ERTUANA ERGEGEHNA

SI MAN OGEN : 2 Korinti 4:16-18

Jangan tawar hati, juga waktu menghadapi maut

4:16 Sebab itu kami tidak tawar hati, tetapi meskipun manusia lahiriah kami semakin merosot, namun manusia batiniah kami dibaharui dari sehari ke sehari. 4:17 Sebab penderitaan ringan yang sekarang ini, mengerjakan bagi kami kemuliaan kekal yang melebihi segala-galanya, jauh lebih besar dari pada penderitaan kami. 4:18 Sebab kami tidak memperhatikan yang kelihatan, melainkan yang tak kelihatan, karena yang kelihatan adalah sementara, sedangkan yang tak kelihatan adalah kekal.

Nggeluh alu kiniteken

4:16 Enda me sabapna maka la kami erleja-leja dingen la lesek ate kami. Aminna pe kula kami enda reh burukna reh dekahna, tapi ukur kami tep-tep wari ipelimbarui. 4:17 Janah kiniseran si genduari e menahang nge dingen labo ndekah, janah ulihna eme kemulian si rasa lalap si la terturiken beratna ertimbangken kiniseran si menahang e. 4:18 Sabap kami labo natap kempak si teridah, tapi kempak si la teridah. Sabap si teridah kentisik nge ngenca; tapi kai si la teridah tetap seh rasa lalap.

TEMA           : ERTUANA ERGEGEHNA

TUJUN         :

• Gelah Moria: Nuriken kerna Paulus si tetap njaga kinitekenna amin gia lit perubahen i bas geluhna.
• La mobah kinitekenna i bas ngaloken perubahen jaman.

METODE PA : Sharing

Kata Penaruh.

Kitab 2 Korinti e me surat Paulus si peduaken man perpulungen Korinti. Paulus pernah nggeluh dingen erdalan ras rasul-rasul i je. Surat e itulisken guna njabap penungkunen-penungkunen si turah i bas perpulungen bage pe mereken pergegeh man perpulungen. Surat enda mereken gambaren hubungen pribadi Paulus ras perpulungen sabap enterem kalak si la ngakui ia selaku rasul tapi lit ka nge si mereken dukungen man bana. Isina ibenai alu toto pengataken bujur. Paulus erdame ras musuh-musuhna, iajukna perpulungen muat bagin nampati perpulungen si kote ras pedah-pedah si perpudina. Terkusus oratenta nuriken kerna perdamen Paulus ras dirina aminna mbue tantangen subuk kula ertuana bage pe perbeben si rehna i bas kalak si deban nari tapi tetap kal ia ergiah-giah ngelai.

Mpebageai Pengangken Kerna Ogen.

Pelayanen Paulus ku Korinti labo nukah, lit piga-piga anggota perpulungen si nerang Paulus alu mesangat, subuk i bas pengajarenna ras piga-piga tulisenna bage pe la ngakui kerna kerasulenna. Paulus icap erdalan alu pekulah-kulah, erbuni-buni ndalanken perbahenen si la payo. Lit oknum si mereken pengajaren guna ndatken keuntungen man dirina jine (bd. 2 Kor. 4:2). Si idalani Paulus labo kegeluhen si nukah kenca ia jadi kalak Kristen. Kesusahen ras kiniseran si idalanina la erbahanca ia ndele ras erlesek ate erkiteken lit prinsip geluh si nteguh i bas ia e me:

1. Mpelimbarui ukur teptep wari (ayat 17)

a.    Ngenanami kelemahen kula, reh dekahna reh tuana, gegeh urak, ingeten pe urak. Paulus nuriken maka kula reh lemahna tapi ukur teptep wari arus ipelimbarui i bas kerembaken ras Tuhan Jesus. Kula manusia reh tuana reh lemahna tapi pertendinna reh gegehna i bas Kristus ras erbuah meramis (bd. Mas. 92:13-16). Kula manusia biakna kentisik ngenca tapi pertendin biakna tetap seh rasa lalap.

b.    Kiniseran si genduara e menahang dingen labo ndekah ibandingken kemulian si rasa lalap si isikapken Tuhan man kalak si tek. Sada bagin kemulian e enggo lit, tapi kesempurnanna ialoken i bas paksa si reh. Kegeluhen kalak Kristen lit gerak maju (bertumbuh semakin dewasa), i je ia ngasup ngidah ras ngergai si biakna seh rasa lalap. Ukur Paulus ipelimbarui teptep wari, e maka iidahna kiniseran e alu positif.

2. Natap kempak si la teridah (ayat 18)

Kata “natap” (Indo. “memperhatikan”) ertina “mengarahkan pandangan.” Paulus mengarahkan pandangan kepada hal-hal yang kekal, bukan hal-hal yang bersifat sementara. Rasul Paulus mpetetap ukurna ras mabai geluhna labo ku bas materi ntah doni si teridah. Kai si teridah e me kesenangan doni, keuntungnen, duit ras sidebanna. Manusia doni ngayaki kesenangan doni, tapi selaku kalak Kristen la ibabai ku bas si teridah enda. Perayaken lanai terjeng kai si teridah tapi kebayaken ntah kemulian Dibata i bas Jesus Kristus. Si jadi perayaken geluhna e me Surga ras kemulian seh rasa lalap si nimal la i bas Kinirajan Surga. Enda me palas kiniteken: “Erkiniteken ertina tek nandangi kai si iarapken kita, tek kerna si la idah” (Heb. 11:1). Paulus ngasup ertahan i bas pembarken Berita Si Meriah erkiteken tek ia kerna kemulian si isikapken Tuhan belinen asangken kai si idahna i bas doni enda. Guna si e tetap ipelbelin pengarapen man Dibata.

Pengkenaina.

Tema : Ertuana Ergegehna, arah tema enda mabai kita ku bas piga-piga pelajaren:

1. Usia lanjut menam bali ras urakna erbage-bage kengasupen kula (penginget enggo urak, pengidah meriben, pemegi enggo kurang, sora enggo pero, nahe megati mesui, awak lanai meliar, ras sidebanna). Erkiteken umur enggo meganjang, kurang ilibatken kalak, lanai iakap meherga. Paksa si bage rupana ngkenai kerina kalak adi ibereken Tuhan umur si nggedang. Tapi lit perbedan i bas kalak si tek, i bas ngalaken kemerosoten kula, lit gegeh secara pertendin e me pusuh si terhubung ras Tuhan. Latihen pertendin, perukuren ipelimbarui tep-tep wari segelah tetap segar, ermeriah ukur ras erpengarapen man Tuhan. Kegeluhen kalak si tek melawan hukum alam alu ndidhken reh tuana reh gegehna. Reh tuana umur, reh meramisna buah kegeluhenna si banci isaksiken ras inanami kalak si deban.

2. Lit si ngatakenca jaman selalu berubah-ubah dan setiap jaman ada pahlawannya. Perubahan jaman lit i bas doni inganta tading. Perubahan e adi la si ikuti banci erbahanca kita ketadingen. Emaka ula lesek ate tapi tetaplah erlajar. Perubahan e jadi dalanta tetap setia nuriken kebenaren Kata Dibata. I bas persadan Moria, kita enda erbage-bage, lit si tubuh masa si nai, lit masa milenial, lit ka masa si nguda denga. I je kita irakut segelah ngasup ngaloken sada ras sidebanna, alu la nggejapken si nai ulin asa si genduara, entah si genduara majun asa si nai. Kita tetap sada tujun ipelimbarui guna kemulian Dibata. E maka tetap semangat ersada bas ngelai. Jaman banci berubah tapi kinitekenta tetap paguh.

Sharing:

1. Turiken kai si jadi gegeh Paulus i bas ngalaken erbage-bage kiniseran geluh selaku per-Berita Si Meriah!

2. Turiken pengalamennndu, payo nge ndia reh ganjangna umur, reh gegehna erkiniteken man Tuhan?

3. Turiken kai prinsip geluhnndu i bas ngaloken perubahan jaman!