Bahan PJJ 06 – 12 September 2026

MBELANG MAN PERANIN TAPI KURANG SIRANISA

Matius 9: 35 – 38

Belas kasihan Yesus terhadap orang banyak

9:35 Demikianlah Yesus berkeliling ke semua kota dan desa; Ia mengajar dalam rumah-rumah ibadat dan memberitakan Injil Kerajaan Sorga serta melenyapkan segala penyakit dan kelemahan.
9:36 Melihat orang banyak itu, tergeraklah hati Yesus oleh belas kasihan kepada mereka, karena mereka lelah dan terlantar seperti domba yang tidak bergembala.
9:37 Maka kata-Nya kepada murid-murid-Nya: “Tuaian memang banyak, tetapi pekerja sedikit.
9:38 Karena itu mintalah kepada tuan yang empunya tuaian, supaya Ia mengirimkan pekerja-pekerja untuk tuaian itu.”

Matius 9: 35 – 38

Mekuah ate Jesus kalak si nterem

9:35 Jenari isiari Jesus kuta-kuta si meriah ras kuta-kuta si kitik. Ngajar IA i rumah-rumah pertoton kalak Jahudi. IberitakenNa Berita Si Meriah kerna Kinirajan Surga. IpepalemNa erbage-bage penakit kalak si nterem. 
9:36 Mekuah ate Jesus ngenehen kalak si nterem e, sabap enggo kote dingen lanai lit si ngepkepsa, bagi biri-biri si la ipermakani. 
9:37 E maka nina Jesus man ajar-ajarNa, “Mbelang man peranin, tapi kurang si ranisa. 
9:38 E maka pindolah man si Mada juma e, gelah isuruhNa si erdahin guna peranin e.”

(Mengenal Tuhan Melalui Pemuridan “Konsep”)

MODEL PJJ: PARTISIPATIF

KATA PERLEBE

Doni enda dem alu ayo-ayo kalak si latih, musil ras jelma sikelsehen. Anggota jabu tiap wari sibuk, latih, enterem anak- anak lanai ndatken waktu berkualitas ras orang tua, orang tua kelungunen, enterem pengangguren, rsd. Pernah nge kita aru erkiteken lanai siangka uga nampati kalak sikelsehen e? Tupung Jesus niari kuta si meriah ras kuta si kitik, IA nehken pengajaren bage pe mpepalem pinakit. Ilakokenna si e, erkiteken Jesus kepate nandangi kecibal geluh manusia erpalasken perkuah ate. Mekuah ate Jesus ngenehen jelma sinterem e, enggo kote janah la lit singepkepsa, bagi biri-biri si la ipermakani. Iidah Jesus maka, mbelang si man peranin, tapi kurang si ranisa.

Ikaitken ras kinata sigundari, khususna i bas pembinaan keluarga bage pe pelayanen rohani, teks enda “menggaungkan” pendilo simbagesna guna iutus ngelai, labo terjeng megi-megi kata Dibata saja.

ISI

Kitab enda isuratken sekalak pemungut cuke gelarna Matius si enggo jadi murid Jesus. Kitab Matius itujuken man kalak Jahudi guna nuriken maka Jesus eme Mesias si enggo ipadanken. Masa si e kalak Jahudi ngenanami tekanan sosial ras spritual. Para pemimpin agama (Farisi ras Ahli Taurat), fokus ndalanken hukum ras tradisi agama saja, tapi la lit perkuah ate i bas dirina ras la nggit mperdiaken kegeluhen masyarakat. E maka enterem kalak Jahudi musil, termanpa-mampa secara sosial ras rohani, bagi biri-biri si la ipermakani. Teks enda e me penutup rangkaian pelayanen Jesus i Galilea. Matius 9:35-38 enda jadi jembaten ku pasal 10, i ja Jesus ndilo ras ngutus ajar-ajar guna nerusken pelayanenNa.

Ayat 35-36, Jesus ngidah, ikut ngenanami, ras ertindak

• Jesus la terjeng kotbah ras Ia pe ngidah realitas kegeluhen perpulungen e ras mereken keperlun perpulungen
• Jesus ngelakoken pelayanen si holistik. Palasna ngelai eme ate keleng simenyentuh kebutuhan rohani bage pe kebutuhen jasmani masyarakat ras perpulungen.
• Mekuah ate i bas bahasa Yunani splanchnizomai ncidahken sikap empati si Jesus ngidah kinata geluh jelma sinterem e, janah la ngadi i bas mekuah ate saja, tapi sehku bas aksi guna nampati.

Ayat 37, Mbelang si man Peranin; Juma pelayanen enda mbelang tapi kurang si erdahin

• Jabu e me juma sipemena pelayanenta; anak-anak, pasanganta nggeluh, orangtua.
• Masyarakat, perpulungen e me juma simbelang, enterem jelma simuas pelayanen, muas nandangi kekelengen bage pe
• Juma pelayanen la kurang mbelang, sierdahin nge la Si nggit ngelai arus iakunina keterbatasenna janah nggit erdahin make dirina guna nampati keterbatasen kalak si deban.

Ayat 38, Ertoto man si Mada Juma kerna si erdahinNa

• Pertoton e me pondasi pelayanen, simpegegehi kiniersadan ras mabai pusuh meteh prioritas pelayanen.
• Pertoton ibenaken i bas jabu nari. Jabu-jabu siertoto maka dapetina dirina eme persuruhen Tuhan, selaku simaba terang ras keleng ate ku sekelewetna. Enda me dasar pemuridan, maka kerina jabu mpersiapken diri guna erdahin i bas jumaDibata.
• Pertoton mindo man Tuhan gelah nuruh sierdahinNa. Pelayanen labo terjeng erdahin, termasuk pe respon pengataken bujur kerna pendiloNa. Maka kerina kalak idilo muat bagin guna nampati ras engkelengi kalak si deban. Kepate nandangi kekoten kalak si deban, perbahan ia pe pernah kote. E maka iangkana uga menahang tupung lit sinampatisa i bas paksa kote e.

• Si Erdahin e me aron Dibata. Si igelari aron Dibata la saja pandita, detaser, pertua, ntah diaken. Aron Dibata eme kerina kalak sitek, singidah perbeben ras kekoten temanna, janah nggit hadir guna mereken serpang pulah.

PENGKENAINA

Bagi Jesus, kita idilo ras iutus guna nehken ate keleng, labo menghakimi. Alu ate keleng maka pendekaten pelayanen man kerina jelma, subuk anak-anak KAKR, PERMATA, saitun, moria ras mamre banci ilakoken secara holistik. Ate keleng ibenaken alu perkuah ate, maka mata pelayanenta la ngidah perpulungen e sebagai “masalah”, tapi siidah bagi juma si man peranin. Si man peranin ertina e me si man kep-kepen, bagi biri-biri, maka perpulungen i permakani. Erkiteken kita ngidah kerina kalak berpotensi, lit i bas ia kerina kiniulin, talenta, gegeh kengasupen raduken kerina serayan ngasup ngelai.

I bas kinata kegeluhen perpulungen, itengah-tengah masyarakat enda, melala denga persoalan kegeluhen silenga isentuh pelayanen Gerejanta. Enda me jadi dorongen man kerina ngawan, khususna pe kalak nguda guna aktif ikut muat bagin, i bas kerina aspek pelayanen. Subuk arah pengajaren, multimedia, penyuluhen pertanian ras peternaken, hukum, kesehaten rsd, bage pe kegiaten interaktif si debanna, ija anak singuda gundari enterem si inovatif ras kreatif.

Kerina kalak banci berpartisipasi, mereken penampat arah kai si lit i bas ia guna mpegegehi kalak si deban. Kerina jabu ertanggung jabab mbangun pondasi anak-anak jabuta guna ipersiapken erdahin i tengah-tengah masyarakat selaku bagian gereja. Masyarakat sidatken pelayanen ras peneguhen, tentu mempengaruhi “gereja si sehat”.

DISKUSI :

1. Kai nge ndia sierbahanca mekuah ate Jesus kalak sienterem e? Adina kita sekalak-sekalak, kai nge ndia si erbahanca mekuah ateta ngenehen kalak si deban?
2. Menurut pengidahta i sekelewetta, engkai maka kurang si erdahin amin gia mbelang si man peranin?

USULEN ENDE-ENDEN:

1. KEE GBKP 108: 1-2 Mbelang Me Kap Man Peranin
2. KEE GBKP 256: 1-2 Njala Entah Rani
3. KEE GBKP 257 :1 Siberitaken Berita Si Meriah
4. KEE GBKP 396: 1-2 Kita enggo dat pendilo Dibatanta