Wujud Kasih: Komunikasi

SI MAN OGEN        : Keluaren 32:7-16

32:7 Berfirmanlah TUHAN kepada Musa: "Pergilah, turunlah, sebab bangsamu yang kaupimpin keluar dari tanah Mesir telah rusak lakunya. 32:8 Segera juga mereka menyimpang dari jalan yang Kuperintahkan kepada mereka; mereka telah membuat anak lembu tuangan, dan kepadanya mereka sujud menyembah dan mempersembahkan korban, sambil berkata: Hai Israel, inilah Allahmu yang telah menuntun engkau keluar dari tanah Mesir." 32:9 Lagi firman TUHAN kepada Musa: "Telah Kulihat bangsa ini dan sesungguhnya mereka adalah suatu bangsa yang tegar tengkuk. 32:10 Oleh sebab itu biarkanlah Aku, supaya murka-Ku bangkit terhadap mereka dan Aku akan membinasakan mereka, tetapi engkau akan Kubuat menjadi bangsa yang besar." 32:11 Lalu Musa mencoba melunakkan hati TUHAN, Allahnya, dengan berkata: "Mengapakah, TUHAN, murka-Mu bangkit terhadap umat-Mu, yang telah Kaubawa keluar dari tanah Mesir dengan kekuatan yang besar dan dengan tangan yang kuat? 32:12 Mengapakah orang Mesir akan berkata: Dia membawa mereka keluar dengan maksud menimpakan malapetaka kepada mereka dan membunuh mereka di gunung dan membinasakannya dari muka bumi? Berbaliklah dari murka-Mu yang bernyala-nyala itu dan menyesallah karena malapetaka yang hendak Kaudatangkan kepada umat-Mu. 32:13 Ingatlah kepada Abraham, Ishak dan Israel, hamba-hamba-Mu itu, sebab kepada mereka Engkau telah bersumpah demi diri-Mu sendiri dengan berfirman kepada mereka: Aku akan membuat keturunanmu sebanyak bintang di langit, dan seluruh negeri yang telah Kujanjikan ini akan Kuberikan kepada keturunanmu, supaya dimilikinya untuk selama-lamanya." 32:14 Dan menyesallah TUHAN karena malapetaka yang dirancangkan-Nya atas umat-Nya. 32:15 Setelah itu berpalinglah Musa, lalu turun dari gunung dengan kedua loh hukum Allah dalam tangannya, loh-loh yang bertulis pada kedua sisinya; bertulis sebelah-menyebelah. 32:16 Kedua loh itu ialah pekerjaan Allah dan tulisan itu ialah tulisan Allah, ditukik pada loh-loh itu.

32:7 Nina TUHAN man Musa, "Pedas kam mulih ku teruh, sabap bangsandu si nggo ibabandu ndarat i Mesir nari nggo erdosa janah nulak Aku. 32:8 Itadingkenna dalan si nggo Kupedahken gelah ikutkenna; ibahanna sada lembu emas tuangen janah nggo isembahna ras ibahanna persembahenna ku je. Ikatakenna e si mabai ia ndarat i Mesir nari. 32:9 Nggo Kuteh uga kengna bangsa enda. 32:10 Genduari, ula cubaken ngambati Aku. Nembeh kal ateKu man bana kerina, janah  Kukernepken ateKu. Kenca bage, Kubahan ateKu kam ras kesusurenndu jadi sada bangsa si mbelin." 32:11 Tapi meseksek ipindoken Musa man TUHAN, Dibatana nina, "TUHAN, ngkai maka bage RawanNdu man BangsaNdu, si nggo IselamatkenNdu i Mesir nari alu gegeh ras kuasa si mbelin? 32:12 Adi IkernepkenNdu bangsa e, tentu ikataken bangsa Mesir me maka Kam nggo mbaba ia ndarat i Mesir nari alu tujun munuhsa i deleng-deleng enda janah ngeradaskenca tuhu-tuhu i bas doni enda nari. Ula min Kam merawa, ula min UkurNdu bage janah ula min sehken cilaka enda man BangsaNdu. 32:13 Inget min suruh-SuruhenNdu Abraham, Isak, ras Jakup. Ingetlah padan si nggo IbahanNdu ras ia maka IberekenNdu kesusurenna, teremna bagi buena bintang i langit, janah mereken man kesusurenna kerina taneh si nggo IpadankenNdu jadi sikerajangenna seh rasa lalap." 32:14 Emaka erkusur ukur TUHAN janah la IsehkenNa cilaka si nggo IsurakenNa man BangsaNa. 32:15 Nusur mulihken Musa i das deleng ndai nari, ibabana papan batu si dua e i ja tersurat pedah TUHAN i bas dua mbelahna. 32:16 Dibata jine si erbahan papan batu e janah Ia ka pe si nuratken pedah e i je.

TEMA                     : Ercakap-cakap ras Dibata

TUJUN                    : Gelah Moria:

·       Meteh kerembaken Musa ras Dibata.

·       Nuriken isi pusuhna man Dibataa rah pertoton.

METODE PA           : Meditasi/Self Verbatim

Kata Penaruh.

Kitab Keluaran nuriken peristiwa Tuhan mulahi bangsa Isarel i bas perbudaken Mesir ras maba bangsa e ndarat i Mesir nari nuju tanah Kanaan, taneh perjanjian. Kidekah 40 tahun bangsa Israel erdalan i padang gurun seh pe igenepi Tuhan janjiNa man Abraham mereken taneh Kanaan man kesusurenNa. Tupung bangsa e seh i deleng Sinai, Tuhan nuruh Musa nangkih ku datas deleng e ngaloken pedah Dibata. Sepuluh pedah Dibata siitulis Dibata alu tanNa jine i bas dua papan batu. Kidekah 40 wari Tuhan ngajari Musa kerna aturen-aturen nggeluh man bangsaNa i datas deleng e. I teruh deleng Sinai, bangsa Israel ras imam Harun nimai Musa. Perban ndekahsa iakap bangsa e, lanai ia sabar e maka iulung-ulungina Harun ras mindo ia gelah ibahan sada aibata si man sembahen guna mimpin bangsa e. Perbahanen kalak enda nembeh kal ate Dibata, sabap itundalkenna Dibata janah ibahanna semah-sembahen arah emas si ipepulungna.

Mpebagesi Pengangkan Kerna Ogen.

Nina Tuhan:"Nembeh kal ateKu man bana kerina, Janah Kukernepken ateKu bangsa e." Kenca bage, Kubahan ateKu kam ras kesusurenndu jadi sada bangsa si mbelin." Ban nembehna ate Dibata ngidah perbahanen bangsaNa ersura-sura Ia ngkernepkenca. Arah percakapen e, meseksek Musa mindo man Dibata gelah ulanai Ia merawa. Musa selaku pemimpin, gancih kerina bangsa Israel mindo gelah ula ikernepken Tuhan bangsaNa. Nina Musa: "TUHAN, ngkai maka bage rawanNdu man bangsaNdu, si enggo iselamatkenNdu i Mesir nari alu gegeh ras kuasa si mbelin? Adi ikernepkenNdu bangsa e, tentu ikataken bangsa Mesir me maka Kam nggo maba ia ndarat i Mesir nari alu tujun munuhsa i deleng-deleng enda janah ngeradaskenca tuhu-tuhu i bas doni enda nari." Musa mindo alu mesek-sek gelah Dibata lanai merawa. Musa pe ngingetken padan Dibata man nini-ninina Abraham, Ishak ras Jakub. Dungna erkusur ukur Dibata janah lanai isehkenNa cilaka man bangsaNa bagi si enggo isurakenNa. Kenca si e nusur Musa i deleng sinai nari maba 2 papan batu.

Musa rembak kel ras Dibata. Hubungen sindeher itandai arah perckapenna. Tanda kerembaken hubungen e me lit komunikasi, lit chemistry (percakapen mengalir ras nyaman) ras la tergejap enggo ndekah ngerana ras. Bage me Musa ercakap-cakap ras Dibata i bas deleng Sinai kidekah 40 wari, waktu si cukup ndekah. Percakapen Musa ras Dibata pe teridah chemistry-na alu terbuka Dibata nuriken isi pusuhna, merawa IA ngidah lagu langkah bangsaNa ras ersura-sura IA ngukumsa. Musa pe tawar menawar ras Dibata gelah Ia ngukum bangsana sabap tuhu itandaina Dibata e, Dibata si melias ras perkeleng la ndekah merawa

Pengkenaina

1.    Komunikasi Tuhan ras Musa, jadi model komunikasinta ras Dibata. Tanda keleng ateta man Dibata teridah arah rusurna ercakap-cakap ras Dibata. Kita ercakap-cakap ras Dibata arah pertoton, arah ngoge kataNa ras arah kerina ibadah-ibadahta. Meriahlah siakap nuri-nuri man Dibata kerna kerina si jadi i bas geluhta. La siakap ndekahsa ercakap-cakap ras Dibata tupung ertoto entah i bas kebaktian. Adi sedekah enda langa pe erkedungen kebaktin leben kita mulih entah mbatuk-mbatuk kita erkiteken gedangsa siakap pertoton tupung kebaktin; sipekenalah ras erlajarlah kita arah Musa.

2.    Ercakap-cakap ras Dibata encidahken kerembakennta ras Ia. Labo gelah enggo, bagi sekalak si mesan belanjan aran telpon/online iangkatna handphone (HP) iituriken kerina pesanen belanjanna dung e itutupna HP-na. Ertoto pe labo gelah enggo ibelasken kerina daftar keperlunta man Tuhan. Entah pe ertoto erkiteken lit krisis (perbeben) geluhta, tempa-tempa Dibata e agen sinampati situasi darurat. Ercakap-cakaplah ras Dibata bagi sekalak teman siikelengi kita. Kualitas relasinta ras Dibata labo terjeng ngerana kerna Tuhan tapi ngasup kita ngerana ras Tuhan. Adi ngerana kerna Tuhan, posisi Dibata terjeng otak, kepala ngenca. Tapi adi ngerana ras Dibata posisi Dibata lit i bas push ras perukuren. Si latih dirinta ngerana (bekomunikasi) ras Dibata alu meditasi ras kontemplasi, nggejapken ras ngenanami kehadiran Tuhan.

Meditasi ercakap-cakap ras Dibata (self Verbatim)

1.             Sikapken ingan meditasi ras kerina instrumen siperluken e me ruang hening, lilin, musik ras sidebanna guna kiniulin perdalanen meditasi.

2.             Moria muat ingan kundul sekalak-sekalak la ndehersa ras temmanna.

3.             I bas meditasi enda la lit pemand meditasi. Teptep moria ercakap cakap ras Dibata.

4.             Tetapken kai topik percakapenndu ras Dibata sue ras kebutuhendu, umpamana: perbeben nggeluh, karakter si la mehuli si perlu iubah, sura-sura si ate ipindo man Dibata.

5.             Ope meditasi baca lebe contoh percakapen/self Verbatim siteruh enda.

Topik Percakapen: Kurang harmonis ercimbang

Percakapen: (Tuhan ras Merim)

Tuhan 1: (tedis i lebe-lebe Merim) Mejuah-juah, anakKu Merim (kundul i lebe-lebe Merim)

Merim 1: (iangkatna ayona natap Tuhan) Mejuah-juah Tuhan, Kam Bapangku (itangkapna tan Tuhan ras iemana)

Tuhan 2: ndube nari kam Kuperdiateken, tempa megogo kel atendu kuidah.

Merim 2: (tungkuk ras naktak iluhna) Bapa, itehNdu kap kecibalku (sapuna matana, sinik)

Tuhan 3: Turiken nakku uga kin kecibaldu (mereken kesempaten gelah nuri-nuri Merim)

Merim 3: Tuhan, engkai maka aku lalap si salah (mungkuk.)

Tuhan 4: Turiken nakKu,kai kin si jadi i bas kam, maka lalap kam

iakap salah.

Merim 4: Tuhan latih kuakap nangkelisa, kai nge harus kubahan gelahna banci meriah kami ercimbang. Mulai kin aku erjabu ras perbulangenku, lalap la pas iakap cimbangku nandangi aku. lakapna kurang mehamat aku nandangi ia. Kai nina la bo ku simbak, kueteh nge uga arusna erkaka. Bicara merawa pe ia labo kusubuki, lit nge si mehuli i bas rawana e ateku. Tapi lalap akapna aku salah. Adi nuri-nuri aku kempak perbulangenku, 'ula nggit subuk, beluh-beluh kam muat ukurna' nina. Lanai kueteh ku ja aku nuri-nuri, e maka man bandu aku nuri-nuri Tuhan. (Teriluh)

Tuhan 5: mehuli kel kai si enggo ibahandu ras kai siikataken perbulangenndu nakKu.

Merim 5: (sora nangkih) Adi iakapNdu enggo mehuli Tuhan, engkai maka lalap aku salah iakap cimbangku e?

Tuhan 6: (nepuk bara Merim janah cirem) AnakKu ula ngadi erbahan si mehuli. Labo kerina perbahanen si mehuli, ialoken kalak alu mehuli. Tapi Aku, Tuhan Dibatandu ngidah kerina siibahandu e, ngena ateku perbahanen kalak bujur. Ku kapiti kam, kubereken gegeh si mbaru man bandu.

Merim 6: (mungkuk. Alu sora simelemuk) Kai dage si kubahan Tuhan?

Tuhan 7: Teruslah erbahan si mehuli anakKu, mehamat ras kelengi tetap cimbangndu. Labo sia-sia perbahanenndu si mehuli e. Kai si isuandu e kange si iperanindu. Tetaplah ukurndu nggeluh i bas kebujuren ras si mehuli. Kam kupake jadi perkakasku encidahken biakKu ula balas si jahat alu si jahat tapi bahanlah si mehuli man si jahat.

Merim 7: (ndakep Tuhan) Bujur Tuhan. Enggo kuangka si ngena ateNdu. PegegehiNdu aku gelah tetap dame pusuhku ras meriah ku akap jumpa ras cimbangku.

Tuhan 8: (senyum) Aku tetap ras kam anakku ula mbiar.

Merim 8: (senyum) bujur Tuhan.

Refleksi Teologis:

Tuhan engkelengi kalak sierbahan perdamen. Malem ate tuhu tuhu iakap kalak si erbahan perdamen; sabap iakui Dibata me ia AnakNa. (Matius 5:9)

Bengket ku Meditasi:

1.    Rende KEE No. 182:1 (iulih-ulihi)

2.    Ercakap-cakap ras Dibata (iiringi instrumen). Idungi alu Pertoton.

3.    Sharing pengalamen ngerana ras Dibata (banci entah lang fokus, perasaanndu tupung ngerana ras Dibata ras kai ulihna igejapndu).

Pdt Sariyani br Barus