TANGGAL, 21 SEPTEMBER - 27 SEPTEMBER 2025

Njaga Kesehaten Tendi Ras Kula

Teks : 1 Timotius 5 : 17 - 23

17 Pertua-pertua si erdahin alu mehuli selaku peminpin patut iergaken dua kali lipat, terlebih-lebih kalak si tutus erdahin i bas meritaken Berita Si Mehuli dingen ngajar.

18 Sabap lit tersurat i bas Pustaka Si Badia, "Ula tutupi babah lembu si ipake sangana ngerik," bage pe, "kalak si erdahin arus dat upah."

19 Ula begiken kalak si nalahken pertua, pala si nalahkenca e lit dua ntah telu kalak.

20 Si ersalah ajarkenlah i lebe-lebe perpulungen gelah teman si deban pe mbiar.

21 I lebe-lebe Dibata, Kristus Jesus, ras i lebe-lebe malekat-malekat si badia kupindoken kal man bandu gelah ikutkenlah pedah-pedah enda alu tutus janah rembang-tengahlah min kam rukur man ise pe.

22 Ula pedassa tangkuhken kalak si erdahin i bas dahin Tuhan. Adi kalak si deban erbahan dosa ula ikutken. Jagalah dirindu gelah tetap bersih.

23 Ula kam minem lau saja, tapi inem pe sitik anggur maka sikap beltekndu, sabap megati kam sakit.

1 Timotius 5 : 17 - 23

17 Penatua-penatua yang baik pimpinannya  patut dihormati dua kali lipat, terutama mereka yang dengan jerih payah berkhotbah dan mengajar.

18 Bukankah Kitab Suci berkata: "Janganlah engkau memberangus mulut lembu yang sedang mengirik," dan lagi "seorang pekerja patut mendapat upahnya."

19 Janganlah engkau menerima tuduhan atas seorang penatua kecuali kalau didukung dua atau tiga orang saksi. 

20 Mereka yang berbuat dosa hendaklah kautegor di depan semua orang  agar yang lain itupun takut. 

21 Di hadapan Allah dan Kristus Yesus dan malaikat-malaikat pilihan-Nya kupesankan dengan sungguh kepadamu: camkanlah petunjuk ini tanpa prasangka dan bertindaklah dalam segala sesuatu tanpa memihak. 

22 Janganlah engkau terburu-buru menumpangkan tangan atas seseorang dan janganlah terbawa-bawa ke dalam dosa orang lain. Jagalah kemurnian dirimu. 

23 Janganlah lagi minum air saja, melainkan tambahkanlah anggur sedikit , berhubung pencernaanmu terganggu dan tubuhmu sering lemah. 

Tujuan : Gelah Mamre :

1. Ngasup njaga kesehaten tendi ras kula
2. Ngasup ngergaken kulana selaku Rumah Pertoton

I. KATA PENARUH

Menurut UU No. 23 tahun 1992 kerna kesehaten nina, "Kesehaten adalah keadan sejahterta dari fisik, mental, dan sosial yang memungkinkan setiap orang hidup produktif secara sosial dan ekonomi". Arah penjelasen enda telu hal enda usur erbanding lurus, sehat lahir ras batin. Kesehaten fisik teridah arah lalitna si mesui bas daging kula, kerna organ kula pefungsi alu normal la lit gangguan ntah pe kesehaten mental uga pikiren, emosi ras spiritual sehat. Kesehaten sosial teridah uga kemampun ergaul, erkomunikasi ras teman-teman manusia erkiteken manusia e mahluk sosial, ia butuh kalak si deban ras mehat terpaken dingen ialoken bas komunitasna. Erkiteken labo terjeng ngerana kerna surga ngenca ngerana kerna doni si lit hubungenna ras kita tupung nggeluh bas doni enda. Jesus pe sideban la nggit bas doni enda, melala ilakokenna pengajaren kerna kebenaren kata Dibata, mpepalem kalak si pinakiten, mpegegeh kalak si seluki setan, rsd. Ertina kesehaten lahir batin ilayani Jesus i doni enda.

II. URAIAN TEKS

Surat 1 Timotius enda itulisken Paulus man Timotius. Timotius e kalak Kristen megengga denga secara umur tapi si tuhuna ia enggo dewasa i bas cara rukur-ukur ras kiniteken bage pe kualitas geluhna enggo teruji. Bagena i Asia Kitik nari, bapana kalak Jahudi tapi bapana kalak Junani. Dua latar belakang nande ras bapana enda mbentuk kerangka perpikiren mehuli arah pengajaren nande Jahudi itambah filsafat ras budaya Junani. E jadi modal rasul Paulus i bas pelayanenna Benua si Mbelin. Timotius jadi tim Paulus i bas ndahi dingen mbentuk gereja-gereja si mbaru. I bas surat 1 Timotius enda ncakapken telu persoalen penting si ialoken Timotius i bas perpulungenna: i eterem, pertempun kerna pengajaren si papak, kerna iblis si hebatna e labo intimidasi, teror tapi mimbar

pengajaren si papak/sesat. Tempa-tempa pengajaren e kebenaren Tuhan tapi si tuhuna palsu, akap dalan pinter kepeken dalan ku bas kebener, Padahalna ngaturken perpulungen gelah ratur i bas kebaktin bage pe i bas dahin-dahin perpulungen. Petulaken, tugas Timotius selaku peminpin man perpulungen Tuhan. Penungkunen ras pengajaren erdampak kal ku bas kegeluhen teptep wari erkiteken kiniteken e labo terjeng bas ruang ibadah tapi ruang kegeluhen. E maka kiniteken arus teridah bas perbahen. Umpamana, konsep dosa i bas alam pikeren Junani ianggap teruhen asangken tendi. Dualisme enda erbahanca tendi lebih iergai asangken kula si ermasap-masap. Kula enda erdosa ras macik, sedang tendi badia ras la ermasap-masap. Lit ka kelompok tertentu ajarenna erpantang pangan dingen erkawiten ku keselamatenna. Piga-piga pesan Paulus si erkawiten ku kesehaten kula ras tendi si jadi tugas Timotius i bas mimpin perpulungen e ikepepna eme :

Pemena, Pertua-pertua si ertanggung jabab iberitaken Berita Si Meriah dingen ngajar aruslah iperdiateken ras iergaken. Teptep pendahin mehuli jelma e reh ulina dingen maba keberkahen aruslah iergaken. Teptep perbahanen e arus iergai ras terherga cukupna bage ras dahinna e. Jelma si lanai ngasup ngergai kalak, ngergai dahin pastilah geluhna la meherga, bahaya adi bas perpulungen la lit si ergan pekepar. Em ciri-ciri gereja si la sehat.

Peduaken, cara rukur arus rembang tengah, ula mihak-mihak ras ula terburu ngambilken si erbahin Tuhan ope lenga ia iuji, isorih, iseleksi rikutken kata Dibata. Menedu i bas nikat pe banci labo erken dahin e dung tapi banci nadingken dahin (PR) jangka panjang erkiteken dahin e “babai ku sekalak”. Pertua/pemimpin arus selektif ras iuji Timotius lebe segelah motivasina melayani e la necelai kiniteken arah pengajaren si banci saja ipake iblis guna meresken (menyesatkan ) perpulungen e.

Peteluken, jagalah kesehaten alu man pangan si maba kejuah-juahen man daging kula. Inemlah si tek anggur gelah sikap beltekndu, nina Paulus man Timotius. Mediate kempak kesehaten pe salah sada pendilo ku bas panggilen ngeluh Tuhan. Kai si ikataken Paulus enda labo nuduhken mabuk-mabuken. Inemen si er alkohol ipake labo terjeng takaren tapi arus guna nuan kesehaten. Teks si man oratenta wari enda melala isalahtafsirken guna pembenaren i bas penyalahgunaan anggur (alkohol). Si tuhuna tujunna guna kesehaten Timotius. Minem anggur bas dunia jung mehuli ipake guna tujun kesehaten, misalna; keluhen pencernaan, tonik, ras netralken lau si la murni. I Epesus ingan Timotius melala kal guru-guru perguak si nyesatken alu praktek ras cara nggeluh asketis (pantangen bana, mantangken pangan tertentu). Tempa-tempa dengan bentuken kegeluhenna e bas si Paulus suruh penggunan anggur euna guna tujun pengobaten masalah pencernaan erkiteken biasana ia masalah bas dalan beltekna. Pesan Paulus segelah Timotius njaga kemurnin diri ndalanken si enda kerina ula seh ikut terjebak ku bas asketisme si salah arah pengajaren guru-guru perguak.

III. PENGKENAINA

Kesehaten kula ras tendi e penting kal ijaga. Kulanta enda e me kap rumah pertoton Tuhan. Kulanta enda arus jadi alatta guna mpermuliaken Tuhan, labo la ielai si la payah sakit. Hanya saja ula pernah kita kalah bas gelapna sakit, tapi daremlah kesehaten. I bas buku "Bagaimana Mengatasi Stress Yang Mematikan" nuriken lit lima factor penting kesehaten, me: Apa yang kita pikirkan, apa yang kita katakan, apa yang kita lakukan, apa yang kita makan dan apa yang kita hirup". Ertina i bas lima factor enda me jadi penyebab kita sehat ntah sakit. Ise njaga lima factor enda alu mehuli maka enggo ia jadi alat Tuhan guna maba kejuah-juahen man isi doni. Maun kita si enggo sakit pe, saja, terlanjur, tapi banci tapi pe man kalak si deban. Umpana saja, kehadirenta enda memularken pemakit man temanta enda memularken kecerian man anak kempunta. Pinakit arus iputus, alu pola hidup si sentudu ras nura-nura Dibata ras prinsip-prinsip kesehaten. Kesehaten total e la terjeng la litna pinakit, tah pinakit mental, emosional baik tapi litna interaksi kesah, tendi ras kula alu hubungen dinamis ras harmonis. E maka nina Paulus i bas 1 Tessalonika 5:23 labo terjeng mereken kemulianen ate man banta, erbahanca dami badia i bas kai pe, janah IA si ngkawali kita gelah tendi-tendindu, ras kulandu tetap la bas kesalahen nari asum kerehen Tuhanta Jesus Kristus pagi". Kesehaten tendi ras kula alu kesadaren maka bas kita manusia lit i bas telu dami si berbeda e me kesah, tendi ras kula. Tendi e me si maler ula saja dasarna si iapi pe tendi ras kesah alu nutrisi si berbeda kal sada ras sidebanna. Kitab nuriken kerna kesehaten secara holistik e me kula, tendi, kesah seh hubungen keselamaten Dibata mediate nandangi kesehaten manusia, alu mereken aturen nggeluh si benar I bas (Im. 11), erbage-bage ketetapen si arus ilakoken man kalak kusta (Im. 13-14) rsd. I bas Padan si

Mbaru, Jesus igambarken sekalak si mpepalem kalak si sakit, Jesus mediate kempak kesehaten nterem jelma. Kesehaten arus jadi dalan muji Tuhan. Lit kata bijak ngataken "Jadikanlah makanan itu menjadi obat bagi tubuhmu, jika tidak maka lingkunganmu yang kaya obat itu akan menjadi makananmu". Pangan si arus ijadiken kita reh sehatna labo asalken kita mbeltikna, tapi milih ras milah pangan. Sehat pertendin arus berdampak ku bas sehat kula ras kinitekenta man Tuhan Dibata.

IV. DISKUSI

1. Rikutken nats PAnta, kai si arus ilakoken njaga kesehaten kula ras tendi?
2. Kai hubungen kesehaten kula ras tendi i bas kegeluhen sehari-hari?

Usulen Ende-Enden GBKP

1. KEE GBKP No. 441:1-2
2. KEE GBKP No. 59:1-2
3. KEE GBKP No. 184:1-2
4. KEE GBKP No. 222:1-(persembahen)   

 Pdt. Daud R.T. Sembiring, S.Th.