HUT MAMRE: Mamre Tangguh

SI MAN OGEN        : Kuan-kuanen 12:4-8

12:4 Isteri yang cakap adalah mahkota suaminya, tetapi yang membuat malu adalah seperti penyakit yang membusukkan tulang suaminya. 12:5 Rancangan orang benar adalah adil, tujuan orang fasik memperdaya. 12:6 Perkataan orang fasik menghadang darah, tetapi mulut orang jujur menyelamatkan orang. 12:7 Orang fasik dijatuhkan sehingga mereka tidak ada lagi, tetapi rumah orang benar berdiri tetap. 12:8 Setiap orang dipuji seimbang dengan akal budinya, tetapi orang yang serong hatinya, akan dihina.

12:4 Ndehara si mehuli, ia kap kemulian ras keriahen perbulangenna, tapi ndehara si njuruken bali kap ia ras penakit kangker. 12:5 Kalak bujur, perbahanenna pe bujur man kalak, tapi kalak jahat, nipu kalak ngenca sura-surana. 12:6 Ranan kalak jahat munuh me, tapi cakap kalak bujur ngkelini kap. 12:7 Kalak jahat tombang me, janah masap me kesusurenna, tapi kesusuren kalak bujur tetap kap lit. 12:8 Kalak si erpemeteh ipujiken me, tapi kalak motu iisakken pe.

TEMA                     : Kemuliaan Ras Keriahen Perbulangen

TUJUN                    : Gelah Moria:

·       Meteh kerna ndehara si mehuli dingen bujur.

·       Nuriken atena ngena man perbulangenna.

METODE PA           : Aksi

Kata Penaruh

Kuan-kuanen bhs. Indonesia Amsal, i bas istilah Ibrani mashal, ertina "ucapan" ntah pe "perkatan" kalak pentar, "perumpan" ntah pe kuan-kuanen "peribahasa berkhikmat." Kitab enda bas abad 10 SM enggo igubah janah kitab enda iperkiraken dung i bas masa pemerentahan Hizkia (700SM). Salomo e me raja sipeteluken i Israel si melalana menggubah Kuan-kuanen enda. I bas pemena masa pemerentahenna, ia melala ertoto man Dibata ras ijabap Dibata pemindonna. Amina pe dung si e, lit masana Raja Salomo la ngikutken kepentaren Dibata si enggo ialokenna. Tujun penulisan kitab enda e me mereken kepentaren ras pengertin kerna uga kin biak-biak kalak pentar, benar, adil ras jujur. Palasna e me "Erkemalangen man Dibata" (Kuan-kuanen 1:7).

Mpebagesi Pengangkan Kerna Ogen

Bahanta enda e me percakapen si dem alu keleng ate i bas bapa nari man anak jabuna bagi percakapen Dibata ras manusia. Bapa la terjeng mereken perentah, tapi pe mereken didiken si mehuli nandangi anak jabuna. Pengajaren si isehken arah ogenta enda e me perbandingen kerna kalak pentar ras kalak si la pentar (jahat)

Kalak si jahat enda megati la seh suara-surana, tondel kerina si iperlukenna, e maka megati la lit idahna keleng ate, bage pe pasu-pasu Tuhan bas geluhna. Tapi kalak si pentar e me kalak si simpar pasu-pasu Dibata i bas geluhna.

Pengkenaina

Lit kata-kata siibelasken Joubert dan Smith, "seorang istri dengan karakter yang cakap (terhormat) tidak mudah ditemukan, tetapi ketika dia ditemukan, dia lebih berharga daripada harta, karena dia memiliki semua kehormatan dan kekuatan untuk menjalankan kebijaksanaan yang lebih berharga daripada permata." Em gambaren kalak pentar. E maka i bas ulang tahun Mamre GBKP si pe 30 tahunken, moria si pentar mereken hadiah simehulina man perbulangenna alu:

1.    La mbue nuntut perbulangen si banci mpeturah luka ras emosi.

Pekenana dirina ras kesehatenna (perawatan diri sendiri secara holistik), adil man ise pe, ras malem ate perbulangenna ras ia, erkiteken ndehara si pentar enda mereken motivasi, numpak-numpak perbulangenna seh ndatken ulih si mehuli.

1.    Tetap encidahken atena ngena nandangi perbulangenna.

Umpamana, mereken waktu siberkualitas, ras gawah-gawah, sentuhan fisik, mereken hadiah entah kejutan-kejutan sierbansa meriah ukurna, alu kata-kata romantis ntah pe pujin si tulus man perbulangen.

Ikawitken ku bas HUT Mamre GBKP enda, moria ndukung mamre guna berkarya, ndalanken program pelayanen Mamre GBKP alu pentar. Selamat ulang tahun Mamre GBKP.

Aksi

Pengurus Moria nikapken kertas origami alu erbage warna, janah I bagikan man Moria si hadir I bas PA.

Moria secara pribadi nulisken surat ate ngena ntah pe erban surat cinta nandangi perbulangen.

Secara organisasi, Moria Sektor entah Runggun erbahan video pendek alu ngataken selamat ulang tahun man Mamre GBKP si pe 30 tahunken “reh pentarna, reh hagana.”

Pdt Media Magdalena Br Karosekali