ERBAGE KENGASUPEN NEHI SADA TUJUN

SI MAN OGEN  : Keluaren 17:8-16

Kemenangan orang Israel melawan orang Amalek

17:8 Lalu datanglah orang Amalek dan berperang melawan orang Israel di Rafidim. 17:9 Musa berkata kepada Yosua: "Pilihlah orang-orang bagi kita, lalu keluarlah berperang melawan orang Amalek, besok aku akan berdiri di puncak bukit itu dengan memegang tongkat Allah di tanganku." 17:10 Lalu Yosua melakukan seperti yang dikatakan Musa kepadanya dan berperang melawan orang Amalek; tetapi Musa, Harun dan Hur telah naik ke puncak bukit. 17:11 Dan terjadilah, apabila Musa mengangkat tangannya, lebih kuatlah Israel, tetapi apabila ia menurunkan tangannya, lebih kuatlah Amalek. 17:12 Maka penatlah tangan Musa, sebab itu mereka mengambil sebuah batu, diletakkanlah di bawahnya, supaya ia duduk di atasnya; Harun dan Hur menopang kedua belah tangannya, seorang di sisi yang satu, seorang di sisi yang lain, sehingga tangannya tidak bergerak sampai matahari terbenam. 17:13 Demikianlah Yosua mengalahkan Amalek dan rakyatnya dengan mata pedang. 17:14 Kemudian berfirmanlah TUHAN kepada Musa: "Tuliskanlah semuanya ini dalam sebuah kitab sebagai tanda peringatan, dan ingatkanlah ke telinga Yosua, bahwa Aku akan menghapuskan sama sekali ingatan kepada Amalek dari kolong langit." 17:15 Lalu Musa mendirikan sebuah mezbah dan menamainya: "Tuhanlah panji-panjiku!" 17:16 Ia berkata: "Tangan di atas panji-panji TUHAN! TUHAN berperang melawan Amalek turun-temurun."

Perang ras bangsa Amalek

17:8 Reh me bangsa Amalek nerang bangsa Israel i Rapidim. 17:9 Nina Musa man Josua, "Pilih piga-piga kalak dilaki guna erperang pagi ngelawan bangsa Amalek. Aku pagi tedis i datas uruk njemak ciken si isuruh Dibata kubaba." 17:10 Ilakoken Josua bagi si iperentahken Musa man bana, emaka lawes ia ndarat erperang ngelawan bangsa Amalek, sedangken Musa, Harun ras Hur lawes ku datas uruk. 17:11 Adi iangkat Musa tanna ku datas, menang bangsa Israel, tapi adi ipesusurna tanna, bangsa Amalek mulai ka menang. 17:12 Kenca nggo latih iakap Musa natang tanna, ibaba Harun ras Hur batu man ingan Musa kundul. Ia duana tedis arah kawes ras kemuhenna ngangkat tan Musa; bage me ibahanna terus ngadi-ngadi ben. 17:13 Alu bage keri kal italuken Josua bangsa Amalek. 17:14 Kenca bage nina TUHAN man Musa, "Suratken lah turi-turin kemenangen enda gelah jadi peringet-ingeten. Kataken man Josua maka ateKu ngkeriken kerina bangsa Amalek." 17:15 Ipajekken Musa sada batar-batar ingan persembahen janah ibahanna gelarna, "TUHAN kap Benderangku." 17:16 Nina, "Angkat meganjang-meganjang bendera TUHAN! TUHAN la banci lang terus erperang ngelawan bangsa Amalek seh rasa lalap."

TEMA             : ERBAGE KENGASUPEN NEHI SADA TUJUN

TUJUN           : Gelah Moria:

• Nuriken pembagin Musa, Josua, Harun ras Hur i bas merangi bangsa Amalek.
• Nggit kerja sama ras kalak si deban i bas pelayanen Gereja.

METODE PA  : Sharing

Kata Penaruh.

Kitab Keluaren (Junani: eksodus) si ertina 'ndarat, berkat' nuriken perna pembebasen kalak Israel i bas perbudaken i Mesir nari. I bas kitab enda teridah perna perbahen-perbahen Dibata si mbelin i bas sejarah bangsa enda seh pe nebusi bangsa e selaku bangsa pilihenNa. Icidahken Dibata kuasaNa arah penemaniNa bangsaNa i bas perdalanen ndarat i Mesir nari. Arah tokoh Musa, ipetangkas Dibata kuasa ras kekelengenNa nandangi bangsa e. Dibata ncidahken diri ras kuasaNa si mbelin, erkawiten ku bas penebusen Jesus i bas Padian Si Mbaru.

Mpebagesi Pengangken Kerna Ogen.

Kitab Keluaren 17:8-16 enda nuriken kerna sejarah peperangen si ilakoken bangsa Israel ras bangsa Amalek. Bangsa Amalek e me sinursur Esau nari, si ersegat ate man agina erkiteken hak selaku anak sintua bene dingen jadi sikerajangen agina si Jakub. Tupung bangsa Israel berkat i gurun pasir nari, pindah-pindah ia i bas sada ingan ku ingan si deban rikutken perentah Tuhan. Erkeman ia i Rafidim, tapi la lit i je lau man inemen. E maka jungut-jungut ia kerina man Musa. Dosa si ilakoken bangsa Israel e mpeturah ukumen i bas Dibata nari alu kerehen bangsa Amalek. Amin bage gia, arah peristiwa peperangen e ipake Dibata guna ncidahken kuasa ras kesetian Dibata. Ukumen keras enda arus isuratken gelah jadi peringet-ingeten man bangsa Israel (ay. 14). Guna ngelawan bangsa e Musa arih-arih alu erbahan strategi dingen pembagin tugas.

• Musa tedis i datas uruk guna ertoto alu maba tongkat si jadi lambang kehadiran Dibata. Ieteh Musa maka alu penemani Dibata ngenca bangsa Israel banci ndatken kemenangen. I bas ertoto ertoto Musa labo sekalak saja, tapi idukung Harun bage pe Hur.
• Harun ras Hur, tugasna duana e me ngangkat tan Musa, i ja paksa latih lakap Musa ngangkat tanna, ibaba Harun ras Hur batu man inganna kundul. Ia duana tedis arah kawes ras kemuhenna natang-natang tanna. Bage me ibahanna terus ngadi-ngadi ben.
• Josua terpilih guna nggantiken Musa jadi pemimpin Israel maju i bas peperangen. Alu e Dibata mperlengkapi Josua guna dahin si terbelinen si nandangi ialokenna idur Dibata nari.

Alu ertoto man Tuhan, Musa nuduhken penalemenna man Dibata, sabap gegeh ras kemenangen Israel lit i bas ketutusenna ngerembakken diri man Dibata. Ietehna, Dibata erperang guna bangsa enda, ia ndahiken tugasna ngenca e me ertoto dingen ngangkat tanna. Igejapna latih ngangkat tanna, sabap ietehna maka bangsa Israel banci menang adi kune bangsa enda terus-menerus ngerembakken dirina arah teh, ertoto ras patuh. Adi ngadi Musa ertoto (nusur tanna) peltep me hubungenna ras Dibata.

Alu kuasa tan Tuhan, rikut ras kesetian bangsaha, Israel ndatken kemenangen. Kedungenna kerina kemulian tetap sikerajangen Dibata janah isuratken sebagai peringet-ingeten man bangsa Israel.

Pengkenaina.

Si jadi tema PA-nta i bas Minggu enda e me: Erbage Kengasupen Nehi sada Tujun. Guna seh ku bas tema enda, maka i bas dirinta arus lit kengasupen mbangun sada hubungan kerja sama si mehuli i bas sada tim. Istilah si deban, rusur igelari alu kata sinergi, ertina e me radu ras erdahin (bekerja bersama-sama). I je lit proses entah pe interaksi si seimbang (harmonis), bergerak bersama, bekerja bersama. Labo erdahin si sada.

Arah pengalamen Musa ras bangsa Israel enda, si idah uga hubungan kerja sama si mehuli. Tole pe kita erlajar uga Dibata milih ras mereken erbage talenta ras kengasupen man kalak si iplihNa guna ndahiken tugas-tugas pelayanen si erbage. Josua erperang, Musa ertoto si idukung ras isampati Harun ras Hur. Bage me i bas kerina pelayanen Moria, perpulungen ras kegeluhenta i doni enda. Perlu kal kita teman, kehadiren teman-temanta sada kiniteken erbahansa kita megegeh. Sitandai ras si eteh erbage potensi si lit i bas teman-temanta alu bage radu ras kita ndahiken pelayanenta. Mari radu ras kita maju, bergerak, erdahin ras ngelai. Sisampat-sampaten, sitatang-tatangen, sitoto-totonken.

Sharing:

1. Enggo si idah pengalamen Musa, Harun, Hur ras Josua, radu ras erdahin guna nehi sada tujun. Mari situriken pengalamenta pernah radu ras erdahin (bersinergi) i bas dahin-dahin perpulungen janah uga ulihna.

2. Kai si banci silakoken guna ngkuhi pelayanen si mehuli i bas tujun ras program si lit rikutken kengasupen Moria.