Pernyataan Umum: Ciptaan 

SI MAN OGEN        : Masmur 19:1-7

Kemuliaan TUHAN dalam pekerjaan tangan-Nya dan dalam Taurat-Nya

19:1 Untuk pemimpin biduan. Mazmur Daud. 19:2 Langit menceritakan kemuliaan Allah, dan cakrawala memberitakan pekerjaan tangan-Nya; 19:3 hari meneruskan berita itu kepada hari, dan malam menyampaikan pengetahuan itu kepada malam. 19:4 Tidak ada berita dan tidak ada kata, suara mereka tidak terdengar; 19:5 tetapi gema mereka terpencar ke seluruh dunia, dan perkataan mereka sampai ke ujung bumi. Ia memasang kemah di langit untuk matahari, 19:6 yang keluar bagaikan pengantin laki-laki yang keluar dari kamarnya, girang bagaikan pahlawan yang hendak melakukan perjalanannya. 19:7 Dari ujung langit ia terbit, dan ia beredar sampai ke ujung yang lain; tidak ada yang terlindung dari panas sinarnya.

Dibata ermulia i bas TinepaNa

19:1 Masmur Daud. 19:2 Langit encidahken kemulian Dibata, awang-awang erberita kerna PerbahanenNa. 19:3 Tep-tep wari erberita kempak wari si pagina, tep-tep berngi nuri-nuri man berngi si pagina ka. 19:4 La lit si ngerana ntah melasken kata, la lit sora si terbegi. 19:5 Tapi sorana erdengung i belang-belang doni enda, terbegi seh ku tampuk doni. Ibahan Dibata rumah i langit man ingan matawari, 19:6 erpagi-pagi pultak matawari desken dilaki si mbaru empo luar bas bilik nari, bali ras si mbisa erlumba alu dem keriahen. 19:7 Erdalan ia i bas ujung langit nari, terus ku ujungna si deban ikeparina. Kai pe la banci cebuni i bas las sinalsalna nari.

TEMA                     : Dibata Ermulia I bas TinepaNa

TUJUN                    : Gelah Moria:

·       Meteh maka kerina tinepa ncidahken kemulian dibata

·       Muji ras ngataken bujur man Dibataa arah ende-enden

METODE PA           : Aksi

Kata Penaruh.

Secara umum, isi kitab Masmur e me pertoton ras pujin si ncidahken penggejapen manusia kerna hubungenna ras Dibata.
Masmur 19:1-7: Daud nuriken kuasa ras kemulian Dibata. Sekalak pujangga sekaligus teolog Inggris, C.S. Lewis mereken pendapat kerna Masmur enda e me "puisi terindah dari semua Mazmur dan tulisan terpenting dalam dunia." Engkai? Erkiteken i bas Masmur enda ipersada kemulian Dibata i bas kinijilen tinepaNa (ay. 1-6).
Kiniraturen doni enda e me bukti Dibata, erkuasa ras mulia i lebe-lebe kerina tinepaNa.

Mpebagesi Pengangken Kerna Ogen.

I bas Pustaka Si Badia, ituriken uga Dibata mpetandaken diriNa i bas dua bentuk e me: penyataan umum (alam) ras penyataan khusus (firman). Penyataan umum teridah arah alam, manusia banci nandai Dibata alu payo arah alam si itepa Dibata. Kerina tinepa e encidahken kemulian Dibata. Penyataan khusus (firman/Kata Dibata) ibereken man Adam gelah ngangkai tugas si arus ilakoken. Adam itepa guna mpermuliakan Dibata arah kepatuhen ndalanken kataNa. Penyataan alam alu kuh (lengkap) ras bersih encidahken Dibata, penyataan kusus ibereken setara ras penyataan alam guna "menuntut" kepatuhen Adam selaku mahluk ciptaan.
I bas Masmur 19:1-7, itulisken Daud uga kuasa ras kemulian Tuhan si teridah i bas doni enda. IA kap Dibata sinepa ras ngkuasai doni enda. Dibata si la teridah alu mata kula, banci isaksiken manusia alu ngidah doni ras isina. Doni enda e me bukti kerna kuasa Dibata i babo kengasupen manusia. Si jadi pelajaren arah bahan enda e me:

1.    Doni ras kerina isina nuriken kerna Dibata

Karya Tuhan merupakan tindakan Allah yang berwujud. Tupung manusia ngidah tinepa Dibata, tinepa e sangana ncakapken kerna Dibata. Langit ras awang-awang e me saksi bisu si lalap nuriken kemulian Dibata ras nuriken kerna perbahanenNa (ay. 2). Wari ku wari ras berngi ku berngi nuriken pemeteh kerna Dibata si la pernah ngadi gia sorana la ibegi manusia (ay. 3-4). Kai si ituriken Dibata arah tinepana terbegi seh ku tampuk doni (ay. 5). Matawari jadi symbol kuasa Dibata, ipebali bagi dilaki si mbaru empo luar i bas bilik nari, bali ras si mbisa erlumba alu dem keriahen (ay. 6).
Kepultaken ras perdalanen matawari i bas ujung langit terus ku ujung si deban ncidahken kuasa Dibata si la ersibar ras ngaruhna si la banci isilahi, la lit si la ikenai las matawari.

Pemasmur ncidahken uga doni si teridah enda nuriken kerna Dibata si la teridah. Tetap ukurna nggeluh ngalaken kerina situasi erkiteken iidahna kerina siitepa Dibata jadi jaminen man bana maka Dibata tetap mperdiateken geluh manusia (Roma 11:36).

2.    Dibata ermulia i bas tinepaNa

Masmur enda nuduhken maka arah tinepa Dibata, icidahkenNa diriNa. Manusia ngidah ras nggejapken uga rejinna Dibata i bas teptep si itepaNa. Dibata si ngerana arah doni enda e me Dibata si mbelin, Dibata si erkuasa, mabai manusia gelah la mbiar nandangi kai pe erkiteken Dibata si mbelin e e me Dibata si tetap nemani ras ngkawali kita. Arah doni enda, manusia banci megi ras ngidah pengkhotbah alam si nuriken kerna pendahin penting si ilakoken Dibata. E maka erpagi-pagi, nehenlah kerina tinepa Dibata (alam) enda, itepa Dibata alu kreatif ras mehuli. Mahakarya yang luar biasa. Kagum akan karya Tuhan hendaknya terwujud dengan hati dan komitmen penuh untuk menjaga dan melestarikannya.

Pengkenaina.

Arah kesaksin pemasmur enda, kita ibabai guna ngidah tanggung jabapta selaku kalak si erkiniteken. La saja meteh kerna kuasa ras kemulian Dibata tapi pe arus erberita/naksiken kerna kemulian Dibata e. Kemulian Dibata ituriken man kerina jelma bage pe ku kesusurenna. Albert Einstein (ahli fisika terbesar) mereken sada jabapen tupung lit kalak nungkun uga penandaina kerna Tuhan, nina: "Kita desken sekalak anak kitik si bengket ku ruang desken sekalak anak kitik si bengket ku ruang perpustakan si seh kal belangna si dem erbage-bage buku. Anak e meteh maka lit sekalak si nulisken teptep buku e. Tapi la ietehna uga maka banci bage. Pengakapku, bali ras anak kitik enda, melala kalak jago, erpemeteh kerna Dibata, banci ietehna proses alam enda, tapi sada bagin si kitik nge ngenca ietehna." Kemamangen kal nge Einstein ngidah doni enda, tapi ia la tek man si nepasa e me Dibata. Pengertin Einstein kerna Tuhan banci jadi mewakili pengertin enterem kalak Kristen i bas nandai Tuhan. Iakuina lit Tuhan tapi la igeluhkenna geluhna i bas Tuhan. Sekalak si tek si tergelar Agustinus, nina: "Coba tanya kepada burung, laut, ombak dan awan, mengapa mereka bisa menyanyi, berbunyi, bergelombang dan bergerak? Seluruh alam semesta serentak akan menjawab bahwa Allah telah menciptakan mereka untuk menyaksikan kemuliaan Allah." Bage ka me arusna kegeluhen manusia si ngakui Dibata arah tinepaNa. Kalak si tek idilo guna nembah ras ngataken bujur man Dibata i bas kemulianNa si teridah arah doni enda, bage pe ngakuken kinimbisan Dibata selaku si nepa doni enda. Soli Deo Gloria.

Aksi PA:

Mpelajari lagu ras Nehkken Pujin “Asa Umur Geluhku”

Pdt. Lestari br Bukit