Tanggal 26 Oktober – 01 Nopember 2025

NAMPATI SURUH-SURUHEN TUHAN

Pilipi 4:14-20

4:14 Tapi mehuli kal perbahanenndu nampati aku, asum aku i bas kiniseran.

4:15 Kam o kalak Pilipi, ietehndu kal kap maka asum kutadingken Makedoni, asum tangtangna kuberitaken Berita Si Mehuli kam ngenca perpulungen si nampati aku. Kam ngenca ikut ngenanami untung bage pe rugingku.

4:16 Asum perlu aku penampat i Tesalonika la sekali ngenca ikiremkenndu penampat.

4:17 Labo saja ateku ngaloken pemere-pemere e, tapi si kuarapken eme ngidah perkiran untungndu itambahi.

4:18 Enda dage tandana i bas aku nari maka nggo kualoken kerina si nggo iberekenndu man bangku. Janah lebih pe asa si kuperluken. Genduari nggo cukup kerina keperlunku, eme kenca ibaba Epaproditus kerina pemere-pemerendu. Pemere-pemerendu e jadi sada persembahen si merim man Dibata, persembahen si IalokenNa dingen si ngena AteNa.

4:19 Dibatangku si simpar alu kebayaken si lit i bas Kristus Jesus mereken kerina keperlunndu.

4:20 Terpujilah Dibata Bapanta seh rasa lalap! Amin.

Filipi 4:14-20

4:14 Namun baik juga perbuatanmu, bahwa kamu telah mengambil bagian dalam kesusahanku.

4:15 Kamu sendiri tahu juga, hai orang-orang Filipi; pada waktu aku baru mulai mengabarkan Injil, ketika aku berangkat dari Makedonia, tidak ada satu jemaat pun yang mengadakan perhitungan hutang dan piutang dengan aku selain dari pada kamu.

4:16 Karena di Tesalonika pun kamu telah satu dua kali mengirimkan bantuan kepadaku.

4:17 Tetapi yang kuutamakan bukanlah pemberian itu, melainkan buahnya, yang makin memperbesar keuntunganmu.

4:18 Kini aku telah menerima semua yang perlu dari padamu, malahan lebih dari pada itu. Aku berkelimpahan, karena aku telah menerima kirimanmu dari Epafroditus, suatu persembahan yang harum, suatu korban yang disukai dan yang berkenan kepada Allah.

4:19 Allahku akan memenuhi segala keperluanmu menurut kekayaan dan kemuliaan-Nya dalam Kristus Yesus.

4:20 Dimuliakanlah Allah dan Bapa kita selama-lamanya! Amin.

MODEL PJJ: PARTISIPATIE 

KATA PERLEBE: 

Salah sada curak bas kegeluhenta manusia e me nggeluh sisampat-sampaten. Lit paksana kita nampati janah pe lit ka paksana kita isampati. I bas gerejanta GBKP, lit igelari serayan Tuhan ntah pe “Pelayan Khusus” (Pandita-Pertua-Diaken) bagepe lit ka Pengurus-pengurus (Pengurus Kategorial, Pengurus PJJ, ras sidebanna.) ras tentuna lit anggota perpulungen. Janah kerinana nge enda, la banci lang, arus sisampat-sampaten i tengah-tengah perpulungen/gereja gelah banci mehuli, megegeh, dingen maksimal perdalinen pelayanen. Secara khusus, i bas Perpulungen Jabu-Jabunta paksa enda, tole erlajar kita arah kata Dibata lako ndukung pelayanen Pengurus PJJ alu tema “Nampati suruh-suruhen Tuhan”. 

ISI: 

Bahan ogenta nuriken kerna kesaksin rasul Paulus si tuhutuhu nggejapken dukungen i bas perpulungen Pilipi nari i bas ia pembarken Berita Si Meriah. I bas bagian pengujung surat si itulisken Paulus bas penjara nari man perpulungen Pilipi e, ituriken Paulus gambaren dukungan perpulungan e man bana, e me: 

- Mehuli kal perbahanen perpulungan e nampati Paulus, asum ia i bas kiniseran (ay. 14). 

- Asum Paulus nadingken Makedoni, tupung tangtangna ia meritaken Berita Si Meriah, perpulungan Pilipi e ngenca si nampati ia. Perpulungan e ngenca ikut ngenaamii untung bagege rugi sinanami Paulus (ay.15).

- Asum Paulus perlu penampat i Tesalonika, lebih asa sekali ikirimken perpulungan e penampat man Paulus (ay.16).

- Paulus enggo ngaloken kerina si enggo ibereken perpulungan e bahken lebih asa si iperlukenna pe. Enggo cukup kerina keperlun Paulus, e me kenca ibaba Epaproditus kerina pemere-pemere perpulungan e. Pemere-pemere e jadi sada persembaben si merim man Dibata, persembaben stalokenNa dingen si ngena ateNa (ay.18).

Kuga nge kira-kira maka banci jadi hubungen si bage rupana antara perpulungan Pilipi ras rasul Paulus, entah erkiteken terjeng faktor “rasa kemanusiaan”? Perpulungan Pilipi e erdiate dingen kepate man Paulus labo lit latar belakang untung ntah rugi secara materil, kepeken nggo untung kal jakapna ngaloken keselamaten i bas Jesus Kristus arah pelayanen rasul Paulus e. Pengatakan bujur perpulungan e man Tuhan nge situhuna si niemba perpulungan e nampati Paulus. Janah tentu i bas

si enda, meriah kal ukur Paulus, la saja kerna pemere-pemere perpulungan e tapi lebih asa e meriah kal akap Paulus ngidah pertumbuhen kiniteken perpulungan e si erbuah arah perbahanen keleng atena man Paulus. Enda me simaksudken Paulus i bas ay.17 “Labo saja ateku ngaloken pemere-pemere e, tapi siluarapkan e me ngidah perkiran untungndu itambahi.” Paulus la menilai pemere perpulungan e secara materil, melainken secara nilai sebage ‘buah’, e me bukti kekelengen ras pengatakan bujurna nandangi perkuah ate Tuhan. Terdauben, Paulus negasken maka pemere-pemere perpulungan e man Paulus jadi persembaben si merim man Dibata alu pengertin si ball bagi persembaben korban i bas tradisi Padan Si Ndekah. Ertina, perpulungan Pilipi e tuhu-tuhu nggo ncidahkan pengorbanenna man Tuhan alu nampati rasul Paulus bas ndahiken dahin Tuhan. Kegeluhen perpulungan Pilipi si bagenda rupana, mahan bana nambahi keriainen ukur i tengah-tengahna, si teridah ka pe arah pengarapen rasul Paulus gelah Dibata tetap ncukupken keperlun perpulungan e (ay. 19) janah i bas si e kerina gelar Tuhan saja si terpuji (ay. 20).

PENGKENAINA:

I bas gerejanta, la terjeng serayan Tuhan tapi Pengurus-pengurus gereja, termasuk pengurus Perpulungan jabu-jabu pe mbelin ngaruhna i bas ndahiken pelayanen selaku suruh-suruhen Tuhan. E maka, perlu kal dukungen man Pengurus PJJ arah kerina anggota perpulungan. Dukungenta perlebe teridah alu secara khusus notoken Pengurus PJJ, subuk secara pribadi/jabu bagepe i bas perpulungan/gereja (bas Pertoton Sapaat tupung kebaktin PJJ, kebaktin Minggu, Retreat PJJ, ras seterusna). Notoken Pengurus PJJ, sedar ntah lang, kita enggo ikut notoken dahin pembarken Berita Si Meriah, si banci ka pe ikatakan kita enggo muat bagian i bas dahin pembarken Berita Si Meriah arah pertotonta e. Jenari, tentuna dukungenta man pengurus PJJ perlu sicidahkan pe arah tindaken nyata, antara lain arah kehadiren ntah pe ketutusenta muat bagian bas kegiaten-kegiaten persadan (koinonia), pelayanen (diakonia), bagepe kesaksin (marturia). I bas dampar si deban, pengurus PJJ perlu secara berkelanjuten ndatken pembinaan gelah reh tambahna kengasupen lako meteh, ngkuasai, dingen ndalanken tugas, fungsi ras tanggung jabab selaku pengurus PJJ, mbangun komunikasi ras kerja sama si mehuli (runggu/arih-arih) sapih-sapih pengurus bagepe ras Pertua-Diaken si lit i bas sektor-sektor jine. Guna nehi si enda, perlu sidukung dana-dana pembinaan nandangi pengurus PJJ i bas perpulungenta. Alu bage, arah dukungenta subuk bas toto bagepe tindaken nyata, arapenta maka pengurus PJJ pe reh ergiah-giahna ngelai alu bulat ukur (‘tulus’), megegeh ia ngalaken tantangen-tantangen si reh bas geluh ras pelayanenna selaku pengurus, pentar ngaturken waktu, megegeh erdahin ras rukur kerna perpulungan, jabu bagepe pendahinna. Arah dukungan anggota perpulungan, Pertua-Diaken bagepe si tuhu-tuhu penting e me dukungan arah keluarga (ndehara/perbulangen ras anak-anak) pengurus PJJ e, terbangun kegeluhen pertendin (‘spiritualitas’) si mehuli i bas pengurus PJJ e. Reh tergejapna man pengurus PJJ e pendilo Tuhan man bana: teridah kepemimpinenna i bas PJJ, terteki, teruji jiwa pengorbanenna, janah berkontribusi positif

DISKUSI:

1. Kai nge sababna perpulungan Pilipi ergiah-giah nampati Paulus dingen kai ka sidah ulih/dampak penampat perpulungan e subuk man Paulus bagepe man perpulungan Pilipi e jine?

2. Turiken tantangen-tantangen si megati turah i bas perdalinen pelayanen i tengah-tengah PJJ erkawiten ras hubungen/relasi antara Pengurus PJJ ras anggota perpulungan, janah bereken masuken/saran guna mpekenasa!

USULEN ENDE-ENDEN:

1. KEE GBKP No. 348:1, 3

2. KEE GBKP No. 209:1, 4

3. KEE GBKP No. 151:1-

4. KEE GBKP No. 175:1, 2

DAFTAR BACAAN:

1. Alkitab Edisi Studi. LAI, 2012.

2. Armand Barus. Called to be Impactful. Jakarta: Scripture Union Indonesia, 2019.

3. J. L. Ch. Abineno. Tafsiran Alkitab: Surat Filipi. Jakarta: BPK Gunung Mulia, 2001.

4. Moderamen GBKP, Setialah 26: Bahan Pembinaan untuk Semua Pengurus PJJ. Kabanjabe: Percetakan GBKP Abdi Karya, 2020.

5. Moderamen GBKP, Garis Besar Pelayanan (GBP) GBKP Tahun Pelayanan 2021-2025. Kabanjabe: Percetakan GBKP Abdi Karya, 2021.

6. William Barclay. Pemahaman Alkitab Setiap Hari: Surat Filipi, Kolose, 1 dan 2 Tesalonika. Jakarta: BPK Gunung Mulia, 2000.

Pdt. Theodosius Kaliat, M.Th