Tanggal 19 – 25 Oktober 2025

 PETERUK UKUR NANDANGI KALAK SI DEBAN

Pilipi 2:1-4

2:1 Kegeluhenndu i bas Kristus erbahanca kam megegeh. Ma kin keleng AteNa e ngapuli kam? Ma rembak kin kam ras Kesah Dibata? Ma kin sikeleng-kelengen kam dingen mekuah atendu sekalak nandangi si debanna?

2:2 Gelah tuhu-tuhu malem ateku, kupindoken man bandu: Ersada min arihndu, sikeleng-kelengen min kam, ersada min geluhndu dingen ersada ukurndu.

2:3 Ula ibahanndu kai pe erpalasken kerangapen, ntah si erpalasken ukur meganjang. Tapi peteruklah ukurndu sekalak nandangi si debanna. Ula kal iakapndu ulin kam asangken kalak si deban.

2:4 Ula keperlunndu saja ngenca iperdiatekenndu tapi perdiateken pe keperlun kalak si deban.

Filipi 2:1-4 

2:1 Jadi karena dalam Kristus ada nasihat, ada penghiburan kasih, ada persekutuan Roh, ada kasih mesra dan belas kasihan,

2:2 karena itu sempurnakanlah sukacitaku dengan ini: hendaklah kamu sehati sepikir, dalam satu kasih, satu jiwa, satu tujuan,

2:3 dengan tidak mencari kepentingan sendiri atau puji-pujian yang sia-sia. Sebaliknya hendaklah dengan rendah hati yang seorang menganggap yang lain lebih utama dari pada dirinya sendiri;

2:4 dan janganlah tiap-tiap orang hanya memperhatikan kepentingannya sendiri, tetapi kepentingan orang lain juga.

MODEL PJJ: KESAKSIAN

KATAPERLEBE:
Ngaloken kalak si deban si la seri ras kita labo perkara si mesunah. Megati jadi i bas kegeluhen melala kinierbagen e jadi ulu masalah si ncedai i bas sada persadan. I bas suratna ndangngi perpulungen i Pilipi, Paulus mereken sada pengingat kerna kai si arus ilakoken gelah kinierbagen e ula jadi sempat ncedai perpulungen, ija, ijukna perpulungen gelah min ngasup ngusih Yesus i bas kiniteruken ukur na. I bas perpulungen Labu-Jabu enda erlajar kita guna mpebagi pengangkan kerna kiniteruken sikuga kin si perlu silakoken gelah banci kegeluhen perpulungen tetap jadi pasu-pasu i bas kegeluhen.

ISI:
Perpulungen Pilipi e me perpulungen pemena si ipanteki Paulus i Eropa. Lit 3 kalak si jadi palas pantekna perpulungen i Pilipi. Pemena, e me Lidia ras keluargana sada jabu, peduaken, budak diberu si i bas ia ipedarat Paulus setan nari, peteluken, e me kepala penjara ras keluargana. Paulus nulisken suratna man perpulungen Pilipi i bas penjara nari guna ngatakan bujur nandangi kekelengen ras penampat perpulungen e tupung Paulus i penjara. Erkiteken litna perpulungen ras penampat i bas perpulungen Pilipi, Paulus tetap ngegung ras ermeiah ukur amin gia i lit i bas penjara. E megegeh ras ermeiah ukur amin gia i lit i bas penjara. E megegeh ras ermeiah ukur amin gia i lit i bas penjara, tapi bahasa sukacita, ngatakan bujur, pujin rikut motivasi si ituliskn Paulus guna mpeteguhi kiniteken perpulungen.

I bas Filipi 2:1-4, Paulus mpersingeti perpulungen Pilipi kerna situasi perpecahan si jadi i bas perpulungen Pilipi. Perpecahan enda labo bagi si jadi i bas perpulungen Korinti ija nterem perpulungen erpihak-pihak erkiteken ngikutken pemin ngena atena, tapi perpecahan i Pilipi jadi erkiteken perpulungen teremen ngukurken kerna dirina jine.

PENGKENAINA:
Sue ras sasaren pelayanan gerejanta si enggo sidalani i bas tahun 2025 enda, “Dewasa menerima Perbedaan” suranta maka kita kerina reh ngasupna ngaloken kinata perpulungen si erbage-bage curak perukuren, biak ras pendapat.

Tandana sasaren pelayanan gerejanta enda banci tersehi e me lanai turah persoalan ras konflik i bas perpulungen erkiteken perbedaan sektor, ide, pendapat, maka pe perbedaan teman sapih-sapih perpulungen, tadingan sada pelayanan, bagepe teman i sekelewetan. I bas site perlu kal kita peteruk ukur nandangi kalak si deban.

DISKUSI:

Erpalaskan Filipi 2:1-4, turiken kai-kai saja nge si arus silakoken maka kita ngasup nggeluh meteruk ukur dengen nggeluh sikeleng-kelengen?

I bas sasaran tahun pelayanan GBKP tahun 2025 “Dewasa Menerima Perbedaan”, uga pendalankenta enda i bas kegeluhen jabu, perpulungen, ras masyarakat?

USULEN ENDE-ENDEN:

KEE GBKP No. 350:1-2

KEE GBKP No. 254:1-2

KEE GBKP No. 201:1

KEE GBKP No. 209:1

Pdt. Ebenezer Karosekali, S.Si