Anakku
Jadi Sahabatku
BIMBINGAN PA MAMRE
TANGGAL, 07 SEPTEMBER – 13 SEPTEMBER
2025
Teks
: Ulangen 6: 4-9
Tujuan : Gelah Mamre:
§ Ngasup jadi sahabat
man anak-anakna
§ Ngasup jadi imam ras
usihen si mehuli ibas kiniteken man anak-anak.
6:4 Dengarlah,
hai orang Israel: TUHAN itu Allah kita, TUHAN itu esa! 6:5 Kasihilah TUHAN, Allahmu, dengan segenap hatimu dan
dengan segenap jiwamu dan dengan segenap kekuatanmu. 6:6 Apa yang kuperintahkan kepadamu pada hari ini
haruslah engkau perhatikan, 6:7 haruslah engkau
mengajarkannya berulang-ulang kepada anak-anakmu dan membicarakannya
apabila engkau duduk di rumahmu, apabila engkau sedang dalam perjalanan,
apabila engkau berbaring dan apabila engkau bangun. 6:8 Haruslah juga engkau mengikatkannya sebagai tanda
pada tanganmu dan haruslah itu menjadi lambang di dahimu, 6:9 dan haruslah engkau menuliskannya pada tiang pintu
rumahmu dan pada pintu gerbangmu.
1. KATA PENARUH
Menuju generasi 5.0
genduari, peran bapa itengah-tengah jabu ngalaken tantangen cukup mbelin.
Nterem anak-anakta genduari riahen akapna nuriken pengalamen sekolah/dahinna,
perbebenna, isi pusuhna, man teman-temanna ntah pe arah media sosial. Media
sosial ras teman meriah usur jadi sumber utama anak guna ndatken dukungen
emosional, sedangkan bapa usur lanai jadi ingan utama anak guna berbagi cerita.
Fenomena enda nuduhken maka lit kesenjangen hubungen antara bapa ras anak i
tengah jabu.
Tambah si e, selaku
bapa, kita ituntut arus jadi usihen si mehuli. Kesibuken, tanggung jawab
erdahin, ras pergeseran peran i bas masyarakat modern usur erbahanca mesera
konsisten mereken contoh kiniteken ras moral man anak. Emaka tema “Anakku Jadi
Sahabatku” sangat relevan ibas konteks jaman digital enda. Tema enda ngajuk
kita perbapan (Mamre GBKP) guna merenungken uga gelah banci mbangun komunikasi
si mehuli ras anak-anakna, la saja selaku orang tua tapi pe selaku teman ras
usihen kiniteken.
1. URAIAN TEKS
Ulangen 6: 4-9 eme
bagin penting ibas Pustaka Si Badia si megati igelari Shema (ibrani): sada pernyataan mendasar kerna
kiniteken bangsa Israel. Ulangen 6:4-9 ibas konteks undang-undang ras
pengajaren si isehken man bangsa Israel sope berkat ku Taneh Perpadanen.
Perikop enda me bagin pendungi pidato Musa sope kematenna, tujunna emekap mpersingeti
bangsa Israel gelah ertangggungjabab tetap guna ngkelengi Dibata ras ngikutken
undang-undangNa alu bulat ukur.
Ulangen 6: 4-5 “O Israel ingetlah enda!
Maka TUHAN si sada e kap ngenca Dibatanta! Kelengilah TUHAN Dibatandu asa
ukurndu, asa tendindu, asa gegehndu lit.”
Ayat enda merupaken
inti Shema, e me pernyataan kiniteken Israel kerna
monoteisme ras keesaan Dibata. Perentah ngkelengi Dibata asa ukur, asa tendi,
asa gegeh ncidahken totalitas hubungen si arus lit i bas bangsa Dibata ras Ia.
Kekelengen enda la terjeng teori saja tapi harus teridah arah perbahanen
tep-tep wari.
Ulangen 6: 6-7: “Ola ndigen pe lupaken
kerina perentah-perentah si kubereken sendah man bandu. Ajarkenlah e man
anak-anakndu. Persingetilah rusur, subuk sanga kam i rumah, ntah sanga kam i
bas perdalanen, subuk sanga kam ngadi-ngadi ntah pe sanga kam erdahin.”
Perentah enda
menekanken kerna tanggungjawab orang tua guna mendidik anak-anakna i bas
pengajaren Dibata secara konsisten. Ngajarken pengajaren Dibata labo sada dahin
si idahiken i bas paksa-paksa tertentu saja, tapi arus jadi bagin i bas
kegeluhen tep-tep wari. Termasuk asum i rumah, asum gawah-gawah, bage pe
rutinitas tep-tep wari.
Ulangen 6: 8-9: “Ikatkenlah
undang-undang e i bas pergelangen tandu, pakeken i bas perdempakenndu, gelah
jadi persinget man bandu. Suratkenlah e i bas binangun pintun rumahndu ras i
babo pintu gerbangndu.”
Pengiketen pengajaren
Dibata i bas tan ras perdempaken janah nuratkenca i bas binangun pintu ras
gerbang merupaken simbolisasi si megegeh i bas integrasi Dibata i bas tep-tep
dampar kegeluhen. Enda ncidahken maka pengajaren Dibata arus jadi bagin
identitas ras rutinitas tep-tep wari bangsaNa.
§ PENGKENAINA
I bas konteks tema
“Anakku Jadi Sahabatku” teks enda ncidahken pentingna peran orang tua khususna
bapa i bas mendidik ras mpengaruhi anak-anakna. Sekalak bapa arus jadi usihen
nyata i bas pengajaren Dibata, ncidahken kekelengen ras kiniteken i bas
perbahanenna tep-tep wari. Ertina bapa arus mengembangken hubungen si ndeher
ras anak-anak, la saja selaku penyedia kebutuhan jasmani anak, tapi pe selaku
teman ras imam si mereken bimbingen rohani si konsisten.
Selaku bapa lit
tanggungjababnta lebih, labo ngenca sebagai orang tua si mereken kebutuhen
jasmani. Kita arus jadi teman si banci iandalken, si megiken ras ngakai
anak-anakta, ras jadi usihen i bas kiniteken. I bas ngadapi jaman digital enda,
sangat penting sekalak bapa banci jadi contoh guna ncidahken kiniteken si
nggeluh, gelah Tingkat kepercayaan anak man bapa banci turah, janah bapa jadi
pilihen utama anak ibas ia nuriken persoalen geluhna.
1. DISKUSI
2.
Erpalasken ogenta, turiken kai peran penting orang tua ibas ndidik ras
panuten simpengaruhi anak anakna kerna kinitekenna.
3.
Cara praktis kai si banci silakoken guna mbangun hubungen si lebih
ndeher rasa nak-anakta i tengah-tengah pengaruh media sosial? Kai tantangen
sinihadapi ras kuga banci ngalaken tantangen-tantangen enda? Jabah sibahan
aksinta mereken Ucapan Selamat & Kue Ulang Tahun man anakta PERMATA dalam
rangka HUT 77 PERMATA GBKP ibas sektor/runggunta!
Usulen Lagu
§ KEE GBKP No. 205: 1-2
§ KEE GBKP No. 165: 1-2
§ KEE GBKP No. 471: 1
§ KEE GBKP No. 425: 1-
(persembahen)
Pdt. Imanuel A. Ginting, M.Th.
