BIMBINGAN PA MAMRE TANGGAL, 19 OKTOBER - 25 OKTOBER 2025

Tek nandangi Pengkawali Dibata

Teks : Mazmur 62 : 1 - 8

1 Untuk pemimpin biduan. Menurut: Yedutun. Mazmur Daud. (62-2) Hanya dekat Allah saja aku tenang, dari pada-Nyalah keselamatanku. 

2 (62-3) Hanya Dialah gunung batuku dan keselamatanku, kota bentengku, aku tidak akan goyah. 

3 (62-4) Berapa lamakah kamu hendak menyerbu seseorang, hendak meremukkan dia, hai kamu sekalian, seperti terhadap dinding yang miring, terhadap tembok yang hendak roboh? 

4 (62-5) Mereka hanya bermaksud menghempaskan dia dari kedudukannya yang tinggi; mereka suka kepada dusta; dengan mulutnya mereka memberkati, tetapi dalam hatinya mereka mengutuki. Sela 

5 (62-6) Hanya pada Allah saja kiranya aku tenang, sebab dari pada-Nyalah harapanku. 

6 (62-7) Hanya Dialah gunung batuku dan keselamatanku, kota bentengku, aku tidak akan goyah. 

7 (62-8) Pada Allah ada keselamatanku dan kemuliaanku; gunung batu kekuatanku, tempat perlindunganku ialah Allah. 

8 (62-9) Percayalah kepada-Nya setiap waktu, hai umat, curahkanlah isi hatimu di hadapan-Nya; Allah ialah tempat perlindungan kita. Sela

Masmur 62 : 1 - 8

1 Masmur Daud.

2 Alu sinik kutimai Dibata ngkelini aku, sabap man BaNa saja ngenca aku ernalem.

3 Ia ngenca si ngkawali dingen si ngkelini aku, Ia penampatku, la ndigan pe aku talu.

4 Aku enda nggo buruk desken bide si meruntuh; asa kai nari dekahna atendu ngayak-ngayak aku?

5 Atendu ndabuhken aku saja ngenca i bas inganku si meganjang nari. Ngena atendu kata la tuhu, i bas biber ngenca kam masu-masu, tapi i bas ukur kam numpahi.

6 Alu teneng kutimai Dibata, pengarapenku man BaNa saja ngenca.

7 Ia ngenca si ngkawali aku dingen engkelini aku, Ia penampatku, la ndigan pe aku talu.

8 Ia kap Dibata si ngkelini dingen mereken kemulian bangku, Dibata kap gegehku dingen kecionku.

Tujuan : Gelah Mamre :

1. Nggejapken Dibata tetap erdahin ibas kerina situasi ras kondisi.
2. Megenggeng i bas nimai perkuah ate Dibata

I. KATA PENARUH

Kegeluhenta i doni enda labo banci erdalan bagi ukurta saja. Lit Rusur reh perbeben dingen persoalen sierbanca mberat dingen gulut ukurta janah banci pe turah kebiaren. Maun-maun turah pengakap maka lanai bo lit singasup nampati kita. Sabab kerina usaha enggo idalanken bage pe kerina gegeh kengasupen enggo ipekeri tapi tetap la teridah serpang pulah. Situasi lalap bage-bage saja, reh gulutna, tambah-tambah kearun ate ras bene kedamen ibas pusuh, lanai ngasup tedis, maun-maun ertoto pe lanai ngasup. Erdandanken idarpa erbage persoalen ras kiniseran. Ibas ndalani kerina enda ula babai geluhta kote ras petetap ukur, tetap bahan simehuli bagepe alaken kerina alu kiniteken man Dibata.

II. URAIAN TEKS

Masmur 62 banci i sejajarken ras Masmur 3, sinuriken kerna penggejapen Daud siseh kal belinna tupung ia ibas ngalaken perbeben si mberat. Daud nuriken penggejapen si menam seri, tupung ia kiam sabab iayak-ayak Absalom (anakna) si mberontak man bana. Pemasur nggejabken maka dirina sangana ngalaken persoalen si seh kel beratna. Ia i perimbang ras iserang imbang-imbangna si megegeh ras merawa. Daud nggejapkenken dirina kote ras lanai ergegeh. Kekotenna e i gambarkenna bali ras bide si enggo buruk, nandangi runtuh (ayat 4). Pemasur erpengakap lanai kai pe lit ibas ia, lanai lit inganna tertande (pelindung). Lanai lit arapen ijapa nari pe si jadi pergegeh ras penampatna, lanai lit ise pe si ngasup nampati ia seh maka iakapna si lit ibas dirina pe lanai lit si banci iandalken ras siibanggakenna. Absalom erbahanca Raja Daud arus cebuni ras kiam. Tambah sie reh gulutna ukurna erkiteken si Ahitofel (penasehat militerna) enggo erteman ras Absalom. Ija Ahitofel eme sekalak si penting ibas kemenangen Raja Daud ibas peperangen kidekah enda. Tapi Daud eme sekalak si istimewa, kinitekenna man Dibata la pernah mugur, kai pe persoalen ras keguluten sinialakenna ia ngasup tetap teneng (ayat 20). Daud pe banci tetap terunduh alu badehi (Masmur 3:6). Daud tetap ndatken ketenengen, ija gulut ukurna, aru atena terkendalikkenna pusuhna sabab pengarapan ras kinitekenna man Dibata enteguh cikebna. Tek ia maka pasti Dibata mereken penampat man bana ibas paksana (ayat 6-7). Teridah Raja Daud tuhu-tuhu erpendenges alu 100% (bulat kal ukurna) man Dibata. Kegeluhen ndehara pe sederhana ras la nuduhken kinibeluhenna tapi tetap ituduhkenna kinipatuhenna arah perukuren si mehuli. Anem gia ndehara nuduhken kepatuhen si mehuli man perbulangen labo ka perbulangen e la ngergai ndeharana tapi arah kiniersadan ndehara ras perbulangen e pe jadi pasu pasu bas jabuna ras jabu e pe jadi pasu pasu man kalak si deban. Teridah pe ibas jabu e man perbulangen `ngeluhlah kam alu dem pengertin nandangi ndeharandu, janah arus iangkandu maka gegehen kam asangken ia. Lit dua kata penting i je e me “ dem pengertin” ia urak-uraki pengertin tapi dem pengertin i bas kerina dampar, iangkaina uga ndeharana, kai si jadi man ndeharana, uga biak ndeharana iangkaina kerina. Si peduaken ‘gegehen kam asangken ia” la iuraki guna nampati ndehara i bas gegeh ras kengasupen. Tetap iangkai maka diberu e lemah ibandingken ras perbulangen e gelah la melala tuntuten perbulangen nandangi ndeharana.

III. PENGKENAINA

Pemasur ndilo kita gelah njadiken Dibata inganta cicio (bersandar), sabab kalak si rembak ras Dibata ngasup ngalaken perbeben si uga pe beratna. Man kalak si erpengarapan man Dibata ibas ngalaken perbeben, iberekenNa ketenengen ibas pusuhna (ikuasai Dibata pusuh). PemereNa e la terantusi alu akal, tapi banci tergejab ibas kiniteruken ukur man Dibata. Bagi Pemasur ndatken kepastin keselamatan sibereken Dibata man bana, bage me arusna kita tetap ernalem ras erpendenges man Dibata saja. Tupung kita erpengarapan man Dibata ras njadiken IA inganta cicio, teklah maka Dibata nampati ras njagai kita segedang geluh. Adi kita rembak ras Dibata maka labo lit persoalen dingen perbeben si la terduingi. Bagi Raja Daud labo lit kai pe, ntah ise pe si erbahanca bene ketenengenna. Megati selaku Mamre adi lit perbebenta erkiten keluarga, pendahin ras persoalen kegeluhen, mekatap gegehta ras pemetehta sipake seh maka aru ateta. Bene ketenengen ras kedamen geluh. Bicara melala pe kiniulin Dibata ibas geluhta, tempa-tempa lanai ernanam. Raja Daud jadi usihenta selaku Mamre ibas ngalaken erbage situasi ras kondisi si la bagi ukurta. Gelah ngasup kita ngalakenca, la kita mbiar, la aru ateta, tetaplah megenggeng, ibas paksana si tepat si dat me ketenengen geluh bagepe keriahen dingen kemalemen ate ibas geluhta. Ingetlah! Perkuah ate Dibata enggo lit, enggo isikapkenNa guna kita. Perkuah ateNa e ngelebihi asa kita ngasup ngukurkenca.

IV. DISKUSI

1. Kai nge sierbahanca maka Raja Daud ndatken ketenengen ibas ngalaken perbeben simberat?
2. Kai nge sikurang ntah salah ibas kita maka mekatap la kita teneng adi reh kenca perbeben simberat. Turikenlah rikutken pengalamendu.

Usulen Lagu

1. KEE GBKP No. 202 : 1, 5
2. KEE GBKP No. 200 : 1, 2
3. KEE GBKP No. 320 : 1, 2
4. KEE GBKP No. 305 : 1- (Persembahen)

Pdt. F. Makarios Sinupayung