Kinierbagen E Mehuli Kap

BIMBINGAN PA SAITUN GBKP TAHUN 2026

TANGGAL, 08-14 Februari 2026

Ogen : Matius 25:34-40

Ukumen I bas wari pendungi

Indonesia:

[34] Dan Raja itu akan berkata kepada mereka yang di sebelah kanan-Nya: Mari, hai kamu yang diberkati oleh Bapa-Ku, terimalah Kerajaan yang telah disediakan bagimu sejak dunia dijadikan.

[35] Sebab ketika Aku lapar, kamu memberi Aku makan; ketika Aku haus, kamu memberi Aku minum; ketika Aku seorang asing, kamu memberi Aku tumpangan;

[36] ketika Aku telanjang, kamu memberi Aku pakaian; ketika Aku sakit, kamu melawat Aku; ketika Aku di dalam penjara, kamu mengunjungi Aku.

[37] Maka orang-orang benar itu akan menjawab Dia, katanya: Tuhan, bilamanakah kami melihat Engkau lapar dan kami memberi Engkau makan, atau haus dan kami memberi Engkau minum?

[38] Bilamanakah kami melihat Engkau sebagai orang asing, dan kami memberi Engkau tumpangan, atau telanjang dan kami memberi Engkau pakaian?

[39] Bilamanakah kami melihat Engkau sakit atau dalam penjara dan kami mengunjungi Engkau?

[40] Dan Raja itu akan menjawab mereka: Aku berkata kepadamu, sesungguhnya segala sesuatu yang kamu lakukan untuk salah seorang dari saudara-Ku yang paling hina ini, kamu telah melakukannya untuk Aku.

Karo:

[34] Jenari nina Raja man kalak si arah kemuhenNa, ‘Marilah kam si enggo ipasu-pasu BapangKu; alokenlah Kinirajan si enggo isikapken Dibata man bandu mulai kin ijadikenNa doni enda.

[35] Sabap asum melihe Aku iberendu man Aku, asum muas Aku iberendu minem; asum tandang Aku idilondu kesilang ku rumahndu,

[36] asum manjang-anjang Aku iuisindu, asum sakit Aku iadep-adepndu, janah asum Aku i bas penjara idahindu.’

[37] Jenari ngaloi kalak si arah kemuhen e, ‘O Tuhan, ndiganai Kam idah kami melihe jenari ibere kami man, tah muas jenari ibere kami minem?

[38] Ndiganai Kam idah kami tandang, jenari idilo kami Kam kesilang ku rumah kami, ntah la Kam ruis jenari ibereken kami uisndu?

[39] Ndiganai Kam idah kami sakit ntah i bas penjara jenari idahi kami Kam?’

[40] Erjabap Raja e nina, ‘Kukataken man bandu: Kai si ibahanndu man sekalak si musilna i bas seninangKu enda, e me si tuhuna perbahanenndu man bangKu.’

Thema : Kinierbagen E Mehuli Kap

Tujunna:

Gelah Saitun:

·       Ngasup ngajarken kerna erti erbahan kekelengen guna mpeteguhi kiniersadan i bas perbedan.

·       Mengevaluasi kai si enggo si ibahan bukti kedewadan ibas ngaloken perbedan

Metode : Mengevaluasi Diri

I. BENA KATA

Lit kuan-kuan nina: la bias cakap nuriken ate keleng. Arah kuan-kuan enda teridah maka kekelengen situhu-tuhu e me adi sicidahken arah perbahanen. Kai sini bahan kita man kalak si kitikna nandangi manusia e me si tuhuna perbahanenta man Tuhan Jesus. Tindaken nyata lebih penting asa kata-kata.

II. MPEGESI OGEN

Piga-piga hal penting si banci mpebagesi pengangkanta kerna bahan PA i bas minggu enda: ayat 34 nuratken: Marilah kam si enggo ipasu-pasu Bapangku, alokenlah kinirajan Dibata si enggo isikapken man bandu, mulai kin ijadiken doni enda. Kata kunci ayat enda: ipasu-pasu (bahasa Junani: eulogēmenol) encidahken status si meherga (istimewa) i adep-adepen Dibata, labo erkiteken telapta, tapi e bekas pasu-pasu Tuhan si tahan rasa lalap. Kinirajan e enggo "isikapken" tangtangna nari, encidahken kerna rencana keselamaten si ilakoken Dibata e rehna i bas kegeluhen si rasa lalap nari.

I bas ayat 35-36, ituriken Jesus kerna perbahanen si erpalasken kekelengen si tuhu-tuhu (konkret): mere man, mere minem, ngalo-ngalo kalak pertandang, mere paken (baju), ndahi kalak sakit, ras ndahi kalak si ipenjara. Perbahanen si bagenda labo anding-andingen, tapi pengelako si tuhu-tuhu guna mereken keperlun daging kula ras emosional (perasan) sesekalak jelma. Kekelengen icidahken arah perbahanen si kitik, si la mandang (mbeda-bedaken) status kalak si ngalokensa. I bas ayat 37-39, encidahken maka isedarina arah kiniulin si ilakokenna man kalak si musilna, situhuna enggo ilakokenna guna ngelai Kristus. Kekelengen si icidahkenna e tuhu-tuhu bujur, alu la ngarapken pengakun bas kalak sideban nari. Terakhir i bas ayat ayat 40, ipeseri Jesus kecibalNa ras kalak si musilna (i bas bahasa Junani ipake kata elachistos, ertina: si kitikna, si lemahna). Arah ayat enda pe kita erlajar maka persadan ras Kristus icidahken i bas kiniersadan ras kalak si terbuang/musil.

III. PENGKEΝΑΙΝΑ

Selaku Saitun i tengah-tengah gerejanta, Kata Dibata enda cocok kal ras dahin-dahin ngelai perpulungen si enggo melala ras ndekah idalanken. Peran Saitun, enggo melala mere bagepe ngalo i bas perdalanen geluh ergereja, bagi umpamana:

1. Mereken kata pengapul ras pergegeh. Saitun tetap iperluken ras meherga, sebab ngelai labo inen arah belinna ulihna, tapi arah kebujuren bage pe kekelengen ras lias ate i bas ndalankensa.

2. Muat bagin i bas ngelai. Saitun banci denga muat bagin: notoken kalak musil ras tertindas gelah pulah i bas perbeben ekonomi bagepe perjuangen hak-hak dasar, ndahi ntah pe nelpon kalak si kelungunen. Enda kerina seri ras ngelai Kristus.

3. Nggejabken Kristus i bas kegeluhen teman manusia. Ngidah Kristus i bas ayo kalak si sakit, ntah pe lanai erpengarapen ras ilupaken, gelah e jadi usihen man si nguda denga i bas erdiate ras nggeluh alu saber.

4. Nggeluh sikeleng-kelengen. Maun Saitun enggo ka pe jadi bagin kalak si musil (hina) arah pengidah doni enda, tapi Kata Dibata nuriken maka i lebe-lebe Dibata, meherga kerina Saitun ras pantas ndatken kehamaten.

Matius 25:34-40 ngajarken Saitun kerna kekelengen Tuhan si icidahken arah engkelengi teman manusia, terutama kalak si musil. Man Saitun, enda me ulu pengapul si mereken keriahen, sebab ngelai si labo ibatasi beligan umur.

IV. PERTOTON

O Bapa kami sini surga, ikataken kami bujur, erkiteken lias ras perkuah ateNdu, iberekeNdu denga kesempaten man bangku guna ngelai kalak sideban alu la erndobahen. Aminna gia mungkin la iakap kalak meherga sikubahan e, tapi tek aku, i bas Kam kerina sikubahan alu dem lias ras keleng ate e seh kal mehergana. Terpujilah Kam Tuhan. Amin.

V. DISKUSI

1. Turiken pengelamendu i bas nehken kekelengen man kalak si la seri kecibal geluhna sendalanen ras sasaren Tahun 2025 Dewasa Menerima Perbedaan?

2. Kai-kai saja siilakokendu seh i bas paksa enda si erguna nampati kalak si musil?

VI. ENDE-ENDEN

1. KEE No. 271:1-2

2. KEE No. 255:1-3

3. KEE No. 209:1,2,4

4. KEE No. 420:1-3 (persembahen)

Pdt. Yusuf Tarigan, S.Si (Teol.), MADM., MM.