BIMBINGAN PA MAMRE TANGGAL, 19 APRIL - 25 APRIL 2026

Dibata Ermulia I Bas TinepaNa

Ogen : Mazmur 9:1-7

1 Masmur Daud.

2 O TUHAN, alu bulat ukurku, kukataken bujur BaNdu. Kuturiken kerina tanda kuasa si nggo IbahanNdu,

3 Meriah ateku i bas TUHAN emaka rende aku. O Dibata si Mada Kuasa, rende aku muji Kam.

4 Imbang-imbangku kiam adi idahna Kam; gulingen ia kerina jenari mate.

5 Kam kap Hakim si bujur, IbelaNdu kinibujurenku.

6 IukumNdu bangsa-bangsa kalak jahat IkernepkenNdu, gelarna pe lanai iinget kalak.

7 Imbang-imbang kami nggo lesap rasa lalap; kota-kotana nggo IradaskenNdu, tuhu-tuhu nggo ilupaken kalak ia.

Mamur 9:1-7

1 Untuk pemimpin biduan. Menurut lagu: Mut-Laben. Mazmur Daud.

2 Aku mau bersyukur kepada TUHAN dengan segenap hatiku, aku mau menceritakan segala perbuatan-Mu yang ajaib; 

3 aku mau bersukacita dan bersukaria karena Engkau, bermazmur bagi nama-Mu, ya Mahatinggi,

4 sebab musuhku mundur, tersandung jatuh dan binasa di hadapan-Mu.

5 Sebab Engkau membela perkaraku dan hakku, sebagai Hakim yang adil Engkau duduk di atas takhta.

6 Engkau telah menghardik bangsa-bangsa, telah membinasakan orang-orang fasik; nama mereka telah Kauhapuskan untuk seterusnya dan selama-lamanya;

7 musuh telah habis binasa, menjadi timbunan puing senantiasa: kota-kota telah Kauruntuhkan; lenyaplah ingatan kepadanya.

Tujun : Gelah Mamre :

1. Ngasup nuriken penandaiNa kerna Dibata
2. Selaku tinepaNa tetap mpermuliaken Dibata Metode : Diskusi

I. KATA PENARUH

Selaku manusia biasa ras la serta, terbatas kal penandaita kerna Dibata. Banci jadi sung-sung turah nungkun-nungkun bas pusuhta, tuhu nge lit Dibata? Uga nge ndia rupaNa? Di kune lit anakta nungkun man banta Mamre, : Benar kah Tuhan itu ada pak? bagaimana wajahNya dan di mana kita bisa mengenalNya? Uga nge ndia ninta jababsa ras nurikenca man bana...? Arah PA nta wari enda erlajar kita kerna tokoh Daud uga ia nandai ras mpermuliaken Dibata.

II. URAIAN TEKS

Ayat 1-2, Masmur Daud enda naksiken pengakun ras penandaiNa kerna Dibata. Nina Daud Dibata ermulia i bas tinepaNa. Arah langit, awang-awang si itepaNa teridah maka Dibata erkuasa i bas perbahanenNa. Daud ngakui maka langit ras awang-awang lit erkiteken pendahin Dibata "pekerjaan tanganNya". Langit ras awang-awang encidahken mbelin kuasa Dibata i bas nepasa. Masmur enda jadi "ungkapan takjub" Daud kerna kemulian Dibata. Alu bage banci si angka maka leben nge Dibata petandaken diriNa man manusia labo leben manusia nandai Dibata. Arah tinepaNa Dibata petandaken diriNa, arah tinepaNa banci i idah dingen i akui ras tek manusia lit si Mada Kuasa e me si nepa si nasa lit. Ayat 3-5a, Wari ras berngi nuriken perdalanen (siklus) waktu. Pergantin wari ku berngi, berngi ku pagi ka bage suterusna teptep wari. Tole enda pe jadi bukti maka Dibata erdahin mereken wari-wari kempak tinepaNa. E maka nina Daud "Teptep wari erberita kempak wari si pagina, teptep berngi nuri-nuri man berngi si pagina ka". Pergantin wari-wari labo lit si ngerana ntah mbelasken kata, ertina la lit ipebetehken lebe, la lit imomoken lebe ntah pe la lit bagi sora "lonceng sekolah" si mereken tanda masuk ras pulang sekolah. Tapi iit lalap pergantin wari-wari e, itandai alu litna sora erdengung i belang-belang doni enda e me sora "aktifitas" kerina si lit doni enda subuk suari bage pe berngi. Ayat 5b-7, Matawari ibahan Dibata rumahna i langit, pultak erpagi-pagi, erdalan i bas ujung langit nari terus ku ujung si deban ikeparina, la banci cebuni i bas las sinalsalna nari. Matawari selaku tinepa Dibata nuriken perbahanen Dibata si mereken keriahen. I andingken desken dilaki si mbaru empo luar bas bilik nari, bali ras si mbisa erlumba alu dem keriahen. Matawari mbincar erpagi-pagi mereken sinalsalna, sinalsalna e mereken terang man doni. Matawari mbincar erpagi-pagi erbage-bage makluk i doni menaken pendahin ras aktifitasna. Sinalsalna nampati turah sinuan-sinuan, si e kerina mereken keriahen man manusia. Enda pe jadi bukti si teridah maka Dibata erdahin mereken keriahen ras kiniulin man tinepaNa.

III. PENGKENAINA

Arah PA Mamre wari enda nggo tangkas man banta, maka Dibata nge lebe petandaken diriNa man manusia arah tinepaNa. Manusia banci nandai Dibata alu ngidah kerina tinepaNa dingen nggejabken perbahanen "Fungsi" tinepaNa e bas kegeluhenta. Gia la si idah rupa Dibata alu matata jine, la si eteh kerna "fisik" Dibata tapi banci sigejabken maka Ia lit dingen erkuasa si mahanca kita tek lit Dibata si Mada Kuasa. Banci iumpamaken bagi angin si la idah tempasNa tapi si gejab ia lit i bas rembus ngkenai kita, si gejabken "segar", bergeh. Kita pe bagi Daud "takjub" nandangi kuasa Dibata. Sendalanen ras kai si iakui gerejata : GBKP mengaku percaya kepada Allah yang di jabarkan dalam Pengakuan Iman GBKP BAB II bahwa : Allah adalah yang awal dan yang akhir. Pengakuan ini berangkat dan berakar dari pernyataan diri Allah dalam Alkitab baik perjanjian Lama maupun Perjanjian Baru. Manusia dapat mengenal Dia hanya bila Dia memperkenalkan diri kepada manusia. Allah adalah Esa, hal ini menggema-kan kembali pesan Alkitab sebagaimana tertulis dalam Ulangan 6 : 4 "Dengarlah Israel, Tuhan itu Allah kita, Tuhan itu Esa" dan Keluaran 20 : 2-3 "Akulah Tuhan Allahmu yang membawa engkau keluar dari tanah Mesir, dari tempat perbudakan. Jangan ada padamu Allah lain di hadapan-Ku". Keesaan Allah di nyatakan pula dalam tiga pribadi yang di sebut Tri Tunggal ( Trinitas ). Daud arah ende-endenna nuriken "Dibata ermulia arah tinepaNa". Kita pe selaku Mamre banci nuriken ras naksiken penandaita kerna Dibata. Arah kai si idah ras si igejabken pendahin Dibata i bas geluhta si teptep wari. Banci arah kecibal alam, kejadin alam, kecibal geluh (sehat ras sakit), penampat Dibata, pendahin, ras si debanna. Enda jemba kita tole guna mpermuliaken Tuhan. Reh paguhna kinitekenta dingen tetap Dibata saja i sembah ras si pelebeken bas geluhta, ermulia Dibata arah geluhta.

IV. DISKUSI

1. Arah kai saja Daud ngidah ras nandai Dibata rikutken teks PA ta wari enda ?
2. Turiken kesaksinndu si mahanca kam tuhu-tuhu tek lit Dibata ? ras kai atendu si ilakokenndu guna mpermuliaken Ia ?

USULEN ENDE-ENDEN :

1. KEE GBKP No 395 : 1-2
2. KEE GBKP No 263 : 1-2
3. KEE GBKP No 399 : 1-2
4. KEE GBKP No 450 : 1 ( Persembahen )

Pdt. Karvintaria Br. Ginting, S.Th., M.M.