HUT KAKR

SI MAN OGEN        : Kuan-Kuanen 22-6:9

22:6 Didiklah orang muda menurut jalan yang patut baginya, maka pada masa tuanyapun ia tidak akan menyimpang dari pada jalan itu. 22:7 Orang kaya menguasai orang miskin, yang berhutang menjadi budak dari yang menghutangi. 22:8 Orang yang menabur kecurangan akan menuai bencana, dan tongkat amarahnya akan habis binasa. 22:9 Orang yang baik hati akan diberkati, karena ia membagi rezekinya dengan si miskin.

22:6 Ajarkenlah man anak uga kearusen nggeluh, maka ikutkenna asa umurna nggeluh. 22:7 Kalak musil jadi suruh-suruhen kalak bayak, si ngeraih jadi budak kalak si peraihken. 22:8 Kalak si ngajarken si la bujur buahna kiniseran, dungna kuasana pe bene. 22:9 Kalak bujur ipasu-pasu TUHAN, perban ibagikenna rejekina man kalak si kekurangen.

TEMA                     : Ajarken Man Anak Kearusen Nggeluh

TUJUN                    : Gelah Moria:

·       Meteh ulih nggeluh i bas kebujuren ras si la bujur.

·       Nikapken waktu ras anak tetep warina (30 menit).

METODE PA           : Erbahan permainen rasa nak.

Kata Penaruh.

Kuan-kuanen ibuat i bas bahasa Ibrani nari e me: masyal, si ertina perumpamaan, nasihat ras pepatah si isina dem alu pengajaren kerna kepentaren ras kearusen nggeluh. Tujun Kitab enda isuratken guna mereken pemeteh ras kepentaren alu arapen kerina si ngongesa banci nggeluh alu benar, bujur, janah patuh nandangi perentah Dibata. Piga-piga bagin Kuan-kuanen nuriken kerna tanggung jabap orangtua guna mpetandaken Kata Dibata ras kearusen nggeluh man anak-anak mulai kitik-kitikna nari gelah lit ulihna ku masa tuana. Anak-anakta i bas jaman genduari enda nggo seh i bas kemajun teknologi si berkembang pesat. I bas persekolahen ras ingan erdahin pe la terlepas anak-anakta i bas teknologi, tentu saja fakta enda lit dampak positif ras negatifna. Arah bahan PA enda tole erlajar kita jadi orangtua jaman gundari.

Mpebagesi Pengangkan Kerna Ogen

Kuan-kuanen 22:6-9 mpersingeti orangtua guna ngajarken kerna kearusen nggeluh man anak mulai kitikna nari, gelah anak e banci mbelin jadi kalak si dewasa i bas kiniteken ras meteh orat nggeluh, alu tujun gelah anak la ngeluk kenca ia metua (ayat 6). Peran orangtua i bas ngajarken arus teridah i bas perbahanen, sabap kai si lakoken orangtua jadi patron man anak. Pengajaren man anak ula jadi kalak si rakus bagi kalak bayak si mperbudak kalak musil (kesenjangan sosial), ertina anak-anak arus mediate ras njaga keadilen (ay.7). Perbahanen si la bujur si man kalak si deban ulih na pe la mehuli man anak e, bagi senjata makan tuan (ay. 8). E maka usahaken ngelakoken biak si mehuli, ula si jahat, gelah ulihna pe mehuli. Umpamana kalak si melumbar, kepate janah nggit nampati tentu ipasu-pasu Dibata (ayat 9). Enda me pengajaren si man pesehenken orangtua man anak-anak gelah iangangkaina kearusen nggeluh e me lit ulih i bas perbahanen si bujur ras si la bujur janah lit ulih i bas masa tua. Alu pengarapen gelah anak-sadar maka kegeluhen doni enda labo terjeng kai si lit i bas dunia maya, tapi dunia nyata. Pengajaren enda ngajuk anak gelah erteman i bas doni si nyata alu ngergai kalak si deban, sopan ras beluh mengontrol emosina.

Pengkenaina

Kecibal manusia rikutken umurna banci si bagi ku bas piga-piga terpuk: baby boomers (tubuh i bas tahun 1946-1964), generasi X. (tubuh tahun 1965-1980), generasi Milenial (tubuh tahun 1981-1996), generasi Z (tubuh tahun 1997-2012) ras generasi Alpha si tubuh kenca tahun 2012. Teptep generasi lit biak ras cara geluhna si enggo berkembang, janah kerina lit dampar positif bage pe negatifna si arus siperdiateken. Alu bage banci kita mperdiateken ras nehken pengajaren kerna kegeluhen enda. Umumna anak-anakta Permata ras KAKR gundari bengket ku bas Generasi Milenial, Gen Z ras Gen Alpha, si enggo ketergantungen ras teknologi. E maka Moria perlu pentar i bas ngajarken anak-anakta kerna Kata Dibata ras kearusen nggeluh, gelah ngasup mengontrol diri ras emosina i bas dalani kerina dampar geluhna. Masalah si mbelinna i bas anak-anakta gundari e me kemerosoten orat nggeluh (sopan santun), make media sosial alu kurang etis (la inget waktu ras tontonen bebas), gengsi si cukup tinggi, mekatep perasaanna tempa si sada (tidak ada yang memahami dirinya), kisat erjuang (semua ingin instan). Jujur kita maka melala tuntuten nggeluh, kususna masalah ekonomi si erbanca kita arus erbintuas guna encukupken keperlun jabu.

Alu sederhana si banci si lakoken guna ngajarken kearusen nggeluh man anak-anakta:

1.    Jadi usihen: Anak erlajar arah kai si idahna, adi kita ngerana sopan ras mehamat man bana ras kalak si deban, anak pasti ngikuti kebiasaanta, bage ka sebalikna.

2.    Kata-Kata Ajaib: Rusur si belasken kata ajalb : Tolong, bujur, Maaf ras Permisi. Empat kata enda manjar-anjar banci ngajari anak mengontrol emosina, iukurina lebe sope ia bertindak.

3.    Pujin ras Koreksi : Muji hasil kerja anak labo salah, tapi ula beriebihen. Tujunna gelah anakta "percaya diri" maka lit kinibeluhenna janah geluhna erguna.Tupung anakta ngelakoken kesalahen koreksilah alu kata-kata bijaksana si mbangun semangatna mpekena kesalahenna. Si e membangun kesadaran anak ermeteruk ukur ras mpekena kesalahan, janah la jadi anak si egois.

4.    Tetapkan Batasan/disiplin man anakta, Umpama: waktu make HP, sen jajan, batasen interaksi ras kalak si la tandai, milih pangan si sehat, rsd.

5.    Telu puluh menit Bersama Anak: Nikapken waktu ras anak teptep warina 30 menit ercakap ras ertoto. Melala si banci si diskusiken ras anak, kerna sekolahna, teman-temanna, hobina ras sidebanna. Cara enda banci ngajuk anakta gelah terbuka kerna masalah pribadina ras igejapkenna ia tetap iperdiateken.

Tebak Kata atau Gesture

Moria ras anak KAKR ibagi jadi 3 kelompok. Sekalak pengurus Moria sektor jadi juri, tugasna nulisken i bas kertas kitik piga-piga gelar rubia-rubia ras benda. Teptep kelompok milih sekalak si mperagakensa, janah anggota kelompok si deban "menebak" kai si iperagaken temanna ndai. Umpama: Bas kertas kitik si itulis juri tulisenna "payung," icidahken man si mperagakensa, e maka juri mereken petunjuk alu ngataken "sebuah benda," janah kalak si mperagakensa erjuang nerangken payung man teman sada kelompokna alu geraken, la banci ersora. Kelompok si deban nonton, la banci nampati. Teptep kelompok dat 3 kali kesempaten (banci benda entah rubia-rubia). Kenca dung sada kelompok, pegancih ras kelompok si deban. Usahaken Moria simperagakensa, janah anak KAKRta nebak kai si iperagaken Moria.

Pdt. Meri Susunenta Br Ginting