MUJI DIBATA ARAH NGALOKEN TEMAN

SI MAN OGEN : Roma 15:7–13

15:7 Sebab itu terimalah satu akan yang lain, sama seperti Kristus juga telah menerima kita, untuk kemuliaan Allah. 15:8 Yang aku maksudkan ialah, bahwa oleh karena kebenaran Allah Kristus telah menjadi pelayan orang-orang bersunat untuk mengokohkan janji yang telah diberikan-Nya kepada nenek moyang kita, 15:9 dan untuk memungkinkan bangsa-bangsa, supaya mereka memuliakan Allah karena rahmat-Nya, seperti ada tertulis: "Sebab itu aku akan memuliakan Engkau di antara bangsa-bangsa dan menyanyikan mazmur bagi nama-Mu." 15:10 Dan selanjutnya: "Bersukacitalah, hai bangsa-bangsa, dengan umat-Nya." 15:11 Dan lagi: "Pujilah Tuhan, hai kamu semua bangsa-bangsa, dan biarlah segala suku bangsa memuji Dia." 15:12 Dan selanjutnya kata Yesaya: "Taruk dari pangkal Isai akan terbit, dan Ia akan bangkit untuk memerintah bangsa-bangsa, dan kepada-Nyalah bangsa-bangsa akan menaruh harapan." 15:13 Semoga Allah, sumber pengharapan, memenuhi kamu dengan segala sukacita dan damai sejahtera dalam iman kamu, supaya oleh kekuatan Roh Kudus kamu berlimpah-limpah dalam pengharapan.

15:7 Bagi Kristus nggo ngaloken kam, kam pe alokenlah temanndu sapih-sapih kam gelah terpuji Dibata. 15:8 Sabap kukataken man bandu maka Kristus nggo erdahin guna kalak Jahudi lako encidahken maka Dibata setia i bas nehken PadanNa man nininta nai. 15:9 Janah gelah kalak si labo Jahudi pe banci muji Dibata erdandanken perkuah AteNa. Bagi lit tersurat i bas Pustaka Si Badia, "Emaka kukataken bujur man BaNdu, i tengah-tengah bangsa-bangsa si deban, rende me aku muji GelarNdu." 15:10 Tole nina, "O kam kalak si labo Jahudi, meriahlah atendu ras bangsa pilihen Dibata." 15:11 Lit ka pe tole tersurat, "Pujilah Tuhan o kam kerina kalak si labo Jahudi; pujilah Ia o kerina bangsa." 15:12 Bage pe nina Nabi Jesaya, "Turah me tunas i bas urat Isai nari, keke me Ia pagi guna merentah kalak si labo Jahudi, janah man BaNa me kalak si labo Jahudi e erpengarapen." 15:13 Dibata sumbul pengarapen, Ialah ndemi kam alu keriahen ras kemalemen ate, erpalasken kinitekenndu man BaNa, gelah erkiteken gegeh Kesah Si Badia reh tambahna pengarapenndu man BaNa.

TEMA : MUJI DIBATA ARAH NGALOKEN TEMAN
TUJUAN :
• Ngidah pengajuk Paulus gelah perpulungen ngasup ngaloken teman si pelain-lain.
• Ngaloken Perbedaan si lit i bas Moria.

METODE PA : Meditasi

Persikapen.
1. Pengurus Moria nikapken lilin, salib, pemusik, song leader ras sekalak pemimpin ibadah (iarapken: pendeta, vicaris, detaser entah pertua/diaken). Kebaktin enda alun mengalir. J (Ngawan perpulungen), SL (Song Leader)
2. Kerina Moria nikapken Pustaka Si Badia, KEE. Salib si itamaken i tengah entah i lebe-lebe Moria. Kundul alu posisi tegak (la sidabangen) diban asa bancina atur jarak ula si degesen sada sipeban.
3. Lagu-lagu i bas PA enda enggo ipelajari sope denga ilakoken meditasi.

P : Senina Moria paksa enda si bengeti me kebaktin meditasi nta. Kebaktin meditasi mabai kita ngidah, ngejapken ras megiken sora Tuhan. Si peteneng dage dirinta, si tarik kesehatan alu mbages si pedarat alu manjar-anjar (ilakoken 3 x).
Kita enda anak-anak Dibata, bagi orangtua erkeleng ate ndangi anak-anakna si enterem bage me pengkelengi Dibata kegeluhenta. Keleng kal ateNa kita, seh kelengna. Arah kekelengenNa e ipersadana kita guna muji dingen pemuliaken gelarNa, e maka kerina anak-anak Dibata si pujilah IA….
Marilah alu enden-endenta si kataken: Kerina Anak Tuhan pujilah IA (KEE 359) iulihi 3 x

J : Kerina anak Tuhan Pujilah IA
Kerina anak Tuhan pujilah gelarNa
Kerina bangsa-bangsa pujilah IA
Kerina bangsa-bangsa pujilah gelarNa

P : Kentisik kita nulihi ku kegeluhenta si ndube, si bayangken dage uga kecibal geluhta sedekah enda. Kai-kai saja enggo ilakoken Dibata man banta?
(Ibereken paksa teneng 2 menit ngukurken kerna perbanahen Dibata, iiringin musik alu manjar-anjar).

P : Dibata namaken kita ku bas sada jabu, lit deba jabu si meriah, kuh, sembahpu, janah lit ka nge deba kita bas jabu si la kuh, den perbeben, la singankan ras sidebanna. Bas ndalani kegeluhen perban kita isakiti, irawai, la idiate entah la iergaken, si erbahanaca ceda kal ateta, tangis dingen melino kal siakap. Sisada kal siakap kita, la lit si meteh isi pusuh ta, sada pe lang.
(Musik manjar-anjar KEE 76)

P : Ngeranai me bas pusuh, “bagem ari.. la kal kap aku sangap, terjeng bagenda kap kecibal geluhku, labo lit si nampati…..e maka la banci lang kekelah, piherlah tendingku, geluh enda mesera. Kekekenlah kataken man doni enda maka kam banci erjuang si sada amina la lit si nampatisa…”
“Ranan enda isusun bas pusuh si mbagesna, wari ku wari, bulan ku bulan seh tahun ku tahun. Enggo tande tahunna lalap e igelem. Genduari kam enggo megegeh, ya megegeh. Alu la isadari ranan si ndube erbahanaca turah biak fokus man dirinta saja, uga segelah aku ngasup, uga segelah aku megegeh, uga segelah aku jore bage me lalap bas pusuh, dungna lupa natap kempak kalak si deban. Kalak si deban terjeng pelengkap, man kalak si seri ras kita meriah si akap, tapi si la seri ras kita minter si akap imbanta, lawanta. Melala si kurang bas ia, la teraloken kita ia, sabab ia petembil ras kita. Ninta “aku ya aku, kam ya kam, la kucampuri urusendu, ula campuri urusanku.” Enggo mbuesa kecewa, sakit seh maka enggo bias lanai teraloken.

P : Genduari tataplah persilang Jesus e, e me curmin man banta. Ercurminlah… ercurminlah bas persilang Jesus e. Kai si idahndu i je. Pusuhndu si ndube seh erlayasna, seh jilena, tapi erikiteken kecibal geluhndu genduari kai si idahndu? Merawa? Nembah ate? Elem-elem? Cian? Ngukurken dirindu saja? lit denga nge rupa Jesus e bas rupandu e? entah enggo sambar? Enggo ceda? Enggo meluat?

SL : Manjar-anjar ngendeken KEE 76:2 (iulih-iulihi)
Ku ukuri me lagungku, dosa nari k’rina pe
Nggo terbuang wari-wari, la kupergunakan pe

P : Marilah i lebe-lebe persilang Jesus e si kataken ku ukuri kerina lagu langkahku, enggo melala dosa sinikubahan Tuhan, janah ta ngendeken lagu enda…

J : Ngendeken KEE 76:2 (iulih-iulihi)
Ku ukuri me lagungku, dosa nari k’rina pe
Nggo terbuang wari-wari, la kupergunakan pe

P : Paulus nuriken man Perpulungen Roma maka geluhta enda pelain-lain subuk suku, kebiasan ras perukuren. Beda suku Jahudi, beda suku la Jahudi. Dibata e setia nehi padanNa, ibabaina kerina kalak guna ngaloken keselamatan man kalak Jahudi bage pe kalak si labo Jahudi kerina iatanken arah kiniteken kap. Jesus e usihenta, IA Dibata, la diriNa saja ngenca iukurNa, isampatiNa manusia e alu reh njumpai dirinta. IalokenNa kita aminna uga gia kecibalta. Salu darehNa e iburihini pusuh ta seh melikas mulihi. Lanai inget-ingetNa si lepak ndube, keleng kal ateNa kam, seh kal ateNa kelengna. Genduari isuruhNa me kam ngalakoken bagi si ilakokenNa e. Itamakenna kam ku bas jabundu, ku bas sekotrndu, runggunndu rikut ras ingandu tading, sabab sūra-sūraNa kam ncidahken rupaNa e, salah ingan. I bas ingan e nari ate Tuhan ncidahken kekelengenNa kap. Bayangken dage rupa perbulangen, anak, nande-bapa, senina turang, cimbang-berundu ras teman-temanndu sideban. Tatap dage ia, pediatlah Jesus nambari pusuhndu si luka, matandu si ngidah kinilualin si ndube, rikut ras cupingndu si megiken ranan si meser ndube.

J : Ngendeken KEE 360 (Iulihi 3x)
I bas Tuhan aku megegeh, Tuhan me ku pujiken
Tuhan me jadi gegehku, i bas IA lit kesenangan
I bas IA lit kesenangan

P : Menahang dingen senang kap adi ras Jesus, sabab isalihkanNa me kerina si mberat jadi menahang, si melket jadi bersih dingen si luka jadi madan. Genduari alu pusuh, mata, cuping ras perukuren si mbaruu, aloken dage temanndu e. Meriahkan ateNdu ras-ras muji dingen pemuliaken gelarNa. Radu raslah kam ngelai. Lit nge i bas dirina si kurang, tapi kam kap suruh Dibata erbahanaca ia serta, bage pe bas dirindu lit kap si kurang, la ia ipake Dibata gelah kam serta. Seri kal kelengna ate Dibata man banta. Alokelhen temanndu e, tataplah rupa Dibata si lit bas ia e janah ersadalah. I bas kiniansardandu e isertaken Dibata me: Si ajar-ajaran, si tumpak-tumpaken. IberekenNa gehan bandu, em pe indilah segelah ideminiu pusuhNdu alu pengarapen si maba kemalematen ate.

SL : Rende:

Mengasihi mengasihi lebih sungguh
Mengasihi mengasihi lebih sungguh
Tuhan lebih dulu mengasihi kepadaku
Mengasihi mengasihi lebih sungguh

P : Dahilah temanndu e, kataken “meriah kal ukruku adi ras kam muji dingen ngelai Dibata” kenca si e totokenlah ia.
(tep-tep Moria ndahi senina Moria erbelas ras ertoto petala-tala)

P : Kenca kita erbelas, si kataken dage arah ende-endenta, Adi Ras Jesus Malem Pusuh ta Dame Ukurta

J : Ngendeken KEE 425 :1–2 “Adi Ras Jesus”

Adi ras Jesus malem naring pusuh ta
Iperdiatekenna me kita ban kelengNa
Amin gia jumpa erbaga percuban
La kap itadingkenNa kita isampatiNa
Reff:
Malem me ate ta pe dat dame ras keriahen ukur
Bene me kebiaren tading me kegeluten
Mberat jadi menahan, pusuh pe jadi salang
Adi ras Jesus seh damena ukurta
IbereNa kepentarenNa idur kuasaNa
Ndauh me dage ukur ras ate ceda
Ukur mehuli turah ban sialoken kataNa. Reff...

P : Sisihkan dage persembahan pengatakan bujurta arah rende KEE 209:4
Kerina datem pemere dat pasu-pasu pe
Mejingkat k’rina min dage ndahiken dahin e
Meteruk ukur k’rinalah em pedah Tuhan e
Em jadi man ikutentha i bas kelengNa e
Pertoton persembahan ras pertoton Tuhan

Pdt. Rosani Sembiring