks bebas, seh terlibat kubas penggunaan narkoba, miras, rsd. Ntah labo ka sitik anak-anak bas perpulungenta si lanai merudu reh ku gereja ras kegiaten perpulungen sideban.

Di balik potret enda ndai, tentu sijemak denga maka ‘Anak me si mehergana’ ninta bas jabunta. Anak e si njagai sejarah keluarga dingen neruskenca ku kesusurenna ka, bage seterusnya. Janah anak e pe jadi tanda pengarapen kerna masa depan jabu, gereja, ras masyarakat. Nterem denga anak-anak ta si tetap terjaga geluhna secara spiritual ras moral. Emaka, mari tole kita erlajar man Tuhan arah kataNa si seh man banta gelah kita jadi “Bapa sinotoken anak” (Tema).

II. URAIAN TEKS

Teks ogenta lit bas perikop Kejadin 48:1-22 si erjudul “Ipasu-pasu Jakup si Eperaim ras Manase” (bhs. Indonesia Terjemahan Baru Edisi 2/TB2: Yakub memberkati Manasye dan Efraim). Ibas ayat 1 ikataken, “Lanai ndekahsa kenca si e...”, ertina arus sioge bagin sope teks ogenta, ija umur Jakup enggo lit 147 tahun janah kematenna enggo erdeherna. Paksa si e, Jakup nehken 1 (sada) pemindon siperpudina man Jusup gelah ia ikuburken ibas kuburen ninina (la i Mesir) janah Jusup ersumpah ngelakoken pemindon bapana e.” (Kej.47:28-31)

Kenca si enda me, lanai ndekahsa Jusup dat berita maka bapana (Jakup) e sakit (lebih tepatna narus mate). Emaka Jusup reh ndahi bapana e alu maba 2 (dua) anakna eme Manase ras Eperaim. I jenda me teridah hubungen orang tua ras anak ija ergiah-giah ukur Jusup ndahi bapana iher maba anakna gelah jumpa ras nini bulangna janah sebalikna kenca ibegi Jakup anakna (Jusup) reh ngenehen ia, ipala-palaina kundul i das ingan medemna (ay.2). Adi bas bahasa Indonesia (TB2) ikataken, “... Israel pun mengerahkan segenap tenaganya dan duduk di tempat tidurnya.” (= menggagahkan dirinya; memberanikan diri; menguatkan hati). Artinya bahwa hal ini menggambarkan kondisi Yakub yang sungguh-sungguh lemah, hanya berbaring di tempat tidurnya, tetapi ketika mendengar bahwa anak kesayangannya datang, ia memaksakan dirinya untuk memiliki kekuatan untuk duduk di atas tempat tidurnya.

Ayat 3-4 naksiken isi kiniteken Jakup man Dibata Si Mada Kuasa si nggo ncidahken baNa man Jakup i Lus, Taneh Kanaan dingen masu-masu Jakup alu enterem anak gelah kesusurena jadi melala bangsa dingen mereken taneh siipadanken Dibata man kesusurenna.

Ayat 5-6 nuriken kuga Jakup nehken pedah siperpudina man Jusup maka duana anakna si tubuh i Mesir (Manase ras Eperaim) jadi sikerajangen Jakup. I jenda terjadi perubahen status duana anak Jusup enda: berubah arah status kempu Jakup jadi anak Jakup. Itegasken Jakup, maka duana kalak enda (Manase ras Eperaim) bali ras anak Jakup si Ruben ras Simeon. Hal enda jadi, kemungkinen besar erkiteken duana anak Jusup e tubuh i Mesir arah sekalak nande kalak Mesir ka, janah Jusup jine erkiteken jabatenna enggo ijadiken warga negara Mesir. Arah kai siibahan Jakup enda, maka anak-anak Jusup e duana la berhak kerna warisen Taneh Perpadanen, Taneh Kanaan. Em sababna Jakup muat keputusen alu kebebasenna maka duana Manase ras Eperaim jadi anakna. Keputusen Jakup e terjeng iberlukuken man Manase ras Eperaim, tapi la berlaku man anak-anak Jusup sidebanna.

Ayat 7 ncidahken sada fakta sejarah bas kegeluhen Jakup maka Jakup bas ayat 7 enda ngangkatken alasen pengangkaten Eperaim ras Jusup erkiteken Jakup ipadanken Tuhan melala kesusurenna arah Rahel (ndehara Jakup siikelengina kal). Tapi Rahel rempet mate kenca tubuh anakna sipeduaken (Benyamin). Erkiteken si enda me, Jakup ngangkat kempu-kempuna jadi anakna gelah perpadanen e igenepi.

III. PENGKENAINA

Mbelin kal sura-sura ras pengarapenta nandangi anak-anakta. Ibas si e, sigejap kurang kal gegeh ras pemetehta. Erlajar kita arah jabu ras kegeluhen Jakup simasu-masu kempu-kempuna. Ibas si enda siidah bahwa tindakan masu-masu e me siikataken notoken si banci siantusi bas masa si e. Labo maka erkiteken nandangi pengujung geluhna maka Jakup nginget guna masu-masu/notoken anak-kempuna. Lang! Sibandingken Jop, si semal lampas erpagi-pagi mpersembahken persembahen tutungen man Tuhan guna pebadiaken anak-anakna (Jop 1:5). Janah ibas Pustaka Sibadia, bagin padan si mbaru, siinget pe turi-turin ipasu-pasu Jesus anak-anak si kitik, tersurat “Reh me piga-piga kalak orangtua maba anak-anakna si kitik denga man Jesus. Atena gelah ipasu-pasu Jesus anak-anak e” (Luk.18:15). Tindaken orangtua maba anakna si kitik e me pertoton orangtua e nandangi anakna. Arah piga-piga bagin Pustaka Sibadia enda, tangkas man banta maka enggo sada kesemalen orangtua notoken anak-anakna. Terkhusus siidah konteks kegeluhen kesusuren Jakup, eme Jusup ras anak-anakna si Manase ras Eperaim. Arah segi identitas, Manase ras Eperaim ia duana tubuh i Mesir arah sekalak nande berkebangsaan Mesir, tentu identitas kewarganegaraanna pe eme sebage kalak Mesir, anem bapana si Jusup eme anak siikelengi nini bulangna, si enggo jadi pejabat i negeri Mesir. Nginget kerna pasu-pasu ras perpadanen Tuhan man nini Jakup, eme Abraham seh ku jabu Jusup e me si dat kuga mehergana sekalak bapa (orangtua) notoken anakna. Labo terutama soal kewajipen/ tanggung jabab moral, tapi lebih kubas pendilo Tuhan man sekalak bapa, eme kita Mamre, guna notoken anak-anakta. Segedang geluhta selaku bapa, subuk anakta e kitik denga, bahkan bas bertin nandena denga, masa remaja, pemudi, terus bahkan enggo ka pe erjabu anak-anakta e, sitotoken anak-anakta (seh kempu-kepunta). Alu bage seh kita ku kesimpulen maka bapa sinotoken anak jadi jababen guna membentengi spiritual anak ibas meraih sukses dingen mereken kemalemen ate man banta orangtua/bapa. Alu secara ratur notoken anakta, janah ieteh anakta e ia sitotoken, pengarapenta reh turahna karakter anak-anakta si memiliki karakter Kristus: dem kekelengen, meteruk ukur, terteki, tutus ras ertanggung jabab, nggit nampati/ berbagi, rst. Lit kalak berpendapat, “Tidak baik jikalau berdoa hanya sekadar kebiasaan.” Tapi seh ulina adi sijadiken ertoto (notoken anak-anakta) jadi kebiasaan yang baik!

IV. DISKUSI

1. Erpalasken teks ogenta, uga pengangkanndu maka ipasu-pasu Jakup Manase ras Eperaim?
2. Turiken uga penggejapenta ibas notoken anak-anak. Janah ban tekadta sekalak-sekalak ku wari-wari si reh enda!

USULEN ENDE-ENDEN :

1. KEE GBKP No 414:1, 2
2. KEE GBKP No 457:1
3. KEE GBKP No 183:3
4. KEE GBKP No 302:1 (Persembah)

Pdt. Theodosius Keliat, M.Th.