Bahan PJJ 09 – 15 Agustus 2026

TUHAN NIKAPKENCA

Kejadin 22:1-14

Kejadian 22:1–14

Kepercayaan Abraham diuji

22:1 Setelah semuanya itu Allah mencoba Abraham. Ia berfirman kepadanya: “Abraham,” lalu sahutnya: “Ya, Tuhan.”
22:2 Firman-Nya: “Ambillah anakmu yang tunggal itu, yang engkau kasihi, yakni Ishak, pergilah ke tanah Moria dan persembahkanlah dia di sana sebagai korban bakaran pada salah satu gunung yang akan Kukatakan kepadamu.”
22:3 Keesokan harinya pagi-pagi bangunlah Abraham, ia memasang pelana keledainya dan memanggil dua orang bujangnya beserta Ishak, anaknya; ia membelah juga kayu untuk korban bakaran itu, lalu berangkatlah ia dan pergi ke tempat yang dikatakan Allah kepadanya.
22:4 Ketika pada hari ketiga Abraham melayangkan pandangnya, kelihatanlah kepadanya tempat itu dari jauh.
22:5 Kata Abraham kepada kedua bujangnya itu: “Tinggallah kamu di sini dengan keledai ini; aku beserta anak ini akan pergi ke sana; kami akan sembahyang, sesudah itu kami kembali kepadamu.”
22:6 Lalu Abraham mengambil kayu untuk korban bakaran itu dan memikulkannya ke atas bahu Ishak, anaknya, sedang di tangannya dibawanya api dan pisau. Demikianlah keduanya berjalan bersama-sama.
22:7 Lalu berkatalah Ishak kepada Abraham, ayahnya: “Bapa.” Sahut Abraham: “Ya, anakku.” Bertanyalah ia: “Di sini sudah ada api dan kayu, tetapi di manakah anak domba untuk korban bakaran itu?”
22:8 Sahut Abraham: “Allah yang akan menyediakan anak domba untuk korban bakaran bagi-Nya, anakku.” Demikianlah keduanya berjalan bersama-sama.
22:9 Sampailah mereka ke tempat yang dikatakan Allah kepadanya. Lalu Abraham mendirikan mezbah di situ, disusunnyalah kayu, diikatnya Ishak, anaknya itu, dan diletakkannya di mezbah itu, di atas kayu api.
22:10 Sesudah itu Abraham mengulurkan tangannya, lalu mengambil pisau untuk menyembelih anaknya.
22:11 Tetapi berserulah Malaikat TUHAN dari langit kepadanya: “Abraham, Abraham.” Sahutnya: “Ya, Tuhan.”
22:12 Lalu Ia berfirman: “Jangan bunuh anak itu dan jangan kauapa-apakan dia, sebab telah Kuketahui sekarang, bahwa engkau takut akan Allah, dan engkau tidak segan-segan untuk menyerahkan anakmu yang tunggal kepada-Ku.”
22:13 Lalu Abraham menoleh dan melihat seekor domba jantan di belakangnya, yang tanduknya tersangkut dalam belukar. Abraham mengambil domba itu, lalu mengorbankannya sebagai korban bakaran pengganti anaknya.
22:14 Dan Abraham menamai tempat itu: “TUHAN menyediakan”; sebab itu sampai sekarang dikatakan orang: “Di atas gunung TUHAN, akan disediakan.”

Kejadin 22:1-14

Iperentahken Dibata Abraham mpersembahken Isak

22:1 I bas sada paksa kenca enggo lepas kejadin enda ndai kerina, iuji Dibata me Abraham. Erlebuh Dibata man Abraham nina, “O Abraham!” Ngaloi Abraham, “Enda aku TUHAN.” 

22:2 “Buat anakndu,” nina Dibata, “Anakndu si tonggal Isak si seh kal atendu kelengna, jenari laweslah ku taneh Moria. I jah i das sada deleng si Kutuduhken bandu kari, persembahken ia jadi sada persembahen gelehen man bangku.” 

22:3 Pepagina lampas erpagi-pagi itakai Abraham kayu man ranting persembahen e, itamakenna ku gurung keledena, jenari ibabana Isak ras dua kalak suruh-suruhenna. Berkat me kalak enda ku ingan si enggo ikataken Dibata man bana.
22:4 I bas wari peteluken enggo iidah Abraham ingan e, aminna gia ndauh denga.
22:5 Jenari nina man suruh-suruhenna, “Timai kena i jenda ras kelede e. Aku ras anakku lawes ku jah ersembah, kenca bage mulih ka kami kari.”

22:6 Isuruh Abraham si Isak maba ranting e, janah ia jine maba piso ras rara api. Asum ia erdalan duana,
22:7 nina Isak, “Bapa!” Ngaloi Abraham, “Kai anakku?” Nungkun Isak, “Rara api ras ranting lit, tapi i ja kin biri-biri si man persembahenken e?”

22:8 Ijabap Abraham nina, “Dibata kari nikapkenca.” Jenari iteruskenna ka perdalanenna duana.

22:9 Kenca enggo seh i bas ingan si ikataken Dibata bana, ipajekken Abraham sada batar-batar man ingan persembahen tutungen, kenca bage isusunna ranting i babona. Iiketna anakna, jenari iamparkenna i datas batar-batar ingan persembahen e, i babo ranting ndai. 
22:10 Kenca bage, ibuatna pisona munuh anakna atena.

22:11 Tapi ilebuh malekat TUHAN ia i langit nari, “O Abraham, Abraham!” Ngaloi ia, “Kai, enda aku.”

22:12 “Ola bunuh anak e, ola ugapa pe ban ia,” nina malekat ndai. “Enggo kueteh mbiar kam man Dibata, e maka anakndu si tonggal e pe la kam ertahan merekenca bangKu.”

22:13 Ipernehen Abraham kelewet, jenari arah pudina iidahna sada bajar biri-biri sangkut tandukna i bas waren. Ibuatna biri-biri e, e maka ipersembahkenna jadi persembahen tutungen man TUHAN ganti anakna.
22:14 Igelari Abraham ingan ndai: “TUHAN nikapkenca”. Seh asa genduari pe ningkalak: “TUHAN nikapkenca idas delengNa”.

(Mengenal Tuhan Melalui Hubungan Pribadi Dengan Tuhan)

MODEL PJJ: KESAKSIN

KATA PERLEBE

I bas Pustaka Si Badia banci si idah uga rencana Tuhan tuhu- tuhu mehuli man krinana manusia tinepaNa. Doni ras isina rikut ras manusia si itepa Tuhan krinana mehuli, e maka itatap Tuhan si itepaNa e mehuli krinana ras Tuhan nuruh manusia guna njagai, ngusahai ras mpekena-kena doni si i tepaNa. I bas Pustaka Si Badia pe si idah maka Tuhan ertanggungjawab guna nikapken krinana keperlun si i tepaNa e. Arah perdalanen Manusia i bas doni si i tepa Dibata maka kepatuhen man Tuhan i utamaken. Arah kepatuhen manusia man Tuhan icidahken arah njagai doni, arah kepatuhen manusia man Tuhan maka manusia e ngaloken pasu-pasu, arah kepatuhen manusia man Tuhan maka manusia e jadi pemimpin doni, ras arah kepatuhen man Tuhan epe teridah arah ngikutken ras ndalanken kataNa, bagi Abraham i bas bahan perpulungen jabu-jabunta i bas wari si sendah kepatuhen man Tuhan maka ialokenna pasu-pasu si luar biasa i bas tengah-tengah kegeluhenna.

ISI

I bas sada paksa erlebuh Tuhan man Abraham, arah Tuhan erlebuh man Abraham, Tuhan mereken perentah man Abraham. Perentah/ujin man Abraham eme kerna kesetian, apai nge si Ikutken Abraham, setia nandangi pendilo Tuhan ntah kelengen ate Abraham anakna si nggo dekah itima-timaina? Arah ujin enda Abraham patuh man Tuhan. E maka nina Tuhan lawes kam ku taneh Moria lako mpersembahken persembahen man bangku. Arah perentah Tuhan man Abraham enda, banci si idah Abraham nggo tetap ukurna ngelakoken kai si iperintahken Tuhan man bana. Erpagi-pagi berkat ia ku uruk si isuruh Tuhan lako maba anakna Isak ras suruh-suruhenna berkat ngelakoken kai si suruh Tuhan. Abraham tek man perentah Tuhan ras Abraham erlajar arah pengalamen geluhna mulai kin idilo Abraham i kutana nari, uga Tuhan ngarak-ngarak ia i bas perdalenen, uga Tuhan erpadan man Abraham segelahna kesusurenna pepagi bagi pasir i tepi lawit Buena. Janah si e kerinana igejapken Abraham maka Tuhan tetap masu-masu ia, nampati ia, ngkawali ia amin gia situasi paksa e la denga iangkaina kai rencana Tuhan arah kai si iperentahken Tuhan e. Amin bage gia tetap kal ukur Abraham arah kai ka si ikataken Tuhan man bana, amin gia sekali seh kal beratna erkiteken anak si nggo dekah itima-timai ras e ka ipindo Tuhan jadi persembahen man Tuhan.

Kenca nggo ndeher ingan guna mpersembahken persembahen tutungen e, Abraham ngataken man suruh- suruhenna e guna nimai i teruh ras ia saja si nangkih ku deleng ras Isak (ayat 5), Abraham maba piso ras rara api, isak maba ranting. I bas perdalanen e nungkun Isak man bapana Abraham, rara api ras ranting lit, tapi ija kin biri-biri si man persembahen e? Ijabab Abraham nina, Dibata kari nikapkenca (ayat 8). Kenca seh i uruk e Abraham mpesikap kerina peralaten ras batar-batar guna ingan persembahen tutungen, isusunna ranting ras iiketna anakna ibabo ranting e (isak pe lalit melawan ras menolak kai si ilakoken bapana e). Kenca bage ibuat bapana piso guna munuh anakna e, tapi erlebuh malekat Tuhan : “O Abraham” Jabab Abraham “kai, enda aku”, “Ola bunuh anakndu ola uga pe ban ia, nggo kueteh kam mbiar man Tuhan e maka anakndu si tonggal pe la kam ertahan merekenca man bangKu”. Payo kai nina Abraham man anakna Isak Tuhan Nikapkenca, ipernehen Abraham ku sekelewet lit ije sada bajar biri-biri. Janah bajar biri-biri jadina ipersembahken jadi persembahen tutungen man Tuhan ganti anakna. Ibahan Abraham ingan enda: “Tuhan nikapkenca. Seh asa genduari pe ningkalak: Tuhan nikapkenca idas delengNa” (ay. 14).

PENGKENAINA

Abraham si igelari bapa kalak si erkiniteken encidahken uga kin sosok sekalak si erkiniteken ras patuh man pendilo Tuhan arah ngikutken pendilo Tuhan, amin gia pendilo Tuhan lenga ieteh ras lenga jelas kal man bana. Abraham taat i bas pendilo Tuhan amin gia pendilo e seh kal beratna, misalna nadingken orangtua, keluarga, ras kuta bahkan i bas perdalanen pendilo Tuhan e, seh kal buena pengujin si ialaken Abraham. Pengujin e krinana banci ibentasina erkiteken Abraham tek maka Tuhan tetap nemani, njagai, ngarak-ngarak ia i bas perdalanen kegeluhenna, erkiteken ia tetap njemak padan Tuhan i bas perdalanen kegeluhenna si ipadanken. Abraham encikep padan Tuhan i pasu-pasuNa kalak si masu-masu ia janah sumpahiNa kalak si numpahi ia, kesusuren Abraham enterem bagi kersik ibabo lawit ras Abraham ikataken bapa kalak si erkiniteken. Abraham encidahken keteladanenna arah kesabarenna guna ngaloken pasu-pasu, janji Tuhan man jabuna, Abraham ncidahken keteladanen uga erDibata ras kepemimpinen guna membangun hubungen simehuli subuk ras keluarga bage pe masyarakat sekelewetna.

Selaku kita ikataken kalak si erkiniteken, uga nge pengalamen kerna Tuhan nikapkenca bagi si ikataken Abraham man anakna Isak tupung ia nehken persembahen man Dibata? Bage pe uga penandaita kerna Dibata si sembah kita e? Adi mbages ras payo penandainta kerna Dibata turah me tetap ukur i bas ngalaken kai-kai pe i bas kegeluhenta. Arah kita setia i bas padan si bereken Tuhan ku tengah-tengah kegeluhenta maka epe nggo jadi sada bukti maka kita nandai Dibata si sembah kita e. Janah i bas perdalanen kegeluhen amin gia melala pengujin si ialaken, subuk perbeben ekonomi, jabu, keluarga tapi arah ketaatan man Tuhan maka ugapa pe pang kita ngatakenca “Tuhan nikapkenca” kerinana keperlun geluhku, isampatina aku, iarak-arakna aku ras labo ipediatna aku erdalan sisada. E maka i bas perdalanen kegeluhenta tek kita maka kai pe si lit i bas kita e bekas pemasu-masun Dibata, e maka lanai bo aru ateta ras mbiar kerna keperlun geluhta ras kita pe tetap ukurta mereken simehuli i bas kegeluhenta i bas dahin-dahin pelayanen.

DISKUSI :

1. Turiken pengejapenndu engkai maka Abraham tetap ukurna guna ngikutken perentah Dibata.
2. Adi i gambarken alu sada kata, kai ngge makna Dibata ibas geluhta arah pengalamen pribadinta ras IA.

USULEN ENDE-ENDEN:

1. KEE GBKP 221: 1-2 Pesikaplah Ukurta
2. KEE GBKP 16: 1-2 Ibas Kam Tuhan Nari
3. KEE GBKP 343: 1-3 Pasu-pasu bas Tuhan nari
4. KEE GBKP 290: 1-3 Labo erkiteken beluhku