HUT Saitun: Bahagia Di Masa Tua

SI MAN OGEN        : Masmur 92:1-16

TUHAN, Hakim yang adil

92:1 Mazmur. Nyanyian untuk hari Sabat. 92:2 Adalah baik untuk menyanyikan syukur kepada TUHAN , dan untuk menyanyikan mazmur bagi nama-Mu, ya Yang Mahatinggi, 92:3 untuk memberitakan kasih setia-Mu di waktu pagi dan kesetiaan-Mu di waktu malam, 92:4 dengan bunyi-bunyian sepuluh tali dan dengan gambus, dengan iringan kecapi. 92:5 Sebab telah Kaubuat aku bersukacita, ya TUHAN, dengan pekerjaan-Mu, karena perbuatan tangan-Mu aku akan bersorak-sorai.  92:6 Betapa besarnya pekerjaan-pekerjaan-Mu, ya TUHAN, dan sangat dalamnya rancangan-rancangan-Mu. 92:7 Orang bodoh tidak akan mengetahui, dan orang bebal tidak akan mengerti hal itu. 92:8 Apabila orang-orang fasik bertunas seperti tumbuh-tumbuhan, dan orang-orang yang melakukan kejahatan berkembang, ialah supaya mereka dipunahkan untuk selama-lamanya. 92:9 Tetapi Engkau di tempat yang tinggi untuk selama-lamanya, ya TUHAN! 92:10 Sebab, sesungguhnya musuh-Mu, ya TUHAN, sebab, sesungguhnya musuh-Mu akan binasa, semua orang yang melakukan kejahatan akan diceraiberaikan. 92:11 Tetapi Kautinggikan tandukku ⁱ  seperti tanduk banteng, aku dituangi dengan minyak baru; 92:12 mataku memandangi seteruku, telingaku mendengar perihal orang-orang jahat yang bangkit melawan aku. 92:13 Orang benar akan bertunas seperti pohon korma, akan tumbuh subur seperti pohon aras di Libanon; 92:14 mereka yang ditanam di bait TUHAN akan bertunas di pelataran Allah kita. 92:15 Pada masa tua pun mereka masih berbuah, menjadi gemuk dan segar, 92:16 untuk memberitakan, bahwa TUHAN itu benar, bahwa Ia gunung batuku dan tidak ada kecurangan pada-Nya.

Ende-enden pujin

92:1 Ende-enden tupung wari Sabat. 92:2 O TUHAN, seh riahna ngataken bujur man BaNdu, janah rende muji Kam, o Dibata si Meganjangna; 92:3 meritaken keleng AteNdu erpagi-pagi, dingen PertetapNdu tupung berngi, 92:4 janah ngkuit gitar si sepuluh tinali, rikut ras gambus ras kulcapi. 92:5 Sabap PerbahanenNdu kap si pegedang ukurku, erdandanken PerbahanenNdu, aku rende alu meriah. 92:6 O TUHAN, seh kal belinna PerbahanenNdu, andiko bagesna PerukurenNdu. 92:7 Kalak bodoh la ngasup ngantusisa, kalak longor la ngasup ngerti, 92:8 ngkai maka kalak jahat turah mehumur desken dukut, kalak si ilat reh bayakna dingen sikap geluhna. Tapi nandangi meripuk me ia kerina, 92:9 sabap Kam, o TUHAN, erkuasa seh rasa lalap. 92:10 Ieteh kami maka kernep me kerina ImbangNdu, kerina kalak jahat merap-marpar me. 92:11 IbahanNdu aku megegeh desken banteng, janah masu-masu aku alu simpar keriahen. 92:12 Nggo kuidah imbangku italuken, sora serko kalak jahat kubegi pinger. 92:13 Kalak bujur ertunas desken batang kurma, mehumur perturahna bagi batang cemara Libanon. 92:14 Bali ia ras kayu si isuan i Rumah TUHAN, dingen turah i bas Rumah Dibatanta. 92:15 Lalap ia meratah dingen paguh, aminna pe nggo metua, tetap erbuah. 92:16 Encidahkenca maka bujur kap TUHAN, Ia kap pembelangku, la lit si la bujur i bas Ia.

TEMA                     : Meritaken Keleng Ate Tuhan

TUJUN                    : Gelah Moria:

·       Ngasup ngidah keleng ate Dibata.

·       Ngaturken waktu ndahi ntah nelepon Saitun.

METODE PA           : Kesaksin

Kata Penaruh.

Masmur ertina "puji-pujin" ntah "ende-enden si iedeken raduken ras alat musik." Mbelin kel ngaruhna musik e i bas ngelakoken kebaktin (bdk. 1 Kronika 15:16-22; Msm. 149:1-150:6). Sinuratken Masmur 92 enda labo itandai (kemungkinen Daud), tapi amin bage pe teridah maka penulis e me kalak si muji Tuhan erkiteken kiniulin perbahanenNa ras biakNa si mehuli si enggo igejapkenna. Masmur enda megati iendeken i bas ingan si badia asum wari Sabat. Wari e jadi peringet-ingeten si ilakoken erkawiten ras ulih Dibata nepa, bage pe kuga Dibata mpeken-kena bekas tinepaNa e.

Mpebagesi Pengangkan Kerna Ogen

Ngendeken ende-enden pengataken bujur man Tuhan i bas wari Sabat e me paksa si mehuli kal, sabap i bas paksa si e iarapken la lit kesibuken sideban si ilakoken seakatan ngelakoken dahin-dahin pertendin sabap enggo ialoken kekelengen Tuhan sope Sabat. Ende-enden si bage mpekeke ukur lako muji Tuhan la terjeng wari Sabat tapi teptep warina seh ku berngina pe. Terdauhen ka, wari ku warina, rikut pe minggu ku mingguna, bulan ku bulanna, tahun ku tahunna, tetap muji Tuhan. Si e banci ilakoken pe alu ngkuit gitar si sepuluh tinali, rikut ras gambus ras kulcapi. Alat musik i je gunana ncidahken "sukacita spiritual" (keriahen pertendin) i bas pusuh si muji Tuhan.
Tapi, ola min erkiteken lit alat musik maka meriah ukur. Keriahen si tuhu-tuhu, erkiteken ngggejap perbahanen Dibata si erkuasa segedang-gedang geluh. Reh dekahna nggeluh, reh tergejapna perbahanen ras kekelengen Tuhan. Enda me si man beritankenta. Janan, si e kerina mpeturah ketenengen ukur, gia melala denga kalak si jahat perbahanenna. Kalak si rende lako meritaken keleng ate Tuhan banci mperobahi kalak si jahat. Sabap TUHAN erkuasa nampati ras nginget si ngena ateNa arah ende-enden e. Di kune lit si la robah enggo pe ipersingeti arah ende-enden e, lit pagi paksana perbahanen Tuhan engkernepken kerina imbangNa, kerina kalak jahat merap-marpar me.

Pengkenaina

Umurta terus tambah erkiteken keleng ate Tuhan. I bas tambahna umur e iarapken maka Moria GBKP makeken kesempaten geluh lako muji ras mpermuliaken Tuhan. Rikutken keputusen gerejanta maka usia Saitun e me 60 tahun ku datas. E maka, perlu ikira piga tahun nari moria bengket ku Saitun. I bas erkira e sikapken pe diri tetap erberita kerna perbahanen kekelengen Tuhan, kususna arah perdalanen kegeluhen si enggo ibentasi.

Hari Ulang tahun Saitun siperingeti i bas tanggal 27 April 2026, janah enggo genep 11 tahun umur SAITUN GBKP. Tambahlan kengasupen Moria ngidah keleng ate Dibata arah ertambahna umur Saitun bage pe arah erbage-bage keadaan kegeluhen si enggo idalani. Gia pe enggo iputusken Moria GBKP tahun 2025 maka umur maksimal jadi Pengurus Moria e me 55 tahun, la ateta morah sebab arah si e sigejapken maka Tuhan ngataken man Moria, "Moria.... Pakekenlah kesempatenndu guna bengket ku Saitun GBKP." Lakokenlah aksi PA Moria Minggu enda alu dem keleng ate dingen pengataken bujur man Tuhan.

Sharing ras aksi

Marilah si endeken telu (3) kali KEE GBKP No. 59:1, Keleng ateNdu tangkas bangku, si kupujiken lalap min.

Kam Tuhan Jesus me Rajangku, si erkeleng man bangku kin. Madin keleng ateNdu kuinget asang k'rajangku me tersinget.

Kenca dung si endeken, mari si sharingken:

1.    Ngasup nge Moria mujiken Tuhan bas kerina keadaan geluhna?

2.    Turiken sada pengalamen geluhndu maka pentingen akapndu keleng ate Tuhan asangken sikerajangenndu si tersinget. Kai ulihna man bandu?

Aksi:

Teptep Moria si reh PA mpepayo anggota Moria si enggo Saitun i bas sektor ntah pe runggun si la hadir PA wari enda, e maka telepon ntah pe dahilah kari temanndu e guna meritaken keleng ate Tuhan.

1.    Adi iteleponndu sendah, pakeken waktu 30 detik lako nelpon janah kataken: "Selamat Ulang Tahun Saitun, teruslah meritaken keleng ate Tuhan" Adi idahindu, pagi ntah kedun, kataken, "Selamat Ulang Tahun Saitun, teruslah meritaken keleng ate Tuhan"

2.    Ogeken pantun man saitun upload ku media sosil, tag Saitun si lit i bas sektor ras runggunndu.

Pdt. Agustinus Ginting Manik