Kemenangen Enggo Seh

BIMBINGAN PA SAITUN GBKP TAHUN 2026

TANGGAL, 05-11 April 2026

Ogen : 1 Korintus 15:54-58

Kekeken Kula

Indonesia:

[54] Dan sesudah yang dapat binasa ini mengenakan yang tidak dapat binasa dan yang dapat mati ini mengenakan yang tidak dapat mati, maka akan genaplah firman Tuhan yang tertulis:”Maut telah ditelan dalam kemenangan.

[55] Hai maut di manakah kemenanganmu? Hai maut, di manakah sengatmu?”

[56] Sengat maut ialah dosa dan kuasa dosa ialah hukum Taurat.

[57] Tetapi syukur kepada Allah, yang telah memberikan kepada kita kemenangan oleh Yesus Kristus, Tuhan kita.

[58] Karena itu, saudara-saudaraku yang kekasih, berdirilah teguh, jangan goyah, dan giatlah selalu dalam pekerjaan Tuhan! Sebab kamu tahu, bahwa dalam persekutuan dengan Tuhan jerih payahmu tidak sia-sia.

Karo:

[54] Dage kenca si ermasap-masap dingen si banci mate e enggo makeken si la banci ermasap-masap dingen si la banci mate, maka seh me si tersurat i bas Pustaka Si Badia, “Kematen enggo itelen, kemenangen enggo seh.”

[55] “O kematen, i ja kemenangenndu? O kematen, i ja bisandu?” [56] Bisa kematen e me dosa, janah dosa ergegeh erkiteken Undang-undang.

[57] Tapi bujur ninta man Dibata si mereken kemenangen man banta arah Tuhanta Jesus Kristus.

[58] Erkiteken si e, o senina-senina si kukelengi, tetaplah ukurndu, ola mbewat-mbewat. Mejingkatlah kam rusur i bas ndahiken dahin Tuhan, sabap ietehndu maka labo percuma dahin si idahikenndu i bas Tuhan.

Tujunna:

Gelah Saitun:

1. Ngangkai maka kemenangen enggo jadi sikerajangenna.

2. Tetap ergiah-giah ncidahken tanda kemenangen.

Metode : Studi Kasus

I. BENA KATA

PA-ta sendah eme lako mpebagesi mulihi erti Paskah. Nggo lit perbaiken bas Liturgi GBKP simabai kita perpulungen mperingeti Minggu-minggu Pra-Paskah (Passion) lebe sope bengket ku bas puncak perayaan Paskah. Kenca minggu-minggu Passion, maka lit istilah Triduum Paskah (Latin: telu wari), si ertina, tiga hari mengakhiri Pra-Paskah, e me Kamis Badia, Jumat Si Mbelin, ras Sabtu Pengarapen. Arah kerina kegiaten enda mabai kita reh ngasupna nggejapken kiniseran, kematen ras puncakna eme Paskah, kekeken Jesus. Paskah, kekeken Jesus, kemenangen i bas kuasa dosa ras kuasa kematen nari.

II. MPEGESI OGEN

Ogenta sendah e me surat pengepkepen (penggembalaan) bas Rasul Paulus nari man perpulungen i kota Korinti. Korinti e me kota metropolitan si termurmur, lit pelabuhen si galang, secara finansial kota enda bayak, erkiteken erbage-bage suku bangsa reh guna erbisnis. Tapi i bas dampar si deban penduduk kota enda jahat secara moral. Erbage-bage dosa lit i je, termasuk percabulan. Erbage-bage dosa enda lit kawitenna ras pengangkan kalak Junani kerna kula (tubuh).

Ogenta sendah lit i teruh judul perikop "Kekeken kula," i bas Alkitab Bahasa Indonesia Masa Kini (BIMK) nina, "Tubuh manusia sesudah dihidupkan kembali dari kematian."

Umumna kalak Junani tek nandangi kegeluhen pertendin s rasa lalap (keabadian jiwa), tapi la tek lit kekeken kula. bas pengakap kalak enda, la mungkin lit kinikeken kula, erkiteken kula e me ulu kelemahen ras dosa. E maka sanga nggeluh denga, kula bebas ngelakoken kai pe, sabab kai pes ilakoken kula la lit pengaruhna man tendi (jiwa). Alu kematen, tendi ibebasken i bas kula nari. kenikmatan kula (hedonisme). Dosa percabulan enggo biasa Alu pemahamen si bage, turah gaya si mengutamaken ilakoken kalak Junani paksa si e. Pemahamen enda mempengaruhi kalak Kristen i Korinti si umumna berlatar belakang budaya Junani (bdk. Perb. Rasul 17:31,32). Enterem kalak Kristen i Korinti la ngaloken pemahamen kekeken i bas si mate nari (1 Kor. 15:12).

Eme sebabna arah surat enda, iajarken Paulus mulihi pokok-pokok iman Kristen kerna kekeken kula. Ibenaken bas peristiwa kematen Jesus Kristus, keke i bas si mate nari, bage pe piga-piga peristiwa i ja icidahken Jesus diriNa kenca enggo IA keke i bas si mate nari (1 Kor. 15:3-7). Itegasken Paulus maka pemahamen kalak Korinti la payo. Kristus enggo ipekeke Dibata i bas si mate nari, janah enda merupaken jaminen maka kalak si enggo mate nggeluh ka mulihi (1 Kor. 15:20).

Emaka i bas ay. 57 itegasken Paulus, nina, "Bujur ninta man Dibata." Perbahan kai ngataken bujur? Perban Jesus Kristus si enggo keke i bas si mate nari erbahanca maka kuasa dosa ras kematen enggo italuken. Kekeken Jesus i bas si mate nari mereken kemenangen man kalak si tek. Erkiteken enggo itebus, enggo imenangken, enggo ndatken kegeluhen si rasa lalap, e maka itegasken Paulus i bas ay. 58, kerina kalak si tek harus tetap ukur, la mbewat-mbewat, mejingkat rusuri bas ndahiken dahin Tuhan. ("Karena itu, saudara-saudaraku yang kekasih, berdirilah teguh, jangan goyah, dan giatlah selalu dalam pekerjaan Tuhan! Sebab kamu tahu, bahwa dalam persekutuan dengan Tuhan jerih payahmu tidak sia-sia." - Ind-)

Em tandana maka kalak si tek enggo imenangken, nggeluh i bas kemenangen. Bagi nina bas 2 Kor. 5:17, maka kalak si ersada ras Kristus, ia tinepa si mbaru. Kalak si enggo imenangken e me kalak si nggeluh i bas kegeluhen si mbaru.

III. PENGKEΝΑΙΝΑ

Paskah tahun enda mpersingeti kita mulihi maka kemenangen e enggo jadi sikerajangenta. Erkiteken si e, maka si pemena lebe, tetap ukurta nggeluhken kegeluhen si mbaru. Amin kai pe sijadi, sekali pe la bagi ukur, kinitekenta tetap man Tuhan. Si erbahanca tetap ukurta e me kerembakenta tetap ras Tuhan (melekat dengan Tuhan), subuk arah pertoton bage pe ibadah-ibadah pribadi.

Si peduaken, tetap kita mejingkat i bas ndahiken dahin Tuhan, labo gelah terkelin tapi sebage pengataken bujurta man Tuhan si enggo mereken keterkelinen man banta. Mejingkat, la ia nggit tading i bas melayani sebab enggo igejapkenna ulihna, subuk man dirina tapi pe man kalak si deban, janah arah si e Tuhan imuliaken.

Si peteluken, tetap nggeluh mediate sada ras si debanna. Maun lit ka pasang surutna i bas kegeluhenta. Mawen kita sakit, anak-anak la bagi ukur, ekonomi sulit. Alu bage, siinget maka kita me kula ni Kristus, kehadirenta menjadi penyemangat man si deban, bage pe sebalikna..

IV. STUDI KASUS

Nini Karo Keke sada rumah ras anakna jabu bp Keke. Janah enggo pe ia Saitun tapi medanak denga perukurenna. Rusur ia jungut-jungut man permenna. Pandangen rusur akapna permenna. Man kempuna Keke pe rusur Karo e jungut-jungut. "Karo dulu, la bagi kam e kempu." Padahal kempuna generasi Alpha ketubuhen tahun 2014. Kempuna pe pandangen ka akapna, maka langgit kempuna ndeher ras Karo. Aminna pe mejingkat ku gereja, Karo Keke, kurang melumbar, padahal mbue kel tading-tadingen bulang marenda man bana. Ula lebe nampati kalak si kesusahen, mereken penampat ku gereja pe perhitungen ia. Perpuluhenna pe la pernah berekenna ku gereja. Tapi adi beluhlah kita mujiken Karo, banci merigat koncangna.

V. Diskusi

1. Payo denga nge siibahan Karo Keke janah uga caranta gelah lit perubahen i bas diri Karo Keke?

2. Banci denga kin kalak si enggo Saitun berubah ku bas simehuli? Diskusikenlah.

3. Turiken geluh si mbaru si apai si nggeluh i bas dirindu seh asa genduari? Kai saja ulih simehuli sigejapkenndu arah kegeluhen si mbaru e?

VI. ENDE-ENDEN

1. KEE 325:1,2

2. KEE 83:1,4,7

3. KEE 317:1-3

4. KEE 293:1,3

Pdt. Larena br. Sinuhadji