BIMBINGEN PA MAMRE TANGGAL, 24 MEI - 30 MEI 2026

Bapa Si Erkeleng Ate

Ogen : Lukas 15:11-32

11 Iterusken Jesus ngerana nina, "Lit me sekalak perbapan, dua kalak anakna dilaki.

12 Nina si nguda man bapana, 'O bapa, bereken genduari man bangku erta-erta sikerajangenku.' Emaka ibagi bapana erta-erta e man anakna duana.

13 Kenca piga-piga wari, idayaken anak si nguda e me sikerajangenna, jenari lawes ia ku negeri si ndauh. I je isia-siakenna duitna e.

14 Kenca keri ibahanna duitna e, jadi me kelihen i bas negeri e, janah mulai me iakapna suhsah.

15 Emaka erdahin ia ras sekalak anak negeri e. Isuruhna ia ku juma ermakan babi.

16 Ise pe la mereken kai pe man bana, seh maka iba-iba babi e pe nggit ia mansa alu meriah ukur.

17 Dungna rukur ia, janah nina i bas ukurna, 'Kerina si erdahin bapangku riba-iba panganna, tapi aku i jenda menam mate kelihen.

18 Laweslah aku ndahi bapangku janah ningku man bana, O bapa, aku nggo erdosa man Dibata dingen ersalah man bandu.

19 Lanai metunggung pe aku igelari anakndu.'

20 Emaka berkat ia ndahi bapana. Ndauh denga pe ia i rumah nari nggo idah bapana ia. Mekuah ate bapana, emaka kiam ia ngayakisa, idakepna janah iemaina.

21 Nina anakna e man bana, 'O bapa, aku nggo erdosa man Dibata dingen ersalah man bandu. Lanai metunggung pe aku igelari anakndu.'

22 Tapi idilo bapana juak-juakna nina, 'Pedasken baba ku jenda uis si mejilena janah pakeken man bana! Tamaken cincin ku jari-jarina janah sepatui ia.

23 Jenari geleh sada anak lembu si mburna, gelah erbahan pesta man-man kita.

24 Sabap anakku enda nai nggo mate, tapi genduari nggo nggeluh mulihi; ia nggo bene, tapi genduari mulihken ia.' Emaka ibenakenna erpesta ras ermeriah-meriah.

25 Tapi anakna sintua paksa e i juma. Asum ia i bas perdalanen i juma nari, lanai ndauhsa ku rumah, ibegina sora gendang ras sora rende.

26 Emaka idilona sekalak juak-juak, isungkunna nina, 'Kai si jadi e?'

27 Erjabap juak-juak man bana, 'Agindu nggo reh mulihken janah isuruh bapandu igeleh sada anak lembu si mburna, sabap agindu si nggo bene e nggo reh mulihken i bas mejuah-juah.'

28 Emaka nembeh kal ate anak sintua e dingen la ia nggit ku rumah. Emaka reh bapana nami-nami ia i darat.

29 Ngaloi ia man bapana, 'Nggo piga-piga tahun aku erdahin ras kam bagi sekalak juak-juak janah la pernah kusimbak katandu. Kai kin nggo iberekenndu man bangku? Sada anak kambing pe la iberekenndu man bangku gelah aku man-man ras teman-temanku.

30 Tapi anakndu ah, nggo ikerikenna erta-ertandu ras diberu perdenggal, janah kenca ia mulihken minter igelehndu sada anak lembu pilihen si mbur!'

31 Ngaloi bapana, 'O anakku, kam tetap ras aku janah kerina erta-ertangku sikerajangenndu kap.

32 Tapi patut pe kita erbahan kerja man-man dingen ermeriah ukur, sabap agindu si nai nggo mate, genduari nggo nggeluh mulihi; ia nggo bene, tapi genduari nggo reh mulihken.

Lukas 15:11-32

11 Yesus berkata lagi: "Ada seorang mempunyai dua anak laki-laki.

12 Kata yang bungsu kepada ayahnya: Bapa, berikanlah kepadaku bagian harta milik kita yang menjadi hakku. Lalu ayahnya membagi-bagikan harta kekayaan itu di antara mereka.

13 Beberapa hari kemudian anak bungsu itu menjual seluruh bagiannya itu lalu pergi ke negeri yang jauh. Di sana ia memboroskan harta miliknya itu dengan hidup berfoya-foya.

14 Setelah dihabiskannya semuanya, timbullah bencana kelaparan di dalam negeri itu dan iapun mulai melarat.

15 Lalu ia pergi dan bekerja pada seorang majikan di negeri itu. Orang itu menyuruhnya ke ladang untuk menjaga babinya.

16 Lalu ia ingin mengisi perutnya dengan ampas yang menjadi makanan babi itu, tetapi tidak seorangpun yang memberikannya kepadanya.

17 Lalu ia menyadari keadaannya, katanya: Betapa banyaknya orang upahan bapaku yang berlimpah-limpah makanannya, tetapi aku di sini mati kelaparan.

18 Aku akan bangkit dan pergi kepada bapaku dan berkata kepadanya: Bapa, aku telah berdosa terhadap sorga dan terhadap bapa,

19 aku tidak layak lagi disebutkan anak bapa; jadikanlah aku sebagai salah seorang upahan bapa.

20 Maka bangkitlah ia dan pergi kepada bapanya. Ketika ia masih jauh, ayahnya telah melihatnya, lalu tergeraklah hatinya oleh belas kasihan. Ayahnya itu berlari mendapatkan dia lalu merangkul dan mencium dia.

21 Kata anak itu kepadanya: Bapa, aku telah berdosa terhadap sorga dan terhadap bapa, aku tidak layak lagi disebutkan anak bapa.

22 Tetapi ayah itu berkata kepada hamba-hambanya: Lekaslah bawa ke mari jubah yang terbaik, pakaikanlah itu kepadanya dan kenakanlah cincin pada jarinya dan sepatu pada kakinya.

23 Dan ambillah anak lembu tambun itu, sembelihlah dia dan marilah kita makan dan bersukacita.

24 Sebab anakku ini telah mati dan menjadi hidup kembali, ia telah hilang dan didapat kembali. Maka mulailah mereka bersukaria.

25 Tetapi anaknya yang sulung berada di ladang dan ketika ia pulang dan dekat ke rumah, ia mendengar bunyi seruling dan nyanyian tari-tarian.

26 Lalu ia memanggil salah seorang hamba dan bertanya kepadanya apa arti semuanya itu.

27 Jawab hamba itu: Adikmu telah kembali dan ayahmu telah menyembelih anak lembu tambun, karena ia mendapatnya kembali dengan sehat.

28 Maka marahlah anak sulung itu dan ia tidak mau masuk. Lalu ayahnya keluar dan berbicara dengan dia.

29 Tetapi ia menjawab ayahnya, katanya: Telah bertahun-tahun aku melayani bapa dan belum pernah aku melanggar perintah bapa, tetapi kepadaku belum pernah bapa memberikan seekor anak kambing untuk bersukacita dengan sahabat-sahabatku.

30 Tetapi baru saja datang anak bapa yang telah memboroskan harta kekayaan bapa bersama-sama dengan pelacur-pelacur, maka bapa menyembelih anak lembu tambun itu untuk dia.

31 Kata ayahnya kepadanya: Anakku, engkau selalu bersama-sama dengan aku, dan segala kepunyaanku adalah kepunyaanmu. 

32 Kita patut bersukacita dan bergembira karena adikmu telah mati dan menjadi hidup kembali, ia telah hilang dan didapat kembali."

Tujun : Gelah Mamre :

1. Erkeleng ate man anak-anakna erpalasken teks
2. Mereken dirina guna ngkelengi anak-anakna (pengajaren, mediate, erdame)

I. KATA PERLEBE

Kekelengen sekalak bapa man anak-anakna arus ncidahken gambaren kekelengen Bapa si ni surga kempak anak-anakNa. Erbage-bage nge karakteristik anak-anakna, tapi sebage bapa tetap sabar guna ngarak-ngaraksa, ngajarisa, gelah keluarga tetap lit ibas kedamen nggeluh iteruh lias ate Dibata. Pemahamen budaya tradisional, sekalak bapa iakapna nggo ndalanken tanggung jawabna nangdangi anak-anakna adi nggo ia ncukupken keperlen anak-anak e. La kekurangen anak-anak e, terutama ngelitken rumah ingan tading, biaya sekolah ras jajanna. Tapi megati anak-anak merasa diabaikan walau pe kerina kebutuhanna terpenuhi, sebab lit ketedehen bas anak-anakta e me perhatianta, waktu bersama, bage pe dukungen ras mereken motivasi man bana. Turi turin anak si bene banci ngajari kita guna jadi sekalak bapa si erkeleng ate nangdangi anak-anak, nandai karakteristik anak-anakta. Emaka sidatken me uga ncibalken kekelengen nangdangi anak-anakta erpalasken sura-sura Dibatanta.

II. URAIAN TEKS

Perumpamaan enda ipake Yesus sebagai jawaban nangdangi respon man kalak Farisi (Luk.15:2). Jungut-jungut kalak Farisi ras guru-guru agama erkiteken ialoken Yesus kalak perdosa ras pemungut cuke. Ibas perumpaman enda lit telu tokoh si dominane me : sekalak bapa si bayak ras tuhu-tuhu erkeleng ate man anak-anakna, anak singuda ras anak sintua. Anak si nguda. Mindo hak waris man bapana lenga pe bapana mate. Enda seri saja ras melecehkan posisi bapa si nggeluh denga, sebab ibas paksa sie mbagiken harta warisen biasanya ilakoken kenca bapa enggo metua. Posisi secara hukum ras budaya ibas paksa si e situhuna lebih berhak anak sintua guna menuntut tading-tadingen asangken anak si nguda. Karakter anak singuda enda semakin jelas ketika isehken bapana pemindonna e. Harta sikerjangenna minter idayakenna, janah duitna ipakena erpoya-poya, isia-siakenna duitna e. Duit si enggo isia-siakenna tentu la bertahan ndekah, minter keri duitna e. Terjadi kelihen ibas negeri anak singuda e tading. Sada ngenca si man lumbankenna eme nerusken kegeluhen, erdahin ia jadi sekalak si ermakan babi si merupaken dahin si hina ibas kalak Jahudi. Ije turah me penyesalenna. Ingetna kegeluhen ibas rumah bapana, maka juak-juak bapana jine pe la kekurangen pangan. Lanai pe kari ialoken bapa aku jadi anakna labo dalih, jadi juak-juakna saja pe enggo meriah ukurna. Enda nuriken maka ia nggo seh ku titik nol, janah turah ukurna mulih ku rumah bapana. “Laweslah aku ndahi bapangku janah ningku man bana, o bapa aku enggo erdosa man Dibata dingen ersalah man bandu. Lanai aku metunggung pe igelari anakndu” (ay. 18,19). Itehna perubahan pasti lit adi ia mulih ku bapana. Kedungenna anak singuda e enggo nandai bapana ras dirina alu payo. Bapa Si erkeleng ate. Bapa e sekalak si cukup bayak, teridah ibas melala juak-juakna, baju si mejile bagepe cincin siiberekenna man anakna e. Secara ekonomi la ia kekurangen kai pe. Karakter bapa teridah ibas anak singuda mindo bagin warisen sikerjangenna. Bapa e la merawa ras la numpahi anakna e. Iberekenna pemindon anak singuda e. Labo ngataken bapa e lemah, tapi ngasup ia ngergai pilihen anakna amin pe itehna e la payo. Ngasup bapa e nimai pertobaten anakna ras mereken kebebasen man anakna. Karakter bapa erkeleng ate si paling jelas ituriken, “Ndauh denga pe i rumah nari enggo idah bapana ia”. (Luk. 15:20). Teridah tuhu-tuhu ketedehen, kekelengen, kesetiaan nangdangi anak si enggo lawes nadingken ia, tapi itimaina lalap. Kesalahan anak singuda la merubah kekelengen bapa man anakna si enggo pernah ngelakoken kesalahan si fatal sekali pe. Pedasken baba ku jenda uis si mejilena janah pakeken man bana! Tamaken cincin ku jari-jarina janah sepatui ia (22). Ia tetap anakna gia enggo pernah erdosa man bana. Anak sintua. Anak si suka menuntut. Kegeluhna anak sintua seharusna bahagia ibas rumah bapana si dem kebayaken tapi la iakapna adil perbahanen bapana man bana. Payo tuhu ia kalak si tutus, ertanggung jawab. “Enggo piga-piga tahun aku erdahin ras kam ... la pernah kusimbak katandu” (ay.29). Ibas mulih agina anak singuda min meriah ukurna tapi nembeh atena, ia menggambarken dirina desken juak-juak bapana, igejapna maka bapana e la adil ibas situasi e.

III. PENGKENAINA

Tema, Bapa Si Erkeleng Ate. Karakter sekalak bapa ibas perumpamaan enda, min menginspirasi kerina Mamre eme ngasup nagloken kerina anak-anakna rikutken keberadanna ras karakterna sekalak-sekalak. Kebanggan mamre labo terjeng sanga anak meteh mehuli, ntah pe anak berprestasi ras erban gelar si merim man jabu ngenca. Tapi pe ngasup tetap ‘merangkul’ anak ibas perbahanenna si salah . Mamre anak si salah ntah pe erban ceda pusuh orangtuana. Sekalak mamre labo hanya sebage takal (pemimpin) i bas jabu tapi lit keterpanggilan ibas Dibata nari mewakili Tuhan enda. Kekelengen man anak-anak, jabu, ibas gereja ras doni enda. Kekelengen e teridah la bersyarat, dem kesabaran erkiteken nggo mbages kiniteken ras kekelengen. Labo ngelakoken kekerasen ntah menghukum tapi ngalemi salah (memaafken) sebage cerminen kekelengen Bapa si ni surga. Sekalak bapa nehken kekelengen man anak-anak ibas zaman enda melala kel nge tantangenna. Bagi anak si nguda menuntut, membrontak man orang tua, gunduari pe melala anak-anak si la mehamat man orang tuana. Bahan oratenta ngajuk Mamre gelah tetap ngasup alu saber, ngarak-ngarak anak-anakta, membimbing ras ngajari Kata Dibata. Ilustrasi kekelengen bapa man anak.

IV. DISKUSI

1. Rikutken bahan oratenta, turiken ciri ciri bapa si erkeleng ate ?
2. Kenca kita er-PA Mamre, kai si jadi tekad-ta guna jadi bapa si erkeleng ate man anak-anakta?

USULEN Ende-enden

1. KEE GBKP No. 177 : 1-2
2. KEE GBKP No. 292 : 1-2
3. KEE GBKP No. 204 : 1,4
4. KEE GBKP No. 420 : 1 (Persembahen)

Pdt. Naikken Sitepu, M.Th.

Ketua Klasis Menara