BIMBINGAN PA MAMRE TANGGAL, 08 FEBRUARI – 14 FEBRUARI 2026

                        Seisi Jabu Nembah Man Dibata

Ogen : Perbahan Rasul 10 : 1 - 2

1 Kesarea lit sekalak dilaki gelarna Kornelius. Ia sekalak komandan i bas pasukan tentera Romawi si igelari “Pasukan Itali”.

2 kalak si tutus i bas agama; ia ras isi jabuna nembah man Dibata. Isampatina kalak Jahudi si musil janah la erngadi-ngadi ertoto ia ku Dibata. 

Kisah Para Rasul 10:1-2

1 Di Kaisarea ada seorang yang bernama Kornelius, seorang perwira pasukan yang disebut pasukan Italia.

2 Ia saleh, ia serta seisi rumahnya takut akan Allah dan ia memberi banyak sedekah kepada umat Yahudi dan senantiasa berdoa kepada Allah.

Gelah Mamre:

1. Meteh sura-sura Dibata eme gelah mamre ertanggung jawab secara spritual nandangi keluargana
2. Mamre berkomitmen gelah keluargana ngelai Tuhan

I. KATA PENARUH

Mamre GBKP sue ras makna kata “Mamre” eme ingan ntah pe saksi perjumpaan Dibata ras Abraham i deleng Mamre, nuduhken maka enggo sepantasna Mamre nggejapken maka dirina jine eme ingan perjumpaan ras Dibata alu bage uga gia kerina perbahanenna, pengeranana, ras perbahanenna nuduhken maka dirina eme perjumpaan ras Dibata, termasuk pe Mamre ertanggung jawab jadi usihen man isi jabuna ibas ia erkiniteken, ibas PA Mamrenta sendah si bahas usihen ibas sekalak Mamre si tergelar Kornelius ibas jaman Pustaka Sibadia

II. URAIAN TEKS

Perbahanen Rasul 10 enda nuriken kerna perubahen besar ibas penyakit gereja mula-mula ija kalak si labo Jahudi sisebelumna 15a izinken ngikuti persadaan kalak Kristen kedungenna enggo i izinken. Janah Kornelius jadi sekalak si penting sitercatat ibas 15g akit gereja. Kornelius eme sekalak perwira kepala pasuken Romawi si ertugas i Kaesarea, ija kantor pusat pemerintahen Palestina pe ije inganna. Ibas 15g aki aslina (Junani) kata kepala pasuken Romawi e ipake kata “kepala battalion”, guna meteh tingkaten battalion enda jadi informasi man 15g akita 15a maka tentera Romawi ibagi kubas piga-piga Legion, sada Legion bali ras 6000 prajurit, selanjutnya sada legion ibagi kubas 10 battalion, emaka sada battalion isina 600 prajurit. Batalion ibagi ka kubas piga-piga pasukan si ikepalai kepala pasuken si igelari centurion. Sekalak prajurit banci jadi kepala pasuken adi terpenuhina kualifitasi tertentu

eme : bijak, la sembrono ntah pe la menyerang dengan sembarangan, ras bersedia mati guna njaga pos na. Adi setingkat centurion (sersan mayor) pe bage tingkat kualifikasina tentu enggo banci siduga uga karakter kualifikasi sekalak kepala battalion ras enda me jabaten Kornelius enda.

Selanjutnya ikataken 16g akit eme kalak si mbiar man Tuhan (takut akan Allah) kata “takut akan Allah” enda asum sie istilah si ipake guna nuduhken kalak silabo Jahudi si bosan nandangi mbuena dewa-dewa siman pajuhen bagepe kecewa nandangi praktek amoral bagepe kiniteken sidekah (leluhur). Situasi enda me sierbanca ia tertarik erkiniteken man Dibata si Sada bagi si itawarken agama Jahudi. Emaka ia mulai ngikuti ibadah i Sinogoge ras tek man Dibata si sada (esa) begepe ngikuti aturen agama Jahudi gia secara fisik ia lenga ersunat, erkiteken ketutusenna erkiniteken nina ibas bahanta enda emaka Dibata pe reh ndahi ia.

Ituriken pe 16g akit sekalak si mehuli (murah hati) si rusur nampati kalak musil, kekelengenna man Tuhan me sierbanca keleng atena temanna manusia, ia kalak si tutus ertoto, gia mungkin labo jelas etehna ise Dibata tapi ertoto ia asa pemetehna lit. Kiniteken Kornelius me erbanca maka keleng ate Tuhan ia, sekaligus perjumpaan Dibata ras Kornelius mematahken anggapen kalak Jahudi sebelumnya sierpengakap maka kalak si labo Jahudi la mungkin pake Dibata jadi alatNa, siidah kedungenna Petrus sendiri sebagai rasul Dibata pe arus ngubah pendapatna kerna kalak labo Jahudi kenca perjumpanna ras Kornelius.

III. PENGKENAINA

Ketutusen Kornelius ibas erkiniteken enda me ateta si jadi usihen man Mamre GBKP khususna ibas mabai anak jabunta erkiniteken man Dibata, ia ngasup ngajuk isi jabuna tek man Dibata, enda eme pengajaren penting uga kita banci menerapken geluh saleh menaken ibas keluarganta. Tertulis maka Kornelius eme kalak si tutus ertoto, tentu enda usihen si mehuli asum anak-anak ras ndehara ngidah bapa ntah perbulangen si mbiar man Tuhan ras tetap njaga hubungenna si ndeher ras Tuhan, Kornelius tentu ibas perbahanenna

ngajarken man keluarga maka Dibata eme ulu gegeh ras ia labo ndauh sebab asa pertoton ngenca Ia dauhna.

IV. DISKUSI

1. Enggo nge ibas pengidahndu Mamre jadi usihen man isi jabundu ibas erkiniteken?
2. Kai nge rusur sigejap si ngolangi kita ibas tutus ertoto man Dibata?

USULAN ENDE-ENDEN :

1. KEE GBKP No 176 : 1-2
2. KEE GBKP No 412 : 1-2
3. KEE GBKP No 332 : 1-2
4. KEE GBKP No 285 : 3

Pdt. Sinar Rehaganta Barus, M.Th.