KINIERBAGEN E MEHULI

SI MAN OGEN : 1 Korinti 12: 1-11

11:1Jadilah pengikutku, sama seperti aku juga menjadi pengikut Kristus.
Hiasan kepala Wanita
11:2Aku harus memuji kamu, sebab dalam segala sesuatu kamu tetap mengingat akan aku dan teguh berpegang pada ajaran yang kuteruskan kepadamu. 11:3Tetapi aku mau, supaya kamu mengetahui hal ini, yaitu Kepala dari tiap-tiap laki-laki ialah Kristus, kepala dari perempuan ialah laki-laki dan Kepala dari Kristus ialah Allah. 11:4Tiap-tiap laki-laki yang berdoa atau bernubuat dengan kepala yang bertudung, menghina kepalanya. 11:5Tetapi tiap-tiap perempuan yang berdoa atau bernubuat dengan kepala yang tidak bertudung, menghina kepalanya, sebab ia sama dengan perempuan yang dicukur rambutnya. 11:6Sebab jika perempuan tidak mau menudungi kepalanya, maka haruslah ia juga menggunting rambutnya. Tetapi jika bagi perempuan adalah penghinaan, bahwa rambutnya digunting atau dicukur, maka haruslah ia menudungi kepalanya. 11:7Sebab laki-laki tidak perlu menudungi kepalanya: ia menyinarkan gambaran dan kemuliaan Allah. Tetapi perempuan menyinarkan kemuliaan laki-laki. 11:8Sebab laki-laki tidak berasal dari perempuan, tetapi perempuan berasal dari laki-laki. 11:9Dan laki-laki tidak diciptakan karena perempuan, tetapi perempuan diciptakan karena laki-laki. 11:10Sebab itu, perempuan harus memakai tanda wibawa di kepalanya oleh karena para malaikat. 11:11Namun demikian, dalam Tuhan tidak ada perempuan tanpa laki-laki dan tidak ada laki-laki tanpa perempuan.

11:1Usihlah dage aku, bagi aku pe ngusih Kristus.
Kerna nutupi takal sanga kebaktin
11:2Kupujiken kam, sabap ingetndu aku rusur dingen alu tutus iikutkenndu ajaren si kuendesken man bandu. 11:3Tapi ateku min gelah iangkandu maka kerina dilaki, Kristus takalna; diberu, dilaki takalna; Kristus, Dibata kepalana. 11:4Tep-tep dilaki si erbulang asum ertoto ntah ernubuat i tengah-tengah perpulungen, njuruken ia man kepalana. 11:5Janah sekalak diberu si la itutupina takalna asum ia ertoto ntah ernubuat i tengah-tengah perpulungen, njuruken ia man kepalana; bali me ia ras sekalak diberu si nggo icukur bukna. 11:6Sekalak diberu si la itutupina takalna, ulin me adi igunting bukna. Tapi erdandanken njuruken kap adi sekalak diberu icukur ntah pe igunting, madin me itutupina takalna. 11:7Sekalak dilaki labo perlu nutupi takalna sabap ia me gambar ras kemulian Dibata. Tapi diberu me kemulian dilaki. 11:8sabap labo dilaki ijadiken i bas diberu nari, tapi diberu nge si ijadiken i bas dilaki nari. 11:9Bage pe labo guna diberu maka dilaki ijadiken, tapi diberu ijadiken guna dilaki. 11:10Erkiteken si e janah erkiteken malekat-malekat, sekalak diberu arus make tutup takal, eme tanda kuasana ras tanda maka ia i teruh kuasa perbulangenna. 11:11I bas persadanta ras Tuhan, dilaki perlu nge diberu, janah diberu perlu nge dilaki.

TEMA : Kinierbagen e mehuli
TUJUN : Gelah Moria:

·       Nuriken erbage-bage pemere man manusia.

·       Nuduhken kengasupenna si erbagebage I bas kebaktian/PA bulan si reh.

METODE PA : Talent Show

Kata Penaruh.

I bas jaman Rasul Paulus, kota Korinti jadi ibu kota Propinsi Romawi Akhaya, wilayahna Junani Kuno arah selatan Makedoni. Korinti e me ingan pusat perbinagan (perdagangan) kalak bayak. E maka enterem kalak si reh ku kota e. Si jadi perpulungen Korinti labo kalak Jahudi ngenca (bd. Perb. 18: 8, 17; 1 Kor. 1: 1, 14). Paulus ndahi kota Korinti asum ia jumpa dingen tading ras Akuila bage pe Priskila. Teluna ia erdahin jadi tukang tenda gelah ola jadi tanggungen perpulungen (bd. Perb. 20: 34; 1 Tes. 2:9 & 2 Tes. 3:8). Bas kota Korinti pe nterem jelma iperidikenna, enterem kalak si enggo tek man Kristus (Perb. 18: 1-18).

Surat 1 Korinti isuratken tahun 57-58 M, isuratken Rasul Paulus asum ia i Epesus. Surat enda isina kerna persinget-persinget si la payo, sabap asum si e nterem kal perbahanen-perbahanen si ngelanggar Pedah Dibata pengaruh kalak si lenga erkiniteken nandangi Jesus Kristus. Jadi pe perpecahen bas perpulungen Korinti janah litna ngaruh guru-guru palsu si jadi ancaman kiniteken Kalak si tek. Tujun Paulus nehken suratna enda gelah kerina perpulungen mereken dirina jadi sikerajangen Kristus, mbuka pusuh gelah pendahin Kesah Si Badia tangkas bas geluhna.

Mpebagesi Pengangkan Kerna Ogen.

Ogenta wari enda banci si bagi ku bas telu bagin e me:
Ayat 1-3: pemere i bas Dibata nari kap talenta/potensi si lit i bas manusia. Labo lit i je bekas gegeh dingen beluh manusia. Kesah Si Badia si ringan i bas pusuh manusia si ngajari ia makeken talenta/potensi i bas dirina. Manifestasi kuasa Kesah Si Badia e kap mahanca bas push manusia nari naksikenca Jesus kap Tuhan.
Ayat 4-7, 11: sada si mada pemere e, e me kap Tuhan. Erbage-bage dahin si man dahinken. Si mada dahin e pe sada nge e me Tuhan. E maka teptep kalak iperlengkapi Tuhan guna ndahiken dahin si nisuraken Tuhan. E me tandana Kesah Si Badia erdahin i bas pusuh manusia. Ibereken Dibata pemere-pemereNa man manusia guna mbangun perpulungen. Jadi i bas makeken pemere-pemere e labo lit i je prinsip guna gelar sesekalak jelma, ntah kemulian seekalak jelma tapi enda kerina guna mbangun perpulungen.

Ayat 8-10: isuratken lit 8 (waluh) pemere-pemere e:

• Perukuren mbages pengertin kempak sada-sada hal.
• Mereken berita si dem alu pemeteh.
• Mpepalem kalak sakit.
•  Ngelakoken perbahanen ngelebihi kuasa manusia.
• Ernubuat.
• Meteh pemere I bas Dibata nari entah lang.
• Ngerana I bas erbage cakap.
• Ngantusi ranan Kesah Si Badia.

Si jelasna labo lit kalak si kuh i bas ia kerina pemere e tapi ibereken man teptep jelma kerna pemere si pelain-lain si enda iaturken Tuhan guna kiniulin geluh manusia. I bas Galati 3: 5 "Dibata enggo mereken kesahNa man bandu janah ibahanNa jadi tanda-tanda sengget i tengah-tengahndu: si enda jadi erkiteken idalankenndu undang-undang si kin reh erkiteken ibegindu jenari tek kam Berita Si Meriah." Dasarna lit pemere-pemere e me keleng ate Kristus.

Pengkenaina

Uga nge akapndu adi kerina si lit i bas doni enda seri rupana? Misalna warna biru kerina. Mejile nge si idah? Tentu lang. Adina lit pe sada lukisen/gambar, seri kerina curakna, mejile si akap? E pe lang. Erbage-bage warna dingen pelain-lain curakna maka mejile. I bas doni enda melala perbedan si lit. Paduan Suara pe arus nge lit pembagin sorana (Sopran, Alto, Tenor ras Bass) maka ntabeh si akap megisa. I tengah-tengah jabu, Moria ras Mamre pe i bas pelain-lain biak i je nge maka teridah kuh dingen sempabu. Lit sada kalimat bijak ngatakenca: Hidup bukan tentang mempersalahkan perbedaan, melainkan saling melengkapi kekurangan. Respon kai nge si perlu adina kita ngaloken pemere e? Sialoken alu meriah ukur, sabap si apai pe pemere Dibata e ertina e nge si cocokna akap Dibata guna si kembangken i bas kegeluhenta. I bas ngaloken pemere e ula erbanding-banding ras kalak si deban, tapi kembangkenlah alu mehuli. Pemere Dibata ula ibuniken, asakai kalak si muniken pemere Dibata e, ibuat ka nge i bas ia nari. Misalna: mbarenda beluh kita nggambar/ngelukis, lanai ka si pakeken, lanai si ulihi banci ka bene dungna. Si mbarenda beluh rende lanai ka iulihina pe nggejap ia nggo urak kebeluhenna rende janah kalak si beluh erdakan, tapi dekahen kisat dingen ngatakenca aku la beluh, pemere si e, e pe banci ibuat i bas ia nari. Sebalikna, lit ka Moria si nggit erlajar kerna kai pe maka ertambah-tambah ka potensi dirina maka igelari me ia serba bisa (multi talenta). Teptep pemere si lit i bas kita e si pakekenlah guna keriahen dingen kiniersadan i bas perpulungen.

Talent Show:

Moria si nggejap i bas ia lit pemere Dibata, lit bakatna/hobbyna rende, pelajarilah sada lagu, itampilken i bas kebaktin minggu si reh i bas gerejanta masing-masing. Moria si nggejap maka lit pemere Dibata guna ngiyahken teman, maka iyahkenlah temanta Moria si nggo ndekah la reh, e maka enggo radu kita pulung ras ia PA Moria minggu si reh. Moria si lit pemere Dibata guna erdakan maka itasakkenlah pangan si banci ipan ras-ras asum er-PA, misalna: cimpa tuang entah cimpa jambe ras si debanna.

Pdt. Kristiani F. Br. Tarigan, M. Th