Tanggal 28 September - 04 Oktober 2025

 MELIAS DINGEN MESAYANG

Epesus 4:31-32

4:31 Tadingken cian ate, perampus ras pernembeh. Ulanai kam si isak-isaken ntah si cekurak-cekuraken. Ulanai sitik pe erelem-elem.

4:32 Tapi melias dingen mesayanglah sapih-sapih kam. Si alem-alemenlah bagi Dibata nggo ngalemi kam i bas Kristus.

Efesus 4:31-32

4:31 Segala kepahitan, kegeraman, kemarahan, pertikaian dan fitnah hendaklah dibuang dari antara kamu, demikian pula segala kejahatan.

4:32 Tetapi hendaklah kamu ramah seorang terhadap yang lain, penuh kasih mesra dan saling mengampuni, sebagaimana Allah di dalam Kristus telah mengampuni kamu.

MODEL PJJ: PARTISIPATIF

KATA PERLEBE

I bas kinatana maka kerinana si nggeluh i bas doni enda lit i bas perubahen guna tetap banci nggeluh. Salah sada contoh si ngenanami perubahen e me metamorphosis katak. Metamorfosis katak ibenaken alu:

Katak Dewasa -> Telur -> Berudu -> Berudu 2 kaki -> Berudu 4 kaki -> Katak muda.

Bageme perumbuben si serta nandangi katak, janah si e kerina arus ibentasina seh maka katak e banci berubah jadi katak dewasa. Jenari i bas paksana ka metamorphosis bagi idatas ndai inanami katak ka mulihi.

Tentuna kita jelma manusia pe lit ka i bas perubahen. E maka rikutken bahan Perpulungen Jabu-jabunta paksa enda marilah siperdiateken segelah kita ngenanami perubahen ku bas kegeluhen si melias dingen mesayang.

 ISI

Surat Rasul Paulus man perpulungen Epesus enda nuriken kerina Kristus maba perdamentu ku kerina kalak Jahudi ras pe si labo Jahudi alu dalen penebusen i bas dosa nari. Perdamen guna kerina kalak, janah Paulus ngajuk kerina si ngoge surat enda gelah banci nggeluh alu dame i bas perasan ras Kristus si teridah arah kegeluhenna ras-ras bagepe kegeluhen si enggo iubahken Jesus. Arah bahan ogenta ijenda Rasul Paulus nuriken man perpulungen Epesus kerna uga carana banci bengket kubas perubahen. Piga-piga dampar si banci naruhken perpulungen Epesus bengket ku bas perubahen kegeluhen rikutken arahen Paulus e me: 

naruhken perpulungen Epesus bengket ku bas perubahen kegeluhen rikutken arahen Paulus e me:

* Ketertapen ukur nggeluh i bas Dibata.

* Megie kerna Kristus. Erkiteken Kristus si mereken pengajaren si mehuli.

* Pakelah manusia si mbaru janah tadingken manusia si male.

* Si jadi bide i bas ndalani perubahen e teridah i bas bahan ogenta i bas PJJ enda (Ayat 31-32).

Epesus 4:31-32, e me bagin kegeluhen si mbaru. Kegeluhen si mbaru e sialoken erkite-kiteken pemere Dibata i bas Kristus Jesus. Kalak si enggo ngaloken pemere Dibata lanai ia nggeluh bagi kalak si la nandai Dibata, si ia erguna perukurenna dingen gelap pengertinna. Kalak si la nandai Dibata mersik ukurna dingen lanai kal lang-lang bodohna, sitik pe lanai ia meteh mela, nggit ia talu i bas sura-sura si jahat janah dalankenna si la mehuli.

E maka kalak si enggo ngaloken pemere Dibata nggit nangtangi manusia si male erkiteken e maba ku kebenen. Pusuh peraten ras perukurenna enggo ipelimbarui. Ipakena kegeluhen manusia si mbaru i tuhu-tuhu adil dingen badia. la lanai nggit erbual, la nggit nimpan rawa, la mere kesempaten man iblis, lanai ia nangko, erdabin ia alu mehuli guna ncukupken bana ras nampati kalak si man sampaten, ia melasken kata-kata si erguna si maba kinijulin man si megisa, janah lanai er bahan ceda ate Kesah Dibata janah itehna maka Kesah e jadi capna kerna ia sikerajangen Dibata. Alu bage kalak si enggo lit capna Kesah Si Badia erdahin bas kegeluhenna tentu melias dingen mesayang sapih-sapih ia. Enggo itadingkenna cian ate, lanai perampus ras lanai pernembah, lanai si isak-isaken ntah si cekurak-cekuriken ija pernahehen si mpeturah perubahen. Lanai erelem-elem tapi enggo banci ia ngalemi kesalahen.

 PENGKENAINA

Tema Perpulungen Jabu-Jabunta wari enda: "Melias Dingen Mesayang" (Ind. ramah dan penuh kasih mesra. Menurut Kamus Besar Bahasa Indonesia (KBBI), ramah adalah kata melias yang baik hati, baik dalam tutur kata maupun sikapnya serta menyenangkan dalam pergaulan. Dengan penjelasan di atas, maka dapat disimpulkan jika ramah adalah baik hati dan menari k budi bahasanya. Kasih mesra: perasaan sangat kasih).

Tema enda mabai kita guna seh ku bas tujun kegeluhen si melias dingen mesayang alu mentasi proses perubahen subuk i bas jabu bagepe i tengah-tengah gerejanta bagepe i bas kerina generasi usia. Generasi Pre-Boomer (perkiraan usiana gundari e me +75 tahun), Baby Boomer (perkiraan usiana gundari e me 56-74 thn), Generasi X (perkiraan usiana gundari e me 40-50 thn), Milenial (perkiraan usiana genduari e me 24-39 thn), Generasi Z (perkiraan usiana genduari e me 8-23 thn), ras generasi Post-Generasi Z (perkiraan usiana genduari e me 7 thn). Kerina generasi arus maka bandi saling mendukung guna seh ku bas tujun perubahen ku melias dingen mesayang. Perubahen e labo banci jadi dikune tetap sipertahanken si enggo lit si la mehuli. Pertumbuben si berubah e mabai kita nggargari diri apai si male gelah sitadingken janah bengketi si mbaru ku lebe wari.

PJJ Intergenerasional e me PJJ si menekanken ku bas prinsip relasi si membangun nandangi kerina kelompok usia, subuk anak-anak bagepe kalak dewasa. Lebih dari itu ibadah intergenerasional mengandung kedalaman nilai-nilai (pemahaman) kristiani. Melalui ibadah intergenerasional, warga gereja dari semua generasi belajar/berproses membangun motivasi yang tepat dalam beribadah yang utama bukan tentang menerima melainkan memberi, bahkan memberi yang terbaik untuk Tuhan. Pemahaman enda mabai kita ku bas pertumbuben si rutang (mere dukungen) nandangi kemajun kerina anggota keluarga secara khusus i bas pertumbuben kiniteken segelahna radu bertumbuh, mereken dukungen ras saling mpegegehi sada ras sidebanna. Rikutken ras Tata Nilai Kristiani kerna Kasih, sinuriken panduan prilaku maba dame, mpeturah keriahen ras jadi pasu-pasu man kalak si deban maka kerina kalak si enggo nggeluh i bas Kesah Dibata (lit capna) tentu ngasup melias dingen mesayang.

Banci siukurken manjar-anjar dikune sekalakal bapa la nggit ngajarken anakna gelah ula nggeluh percien tentu biak percian e me pagin maba anak e ku bas kebenen, la banci berkembang erkiteken la ngasup bersaing sehat. Bage ka pe dikune sekalakal kempu la turah ukurna guna ningetken gelah nini-bulangna ula erelem-elem tentu kendelen ngenda pagin man alankenta. Penting kal arus saling berubah guna bertumbuh. Bage ka pe berubah guna bertumbuh i bas dahin-dahin gerejanta perlu si pebelin sabab adi grafik kemajun salah sada kategorial (umpamana Moria) enda meningka, tapi kategorial sidebanna (umpamanna Mamre) la lit kemajunna, si tuhuna Moria lenga bo berhasil mereken semangat (jadi motivator prilaku er-Dibata) nandangi Mamre, ntah sebalikna. E maka penting kal ntan banta nehken Matius 5:16 "Dage, ersinalsal lah min terangndu i lebe-lebe kalak si nterem gelah adi idahna perbahanennndu si mehuli, ipujina Dibata, Bapandu si i Surga". Melias dingen mesayanglah sapih-sapih kita, sierbahanca talu me kerina sura-sura dagingta. Enggo kap si aloken Kesah Dibata si jadi cap sikerajangenNa, mpeturah semangat man banta kerina. Tading me cian ate, perampus, ras pernembera, bage kin nge adi nuate berubah guna pertumbuben kinitekenta. Selamat menjadi penyemangat.

 DISKUSI

1. Rikutken bahan ogenta enda si man tadingenken adi lit sura-suranta berubah guna bertumbuh?

2. Kundul kita per terpuk merga ntah benari saling mpegegehilah kita alu nuriken kerna perbahnen si mehuli si enggo pernah silakoken ras ulihna. Ibenaken arah umur ise si meganjangna jenari iterusken ku umur simeterukna.

USULEN ENDE-ENDEN

1. "Firman Mu Pelita Bagi Kaki ku"

Firman Mu p'lita bagi kaki ku, terang bagi jalanku. 2x

Diwaktu ku bimbang dan hilang jalan ku, tetaplah Kau disisiku

'tak akan ku takut asal Kau di dekatku, besertaku selamanya.

Firman Mu p'lita bagi kaki ku, terang bagi jalan ku.

2. KEE GBKP No. 296:1-2

3. KEE GBKP No. 381:1-2

4. KEE GBKP No. 191:1-4

Pdt. Oktoria br Surbakti, M.Th.