Kristus Ngangkut Dosangku

BIMBINGAN PA SAITUN GBKP TAHUN 2026

TANGGAL, 29 Maret-4 April 2026

Ogen : 1 Petrus 2: 21-25

Kiniseran Kristus jadi usihen

Indonesia:

[21] Sebab untuk itulah kamu dipanggil, karena Kristus pun telah menderita untuk kamu dan telah meninggalkan teladan bagimu, supaya kamu mengikuti jejak-Nya.

[22]  Ia tidak berbuat dosa, dan tipu tidak ada dalam mulut-Nya.

[23] Ketika Ia dicaci maki, Ia tidak membalas dengan mencaci maki; ketika Ia menderita, Ia tidak mengancam, tetapi Ia menyerahkannya kepada Dia, yang menghakimi dengan adil.

[24] Ia sendiri telah memikul dosa kita di dalam tubuh-Nya di kayu salib, supaya kita, yang telah mati terhadap dosa, hidup untuk kebenaran. Oleh bilur-bilur-Nya kamu telah sembuh.

[25] Sebab dahulu kamu sesat seperti domba, tetapi sekarang kamu telah kembali kepada gembala dan pemelihara jiwamu.

Karo:

[21] Guna si enda me kam idilo Dibata; sabap Kristus jine pe enggo ngenanami kiniseran man gunandu, janah itadingkenNa sada usihen si man usihenndu, gelah iikutkenndu dalanNa.

[22] IA la erdosa. Ise pe la enggo megi kata si la tuhu i bas biberNa nari.

[23] Asum IA igombang-gombangi kalak, la ibalasNa alu kata megombang. Janah asum IA ngenanami kiniseran, la ilawanNa kalak, tapi erpengendes IA man Dibata, Hakim si bujur.

[24] Kristus jine enggo ngangkut dosa-dosanta i bas kulaNa i kayu persilang, gelah kita mate nandangi dosa, jenari nggeluh nandangi si ngena ate Dibata. Erkiteken lukaNa, kam enggo ipepalem.

[25] Nai kam bagi biri-biri si enggo papak, tapi genduari kam enggo ibaba mulihken guna ngikutken Permakan Singkawali tendindu e.

Tujunna:

Gelah Saitun:

1. Ngantusi dalan keselamatem eme Jesus Krsitus sienggo ngangkut dosanta i kayu persilang.

2. Tetap nggeluhken geluhna guna singena ate Dibata.

Metode : Diskusi

I. BENA KATA

Raduken ras perdalanen paksa-paksa, menaken kin doni enda ijadiken Dibata seh paksa genduari, tergejap man banta kiniulin Dbata. IA la pernah salih, IA tetap bas kecibalNa, alu kuasa ras keleng ateNa tetap ipekena kenaNa geluhta. Salah sada bentuk keleng ateNa eme kematenNa si usur siperingeti ibas Jumat Simbelin. Perbahanen Jesus bas Jumat Simbelin mabai kita ertetapna ukur guna ngelakoken pengajaren Tuhan guna jadi kesaksin geluhta.

II. MPEGESI OGEN

Bagin bas bahan PA nta enda, eme surat si tulis Petrus man kalak Kristen simerap ibelang-belang bagin utara Asia Kitik.

- Tujunna eme guna mpegegehi perpulungen e gelah tetap paguh ibas kiniteken amin pe mbue ancaman ras kiniseran. Arah surat enda iarapken gelah perpulungen e tetap nggeluh ngikutken pengajaren ras perbahanan Jesus. Bas surat enda tersena kerna :

- Pendilo Dibata man manusia. Pendilo e ipetangkas Petrus eme kerna sura-sura Dibata mabai manusia mulihi rembak ras IA alu nuruh AnakNa Sitonggal nusur ku doni. Nadingken kemulianNa nggeluh bagi kalak musil ras medersa. IA la iergaken dingen itulak doni janah ngenanami kiniseran ras mate guna nggancihken ukumen man manusia si perdosa. Ibas sura-sura Dibata ngkelengi manusia e, IA arus ngendesken Jesus. Jesus anak biri-biri ni Dibata jadi persembahen pengalemi dosa. Jesus enggo leben ngenanami kiniseran guna nebusi kita.

- Jesus jadi usihen ibas ngalaken kiniseran. IA tetap bas kecibal kebadian ras kebenaren, IA la erdosa, la ibelaskenNa kata la tuhu asum IA igombang gombangi kalak. La balasna alu kata megombang, asum ngenanami kiniseran la IA ngelawan tapi erpengendes IA man Dibata. Kegeluhen sibagenda me sinikataken kegeluhen si badia ras la erpandangen sibanci ipersembahken guna ngangkut dosa manusia.

-      Geluh kalak si tek man Jesus eme geluh sienggo pulah ibas kuasa dosa nari. Emaka kalak si tek arus mate nandangi dosa. Ertina kita arus megenggeng njagai geluh gelah tetap bersih alu tetap ngusih kegeluhen Jesus. Ngelakoken pengajarenNa ije me teridah reh tangkasna kegeluhen simbaru jadi bas geluhta. Sipeturah kemalemen ate ras sisaksiken man doni enda pertendinta ipermakani Tuhan Jesus.

III. PENGKEΝΑΙΝΑ

Kristus ngangkut dosangku enda me Tema PA nta paksa enda. Kalimat enda me si jadi pengakunta maka sigejap ndeher kal kita ras Jesus Tuhanta. Tuhu ndeher kal kin, sabab keleng ateNa enggo mulahi kita ibas ukumen dosa nari. Utangta enggo sai, kegeluhen situhu-tuhu si rasa lalap em sikerajangenta. Kecibal enda isehken Dibata guna mpetangkas kiniersadanta ras ia. Kita jadi anakNa, IA jadi Bapanta. Bas kiniersadanta ras Jesus Kristus dahinta eme naksiken kegeluhenNa. Pengajaren ras perbahanenNa eme man usihenta ras man lakonken bas perukuren, pengerana ras perbahanenta bas kerina paksa ntah kecibal. Amin pe bas kiniseran silit ibas dirinta nari eme ibas nimbak peraten daging kula, mpersilang bana bagepe bas kiniseran sireh bas doni enda nari sisebo bas peratenta ola surut bas keleng ate Dibata nari bagi ende endenta no. 80: 1 Jesus geluh ni tendingku, Kam me kegeluhenku kuendesken me diringku seh de paksa sifatku.

Ingetlah kata Tuhan Jesus sipeturah semangat man banta nina ibas Matius 10:32-33. Ise ngaku ilebe-lebe manusia maka ia ajar-ajarku, ia pe pagi ku akui ilebe-lebe Bapangku, sini surga. Tapi ise si merso ilebe-lebe manusia maka ia ajar-ajarku, ia pepagi ku persoken ilebe-lebe Bapangku si i Surga.

IV. PERTOTON

Bujur man banNdu Tuhan sienggo njujurken keterkelinen man kami. I bas perkuah ateNdu iatankenNdu kami ngaloken keselamaten e, pegegehi kami gelah tetap ngasup ngikutken kam pakelah geluh kami jadi saksiNdu idoni enda, enda me pertoton kami bas Tuhan Jesus kami ertoto man bandu. Amin...

V. Diskusi

1. Oge mulihi 1 Petrus 2:24, turiken penggejapenndu kerna :

- Kristus jine enggo ngangkut dosa dosanta

- Gelah kita mate nandangi dosa

2. Uga arusna kita ndalani geluhta, bandingken Ogen Pilipi 4:4-7.

VI. ENDE-ENDEN

1. No. 59:1,2

2. No. 125: 1,2,3

3. No. 386: 1,2,3

4. No. 372: 1-

5. No. 299: 1,2,3

Pdt. Satria Sembiring