BIMBINGAN PA MAMRE TANGGAL 05 JULI – 11 JULI 2026

Orat Persidangen Simehuli

Ogen : Perbahanen Rasul-Rasul 15:1-12

1 Lit piga-piga kalak reh i Judea nari ku Antiokia janah iajarina kalak si nggo tek man Jesus nina, "Labo kam terkelin ibahan Dibata adi la kin kam isunatken bagi iaturken Undang-undang Musa."

2 Pengajaren kalak enda ilawan Paulus ras Barnabas tuhu-tuhu seh jadi perjengilen si mesangat. Emaka dungna ersada arih perpulungen gelah Paulus ras Barnabas bage pe piga-piga kalak anggota perpulungen berkat ku Jerusalem ndahi rasul-rasul ras pertua-pertua guna ncakapken persoalen enda.

3 Itaruhken perpulungen ia seh ku darat kuta. Jenari erdalan ia arah Penike ras Samaria. I bas kuta-kuta si ibentasina, iturikenna man kalak si nggo tek maka si la kalak Jahudi pe nggo robah. Meriah ukur perpulungen megi berita enda.

4 Kenca seh i Jerusalem, ngalo-alo perpulungen, rasul-rasul ras pertua-pertua. Iturikenna man kalak e kai si nggo ibahan Dibata arah ia.

5 Tapi tedis piga-piga kalak i bas kalak Parisi si nggo tek jenari nina, "Si labo kalak Jahudi e arus isunatken lebe, jenari ikutkenna Undang-undang Musa."

6 Emaka ersidang rasul-rasul ras pertua-pertua guna ncakapken persoalen e.

7 Kenca ndekah ngerana, janah percakapen e lalap la erkedungen, tedis Petrus, jenari nina, "O senina-senina, ietehndu maka nai nari aku nggo ipilih Dibata i tengah-tengahndu nari guna meritaken Berita Si Mehuli man si labo kalak Jahudi gelah ibegina dingen tek ia.

8 Janah Dibata, si nandai perukuren manusia, nggo encidahken maka si labo kalak Jahudi pe IakuiNa nge. IcidahkenNa e alu mereken Kesah Si Badia man kalak e bali ras IberekenNa man banta.

9 Labo erndobah IdahNa kita ras si labo kalak Jahudi. IbersihkenNa ukur kalak e perbahan ia tek.

10 Dage ngkai maka genduari icubaindu Dibata alu namaken baban si mberat man ajar-ajar e? Nininta nai bage pe kita jine labo ngasup mersansa.

11 Tapi sebalikna, tek kita, maka erdandanken lias ate Tuhan Jesus kita terkelin bali ras si labo kalak Jahudi."

12 Sinik kerina kalak si pulung e. Jenari ibegikenna Paulus ras Barnabas nuriken kerina tanda-tanda sengget si mbelin si nggo ibahan Dibata arah ia i tengah-tengah si labo kalak Jahudi.

Kisah Para rasul 15 :1 - 12

1 Beberapa orang datang dari Yudea ke Antiokhia dan mengajarkan kepada saudara-saudara di situ: "Jikalau kamu tidak disunat menurut adat istiadat yang diwariskan oleh Musa, kamu tidak dapat diselamatkan."

2 Tetapi Paulus dan Barnabas dengan keras melawan dan membantah pendapat mereka itu. Akhirnya ditetapkan, supaya Paulus dan Barnabas serta beberapa orang lain dari jemaat itu pergi kepada rasul-rasul dan penatua-penatua di Yerusalem untuk membicarakan soal itu.

3 Mereka diantarkan oleh jemaat sampai ke luar kota, lalu mereka berjalan melalui Fenisia dan Samaria, dan di tempat-tempat itu mereka menceriterakan tentang pertobatan orang-orang yang tidak mengenal Allah. Hal itu sangat menggembirakan hati saudara-saudara di situ.

4 Setibanya di Yerusalem mereka disambut oleh jemaat dan oleh rasul-rasul dan penatua-penatua, lalu mereka menceriterakan segala sesuatu yang Allah lakukan dengan perantaraan mereka.

5 Tetapi beberapa orang dari golongan Farisi, yang telah menjadi percaya, datang dan berkata: "Orang-orang bukan Yahudi harus disunat dan diwajibkan untuk menuruti hukum Musa." 

6 Maka bersidanglah rasul-rasul dan penatua-penatua untuk membicarakan soal itu. 

7 Sesudah beberapa waktu lamanya berlangsung pertukaran pikiran mengenai soal itu, berdirilah Petrus dan berkata kepada mereka: "Hai saudara-saudara, kamu tahu, bahwa telah sejak semula Allah memilih aku dari antara kamu, supaya dengan perantaraan mulutku bangsa-bangsa lain mendengar berita Injil dan menjadi percaya.

8 Dan Allah, yang mengenal hati manusia, telah menyatakan kehendak-Nya untuk menerima mereka, sebab Ia mengaruniakan Roh Kudus juga kepada mereka sama seperti kepada kita,

9 dan Ia sama sekali tidak mengadakan perbedaan antara kita dengan mereka, sesudah Ia menyucikan hati mereka oleh iman.

10 Kalau demikian, mengapa kamu mau mencobai Allah dengan meletakkan pada tengkuk murid-murid itu suatu kuk, yang tidak dapat dipikul, baik oleh nenek moyang kita maupun oleh kita sendiri?

11 Sebaliknya, kita percaya, bahwa oleh kasih karunia Tuhan Yesus Kristus kita akan beroleh keselamatan sama seperti mereka juga."

12 Maka diamlah seluruh umat itu, lalu mereka mendengarkan Paulus dan Barnabas menceriterakan segala tanda dan mujizat yang dilakukan Allah dengan perantaraan mereka di tengah-tengah bangsa-bangsa lain.

Tujun : Gelah Mamre:

1. Ngasup ngergaken pendapat kalak si deban
2. Ngidah maka lit aturen I bas persidangen sue ras iaturken P2P Mamre Metode : Diskusi

I. KATA PENARUH

Sidang, runggu, arih-arih situhuna sada budaya si bas bangsa ija pa pe lit bas doni enda, termasuk bas kita kalak Karo. Praktek sidang, runggu, arih-arih labo saja guna ndungi sada persoalen tapi pe arih-arih guna ngelakoken dahin si sifatna dahin ras-ras. Umpamana adi bas kita kalak Karo guna ngelakoken dahin adat perjabun, mengket rumah ntah dahin ibas kemalangen kerina imulai alu runggu gelah sikap perdalinenna. Bage pe semal kal ilakoken bas kita kalak Karo adi lit kalak ersoal, la siangkan maka runggu eme salah sada si biasa ilakoken guna ndungi persoalen kalak si la siangkan.

II. URAIAN TEKS

1. Dua Pengajaren Si Berbeda (ay 1-2) Lit piga-piga kalak reh i Judea nari ku Antiokia janah iajarina kalak si enggo tek man Jesus nina, "Labo kam terkelin ibahan Dibata adi la kin kam isunatken bagi iaturken Undang-undang Musa." Pengajaren enda ipengaruhi budaya kalak Jahudi ntah pe bas kalak Jahudi eme Hukum Sunat si ajarken Musa enggo tuhutuhu mandarah daging. E maka bangsa e enggo pe ia jadi pengikut Jesus, pengajaren kerna sunat enda terus denga iajarkenna sebagai sada kewajiben si arus ipatuhi kalak si tek man Jesus termasuk pe man kalak si labo Jahudi. Pengajaren kalak enda ilawan Paulus ras Barnabas tuhu-tuhu seh jadi perjengilen si mesangat. Engkai maka ilawan Paulus ras Barnabas? Sabab Paulus ras Barnabas ibas meritaken BSM ntah pe nehken pengajaren kata Dibata, khususna man kalak si labo Jahudi maka sunat labo kearusen guna ndatken ntah pe ngaloken keterkelinen. Siutama ras sipentingna ibas ngaloken keterkelinen eme kiniteken man Jesus (bd. Ef. 2.8-9; Galati 5.1-6; rsd)
2.  Ersada Arih Gelah Persoalen Enda Irungkuken (ay.2-3) E maka dungna ersada arih perpulungen gelah Paulus ras Barnabas bage pe piga-piga kalak anggota perpulungen berkat ku Jerusalem ndahi rasul-rasul ras pertua-pertua guna ncakapken persoalen enda. Itaruhken perpulungen ia seh ku darat kuta. Jenari erdalan ia arah Penike ras Samaria. I bas kuta-kuta si ibentasina, iturikenna man kalak si enggo tek maka si la kalak Jahudi pe enggo robah. Meriah ukur perpulungen megi berita enda. Kenca seh i Jerusalem, ngalo-ngalo perpulungen, rasul-rasul ras pertua-pertua. Iturikenna man kalak e kai si enggo ibahan Dibata arah ia. Tapi tedis piga-piga kalak i bas kalak Parisi si enggo tek jenari nina, "Si labo kalak Jahudi e arus isunatken lebe, jenari ikutkenna Undang-undang Musa." Bagem siidah maka enggo pe ituriken Paulus ras Barnabas perbahanen Dibata man kalak si labo Jahudi, si labo ia ersunat pe maka teridah uga kuasa Dibata erdahin. Enda jadi sada bukti maka kerna ersunat ntah la ersunat man kalak si labo Jahudi labo biakna jadi kearusen. Tapi kalak Parisi si enggo tek man Jesus tetap mpertahanken pendapatna maka si labo kalak Jahudi pe arus isunatken.
3.  Sidang Guna Ncakapken Persoalen Si Turah (ay.6-) E maka ersidang rasul-rasul ras pertua-pertua guna ncakapken persoalen e. Kenca ndekah ngerana, janah percakapen e lalap la erkedungen. Enda ngatakenca maka bas persidangen biasa lit dinamika ope denga ibuat sada keputusan. Sabab masing-masing pihak tentu lit argumentna, dasar berpikirna seh maka pendapatna ras kalak si deban la bali. Kalak si la ka ngaloken pandangen ntah pendapat kalak si deban tentu ia pe lit ka dasar berpikirna. E maka megati sidang ndekah, la mesukah muat sada keputusan. Tedis Petrus, jenari nina, "O senina-senina, ietehndu maka nai nari aku enggo ipilih Dibata i tengah-tengahndu nari guna meritaken Berita Si Meriah man si labo kalak Jahudi gelah ibegina dingen tek ia. Janah Dibata, si nanda perukuren manusia, enggo encidahken maka si labo kalak Jahudi pe iakuiNa nge. IcidahkenNa e alu mereken Kesah Si Badia man kalak e bali ras iberekenNa man banta. Labo erndobah idahNa kita ras si labo kalak Jahudi. IbersihkenNa ukur kalak e perbahanen ia tek. Dage ngkai maka genduari icubaindu Dibata alu namaken baban si mberat man ajar-ajar e? Nininta nai bage pe kita jine labo ngasup mersansa. Tapi sebalikna, tek kita, maka erkiteken lias ate Tuhan Jesus kita terkelin bali ras si labo kalak Jahudi." Banci kataken ijenda Petrus eme pimpinen sidang, janah nuriken alu bijaksana rikut ras fakta-fakta si lit maka man kalak si labo Jahudi si la isunat pe icidahkenNa kuasa ras perkuah ateNa bali ras man kalak Jahudi. Alu bage maka labo perlu iwajibken, arus ersunat man kalak si labo Jahudi. Sieteh maka kedungenna kai si isehken Petrus teraloken peserta sidang, janah erpalasken sie me ibahan keputusan.
4.  Paulus ras Barnabas Nuriken Pelayanenna (ay.12) Sinik kerina kalak si pulung e. Jenari ibegikenna Paulus ras Barnabas nuriken kerina tanda-tanda sengget si mbelin si enggo ibahan Dibata arah ia i tengah-tengah si labo kalak Jahudi.

III. PENGKENAINA

1. Orat Persidangen Simehuli (Tema) Bas P2P Mamre BAB VI Rapat Dan Musyawarah, makai bas pasal 26-29 enggo iaturken orat Rapat/Persidangen bas Kategorial Mamre mulai tingkat Perminggun/Perpulungen/ PJJ; Tingkat Runggun, Tingkat Klasis ras Tingkat Pusat. Ibas P2P Mamre enggo iaturken kerna jadwalna, pesertana, keabsahen persidangen ras si debanna. P2P enda ibahan guna jadi panduan ibas Mamre ngelakoken rapat-rapatna ntah pe musyawarahna. Jadi persidangen labo hanya ilakoken adi lit persoalen tapi persidangen e enggo tertata dengan baik kerna waktuna gelah banci irunggui dahin-dahin pelayanan bas Mamre alu mehuli. Bas persidangen berbeda pandangen ntah pendapat hal si biasa. Bagi enggo ndai ituriken arah nats ogenta maka maun-maun labo mesukah muat keputusan. Tapi tep-tep kalak arusna nuriken pendapatna ntah pandangenna mesti lit palasna. Emaka tep-tep peserta sidang perlu kal megiken alu sabar ras menyimak kai si ituriken temanta enda ncidahken pengerganta nandangi pendapat kalak si deban. Jenari persidangen Mamre ntah pe persidangen gereja labo bali ras persidangen bas organisasi-organisasi si megati si ikuti walau pe banci ka lit piga-piga perserina. Intina kita arus ndalanken persidangenta erpalasken bagi si enggo iaturken bas P2P Mamrenta.
2.  Ngergaken Pimpinen Sidang eme sada kearusen bas persidangen. Adi la siergaken pimpinen sidang tentu persidangen banci rukrak. Bage pe pimpinen persidangen arus ka bijaksana bagi Petrus mereken pandangen si mehuli ibas dua pendapat si berbeda jenari mereken sada usulen guna jadi keputusan janah kedungenna dua pihakna banci ngaloken keputusan bersama guna idalanken bersama. 3. P2P Mamre si enggo ngaturken aturen persidangen ntah pe Rapat ras Musyawarah bas Kategorial Mamre perlu kal iperdiateken guna idalanken gelah pelayanan ras kiniteken Mamre banci terus semakin meningkat. Amin.

IV. DISKUSI

1. Uga sedekah enda idahndu ras pengalamenndu kerna perdalinen Rapat ras Musyawarah Mamre GBKP (PJJ, Runggun, Klasis ras Pusat)? Turiken!
2. Kai usulen-usulenta gelah perdalinen persidangen Mamre ku lebe wari enda banci reh ulina.

USULEN ENDE-ENDEN :

1. KEE GBKP No. 424 : 1, 2
2. KEE GBKP No. 209 : 1, 2
3. KEE GBKP No. 92 : 1, 2
4. KEE GBKP No. 302 : 1 (Persembahen)

Pdt. Sahabat Perangin Angin, M.Th. Ketua BPMK GBKP Klasis Jakarta Kalimantan.