Kam nge Bapa Kami

BIMBINGAN PA SAITUN GBKP TAHUN 2026

TANGGAL, 22-28 Februari 2026

Ogen : Jesaya 63:15-19

Pertoton mindo perkuah ate ras penampat

Indonesia:

[15] Pandanglah dari sorga dan lihatlah dari kediaman-Mu yang kudus dan agung! Di manakah kecemburuan-Mu dan keperkasaan-Mu, hati-Mu yang tergerak dan kasih sayang-Mu? Janganlah kiranya Engkau menahan diri!

[16] Bukankah Engkau Bapa kami? Sungguh, Abraham tidak tahu apa-apa tentang kami, dan Israel tidak mengenal kami. Ya Tuhan, Engkau sendiri Bapa kami; nama-Mu ialah ”Penebus kami” sejak dahulu kala.

[17] Ya Tuhan, mengapa Engkau biarkan kami sesat dari jalan-Mu, dan mengapa Engkau tegarkan hati kami, sehingga tidak takut kepada-Mu? Kembalilah oleh karena hamba-hamba-Mu, oleh karena suku-suku milik kepunyaan-Mu!

[18] Mengapa orang-orang fasik menghina tempat kudus-Mu, para lawan kami memijak-mijak bait kudus-Mu?

[19] Keadaan kami seolah-olah kami dari dahulu kala tidak pernah berada di bawah pemerintahan-Mu, seolah-olah nama-Mu tidak pernah disebut atas kami.

Karo:

[15] O TUHAN, tatap min kami i Surga nari, inganNdu si badia dingen mulia. I ja kin kuasa ras kinimbisanNdu? I ja kin kekelengen ras perkuah ateNdu? I ja dage pusuhNdu si rusur ertedeh ate nandangi kami? Ola min Kam ndiri-ndiri ngenehen kami.

[16] Ma Kam kin Bapa kami? Abraham ras Jakup labo nandai kami. TUHAN, Kam nge si tuhuna Bapa kami, si ngkelini kami i bas paksa si nuria nari.

[17] Engkai maka ipediat kam kami papak? Engkai maka ibahan Kam ukur kami mersik, seh maka lanai kami mbiar nimbak? Mulihlah Kam TUHAN, erkiteken suruh-suruhenNdu, erkiteken nai nari bangsa e sikerajangenNdu.

[18] Engkai maka ipediatNdu musuh merjaki RumahNdu si Badia, ngkai maka ibereNdu kami sempat itabanna?

[19] Kami tempa-tempa la pernah irajaiNdu, tempa-tempa kami la bangsaNdu.

Thema : Kam nge Bapa Kami

Tujunna:

Gelah Saitun:

1. Nandai biak biak Dibata si isuratkan bas ogen

2. Naksiken pengalamen kerna biak-biak Dibata er erdahin bas kegeluhenna

Metode : Diskusi ras Aksi

I. BENA KATA

Salah sada kebiasaan kalak Karo eme beluh kal nambari gelar kalak. Enda usur jadi man kalak si gelarna ras carana ngeluh la sendalanen. Seumpama gelarna Michael, tapi nangkoi usur ia. Maka ban segatna ate si enterem i sambarina gelarna jadi si deban umpamana "pa nangko". La seri gelarna ras perbahanenna. Bas PA Saitunnta wari enda kita erlajar piga-piga gelar Dibata si ipake Jesaya si enda pe tentu turah arah pengalamenna erDibata.

II. MPEGESI OGEN

Kitab Jesaya 63 isuratken asum bangsa Israel nggo ndarat ibas pembuangen i Babil nari. Situasi Israel nggo hancur, ekonomi seh serana ras erbage-bage persoalen si jadi. Ibas situasi enda bangsa Israel sangana ertima nandangi padan Dibata man bangsana. Emaka bas bagin enda si idah uga pertoton Jesaya si makeken gelar-gelar Dibata guna ningetken bangsa Israel pe uga biak Dibata si tuhuna.

Si pemena Jesaya make kata Dibata (YHWH). Gelar enda tangtangna ipake asum Musa jumpa ras Dibata i deleng Sinai (Kel. 3:14-15). Mulai abad 12 SM, gelar YHWH enggo jadi gelar perjanjin. YHWH jadi tanda perjanjian Israel ras Dibata guna nginget dingen petetap ukur bangsaNa. Adi si nen i bas bahanta ayat 15, Jesaya ertoto ningetken YHWH me si mbisa, perkeleng, dingen perkuah. Enda kerina me padan Dibata. E maka mindo kal Jesaya gelah Dibata la ndiri-ndiri (bahasa Indonesia Menahan diri) ibas mereken padanNa.

Sipeduaken eme AB (Bapa). Dibata pe megati igelari Bapa. Kalak Israel terbiasa nggelari raja eme Bapa (2 Sam. 7:14).

Penggelaren enda mulai melala i pake guna Dibata asum bangsa Israel mulih bas pembuangen nari. Kata Bapa encidahken kiniersadaan pribadi antara bangsa Israel ras Dibata. Adi si nen ayat 16 ije Jesaya ngataken maka kam kap Bapa si engkelini. Enda me biak Dibata, bagi Bapa si engkelini bangsana.

Emaka ibas bahanta pe isingetken maka Dibata e Badia (Qadosh). Konsep Dibata si Badia enggo semal lit bas kalak Israel. Enda ngingetken maka Dibata beda ras dibata si deban. Dibata nuntut gelah bangsaNa pe badia sebab ia kap Dibata si Badia. Iidah Jesaya maka kalak Israel lanai njagai kebadianna seh maka nggo ceda kebadian Dibata bas rumahna si Badia.

Dibata pe isingetken selaku Raja. Man Dibata pe megati igelarken Raja (malekh). Dibata me kap raja si pemena bas Israel. Ope bangsa Israel ngelitken raja, Dibata me raja man bangsana. Kenca pembuangen nggo lanai lit raja si merentah. E maka Jesaya mindoken selaku bangsa Dibata gelah ngulihi Dibata ngerajai Israel bangsana.

III. PENGKEΝΑΙΝΑ

Tentu melala denga gelar Dibata si deban si lit bas Pustaka Si Badia. Tapi arah empat si lit ituriken bas bahanta lit piga-piga si banci jadi bahan perukurenta. Si pemena kerina gelar enda turah arah penandai banga Israel bas sejarah kegeluhenNa. Lit pengalamen si mehuli si igejapken bangsa Israel arah perjumpaan kegeluhenna erDibata. Pengalemen enda me jadi palas rehna gelar-gelar enda. Si peduaken Jesaya ngigetken kerina gelar-gelar Dibata enda jadi penginget bas ndalani kegeluhen. YHWH eme Dibata si tetap teguh cikep perpadanen, Bapa eme Dibata si tetap nampati erkiteken persadan si paguh ras bangsana. Emaka enda la terjeng teori tapi jadi sada kepastin geluh. Bagemin penandaita Dibata e dingen tep-tep gelar e mereken erti kubas kegeluhen kinitekenta.

IV. PERTOTON

Bujur o Tuhan alu erbage-bage i petandakenndu diriNdu nandangi kami. Arah e me i tandai kami biak dingen kiniulinNdu nandangi kami. Ajari kami pe ngasup erpenandai kerna kam alu payo gelah alu bage erngasupna kami ndalani kegeluhen kami sebab lit kap kam Dibata kami, ibas gelar anakNdu Jesus reh kami man banndu Amin.

V. Diskusi

1. Arah kerina gelar Dibata si lit bas Jesaya, apai ngge e si mengenana bas geluhta? Turiken sue pengalementa!

2. Adi rikutken pengalamen Saitun, arah kerina perdalanen geluh kai nari gelar si pantas i bereken man Dibata? Kerina ngerana cukup melasken 1 kata misalna Dibata perkeleng, mesayang ras si debanna.

VI. ENDE-ENDEN

1. KEE No. 171:1-3

2. KEE No. 213:1-3

3. KEE No. 185:1,2

4. KEE No. 295:1-2

Pdt. Jefri Alexander Keliat M.Fil