Mengasihi Allah dalam Keadaan Suka

SI MAN OGEN        : Lukas 17:11-19

Kesepuluh orang kusta

17:11 Dalam perjalanan-Nya ke Yerusalem Yesus menyusur perbatasan Samaria dan Galilea. 17:12 Ketika Ia memasuki suatu desa datanglah sepuluh orang kusta menemui Dia. Mereka tinggal berdiri agak jauh 17:13 dan berteriak: "Yesus, Guru, kasihanilah kami!" 17:14 Lalu Ia memandang mereka dan berkata: "Pergilah, perlihatkanlah dirimu kepada imam-imam." Dan sementara mereka di tengah jalan mereka menjadi tahir. 17:15 Seorang dari mereka, ketika melihat bahwa ia telah sembuh, kembali sambil memuliakan Allah dengan suara nyaring, 17:16 lalu tersungkur di depan kaki Yesus dan mengucap syukur kepada-Nya. Orang itu adalah seorang Samaria. 17:17 Lalu Yesus berkata: "Bukankah kesepuluh orang tadi semuanya telah menjadi tahir? Di manakah yang sembilan orang itu? 17:18 Tidak adakah di antara mereka yang kembali untuk memuliakan Allah selain dari pada orang asing ini?" 17:19 Lalu Ia berkata kepada orang itu: "Berdirilah dan pergilah, imanmu telah menyelamatkan engkau."

Ipepalem Jesus sepuluh kalak si gadamen

17:11 I bas perdalanen Jesus ku Jerusalem, mentas Ia arah perbatasen Samaria ras Galilea. 17:12 Asum bengket Ia ku bas sada kuta, reh sepuluh kalak gadamen njumpai Ia. Si sepuluh kalak enda tedis i dauh-dauh nari, 17:13 janah alu megang sora erlebuh ia nina, "O, Jesus! O, Tuhan! Mekuah min atendu kami." 17:14 Kenca idah Jesus kalak e nina, "To lawes, cidahken badanndu man imam." I tengah dalan nggo malem penakit kalak enda ndai. 17:15 Sekalak i bas si sepuluh kalak e, kenca idahna maka nggo mejelis kulana, mulihken, ia, ipujina Dibata alu sora megang. 17:16 Erjimpuh ia i lebe-lebe Jesus janah ikatakenna bujur. Kalak si mulihken enda e me kalak Samaria. 17:17 Emaka nina Jesus, "Ma sepuluh kalak kin si malem ndai? I ja siwah kalak nari? 17:18 Ngkai maka kalak si lain bangsa enda ngenca mulihken ngataken bujur man Dibata?" 17:19 Jenari nina Jesus man bana, "Kekeken to mulihken; kinitekenndu nggo erbahanca kam malem."

TEMA                     : Inget Ngataken Bujur

TUJUN                    : Gelah Moria:

·       Meteh ras nandai biak-biak kalak si enggo ngaloken perkuah ate Dibata.

·       Ngataken bujur i bas ngaloken perkuah ate Dibata alu ersembah ku rumah pertoton.

METODE PA           : BGA

Persikapen

1.    Teptep moria maba Pustaka Si Badia.

2.    Pasilitator entah si minpin PA niarapken si enggo pernah ngikuti kursus BGA.

3.    Pengurus moria nikapken kerta flipchart ras spidol man fasilitator.

Kata Perlebe

PA ta minggu enda niksiki kerna Jesus si mpepalem kalak si pinakiten, malem me pinakit e tapi la piga si mulihken ngataken bujur. Metode sinipake guna niksiki bahan enda e me metode BGA gendre narasi, e maka mehuli akap kami langsung si praktekken. (Ibereken kesempaten man kerina si er PA ngoge dua seh telu kali Lukas 17:11-19)

Kai Si ku Baca

1.    Ndarami tokoh ras setting i bas ogen

2.    Intraksi Tokoh-tokoh

Tarik garis tanda panah teptep tokoh sierinteraksi

Jesus

1 si gadamen

10 si gadamen

Pedah Tuhan man bangku (Pesan Tuhan KepadaKu)

Lit lima kelompok i bas bagin enda:

1.    Pelajaran/pengajaran : sesuatu yang baru

2.    Perintah/nasehat : yang harus dilakukan

3.    Peringatan/larangan : sebuah teguran

4.    Janji : sesuatu yang didapatkan

5.    Teladan : contoh untuk diikuti

Pesan Fasilitator

I bas kitab Lukas ituriken kerna kekelengen Jesus man sepuluh kalak si gadamen. Sanga Jesus i bas perdalanen ku Jerusalem mentas Ia arah Samaria ras Galilea. I bas perdalanenNa ku bas sada kuta reh sepuluh kalak si gadamen. Pinakit enda jenis pinakit kulit si igelari "kusta" i bas kitab Imamat 13-14, pinakit kulit enda erbahanca kalak lanai badia (najis). Kune kalak Jahudi sidegesen ras kalak si gadamen ikataken ia lanai badia, e maka arus ngelakoken upacara pembersihen. Sekalak si gadamen e iserapken i bas masyarakat, agama, ras budaya. Jadi, tekanen geluhna cukup mberat subuk psikis, sosial, ras kinitekenna. Ikataken ia kalak perdosa, pinakiten, ipeserap la banci erteman ras kalak sideban sope langa madan.

Sedekah enda enggo usur ibegina berita kerna Jesus si ngasup ngelakoken tanda sengget. Genduari alu matana jine iidah sepuluh kalak si gadamen e me Jesus. Sepuluhna ia ersura-sura njumpai Jesus, tapi sedar ia maka kulana gadamen, la banci jumpa ras kalak sideban. Erkiteken si e me maka dauh-dauh nari ilebuhna Jesus alu sora megang, alu pengarapen tertulih Jesus ngenehen kegeluhenna. Nina "O Jesus! O, Tuhan! Mekuah min atendu kami." Ibegi dingen lidah Jesus kalak gadamen e, langa pe madan isuruhna ia lawes ncidahken diri man imam erkiteken imam me sinetapkenca sekalak e madan entah langa i bas pinakit gadamen nari, seh maka banci ialoken jelma si enterem.

Alu patuh ibegiken ras idalanken kalak enda perentah Jesus e. I bas perdalanen igejapkenna maka melikas kulana; madan pinakitna. Tanda sengget jadi tupung kalak enda tek dingen ndalanken kai si perentahken Jesus. Kenca si sepuluh kalak e ngidah maka enggo melikas kulana, siwah kalak nerusken perdalanenna, tapi sekalak mulih kempak Jesus. Ipujina Dibata alu sora megang. Jumpa ras Jesus, erjimpuh ia ilebe-lebeNa, janah ikatakenna bujur. Ia e me kalak Samaria, kalak si sedekah enda labo masuk beligan dingen meluat i bas mata kalak Jahudi.

Jesus nungkun me sepuluh kin kalak enda ndube si sakit, engkai maka sekalak ngenca mulihken? Mulihken, antusenna ngataken bujur. Kalak singataken bujur e me kalak si lain bangsa tapi tek ia man Jesus ras kuasaNa si erbanhansa ia madan, lit pengakunna maka Jesus e Imam e maka tuduhkenna dirina man Jesus. Alu meteruk ukur erjimpuh ia i lebe-lebe Jesus.

Ngidah kiniteken kalak Samaria, ipetetap Jesus ukurna alu ngataken kinitekenndu erbahanca kam madan. Jesus ngidah kiniteken, janah kiniteken e jadi asam guna ngejapken kekelengen Dibata. Enggo madan, enggo mulihi ialoken si enterem. Jesus mpepalem si gadamen e la terjeng kulana, tapi sosial budaya pe, erkiteken mulihi ia teraloken kalak si enterem. Fisik ras psikis enggo itambari, me oratna kel ngataken bujur man Dibata.

I tengah-tengah kegeluhenta, siakui maka bas kegeluhen enda kita la terlepas arah penampat. Melala nge enggo sinampati segedang-gedang geluhta. Gejapken dingen kirai penampat e. Lanai terbeligai uga belinna si enggo si aloken. Dibata nehken penampat e arah erbage cara subuk arah kataNa si erbahansa kita sehat perukuren, arah teman, perbulangen, orangtua, sangkep geluh. Mau kalak si la bagi ukurta pe banci ipake Dibata guna nampati kita gelah geluh metenget, mediate ras reh pentarna.

Kerina penampat sinialoken e arusna mabai kita ngasup ngataken bujur man Dibata. Dahilah Ia alu dem kiniteruken ukur. Cidahken kinitekenta arah tutus reh ku perpulungen (PA, PJJ, Perminggun ras kegiaten sidebanna). Nandangi kalak si enggo nampati kita pe ula lupaken.

Responku

Arah pesan si enggo idatken, itindaklanjuti ku bas respon. Respon enda arus konkrit, jelas, terukur ras banci inanami (dapat dinikmati).

Pdt. Rosani br Sembiring