Ngkelengi Dibata arah Pendahin

SI MAN OGEN        : Kolose 3:22-25

3:22 Hai hamba-hamba, taatilah tuanmu yang di dunia ini dalam segala hal, jangan hanya di hadapan mereka saja untuk menyenangkan mereka, melainkan dengan tulus hati karena takut akan Tuhan. 3:23 Apapun juga yang kamu perbuat, perbuatlah dengan segenap hatimu seperti untuk Tuhan dan bukan untuk manusia. 3:24 Kamu tahu, bahwa dari Tuhanlah kamu akan menerima bagian yang ditentukan bagimu sebagai upah. Kristus adalah tuan dan kamu hamba-Nya. 3:25 Barangsiapa berbuat kesalahan, ia akan menanggung kesalahannya itu, karena Tuhan tidak memandang orang.

3:22 O, kam budak-budak patuhlah man tuanndu i bas kai pe. Labo saja tupung ia i je tempa-tempa kam ndarami pujin i bas manusia nari saja; tapi bahanlah e alu ukurndu bulat, erkiteken kemalangenndu man Tuhan. 3:23 Kai pe si ibahanndu, dahikenlah e alu tutus, tempa-tempa kam erdahin guna Tuhan, labo guna manusia. 3:24 Ingetlah, i bas Tuhan nari kap upahndu. Ialokenndu me kai si nggo isikapken Tuhan man anak-AnakNa. Sabap Kristus nge Tuanndu si tuhu-tuhu, janah kam BudakNa. 3:25 Janah kalak si erbahan salah, ise pe jelmana iukum rikutken salahna, sabap kerina manusia la erndobah i lebe-lebe Dibata.

TEMA                     : Erdahin Guna Tuhan

TUJUN                    : Gelah Moria:

·       Nuriken palas ras tujun erdahin.

·       Ndahiken kerina pendahin sit tep-tep wari alu disiplin, Ia jungut-jungut, Ia erbanding-banding, bujur ras setia.

METODE PA           : Nonton Bareng/Aksi

Kata Penaruh

Kitap Kolose isuratken Rasul Paulus tupung ia ipenjara i Roma (+ tahun 55-56M). Kolose e me sada kota i Asia Kitik, arah Timur kota Efesus. Labo Paulus si majekken perpulungen e, tapi kenca ibegi Paulus lapuren arah Epapras maka perpulungen Kolose enggo ndabuh ku bas dosa, Paulus ertanggungjabap mpersingeti perpulungen kerna guru-guru perguak si nehken pengajaren si papak. Pengajaren guru perguak e, guna nandai Dibata i bas ndatken keselamaten si tuhu-tuhu maka teptep kalak arus nembah man kesah-kesah ras kuasa-kuasa si lit i awang-awang. Manusia arus patuh nandangi adat sunat ras adat-adat aturen si deban. Arah suratna, Paulus ngelawan pengakaren perguak e alu nehken pengajaren Kristus si payo maka keselamaten e lit i bas Jesus Kristus ngenca, pengajaren si debanna e mabai manusia gelah papak. Paulus ngajuk perpulungen Kolose gelah nggeluh i bas status si mbaru, teridah arah karakter ras prilaku arus ipelimbarui. Kebiasaan-kebiasaan si ndekah arus itadingken.

Mpebagesi Pengangkan Kerna Ogen

Kolose 3:22-25 nuriken kerna erbage-bage pedah man keluarga Kristen termasuk man budak. Paulus mpebengket budak jadi anggota jabu, bali ras bapa, nande bage pe anak-anak. Ituriken kerna relasi tuan ras budak. Tuan e me kalak si lit modalna, budak e me alat produksi guna ndatken keuntungen. Budak-budak i bas jaman Paulus iperlakuken cukup manusiawi erkiteken teptep tuan teriket ku bas hukum Roma. Lit nge budak si iangkat jadi singaturken rumah tangga tuanna, adi idatna kepercayan tuanna. Bage gia tetap saja perbudaken nuduhken litna ketimpangan sosial ras ketidakadilen. Rasul Paulus tempa-tempa naukung perbudaken, i ja budak isuruh patuh man tuanna i bas kai pe. Adi siperdiateken situasi perpulungen i Kolose, subuk tuan ntah budak ikataken Paulus i bas Kolose 1:2 "Man perpulungen i Kolose; e me senina-senina si tutus erkiniteken man Jesus Kristus.." Kerina lit hakna si seri i bas persadan kula ni Kristus. I bas persadan perpulungen enda lit si mereken pendahin ras si erdahin, duana golongen enda perlu palas kebenaren si seri uga kerna nggeluh sisampat-sampaten. Perlu ibereken pengangkan erti erdahin i bas Kristus ras uga Kristus hadir arah dahin siidahiken. Pedah Paulus : Baik "pekerja" maupun "pemberi kerja" menempatkan Kristus sebagai "Sang Pemberi Kerja."

1. Erdahin alu patuh man tuan (ay. 22)

Rasul Paulus ngerana kerna hubungen si harmonis antara budak ras tuan. Ndahiken dahin alu meteruk ukur e me ciri kegeluhen kalak si malang man Tuhan. I bas jaman Paulus, budak-budak iperentahken segelah patuh man tuanna i bas kai pe. Patuh e me perbahanen si mulia si ilakoken sekalak budak, belinen asangken pemeteh ntah gelar pendidiken si enggo idatkenna. Kepatuhen si bage rupana idatken arah penandai kerna Jesus Kristus si enggo mpelimbarui geluhna (erkemalangen man Tuhan).

2. Erdahin Alu Tutus Bagi Man Tuhan (ay. 23-25)

Si erdahin si mehuli e me ndahiken dahinna alu pusuh. Iberekenna kwalitas si mehulina i bas pendahinna. Idahikenna dahin labo guna mpesenangken ukur tuanna tapi guna mpesenangken ukur Tuhan si mada dahin. Sabap Tuhan si mereken dahin e masu-masu ia ras mabai ia ndungisa. Erdahin alu tutus ertina ndahiken dahin alu pusuh, setia ras ngergaken pendahin si kitik si ibereken man bana.

Pengkenaina

Lit 4 pendapat kerna erti erdahin :

a)    Erdahin guna ndatken duit (la masalah kai pe pendahinna gelah ndatken duit, haram ntah halal).

b)    Erdahin guna ndatken kesempaten ngelai kalak si deban e maka idahikenna alu tutus.

c)    Erdahin jadi sarana ngembangken minat i i bas sada bidang.

d)    Erdahin guna ndatken status sosial.

Adi erdahin inen arah sisi materi, banci mpeturah cedan ate, kote, la tutus, ras sidebanna, adi la seh bagi siiukuri kita e. Sebalikna adii siukuri maka kerina si idahiken kita e bukti erkemalangen man Dibata, sidahiken me alu tutus ras ertanggungjabap uga gia ulihna secara doni. Johanes 5:17 "Tapi niNa Jesus man kalak Jahudi e, "Bapangku erdahin kap lalap; e maka Aku pe arus erdahin." Nina Martin Luther : "Jika saya tahun besok adalah hari kiamat, maka malam ini saya akan menanam pohon pisang." Ertina : seh detik terakhir i bas waktuna, iukurina denga kai si erguna ilakokenna i bas geluhna. Tuhan si ermulia.

Diskusi

1.    Kai pengajaren si mehuli datndu arah video enda?

2.    Aksi : dahikenlah kerina dahin alu tutus

Nonton Bareng : "Jangan Pernah Mengeluh"

https://youtu.be/97xZbxrmHhs?si=PIrF4eJTPTa9ZYjg

Pdt Lestari br Bukit