BIMBINGAN PA MAMRE TANGGAL, 30 MARET – 05 APRIL 2025

Muat bagin ibas dahin Dibata

Teks : Roma 15 : 1 - 6

1 Kita si megegeh kinitekenta arus nampati kalak si merampek kinitekenna, guna mersan babanna. Ula dirinta ngenca siukuri.

2 Tapi sekalak-sekalak kita arus mperdiateken temanta manusia janah ngukuri kai si mereken kiniulin man bana gelah alu bage erteguhna kinitekenna.

3 Sabap Kristus pe labo DiriNa saja IukuriNa, bagi lit tersurat i bas Pustaka Si Badia, "Isak-isak kalak si ngisakken Kam nggo ndabuh man bangku."

4 Kerina si tersurat i bas Pustaka Si Badia isuratken ngajari kita gelah erpengarapen erkiteken kesabaren ras pergegeh si ibereken Pustaka Si Badia man banta.

5 Mbera-mbera Dibata ulu kesabaren ate dingen ulu pergegeh erbahanca ersada ukurndu kerina erdandanken Jesus Kristus jadi usihenndu.

6 Gelah kerina kam, alu ersada sora banci muji Dibata, Bapa Tuhanta Jesus Kristus.

Roma 15:1-6

1 Kita, yang kuat, wajib menanggung kelemahan orang yang tidak kuat dan jangan kita mencari kesenangan kita sendiri.

2 Setiap orang di antara kita harus mencari kesenangan sesama kita demi kebaikannya untuk membangunnya.

3 Karena Kristus juga tidak mencari kesenangan-Nya sendiri, tetapi seperti ada tertulis: "Kata-kata cercaan mereka, yang mencerca Engkau, telah mengenai aku."

4 Sebab segala sesuatu yang ditulis dahulu, telah ditulis untuk menjadi pelajaran bagi kita, supaya kita teguh berpegang pada pengharapan oleh ketekunan dan penghiburan dari Kitab Suci.

5 Semoga Allah, yang adalah sumber ketekunan dan penghiburan, mengaruniakan kerukunan kepada kamu, sesuai dengan kehendak Kristus Yesus,

6 sehingga dengan satu hati dan satu suara kamu memuliakan Allah dan Bapa Tuhan kita, Yesus Kristus.

Tujuan : Gelah Mamre :

1. Meteh maka kalak si tek muat bagin bas dahin dahin Dibata
2. Mendukung ras notoken Sidang Majelis Sinode gelah erdalan alu mehuli

I. KATA PENARUH

Kerina kita ersura-sura gelah jadi kalak megegeh/ sehat. Megegeh ras sehat subuk secara kula, tendi, pusuh/ ukur, la ketadingen gajut/ dompet. Kuan-kuan si megati si belasken ras si pindo bas toto syafaat eme 3S: sehat jasmani; sehat rohani ras sehat ekonomi. Tentu saja la gelah megegeh saja. La ngadi jadi kalak megegeh ngenca ras man gunata saja. Megegeh labo tujun perpudi (terakhir) kita kalak si tek. Megegeh tapi adi lepas tan kita la kap mehuli ras man kemelanken. Kita megegeh guna banci engkelengi ras nampati. Megegeh gelah banci mere. Sabab lit nge maka banci ibere. Kune la lit uga kita ngasup mere. Arah kinilitenta kita muat bagin ibas dahin-dahin si lit: dahin sangkep ngggeluhta, dahin kuta/ sekelewetta, terlebih dahin Dibata. Muat bagin ras mereken dukungen bas dahin Dibata maka mehuli ras Dibata terpuji.

II. URAIAN TEKS

Kalak Kristen i Roma lit ibas erbage latar belakang. Lit kalak Junani, lit ka si reh ibas kalak Jahudi. Man kalak Kristen non Jahudi, la lit aturen ras pantangen kerna pangan, inemen ras kerna wari-wari. Tangkas iangkatna palas keselamaten labo arah perbahanen ras peraturen tapi kiniteken man Tuhan Jesus. Kalak enda me igelari rasul Paulus kalak si megegeh kinitekenna. Man kalak Kristen Jahudi semal kal kerna erbage-bage pantangen ras larangen. Lit pangan si banci ipan, lit si jadi pantangen (Imamat 11; Ulangen 14:3-21). Lenga tangkas man bana kerna palas keterkelinen. Kalak enda igelari Paulus kalak si merampek kinitekenna. Rasul Paulus jine mpeseri dirina ras kalak si megegeh kinitekenna. Kinierbagen ras perbedan enda jumpa ras singgur bas persadan/ Gereja. Dungna terjadi me sisalah-salahen. Ngidah kecibal enda, rasul Paulus ngerana khususna man kalak si megegeh kinitekenna. Kalak si megegeh kinitekenna arus (wajib/ ertanggung jawab) nampati si megegeh kinitekenna gelah ngasup ia mersan babanna. Kalak si megegeh kinitekenna tole arus mperdiateken teman-temanna ras ngukuri kai simereken kiniulin gelah reh teguhna kinitekenna (ayat 1-2). Palas ras sabab kalak si megegeh kinitekenna arus nampati ras erdiate erkiteken Tuhan Jesus jine nggo mereken contoh/ usihen. Kristus pe labo mperdiateken diriNa saja, tapi mperdiateken kerina jelma (ayat 3, bdk. Mas.69:8). Kerina si tersurat ibas Pustaka Si Badia isuratken lako jadi pelajaren ras ngajari kalak si tek nggeluh erpengarapen. Kata Dibata jine ulu kesabaren ras pergegeh man kalak si tek. Kata Dibata jine ulu kesabaren ras pergegeh erbahansa ersada ukur kalak si tek erkiteken Tuhan Jesus jadi usihenna. Alu bage ersada sora kerina kalak si tek subuk Jahudi ras Junani lako muji Dibata Bapa (ayat 4-6).

III. PENGKENAINA

Kegeluhenta kalak Kristen arus erdiate, kepate ras erkeleng ate. Kita kalak si tek la banci nggeluh rate-ate ras perate-ate. Kalak Kristen la banci nggeluh nerapken bana ras nggeluh guna dirita saja (egois). Emaka marilah si tuduhken biak mediate ras erkeleng ate. Mari si ukuri kai si mereken kiniulin ku bas persadanta subuk secara runggun, klasis bagepe sinodal. Kenca si ukuri jenari si lakokenlah (Pilipi 4:8-9). Ola sekerajangenta saja ngenca si ukuri. Perukurenta bali min ras perukuren Kristus Jesus (Pilipi 2:2-5). Tema: “Muat Bagin Ibas Dahin Dibata”. Bas tgl 23 seh 30 April 2025 ilakoken me dahin Dibata si mbelin ras penting bas Gerejata eme Sidang Majelis Sinode (SMS). Sidang enda ilakoken sekali 5 tahun. Arah sidang enda gerejata mengevaluasi dahin pelayanan 5 tahun si lewat, netapken program 5 tahunen si reh, jenari pemilihen Moderamen si mbaru. Kerina utusen-utusen Runggun, klasis, kategorial, unit pelayanan ras tim kerja reh ku sidang enda. Emaka SMSKBBI, kata jujur ertina, lurus hati, tidak curang dan tidak berbohong, tulus, terus terang, terbuka dan terpercaya. Enda me pengertin si lit ibas erti kata bujur. Kalak si bujur e la mementingken dirina jine, tapi rukur ia ertimbang is am. Ulihna, ngena ate Dibata ibahanna janah kalak sideban pe erngena ate kempaksa. Terberita me ia ku sekelewetna maka kalak si bujur e mehuli dingen terdeheri, terteki kal dingen erkemalangen man Dibata.

Ibas ogen ituriken: Ayat 31; Ulih kalak bujur eme nggeluh cawir metua, uban desken mahkota si meherga kap. Ibas is am Indonesia nina “Rambut putih adalah mahkota yang indah, yang didapat pada jalan kebenaran”. Raja Salomo nuriken maka kiniulin kalak bujur gedang- gedang kegeluhenna, kiniulinna e la ermasap-masap, seh maka kiniulin e tetap jadi kenangen segedang geluh (cawir metua). Anak-kempu pe banci denga metehsa kerna kiniulin si ndube ilakoken nini ras bulangna. Raja Salomo ngataken maka uban (buk mbentar) jadi kiniulin (keindahan) orang tua (bnd. Kuan-kuanen 20:29). Kalak si ndalanken kebujuren ibas geluhna kinibujurenna e pe jadi kiniulin segedang-gedang geluhna I ku anak kempuna.

Ayat 32; Madin jadi kalak saber asangken erkuasa, engkuasai diri ulin asa naluken melala kuta. Engkai maka ikataken ulin jadi kalak saber asangken erkuasa? Sabab kalak si saber ngasup engkuasai dirina. Penguasan diri banci mpeturah kengasupen rukur alu mbages dingen ndatken pengertin. Kalak si mbages pengertinna pasti jadi penungkunen enterem jelma sabab buah perukurenna e melala mere garuh si mehuli man enterem jelma. Emaka e me bena-benana maka ikataken Raja Salomo ulin kalak saber asangken erkuasa. Sabab kalak si samber dingen mbages pengertinna, jadi penungkunen kalak si erkuasa. Terbagesen ikataken Raja Salomo maka kalak si ngasup ngkuasai diri ulin asa kalak si ngasup naluken melala kuta. Ngkuasai diri eme sada biak si tuhu-tuhu perlu ibas manusia. Ngasup ngkuasai diri ulihna, nggeluh alu ratur, ngasup mengendaliken perukuren, kebiasaan si la mehuli, sipetembil ras sura-sura Dibata. Kalak si la ngasup ngendaliken dirina iandingken bagi kegeluhen kuda si la ratur, si arus isangam babahna (Mazmur 32 :9). Arah kai si ituriken i datas teridah maka kengasupen ngkuasai diri jadi gegeh singasup naluken erbage-bage si la mehuli.

III. PENGKENAINA

1. Bagi nina kata “Tidak ada yang pasti di dunia selain perubahan”. Kegeluhen enda terus berubah, si la pernah berubah eme perubahen e sendiri. Kata enda ngajuk Mamre guna berubah eme maka genduari kita jadi mamre, tapi lit paksana jadi Saitun rikutken kategorial gerejanta. Emaka adi umurta enggo seh 60 tahun nggo banci kita ngikuti perpulungen Saitun, bicara ikut denga pe ateta ibas kegiaten Mamre, labo dalih.
2. Ibas ndalani kegeluhenta melala si man alanken si banci mabai kita nggeluh la setia man Dibata, emaka tetaplah jemak enteguh kinitekenta. Bahanlah kebujuren ras kiniteken man Dibata jadi palas kegeluhen. Nggeluh la ngukurken dirin jine, tapi jadi bapa si bijaksana (pentar), berintegritas. Lagia kita ngasup jadi usihen si lang-langna la jadi pandangen (batu antuken). Reh tuana arusna reh pentarna, bagi tua-tua ridap reh tuana reh gersingna, reh melamna pe. Reh tuana perukuren ras kata-katanta jadi gudang kata-kata bijak simpepalem pusuh.
3. Ergakenlah kalak si enggo metua entah pe si tuan asa kita. Ula mapas man kalak si enggo metua, arus siinget, kalak si metua enggo pernah nguda, kalak si nguda lenga pernah metua janah singuda banci saja la sempat metua.

IV. DISKUSI

1. Erpalasken teks PA-nta minggu enda, kai nge dampak negative ras positifna adi kita ndalanken kebujuren? Turiken erpalasken pengalamen kinitekenta.
2. Kai-kai saja nge si perlu si persiapken guna kiniulin geluhta baik secara jasmani bage pe pertendin maka banci sialoken kemalemen ate subuk genduari bage pe guna pudi metua? (berbagi pengalamen gelah simehuli silakoken kita banci ka iusih temanta)

Usulen Lagu

1. KEE. GBKP No. 354:1-3
2. KEE. GBKP No. 350:1-2
3. KEE. GBKP No. 363 : 1-2
4. KEE. GBKP No. 293:1-.. (persembahen)

Pdt. John Terkelin Ginting, MA., M.Th.