BIMBINGAN PA MAMRE TANGGAL, 12 OKTOBER - 18 OKTOBER 2025

Ngangkai Ndehara alu Payo

Teks : 1 Petrus 3 : 7 - 10

7 Demikian juga kamu, hai suami-suami, hiduplah bijaksana dengan isterimu, sebagai kaum yang lebih lemah! Hormatilah mereka sebagai teman pewaris dari kasih karunia, yaitu kehidupan, supaya doamu jangan terhalang.

Kasih dan damai

8 Dan akhirnya, hendaklah kamu semua seia sekata, seperasaan, mengasihi saudara-saudara, penyayang dan rendah hati, 

9 dan janganlah membalas kejahatan dengan kejahatan, atau caci maki dengan caci maki, tetapi sebaliknya, hendaklah kamu memberkati, karena untuk itulah kamu dipanggil, yaitu untuk memperoleh berkat. Sebab: 

10 Siapa yang mau mencintai hidup dan mau melihat hari-hari baik, ia harus menjaga lidahnya terhadap yang jahat dan bibirnya terhadap ucapan-ucapan yang menipu.

 1 Petrus 3 : 7 - 10

7 Bage pe kam o perbulangen nggeluhlah kam alu dem pengertin nandangi ndeharandu, janah arus iangkandu maka gegehen kam asang ia. Mehamatlah kam man bana, sabap ia pe radu ras kam, ngaloken kiniulin kegeluhen si ibereken Dibata. Bagendalah perbahanenndu gelah ula lit si ngolangi pertotonndu ku Tuhan.

Ngenanam kiniseran erdandanken perbahanen si mehuli

8 Dage kedungenna ersada min ukurndu ras ersada min penggejapenndu. Sikeleng-kelengen min kam bagi ersenina, dingen mesayang janah meteruk min ukurndu sekalak nandangi si debanna.

9 Ula balas perbahanen si jahat alu si jahat, ntah sumpah alu sumpah. Tapi balaslah alu pasu-pasu, sabap pasu-pasu me si ipadanken Dibata IberekenNa man bandu, asum kam IdiloNa.

10 Bagi lit tersurat i bas Pustaka Si Badia, "Kalak si mesikel nggeluh cawir metua dingen senang, la banci melasken si jahat, bage pe la banci erbual.

Tujuan : Gelah Mamre :

1. Mehamat man ndehara, ras nggejapken setara ilebe lebe Dibata.
2. Ngasup nggejapken kiniersaan ibas pasu pasu Dibata dingen ersada ibas toto.

I. KATA PENARUH

Lit telu hal si arus si angkai kerna pasangenta e me : 'mengenal, menerima ras menyesuaikan" megati kal sada ras si debanna enggo nandai pasangenna, enca itandaina ialokenna pasangenna e uga ia litna, uga biakna, uga pengkebetna, tapi lit sada hal si seh kal perluna e me ncococokken biakta ras biak pasangenta gelah ula lalap kita rubat. Tentu adi enggo si tandai ras banci kita nyesuaiken biakta ras pasangenta e lanai bo lit ersoal lalap i bas perjabun. Sabab menurut penelitian maka kalak si ngerondong banci ia ersada seh ku bas perjabun e me 80 % erkiteken biakna beda ras pasangenna e maka banci ia ngaloken pasangenna e ras saling menutupi e maka kuh i bas kekurangen bage pe kelebihen. I bas jabunta pe seh kal pentingna kita nandai biak ras pasangenna ras nggit saling nyesuaiken sada ras si debanna gelah jabunta tetap harmonis. Perubaten banci saja turah tapi arah perubaten e kita lebih saling memahami ras nandai lebih mbages pasangenta.

II. URAIAN TEKS

Arah tema PA mamre enda "ngangkai Ndehara alu payo" menarik kal adi siangkan i bas kai pe la jadi perjengilen, e maka menaken pertemanen seh ku bas perjabun tetap nge erlajar kerna biak pasangenta seh maka la kai pe jadi perubaten. Adi i bas PA sekali enda tentu uga Mamre lebih ngangkai pasangenna alu payo seh maka adi enggo si angkai kerna biak ras perbahanen temanta maka la mesera si akap i bas jabunta. Teks enda lit hubungen timbal balik pekepar, la ndehara saja ituntut tapi pe perbulangen, ndehara patuh man perbulangen, arah kepatuhen ndehara e perbulangenna pe tek erkiteken lagu langkahna, jilena si teridah arah perbahanenna. Tupung si e lit nge perjabun si Kristen ras la Kristen, e maka arah lagu langkah ndehara si patuh man perbulangenna erbahanca lit perubahen tek man Dibata. Kewajipen sekalak ndehara guna memenangken perbulangenna. Janah kepatuhen ndehara banci mperlengkapi kebahagian keluarga, erkiteken lit perubahen si jadi i bas diri perbulangenna, tek ia nandangi Dibata arah lagu langkah ras perbahanen ndehara. Arah lagu langkah ndeharana si mehamat si teridah pe arah kinjilen i bas pusuh perukuren ndaharana. Labo polesen i darat nari, barang-barang si jadi jile jile tapi teridah i bas pusuh perukuren si turah erkiteken pengarapenna man Dibata. Kegeluhen ndehara pe sederhana ras la nuduhken kinibeluhenna tapi tetap ituduhkenna kinipatuhenna arah perukuren si mehuli. Anem gia ndehara nuduhken kepatuhen si mehuli man perbulangen labo ka perbulangen e la ngergai ndeharana tapi arah kiniersadan ndehara ras perbulangen e pe jadi pasu pasu bas jabuna ras jabu e pe jadi pasu pasu man kalak si deban. Teridah pe ibas jabu e man perbulangen `ngeluhlah kam alu dem pengertin nandangi ndeharandu, janah arus iangkandu maka gegehen kam asangken ia. Lit dua kata penting i je e me “ dem pengertin” ia urak-uraki pengertin tapi dem pengertin i bas kerina dampar, iangkaina uga ndeharana, kai si jadi man ndeharana, uga biak ndeharana iangkaina kerina. Si peduaken ‘gegehen kam asangken ia” la iuraki guna nampati ndehara i bas gegeh ras kengasupen. Tetap iangkai maka diberu e lemah ibandingken ras perbulangen e gelah la melala tuntuten perbulangen nandangi ndeharana.

III. PENGKENAINA

Meriah kal kegeluhen i bas jabu adi dem alu siangkan, sada arih, si ergan sada ras si debanna. Adi lit pe i bas tengah jabu e pihak ke telu si atena ngerontangi jabuna adi perbulangen ras ndehara e ersada arih, cukup pengertin kai kebutuhen perbulangen, kai si niperluken ndehara tentu e erbahanca jabu e tetap harmonis. Apai denga ka adi perbulangen nandai ndeharana alu payo, diberu biasana buen ngerana asangken perbulangen e maka menaken medak erpagi-pagi seh ngasa berngi buen nge ndehara ngerana. Janah ndehara adi nggo sinik lanai atena ngerana perlu nge isungkun kai si terjadi maka ia sinik. Ndehara secara psikologis buen muniken perasanna asangken terbuka adi la igargari banci lalap tersimpan bas pusuhna si dungna mpeturah pinakit. Diberu biasana i bas ndahiken dahin i bas sada waktu si bersamaan ngasup ia ndahiken

empat seh lima dahin, sanga ia erdakan banci ka nge ia nuci piring, cucinna pe nggo ka rendamna, nggiling cina, janah sambil nonton sinetron ka ia e me keuniken diberu. E maka perlu kal perbulangen nandai biak ndehara, janah i bas nandai ndehara alu payo e ije pe perbulangen enggo nggejapken kesetaraanna ras ndehara e. labo lit penggejapen maka ganjangen ia asangken ndeharana. Secara psikologis pe diberu lebih cenderung ku bas perasan, e maka buen nge ndehara tangis asangken perbulangen. Sabap dilaki lebih cenderung si mendominasi e me logikana la murah terbaba perasan. Perbulangen pe arus ka nge mehamat man ndeharana sabap adi si hamaten i bas jabu maka pasu pasu Tuhan pe ialokenna bas geluhna e me ngaloken kiniulin sinibereken Kristus ku tengah jabuna. Tentu enda erbahanca dem keriahen i tengah jabu erkiteken kiniulin e igejapken i bas kerina dampar kegeluhen. Alu mehamat man ndehara maka lanai lit si ngolangi pertoton man Tuhan, salang dalan sabap palasna e me adi ndehara patuh man perbulangen, maka perbulangen e pe arusna mehamat man ndehara alu ngergaisa ras si debanna maka jabu e enggo nuduhken keluarga si sembabu ija Dibata jadi takal i bas jabu e. I bas ulang tahun Moria si pe 68 tahun enda tentu reh dewasana min biak ndehara ras perbulangen pe malem atena erkiteken si ergan pekepar.

IV. DISKUSI

1. Menurut pengakapndu uga nge carana maka banci perbulangen e nandai biak ndehara alu payo (sue ras tema)
2. Kai nge akapndu kelebihen pasangenndu si malem atendu selaku perbulangen ? turiken

Usulen Lagu

1. KEE GBKP No. 201 : 1-2
2. KEE GBKP No. 281 : 1,3
3. KEE GBKP No. 350 : 1,2
4. KEE GBKP No. 385 : 1- (persembahen)

Pdt. Natalidna Br. Tarigan, M.Th.