TANGGAL, 28 SEPTEMBER - 04 OKTOBER 2025

Erdahin Sebagai Aktualisasi Diri

Teks : Perbahanen Rasul-Rasul 20 : 18 – 21

18 Kenca reh pertua-pertua e nina Paulus man bana, "Ietehndu kuga aku nggeluh dingen erdahin tep-tep wari i tengah-tengahndu mulai kin tangtangna seh aku i daerah Asia.

19 Alu meteruk ukur kudahi dahin Tuhan. I bas dahin e melala iluhku mambur janah melala percuban man bangku i bas kalak Jahudi nari, si ersura-sura munuh aku.

20 Amin bage gia la pernah aku surut nehken si mehuli man bandu. Kuberitaken dingen kuajarken man bandu berita kerna Tuhan Jesus, subuk i lebe-lebe kalak si nterem, bage pe i rumahndu.

21 Kuusahaken pe gelah kalak Jahudi bage pe kalak si labo Jahudi jera kempak Dibata, janah gelah tek ia man Tuhanta Jesus Kristus.

Teks : Kisah Para Rasul 20 : 18 – 21

18 Sesudah mereka datang, berkatalah ia kepada mereka: "Kamu tahu, bagaimana aku hidup di antara kamu sejak hari pertama aku tiba di Asia ini.

19 dengan segala rendah hati aku melayani Tuhan. Dalam pelayanan itu aku banyak mencucurkan air mata dan banyak mengalami pencobaan dari pihak orang Yahudi yang mau membunuh aku. 

20 Sungguhpun demikian aku tidak pernah melalaikan apa yang berguna bagi kamu. Semua kuberitakan dan kuajarkan kepada kamu, baik di muka umum maupun dalam perkumpulan-perkumpulan di rumah kamu.

21 aku senantiasa bersaksi kepada orang-orang Yahudi dan orang-orang Yunani, supaya mereka bertobat kepada Allah dan percaya kepada Tuhan kita, Yesus Kristus.

Tujuan : Gelah Mamre :

1. Ngasup megenggeng ibas ndahiken dahin si enggo ibereken Tuhan.
2. Njadiken pengalamen erdahin jadi perdalinen kiniteken ras Tuhan

I. KATA PENARUH

Lit sada penungkunen si penting si arus si renungken: apakah pendahinta e hanya kewajiban duniawi saja, ntah pe bagin i bas panggilan si bereken Dibata man banta? Johanes Calvin pernah ngataken maka dahinta, kitik ntah pe sederhan, eme bagin ibas "Panggilan Ilahi". Ibas tep-tep dahin, Dibata hadir, janah kita iajuk guna ndahikenna alu bulat ukur. Kita erdahin labo guna manusia saja, tapi guna Dibata si ngidah ras si ngadili tep-tep usahanta. Aktualisasi diri berarti menyatakan potensi dan bakat yang Tuhan berikan dalam hidup kita. Saat kita bekerja dengan tekun, kita bukan hanya menghasilkan sesuatu, tetapi kita mengungkapkan potensi yang Tuhan telah percayakan kepada kita. Paulus mengajarkan kita bahwa pekerjaan bukan hanya sekadar rutinitas, melainkan sebuah panggilan untuk menyalurkan iman kita dalam tindakan nyata, sekaligus wujud pelayanan yang tulus kepada Tuhan. Dahin si ilakoken kita tep-tep wari, subuk i kantor, i rumah, ntah pe i juma, e me panggung ija kita ncidahken kesetiantta man Allah. Batar-batar e me inganta mpersembahken persembahenta, mpersembahken kinigenggen, kiniteruken ukur, ras komitmen si tulus. Enda me si iajarken Paulus ibas Perbahanen Rasul-Rasul 20:18-21. Paulus erdahin ras melayani alu megenggeng, amin pe tantangen si mberat ihadapina, sebab ietehna maka tep-tep langkah si idalankenna lit i lebe-lebe Dibata. Gundari, Mamre iajuk guna ndalani dahinta alu kiniteken si la erngadi-ngadi, erbahanca labo terjeng rutinitas saja, tapi jadi perdalanen rohani. Mari siperdiateken uga tep-tep tugas si idahiken kita, kitik ntah pe mbelin, e me sada kesempaten guna mpermuliaken Dibata ras naksiken keleng ateNa.

Adi siperdiateken erdahin alu perspektif kiniteken, maka tep-tep wari eme kesempaten guna reh rembakna ras Dibata ras maba terang ku doni enda.

II. URAIAN TEKS

Lit sekalak tukang kayu si enggo ertahun-tahun erdahin, erbahan perabot si sederhana alu tan ras pusuhna. Bas sada wari nungkun perabot si sederhana alu tan ras pusuhna. Bas sada wari nungkun sekalak anak perana man bana, “La kin latih akapndu erdahin lalap? La kin dahin enda mesera janah maun-maun erban bosan?” Senyum tukang kayu e janah nina, "Tiup kayu si kuukir, kuakap bagi ngukir kegeluhenku sendiri. Adi alu pusuhku erdahin, mejile kel ulihna. Tep-tep perabot si kubahan eme tanda pengatakan bujurku man Dibata si mereken gegeh ras keterampilan enda man bangku. Alu erdahin, situhuna kupeseh pengataken bujurku man baNa." Arah bahan ogenta ibas, Ayat 18: "Letendu kuga aku nggeluh dingen erdahin tep-tep wari..." Paulus hadir sebagai pemimpin si transparan, la cebuni ntah pe ndauh i bas bangsana nari. Ia nggeluh ras kalak e alu tulus, mereken usihen arah perbahenanna. Enda ngajarken maka pemimpin si tuhu-tuhu hadir i tengah-tengah jelma si nterem, kehadirenna banci igejapken, janah keteladanen geluhna ngerana lebih asangken kata-kata saja. Ayat 19: "Alu ukur meteruk ukur kudahi dahin Tuhan..." Paulus ngingetken maka pelayanen man Dibata rusur berarti menghadapi tangis ras tantangen. Meteruk ukur labo berarti la lit perbeben, tapi tetap setia ibas perbeben. Ngelai eme sada dalan si ndauh si dem alu pengorbanen, tapi ije me kuasa keleng ate Dibata nemani kita. Ayat 20: "Amin bage gia la pernah aku surut nehken si mehuli man bandu..." Paulus la milih-milih i bas nehken kebenaren. I lebe-lebe jelma si nterem ras i rumah, ngerana ia kerna kata Dibata si banci mpegegehi perpulungen. Berita enda nuduhken maka pengajaren kerna keleng ate Dibata banci idatken i japa pe - labo saja i bas perpulungen, tapi pe i bas percakapen tep-tep wari. Ayat 21: "Kuusahaken pe gelah kalak Jahudi bage pe kalak..." Tugas Paulus jelas eme mabai kerina jelma, la terkecuali ku bas pertobaten ras kiniteken man Kristus. Berita si Meriah e guna kerina jelma, la erndobahen, janah iusahaken Paulus gelah kerina jelma nggejapken keleng ate Dibata.

Ibas Bahan PA Mamre nta lit piga-piga poin si jadi refleksi man banta kerina:

1. Megenggeng Sebagai Bentuk Pengataken Bujur Man Dibata

Bagi tukang kayu, Rasul Paulus pe sekalak si la erngadi-ngadi erdahin. Aminna pe melala tantangen si iadapina, tetap ia megenggeng. Nina Paulus, ia ngelai Dibata "alu kiniteruken ukur, alu tangis, alu percuban" (Perbahanen Rasul-rasul 20:19). Kita pe idilo guna tutus ndahiken dahinta - subuk erdahin i bas kantor, usaha, ntah pe i juma. Dibata ngergai pusuh si megenggeng, si la erngadi-ngadi amin gia tantangen reh ras lawes. Adi kita megenggeng, siungkapken man Dibata maka tek kita

2. Erdahin jadi Ingan Guna Bertumbuh Kiniteken

I bas tep-tep dahin, pasti sijumpai tantangen, perbeben, bahkan kegagalan. Pernah nge siukuri maka Dibata si nempa kita arah pendahinta? Tep-tep tantangen si ihadapi kita i bas dahin, teman sada dahin si mesera, tujun si meganjang, ras keadaan si la isangka-sangka, eme bagin i bas perdalanen kinitekenta. Sanga kita erdahin, reh sabarna kita, erlajar kita ernalem man Dibata, janah sidat cara si mbaru guna ngalaken masalah. Rasul Paulus la menyerah adi jumpa tantangen; tek ia maka Dibata hadir i bas tep-tep dahin si idahikenna. Bagepe iajuk kita gelah erkiniteken si paguh, tek maka Dibata hadir ras erdahin arah tep-tep langkah pendahinta. Ikataken Paulus maka ia la pernah ngadi mberitaken kebenaren amin gia melala tantangen. I bas kerina pendahinta, kita iajuk gelah erkiniteken si paguh, tek maka Dibata nemani kita tep-tep langkahta.

3. Jadi Pasu-pasu Man Kalak Si Deban

Megenggeng membentuk karakter si megegeh ras jadi pasu-pasu man kalak si deban. Ibas kita Mamre tutus ndahiken dahinta maka kalak sideban ngidah erga kesetian, ketulusen ras ketutusen. Ibas paksa si e, kita jadi terang ibas lingkungenta. Kalak isekelewetta banci ngidah maka Dibata erdahin arah kita, janah enda sada kesaksir kegeluhen si megegeh. Kegigihan pe ngajari kita guna ngenen lebih mbages asangken hanya hasil ntah pe tujun. Iajarna kita guna ngergai prosesna, si rusur jadi ingan si mbelinna kita berkembang.

IV. Sharing : 

Cubaken mbagiken pengalamen pendahinndu sendiri man anggota Mamre. Banci jadi lit masa-masa sulit si erbahanca kam nggit menyerah, ntah pe mungkin lit pengalamen i ja idahndu Dibata erdahin alu cara si la isangka-sangkandu. Turiken kuga Dibata nemani ras mpegegehi kam, janah kuga kinigenggenndu kedungenna maba ulih si mehuli.

Usulen Lagu

1. KEE GBKP No. 102: 1,4
2. KEE GBKP No. 194 :1-3
3. KEE GBKP No. 201 :1,3
4. KEE GBKP No. 315 :1 - (persembahen)

Pdt. Berandes Ginting, S.Th., M.Psi.