BIMBINGAN PA MAMRE Tanggal, 01 MARET - 07 MARET 2026

Beritaken Berita si Meriah

Ogen : Markus 16:14-18

14 Dungna Jesus ncidahken BaNa man ajar-ajar si sepulu sada kalak, asum ia paksa man kerina. Ipandang Jesus ia kerina sabap la lit kinitekenna dingen mersik ukurna. La ia tek nandangi kalak si nggo ngidah Jesus nggeluh mulihi;

15 jenari nina Jesus man ajar-AjarNa, "Laweslah, siari doni enda jenari beritaken Berita Si Mehuli man kerina manusia.

16 Ise si tek dingen iperidiken terkelin kap pagi. Tapi ise si la tek ia pagi iukum.

17 Kalak si tek lit pagi tandana e me: Ipelawesna setan-setan i bas gelarKu, ngerana ia i bas cakap si mbaru e.

18 Adi icikepna nipe ntah inemna racun labo kaden pe ia. Itamakenna tanna ku babo kalak sakit, malem penakit e."

Markus 16:14-18

14 Akhirnya Ia menampakkan diri kepada kesebelas orang itu ketika mereka sedang makan, dan Ia mencela ketidakpercayaan dan kedegilan hati mereka, oleh karena mereka tidak percaya kepada orang-orang yang telah melihat Dia sesudah kebangkitan-Nya.

15 Lalu Ia berkata kepada mereka: "Pergilah ke seluruh dunia, beritakanlah Injil kepada segala makhluk.

16 Siapa yang percaya dan dibaptis akan diselamatkan, tetapi siapa yang tidak percaya akan dihukum.

17 Tanda-tanda ini akan menyertai orang-orang yang percaya: mereka akan mengusir setan-setan demi nama-Ku, mereka akan berbicara dalam bahasa-bahasa yang baru bagi mereka,

18 mereka akan memegang ular, dan sekalipun mereka minum racun maut, mereka tidak akan mendapat celaka; mereka akan meletakkan tangannya atas orang sakit, dan orang itu akan sembuh."

Gelah mamre:

1. Meteh sura-sura Dibata (misi) si man dahinken keluarga Dibata i tengah doni enda.
2. Muat bagin i bas dahin meritaken berita si meriah.

I. KATA PENARUH

Tupung Tuhan Yesus ringan i doni enda, dahin siidahikenNa eme meritaken Berita Si Meriah. Dahin erberita enda erpalas ku bas ayat si ateNa iogekenNa e me, “Kesah Tuhan lit i babongKu, sabap nggo ipilihNa Aku guna meritaken Berita Si Mehuli man kalak si musil. IsuruhNa Aku erberita man kalak si tertaban maka ipulahi me ia, janah kalak si pentang erpengidah me, kalak si itindas ipulahi me. Janah mpebetehken masana Tuhan mulahi BangsaNa.” Ibenaken Jesus me dahinNa meritaken Berita Si Meriah, isiarNa sada kota ku kota si deban, sada kuta ku kuta si deban. IpepalemNa kalak si pinakiten, ipulahiNa kalak si setanen, iajari ras isehkenNa kotbah kerna Berita Si Meriah. Misi Jesus eme mulahi kerina kalak i bas kiniseranna nari, nggeluh ndalanken bagi singena ate Dibata, nehken kekelengen ras segelah tinepaNa nggeluh i bas keselamaten subuk i doni bagepe kenca nadingken doni. Dahin e idahiken Jesus seh mateNa i Kayu Persilang guna nebusi dosa-doa manusia. Misi siidahiken Jesus la perneh ngadi. Gereja ipilih, isuruh ras isampatiNa guna nerusken misi si enggo idahiken Jesus.

II. URAIAN TEKS

Sanga Jesus ringan i doni meritaken Berita Si Meriah, ipilihNa me ajar-ajarNa. Sura-sura Jesus maka ajar-ajarNa me pagin nerusken dahin Meritaken Berita Si Meriah ku belang-belang doni ras man kerina tinepa Dibata. Ajar-ajar enggo naksiken kerna belinna kuasa Dibata si teridah arah Jesus, tapi tupung Jesus itangkap, ipakuken, mate ras ikuburken, ajar-ajar nggeluh i bas kebiaren, lanai lit pengarapen ras lupa kerna kai-kai saja si enggo ipedahken Jesus. Seh maka kenca Jesus keke i bas si mate nari lit denga empat puluh wari nari Jesus ringan i doni sope Jesus

nangkih ku Surga. Jesus mulihi mpetetap ukur ajar-ajarNa. Icidah-cidahken Jesus diriNa kempak ajar-ajarNa segelah ajar-ajar e mulihi tek. Isehken Jesus mulihi pedahNa, segelah ajar-ajar e ola nilah. Teridah i bas ogenta “Ipandang Jesus ia kerina (ajar-ajar si sepulusada kalak) sabap la lit kinitekenna dingen mersik ukurna. La ia tek nandangi kalak si nggo ngidah Jesus nggeluh mulihi. Ajar-ajar lit i bas kebiaken si mersik erpalasken doni dingen la lit kinitekenna. Sienda siidah tupung diberu-diberu simeritaken kerna kekeken Jesus mulih i kuburen nari, la tek ajar-ajar kerna berita e. Padahal Jesus ngarapken ajar-ajar enda me jadi saksi kerna kekeken Jesus. Erkiteken sie ipetetap Jesus kiniteken ajar-ajar jenari nina Jesus man bana, “Laweslah, siari doni enda jenari beritaken Berita Si Mehuli man kerina manusia.” Enda me perentah Jesus si man ajar-ajarNa guna erberita. Lit kap ulih man kalak si megiken dingen tek, bagepe la tek. Ise si tek dingen iperidiken terkelin kap pagi. Tapi ise si la tek ia pagi iukum. Tole pe isingetken Jesus maka erdahin kap kuasa Dibata arah kalak si tek. Kalak si tek lit pagi tandana e me: Ipelawesna setan-setan i bas gelarku, ngerana ia i bas cakap si mbaru e. Adi icikepna nipe ntah inemna racun labo kaden pe ia. Itamakenna tanna ku babo kalak sakit, malem penakit e.” Ertina, Kuasa si rehna i bas Dibata nari kap si mpengasup kalak si tek guna meritaken Berita Si Meriah bagepe kuasa Dibata siengkawali kalak si tek. Alu kata si deban, i bas ndahiken dahin meritaken Berita Si Meriah, ola mbiar sabab Dibata kap si nemani, engkawali ras nampati. Kuasa kai pe la ngasup encilakai kegeluhen kalak si erkiniteken.

III. PENGKENAINA

Sope Tuhan Jesus nangkih ku Surga, enggo isehkenNa perentahNa man ajar-ajarNa segelah meritaken Berita Si Meriah. Seh paksa enda pe perentah e tetap isehken. Gereja (kalak si tek), la erkendobahen eme ajar-ajarNa paksa genduari. Dahin meritaken Berita Si Meriah eme dahin ras tanggungjawab kerina kalak si tek, si enggo iselamatken Tuhan Jesus. Gereja selaku ajar-ajar arus muat bagin guna nerusken misi Dibata si enggo idahiken Jesus Kristus. I bas Sidang Majelis Sinode GBKP (April 2025) enggo itetapken ras iputusken Visi Misi GBKP: Visi “GBKP menjadi keluarga Allah yang diutus mengerjakan misi Allah di dunia bagi seluruh ciptaan”. (Mrk. 16:15.; 1 Pet. 2:9-10). Alu misi:

1. Menjadikan Alkitab sebagai pedoman hidup dan tata nilai dalam mengerjakan misi Allah bagi seluruh ciptaan melalui persekutuan, pelayanan dan kesaksian.
2. Meningkatkan semangat persaudaraan (kekerabatan) dan gotong royong dalam keluarga yang saling mengasihi untuk menyatakan kasih Allah kepada seluruh ciptaan.
3. Membangun persekutuan yang inklusif dan ramah dalam kekerabatan universal.
4. Menumbuhkembangkan potensi anggota Runggun dan unit-unit pelayanan yang berdaya guna bagi gereja dan masyarakat.
5. Membangun dan memanfaatkan teknologi informasi dan digitalisasi untuk meningkatkan kualitas pelayanan.

GBKP ngaku selaku “Keluarga Dibata” ndahiken misi Dibata i doni guna kerina tinepa Dibata. Erkiteken sie, Selaku Mamre, marilah si buat baginta ndahiken dahin meritaken Berita Si Meriah. I bas KEE GBKP No. KEE No. 257 “Siberitaken Berita Si Meriah” bagin Reff. Siberitaken Berita si Meriah. Kukalak latih sindele tah pe lolah. Bas silapayo kerina banci robah. Adi Dibata simreken serpang luah. Isehken pengajuk segelah kerina muat bagin meritaken Berita Si Meriah. Muat bagin meritaken Berita Si Meriah banci icidahken arah erbage-bage dampar geluhta: Tutus i bas dahin-dahin gereja, nggit ipilih jadi serayan, jadi tim/seksi Pekabar Injil (PI), pengurus, kepanitiaan, mereken dana guna program Pekabaran Injil, notoken dahin perberita si meriah, encidahken orat geluh selaku kalak si tek (Marturia/Bersaksi) ras sidebanna.

IV. DISKUSI

1. Erpalasken ogenta, kai nge sababna maka ipandang Jesus ajar-ajarNa?
2. Perentah Jesus “Laweslah, siari doni enda jenari beritaken Berita Si Mehuli man kerina manusia. Turiken i bas kai-kai saja Mamre banci muat bagin guna pebelangken Berita Si Meriah?

USULAN ENDE-ENDEN :

1. KEE GBKP NO. 257:1, 6
2. KEE GBKP NO. 295:1, 2
3. KEE GBKP NO. 322:1, 2
4. KEE GBKP NO. 300:1 (Persembahen)

Pdt. DR. Kalvinsius Jawak, M.Si.

Ogen : Markus 16:14-18

14 Dungna Jesus ncidahken BaNa man ajar-ajar si sepulu sada kalak, asum ia paksa man kerina. Ipandang Jesus ia kerina sabap la lit kinitekenna dingen mersik ukurna. La ia tek nandangi kalak si nggo ngidah Jesus nggeluh mulihi;

15 jenari nina Jesus man ajar-AjarNa, "Laweslah, siari doni enda jenari beritaken Berita Si Mehuli man kerina manusia.

16 Ise si tek dingen iperidiken terkelin kap pagi. Tapi ise si la tek ia pagi iukum.

17 Kalak si tek lit pagi tandana e me: Ipelawesna setan-setan i bas gelarKu, ngerana ia i bas cakap si mbaru e.

18 Adi icikepna nipe ntah inemna racun labo kaden pe ia. Itamakenna tanna ku babo kalak sakit, malem penakit e."

Markus 16:14-18

14 Akhirnya Ia menampakkan diri kepada kesebelas orang itu ketika mereka sedang makan, dan Ia mencela ketidakpercayaan dan kedegilan hati mereka, oleh karena mereka tidak percaya kepada orang-orang yang telah melihat Dia sesudah kebangkitan-Nya.

15 Lalu Ia berkata kepada mereka: "Pergilah ke seluruh dunia, beritakanlah Injil kepada segala makhluk.

16 Siapa yang percaya dan dibaptis akan diselamatkan, tetapi siapa yang tidak percaya akan dihukum.

17 Tanda-tanda ini akan menyertai orang-orang yang percaya: mereka akan mengusir setan-setan demi nama-Ku, mereka akan berbicara dalam bahasa-bahasa yang baru bagi mereka,

18 mereka akan memegang ular, dan sekalipun mereka minum racun maut, mereka tidak akan mendapat celaka; mereka akan meletakkan tangannya atas orang sakit, dan orang itu akan sembuh."

Gelah mamre:

1. Meteh sura-sura Dibata (misi) si man dahinken keluarga Dibata i tengah doni enda.
2. Muat bagin i bas dahin meritaken berita si meriah.

I. KATA PENARUH

Tupung Tuhan Yesus ringan i doni enda, dahin siidahikenNa eme meritaken Berita Si Meriah. Dahin erberita enda erpalas ku bas ayat si ateNa iogekenNa e me, “Kesah Tuhan lit i babongKu, sabap nggo ipilihNa Aku guna meritaken Berita Si Mehuli man kalak si musil. IsuruhNa Aku erberita man kalak si tertaban maka ipulahi me ia, janah kalak si pentang erpengidah me, kalak si itindas ipulahi me. Janah mpebetehken masana Tuhan mulahi BangsaNa.” Ibenaken Jesus me dahinNa meritaken Berita Si Meriah, isiarNa sada kota ku kota si deban, sada kuta ku kuta si deban. IpepalemNa kalak si pinakiten, ipulahiNa kalak si setanen, iajari ras isehkenNa kotbah kerna Berita Si Meriah. Misi Jesus eme mulahi kerina kalak i bas kiniseranna nari, nggeluh ndalanken bagi singena ate Dibata, nehken kekelengen ras segelah tinepaNa nggeluh i bas keselamaten subuk i doni bagepe kenca nadingken doni. Dahin e idahiken Jesus seh mateNa i Kayu Persilang guna nebusi dosa-doa manusia. Misi siidahiken Jesus la perneh ngadi. Gereja ipilih, isuruh ras isampatiNa guna nerusken misi si enggo idahiken Jesus.

II. URAIAN TEKS

Sanga Jesus ringan i doni meritaken Berita Si Meriah, ipilihNa me ajar-ajarNa. Sura-sura Jesus maka ajar-ajarNa me pagin nerusken dahin Meritaken Berita Si Meriah ku belang-belang doni ras man kerina tinepa Dibata. Ajar-ajar enggo naksiken kerna belinna kuasa Dibata si teridah arah Jesus, tapi tupung Jesus itangkap, ipakuken, mate ras ikuburken, ajar-ajar nggeluh i bas kebiaren, lanai lit pengarapen ras lupa kerna kai-kai saja si enggo ipedahken Jesus. Seh maka kenca Jesus keke i bas si mate nari lit denga empat puluh wari nari Jesus ringan i doni sope Jesus

nangkih ku Surga. Jesus mulihi mpetetap ukur ajar-ajarNa. Icidah-cidahken Jesus diriNa kempak ajar-ajarNa segelah ajar-ajar e mulihi tek. Isehken Jesus mulihi pedahNa, segelah ajar-ajar e ola nilah. Teridah i bas ogenta “Ipandang Jesus ia kerina (ajar-ajar si sepulusada kalak) sabap la lit kinitekenna dingen mersik ukurna. La ia tek nandangi kalak si nggo ngidah Jesus nggeluh mulihi. Ajar-ajar lit i bas kebiaken si mersik erpalasken doni dingen la lit kinitekenna. Sienda siidah tupung diberu-diberu simeritaken kerna kekeken Jesus mulih i kuburen nari, la tek ajar-ajar kerna berita e. Padahal Jesus ngarapken ajar-ajar enda me jadi saksi kerna kekeken Jesus. Erkiteken sie ipetetap Jesus kiniteken ajar-ajar jenari nina Jesus man bana, “Laweslah, siari doni enda jenari beritaken Berita Si Mehuli man kerina manusia.” Enda me perentah Jesus si man ajar-ajarNa guna erberita. Lit kap ulih man kalak si megiken dingen tek, bagepe la tek. Ise si tek dingen iperidiken terkelin kap pagi. Tapi ise si la tek ia pagi iukum. Tole pe isingetken Jesus maka erdahin kap kuasa Dibata arah kalak si tek. Kalak si tek lit pagi tandana e me: Ipelawesna setan-setan i bas gelarku, ngerana ia i bas cakap si mbaru e. Adi icikepna nipe ntah inemna racun labo kaden pe ia. Itamakenna tanna ku babo kalak sakit, malem penakit e.” Ertina, Kuasa si rehna i bas Dibata nari kap si mpengasup kalak si tek guna meritaken Berita Si Meriah bagepe kuasa Dibata siengkawali kalak si tek. Alu kata si deban, i bas ndahiken dahin meritaken Berita Si Meriah, ola mbiar sabab Dibata kap si nemani, engkawali ras nampati. Kuasa kai pe la ngasup encilakai kegeluhen kalak si erkiniteken.

III. PENGKENAINA

Sope Tuhan Jesus nangkih ku Surga, enggo isehkenNa perentahNa man ajar-ajarNa segelah meritaken Berita Si Meriah. Seh paksa enda pe perentah e tetap isehken. Gereja (kalak si tek), la erkendobahen eme ajar-ajarNa paksa genduari. Dahin meritaken Berita Si Meriah eme dahin ras tanggungjawab kerina kalak si tek, si enggo iselamatken Tuhan Jesus. Gereja selaku ajar-ajar arus muat bagin guna nerusken misi Dibata si enggo idahiken Jesus Kristus. I bas Sidang Majelis Sinode GBKP (April 2025) enggo itetapken ras iputusken Visi Misi GBKP: Visi “GBKP menjadi keluarga Allah yang diutus mengerjakan misi Allah di dunia bagi seluruh ciptaan”. (Mrk. 16:15.; 1 Pet. 2:9-10). Alu misi:

1. Menjadikan Alkitab sebagai pedoman hidup dan tata nilai dalam mengerjakan misi Allah bagi seluruh ciptaan melalui persekutuan, pelayanan dan kesaksian.
2. Meningkatkan semangat persaudaraan (kekerabatan) dan gotong royong dalam keluarga yang saling mengasihi untuk menyatakan kasih Allah kepada seluruh ciptaan.
3. Membangun persekutuan yang inklusif dan ramah dalam kekerabatan universal.
4. Menumbuhkembangkan potensi anggota Runggun dan unit-unit pelayanan yang berdaya guna bagi gereja dan masyarakat.
5. Membangun dan memanfaatkan teknologi informasi dan digitalisasi untuk meningkatkan kualitas pelayanan.

GBKP ngaku selaku “Keluarga Dibata” ndahiken misi Dibata i doni guna kerina tinepa Dibata. Erkiteken sie, Selaku Mamre, marilah si buat baginta ndahiken dahin meritaken Berita Si Meriah. I bas KEE GBKP No. KEE No. 257 “Siberitaken Berita Si Meriah” bagin Reff. Siberitaken Berita si Meriah. Kukalak latih sindele tah pe lolah. Bas silapayo kerina banci robah. Adi Dibata simreken serpang luah. Isehken pengajuk segelah kerina muat bagin meritaken Berita Si Meriah. Muat bagin meritaken Berita Si Meriah banci icidahken arah erbage-bage dampar geluhta: Tutus i bas dahin-dahin gereja, nggit ipilih jadi serayan, jadi tim/seksi Pekabar Injil (PI), pengurus, kepanitiaan, mereken dana guna program Pekabaran Injil, notoken dahin perberita si meriah, encidahken orat geluh selaku kalak si tek (Marturia/Bersaksi) ras sidebanna.

IV. DISKUSI

1. Erpalasken ogenta, kai nge sababna maka ipandang Jesus ajar-ajarNa?
2. Perentah Jesus “Laweslah, siari doni enda jenari beritaken Berita Si Mehuli man kerina manusia. Turiken i bas kai-kai saja Mamre banci muat bagin guna pebelangken Berita Si Meriah?

USULAN ENDE-ENDEN :

1. KEE GBKP NO. 257:1, 6
2. KEE GBKP NO. 295:1, 2
3. KEE GBKP NO. 322:1, 2
4. KEE GBKP NO. 300:1 (Persembahen)

Pdt. DR. Kalvinsius Jawak, M.Si.